رواية نار الانتقام الفصل الحادي عشر 11 والاخير بقلم جمال المصري
في مشهد يسوده التوتر يتقدم شخص لينقلب المشهد
اسامه .. السلام عليكم
الجميع .. وعليكم السلام ورحمة الله وبركاته
اسامه .. بيطلع الكارنيه وبيعرف نفسه اسامه المخابرات العسكريه
ضابط المخابرات العامه .. اتشرفت بحضرتك خير
اسامه .. جاسر هيجي معايا واحنا في اخر اجتماع قرارنا اننا المسئولين عن جاسر والكل وافق
الضابط .. صحيح لكن المسئوليه كانت في المغرب لكن هو دلوقت هنا في مصر ومدني مش عسكري
اسامه .. شوف تليفونك يا حضرت الضابط
الضابط .. ماله تليفونى مش بيرن وطلع تليفونه وقبل ما يحطه في جيبه تاني رن ورد بسرعه تمام يا فندم انا في المطار وهقبض علي جاسر سكت شويه تمام يا فندم
اسامه .. في اي مشاكل دلوقت
الضابط .. اكيد لا واحنا في النهايه كيان واحد وهدفنا هو امن وسلامة مصر بعد اذنك يلا يا ملك هنروح الاداره
ملك ممكن بعد اذن حضرتك واذن اسامه بيه افضل مع جاسر لحد ما اطمن عليه
الضابط .. انا ما عنديش مشكله بس لو اسامه بيه وافق
اسامه .. ويا ترى هتحضري بشكل رسمي ولا ودي يا ملازم ملك
جاسر .. اتفاجئ ملازم ملك هي
اسامه .. اه الملازم ملك من المخابرات العامه
ملك .. انا هقولك كل حاجه يا جاسر بس نخلص من المشكله اللي انت فيها تمام
جاسر .. سكت
ملك .. لا يا اسامه بيه انا هحضر بشكل ودي عشان جاسر بيكون خطيبي
اسامه .. اذا كان كده ماشي يلا اتفضلوا معايا وركبوا سياره سوده وطلعوا علي مقر المخابرات العسكريه ودخلوا المبنى لحد ما وصلوا مكتب اسامه وبص علي ملك اتفضلي ارتاحي هنا لحد ما نخلص التحقيق
ملك .. حاضر يا فندم وقربت من جاسر انا هفضل معاك حتي النهايه ما تقلقش من اي حاجه
جاسر .. بصلها وسكت ودخل
اسامه .. قعد علي المكتب حمدلله علي سلامتك اتفضل ارتاح يا جاسر
جاسر .. شكرآ يا اسامه بس انا عايز اعرف ازي ما تقوليش اني ملك من المخابرات
اسامه .. اولا عشان هدف ملك هو نفس هدفك وهو تدمير المنظمه وثانيا عشان امنك وامنها وعشان هي متحسش للحظه انك انت كمان من المخابرات
جاسر .. ده مش منطق يا اسامه البنت كانت هتموت
اسامه .. ده شغلها زي ما انت اقسمت انك تضحي بحياتك عشان البلد دي هي كمان اقسمت وكمان كملت مهمتها علي اكمل وجه
جاسر .. بس دلوقت هي هتتاذي بسببي
اسامه .. مش بسببك يا جاسر لا بسبب انها حبتك ودي اكبر غلطه في شغلنا وانت كمان وقعت في حبها لكن الحمد لله اني حبكم موقعكمش في مشاكل
جاسر .. وحكاية خطيبها والانتقام
اسامه .. ملك مكنتش مخطوبه اصلا كل ده فيلم مالوش اساس المهم يا بطل مبروك النصر و القياده سعيده جدا بالعمل العظيم اللي انت وملك و رجالتنا عملتوه
جاسر .. احنا ما عملناش غير الواجب
اسامه .. هتقوم وتطلع من الباب ده هتلاقي سيادة اللواء في انتظارك في المكتب التاني وانا هدخل ملك ادردش معاها شويه لحد ما تخلص مع معاليه
جاسر .. فتح الباب الي موجود في المكتب الي دخلوا علي مكتب تاني كان سيادة اللواء مستنيه
اسامه .. داس علي الجرس
العسكري .. فتح الباب
اسامه .. دخل الانسه الي بره
العسكري .. اتفضلي يا انسه
ملك .. شكرا بتدخل وبتتفاجئ لما بتدخل ومش بتلاقي جاسر
اسامه .. اتفضلي ارتاحي
ملك .. شكرا بس جاسر فين
اسامه .. في السجن
ملك .. ازي حضرتك علي فكره انا الي دخلته في المهمه عشان كنت محتاجه جاسر ما عملش اي حاجه غلط
اسامه .. هتقدري تقولي الكلام ده في النيابه العسكريه
ملك .. وقوله لكل الدنيا
اسامه .. انتي بتحبيه اوي كده
ملك .. لو سمحت ما دخلش الامور الشخصيه في الشغل ازي واحد يضحي بنفسه عشان البلد وفي الاخر يتحبس
اسامه .. اهدي شويه يا انسه ملك
اللواء .. نورت البلد يا بطل
جاسر .. شكرا يا فندم
اللواء .. يقرب منه و بياخده بالحضن انا فخور بيك يا ابني الي انت عملتوا دول كتير مقدرتش تعملوا والورق الي بعتوا وصل و بنقبض علي كل اللي تورطوا مع التنظيم عشان البلد تنظف
جاسر .. كله بفضل ربنا عز وجل ثم تعليماتكم ودعمكم ليا
اللواء .. اتفضل ارتاح دلوقت عشان لسا شغلك هيبتدي
جاسر .. شكرا معاليك وانا تحت امركم في اي وقت بعد اذنك
اللواء .. اتفضل
جاسر .. بيفتح الباب
ملك .. بتتفاجئ لما بيدخل عليها جاسر انت ما تحبستش
جاسر .. هو اسامه اشتغلك ماشي يا اسامه حسابنا بعدين يلا يا ملك
ملك .. واقفت ومش فاهمه حاجه هو ايه الي بيحصل
اسامه .. ولا حاجه الحكايه ببساطه اني جاسر في مهمه زيك وهو بيشتغل معانا في المخابرات العسكريه فهمتي
ملك .. سكتت
جاسر .. يلا بينا وبيطلعو
ملك .. يعني كل ده بتضحك عليا
جاسر .. ما انتي كمان بتضحكي عليا
ملك .. لا بس ده شغل
جاسر .. وده كمان شغل
ملك .. يعني ما حبتنيش
جاسر .. للاسف بعشقك وانتي
ملك .. بموت فيك
جاسر ..حضنها انا اسعد انسان في الدنيا
ملك .. وانا كمان يا حبيبي
جاسر .. بيبص لقي نفسه في الشارع والناس بتبص عليه نزل ملك وهو مكسوف
..الناس بيبصلهم باستغراب ومره وحده الكل بيسقف ..
جاسر .. انا هاجي النهارده اخطبك
ملك .. بجد انا اسعد انسانه في الدنيا
جاسر .. يلا هوصلك البيت ترتاحي وانا هخلص كام مشوار واجي عشان اقابل حمايا
ملك .. اوكيه
جاسر .. بيوصلها وبعد كده بيطلع علي المقابرعشان يزور ليلي وبيقرب من قبرها وبيجيب مياه وبيروي الزرع وبيقرب من القبر خلاص يا ليلي انا قدرة ادمر المنظمه عشان ما يكونش في قتلى تاني وكمان عايز اقولك اني لقيت بنت زي الملايكه حبيتها مش عارف ده يفرحك ولا لا بس انا حبيتها وهي بنت حلال وانا جاي اقولك وعلي فكره انتي وحشاني اووي يا ليلي انا تعذبت فى بعدك ويفضل كده لحد ما بينام و يشوف في المنام ليلي جايه و لابسه ابيض في ابيض و وشها صافي ومنور وتقرب منه و تحضنه مبروك يا جاسر وخالي بالك من ملك وانا دائما هكون معاك وحوليك يا جوزي وصديقي وحبيبي ويسمع صوت غريب بيقول جاسر بيه يا جاسر بيه و بيفتح عينة بيلاقي حارس المقبره
حاتم .. في حاجه يا جاسر بيه حضرتك تعبان اطلب لك الاسعاف
جاسر .. لا يا عم حاتم بالعكس انا بخير جدآ وقف وطلع فلوس من جيبه خد يا عم حاتم وخالي بالك من الزرع
حاتم .. شكرا يا جاسر بيه من عينيه هخلي بالي
جاسر .. بيبص للقبر شكرا يا ليلي ويمشي و بيروح يطلب ايد ملك وهي بتكون قايله لي اهلها و بيوافقوا
..ويحددو ميعاد الفرح وتبدأ ملك تستعد للفرح و جاسر وهما في قمة السعادة ويروح معاها يختاروا الفستان والبدله وبيكون فرح كبيره والكل سعيد ومبسوط ويخلص الفرح و جاسر يدخل الشقه بتاعته وبيشيل ملك الي بتحضنه بحب وحنان وطبعآ بيصلو ركعتين شكر لله وبعد كده جاسر بيقرب منها مبرك
ملك .. الله يبارك فيك
جاسر .. مش تعرفي علي ايه
ملك .. علي الفرح
جاسر .. لا مبروك الترقيه يا سيادة الملازم اول
ملك .. مش معقول انت بتتكلم بجد
جاسر .. ايوه الضابط المسئول عندكم كلمني في الفرح وطلب اني انا الي ابلغك بالخبر ده
ملك ..تسلم يا حبيبي وانت كمان مبروك يا سيادة الرائد
جاسر .. بتهزري
ملك..اسامه صاحبك هو الي بلغني عشان يكون اول خبر اقولهولك بعد جوازنا
جاسر .. بحبك و يحضنها وهو بيحط ايده علي شعرها و بيقعدها بالراحه علي السرير وبيعيشو حياه سعيده كلها حب وربنا يرزقهم بي الاولاد والبنات و يربو اولادهم وبناتهم علي حب مصر وعلي الاخلاق و الإثار ٠
تمت بحمد الله