رواية من نظرة عين الفصل الخامس عشر 15 بقلم جمال المصري
بسم الله ولا حول ولا قوه إلا بالله العلي العظيم
سامر .. انسه ياسمين
ياسمين .. ايوه يا استاذ سامر طب كريم عمل الي عمله عشان حاسس انه كده يبعدني طب وانت ازاي توافقه علي كده
سامر .. والله انا اتكلمت معاه بس حالته النفسيه زفت عشان كده مارضتش اضغط عليه
ياسمين .. تمام ممكن اطلب منك خدمه
سامر .. اتفضلي
ياسمين .. انا اللي هروح مع كريم
سامر .. بس ده هيكون تعب عليكي
ياسمين .. انا راحتي في المكان الي جوزي هيكون فيه
سامر .. ماشي جهزي نفسك و هستناكي هنا العصر الطياره هتطلع من فوق المستشفي
ياسمين .. خلاص ماشي هروح اجهز نفسي بس ما تقولش حاجه لكريم
سامر .. حاضر وربنا يستر
ياسمين .. بعد اذنك
سامر .. اتفضلي وبيدخل لكريم
كريم .. جهزت كل حاجه
سامر .. تمام يا صاحبي كل حاجه تمام
سميحه .. فيه ايه يا كريم
كريم .. هروح مستشفي في القاهره عشان في اشعه مطلوبه مني مش موجوده هنا
سميحه .. وانا اخر من يعلم هتروح امتي
كريم .. علي العصر
سميحه .. خلاص هروح معاك
كريم .. لا يا ست الكل سامر هيروح معايا وكلها يومين او تلاته وهنيجي
سميحه .. انا مش هطمن غير وانت قدام عنيه
كريم .. ابتسم خلاص هكلمك فيديو
سميحه .. انت بتتريق
كريم .. با ماما هو انا هعمل عمليه دي اشعه وهاجي عشان خاطري خليكي هنا وانا هطمنك اول باول
سميحه .. ماشي لما اشوف اخرك
كريم .. مسك ايدها وباسها
صبحي .. بيرن علي سعديه
سعديه .. الو
صبحي .. انا هنا في العنوان اللي قولتي عليه انهي بيت
سعديه .. دقيقه وفتحت الباب انت فين مش شايفاك
صبحي .. انتي الي فتحتي الباب
سعديه .. ايوه
صبحي .. اهو جاي وبيوصل وبيدخل علي طول
سعديه .. مش كنت جيت بالليل احسن
صبحي .. الشوق مولعني ما قدرتش اصبر
سعديه .. اتلم يا راجل احنا كبرنا
صبحي .. كبرنا ايه ده انتي كل ما بتكبري بتحلوي
سعديه .. لسا زي ما انت ما تغيرتش
صبحي .. ولسا حبك في قلبي يا سوسو
سعديه .. ياااا ليا سنين ما سمعتش الكلمه دي
صبحي .. بيقرب منها وبيحضنها
سعديه .. ببتجري منه اصبر انت علي طول مستعجل استنا هجهزلك الاكل اكيد جعت
صبحي .. اكل ايه دلوقت تعالي وبيمسكها و بيحضنها
ياسمين .. السلام عليكم
عماد .. وعليكم السلام ورحمة الله وبركاته جيتي بسرعه انا قولت هتقعدي مع كريم طول النهار
ياسمين .. انا جايه استاذن حضرتك يا بابا
عماد .. خير
ياسمين .. كريم هيعمل عمليه في القاهره ولازم اكون معاه
عماد .. عملية ايه دي وزاي ما نعرفش
ياسمين .. كريم مخبي عن الكل وانا عرفت بالصدفه ومش هينفع اسيبه
عماد .. خلاص هروح معاكم
ياسمين .. انا وهو بس يا بابا حتى طنط سميحه ما تعرفش
عماد .. خلاص يا حبيبتي ما فيش مشكله انا هسافر دلوقتى على طول على القاهره و نتقابل فى المستشفى أن شاء الله
ياسمين .. ماشي يا بابا
ياسمين .. وانا هجهز وهطلع علي طول هي ماما فين
عماد .. في المطبخ
ياسمين .. بتدخلها عامله ايه يا ست الكل
عزه .. سبحان مغير الاول كنتي ضاربه بوز الصبح ايه الي حصل
ياسمين .. كنت فاكره كريم مش بيحبني لكن دلوقت عرفت هو عمل كده ليه
عزه .. ليه يا هانم
ياسمين .. حكت لامها كل حاجه
سعديه .. يخرب بيتك يا صبحي رجعتني لايام المراهقه
صبحي .. انتي لسا جامده زي زمان انتي كنتي وحشاني اوي
سعديه .. وانت كمان كنت وحشني من اول ما كلمتك و صحيت فيا حاجات ماتت من زمان المهم هتهرب الواد امتي
صبحي .. ولد مين
سعديه .. يخرب بيتك يا راجل انت نسيت نظير ابني
صبحي .. انتي نستيني اسمي
سعديه .. طب عايزه اخلص من الحكايه دي
صبحي .. يومين كده اكون شبعت منك عشان بعد ما ههربه مش هينفع افضل هنا
سعديه .. ما تقلقش هنلاقي مليون طريقه
صبحي .. يعني انتي
سعديه .. ايوه انا الي بتفكر فيه
كريم .. ربيع مين بره
ربيع .. العمده وطنط سميحه والضابط احمد وعمامك وولاد عمك كلهم بره
كريم .. هم لسا ما مشيوش
ربيع .. لا بعد ما طلعوا من عندك قعده بره
كريم .. وبعدين معاد الطياره خلاص ابعتلي عمي علوان
ربيع .. حاضر وطلع بره يا عمده كلم كريم
علوان .. بيدخل خير يا ولد اخوي
كريم .. معلش يا عمي انا مش عايز اتعب حد ياريت توصل امي البيت والجماعه يمشو ما فيش داعي للزحمه في المستشفي
علوان .. انا حاسس انك مخبي عليا حاجه يا كريم انت متغير
كريم .. ولا متغير ولا حاجه بس مش عايز اتعب حد معايا
علوان .. ماشي يا ولد اخويا هوصل الحجه و رجعلك
كريم .. لا يا عمي انا هروح انا وسامر نعمل شوية تحاليل واشعه
علوان .. خلاص هروح معاكم
كريم .. بالله عليك يا عمي انا مش عايز اتعبك
علوان .. تعب ايه يا كريم ده انت ابني
كريم .. عارف يا عمي بس خليني علي راحتي
علوان .. ماشي يا ابني ويطلع والكل بيمشي
الدكتور .. جاهز يا كريم
سامر .. يلا الطياره جاهزه
بيطلعوا كريم وبيركبوه الطياره
سامر .. لحظه وراجع
كريم .. ماشي بس بسرعه
سامر .. حاضر وبينزل من الطياره وبيقفل الباب
علوان .. استنيني في العربيه يا ام كريم نسيت العصايه فوق هروح اجيبها واجي
سميحه .. ماشي يا عمده
علوان .. بيدخل الاوضه مش بيلاقي كريم وبيطلع بيلاقي الدكتور هو كريم فين يا دكتور
الدكتور .. كريم هيروح القاهره
علوان .. قاهرة ايه ده بيقولي هيعمل اشعه وتحاليل
الدكتور .. ما اكيد هيعملها هناك
علوان .. يا دكتور قولي الحقيقه ايه حالة كريم بالظبط
الدكتور .. والله ما اعرف اقولك ايه كريم قالي ما قولش لحد
علوان .. كريم ده ابني يا دكتور بالله عليك قولي
الدكتور .. الطلقه جت في العمود الفقري وده سبب شلل في الرجل اليمين والايد اليمين
علوان .. وقع علي الكرسي كنت حاسس ان كريم مخبي عني حاجه
الدكتور .. ما تقلقش هو دلوقت رايح يعمل عمليه والدكتور الي هيعملها له دكتور كبير وان شاء الله هيرجع احسن من الاول
علوان .. هو فين دلوقت
الدكتور .. علي سطح المستشفي الطياره هتتحرك بيه من هناك
علوان .. ماشي يا دكتور وبيطلع جري لفوق
سامر .. انا عملت الي عليا
ياسمين .. شكرا وبتجري ناحيت الطياره وبتفتح الباب
كريم .. اخيرآ جيت يا سامر
ياسمين .. ايوه جيت يلا يا كابتن هنتحرك
الكابتن .. حاضر وبيتحرك
كريم .. انتي بتعملي ايه هنا
ياسمين .. علي قلبك ومش هسيبك وعلي الحلوه والمره مع بعض
كريم .. عرفتي ازي
ياسمين .. مش مهم المهم اننا سوا وبتحضنه
كريم .. اسف يا حبيبتي
ياسمين .. حسابنا بعدين مش دلوقت وانا هعرف اخد حقي منك
علوان .. طلع علي السطح وما لحقش الطياره
سامر .. خير يا عمده
علوان .. حسابنا بعدين يا سامر مين مع كريم
سامر .. ياسمين
كريم .. بحبك
ياسمين .. وانا بعشقك يا روحي