رواية الحارس الفصل الثامن عشر 18 بقلم رشا منصور
معرفشي كلهم اختفوا ليه… وقعدت اتسلي واتفرج ع الأفلام والمسلسلات ونمت وتاني يوم جهزت وقولت ل ماما هقابل واحدة صاحبتي وبعدها هروح عند عمو عبدالرحيم واتصلت ع سوزان وعرفتها إني منتظرة في كافيه قريب من منطقتي..
وأول ما وصلت سوزان لقيت الروح الحارسة وقف بجواري وسوزان فضلت تبص له ومرة واحدة لقيت….
الدكتوره سوزان….
جهزت وكنت منتظرة إتصال من رشا أعرف منها المكان اللي هقابلها فيه وأول ما شوفتها ولقيت معاها روح حارسه واقف بجانبها. . حاولت أتواصل معاه لكنه رفض..
والغريب أن رشا جايه من غير قرينتها،. وتواصلت مع الجنn اللي معايا وطلبت منهم يبحثوا عن قرينتها. ويسيطروا عليها ويحاولوا يجبروا الروح الحارسة ع طاعتي…
ومرة واحدة لقيت هواء يشبه العاصفة. وضوء شديد، وظهر قدامي جنn قوي، جدا لدرجة أن الجن، اللي معايا اختفوا..
وشهرr سيفه🗡️ بوجهي. وبص ل رشا وأشار بالس🗡️يف. ب لأ
وقال بصوت يكاد يخترق.، أذني.. إذا فكرتي في اذاها، هيكون مصيرك. ده ورفع السيف،🗡️ عند رقبتي،…
وبعدها اختفي… وحسيت اني مش قادره أخد نفسي وضربات قلبي. كانت سريعه جدااا
رشامنصور….
أول ما ظهر ساجد الجنnالمسلم. حسيت برعشه. وفضلت مركزة في المنيو وابص ع سوزان من تحت لتحت وشوفتها مبرقه. عينها ومركزة ع ساجد. وأول ما بصت عليا عملت نفسي بشوف الويتر يجيب ليا الشاي..
وشوفت ساجد بيشاور عليا وبعدها وضع السيف🗡️ عند رقبتها.
حسيت فجأة إني اقوي، من سوزان وعفا'ريتها..
وقعدت مطمنه وهاديه جدااا وأول ما اختفي، ساجد شوفت سوزان بتنهج. وعرقانه، وكأنها كانت بتجري بأقصى سرعة..
قولت لها مالك فيكي ايه!! أوعي يكون السكر. في صيدليه هنا لو عاوزة تاخدي أى علاج… أروح اجيبلك الدكتور لو مش قادره تتحركي..
الدكتوره سوزان…
أخدت نفسي وبصيت ع الروح الحارسة اللي فضل واقف وقولت ل رشا لأ لأ أنا بس علشان لسه مفطرتش….
يلا نأكل الأول وبعدين نشرب أى حاجة وبالمرة تحكي ليا الحيرة اللي أنتي فيها واطمني أنتي في أمان. معايا…
وطول كلامي منزلتش عيني من ع الروح الحارسة علشان يطمن ليا وبالذات بعد ما الجنn اللي معايا اختفوا، وبقيت لوحدى.
رشامنصور…
بصراحه برك مستعجل أوى ع الخطوبه والزواج وأنا أولا معرفوش ومش قادرة افهمه ساعات بحس انه طيب وفي لحظه الاقيه بيزعق. فيا.. وحاسة طول الوقت أنه بيشك في كل اللي حواليه حتى أنا..
تخيلي امبارح بعد ما كلمتك. اتصلت عليه لأن جاتلي رساله أنه أتصل بيا وأول ما اتكلم قالي أنتي كلمتي الدكتوره سوزان بس ولا الدكتور سلامه…
تخيلي ده اسلوبه وأحنا لسه مافيش أى حاجة رسمي ما بينا.. اومال هيكون إزاي لو اتجوزنا 😔
وأنا يتيمه وماليش أخوات ونفسي اتجوز راجل يكون حنين عليا ومش بتاع مشاكل ومركزه كويس.. أنا واحدة هكون دكتورة في الجامعه… يعني لازم جوزى يكون مستواه الاجتماعي مناسب.
وكمان كان في واحد أول مرة شوفته فيها حسيت بأهتمامه بيا وكنت مبسوطه أوي لما طلب رقم موبايلي.. وغصب، عني لقيت نفسي بفكر فيه وفي وسط تفكيري لقيت برك بيقولي أنه عاوز يجي البيت ويتجوزني..
وأنا كنت منتظرة التاني هو اللي يطلب مني. والمصيبة، أن برك قال له إني خطيبته🙃 يعني استحالة يفكر فيا تاني.. أكيد يعني مش هيخسر واحد شغال معاه من سنين علشان خاطري..
ودلوقتي أنا مش عارفه اعمل ايه اوافق على برك واستحمل غيرته الزيادة عن اللزوم ولا في أمل أن التاني يكلمني..
لو أنتي مكاني تعملي ايه.. تفتكري سلا!!! قصدى الراجل التاني يكون بيفكر فيا زى ما أنا بفكر فيه…
الدكتوره سوزان…
قدرت أفهم من كلام رشا أنها معجبة ب سلامة أخويا… ودى الحيرة اللي واقعه. فيها. لأن استحالة سلامة يطلب أيد رشا طول ما برك قال إنه خطبها…
قولت لها لو أنا مكانك يا رشا اطلب من برك مهله للتفكير واوعي تدي له كلمه وانتظري أنا عن نفسي واثقه أن الراجل التاني معجب بكي بس بصراحه لما برك اتكلم افتكر أنك بتحبي برك..
وبعد ما خلصنا كلام روحت المستشفى وقعدت مع سلامة اقول له اللي حصل واعرفه أن رشا معاها جنnمسلم. وواضح أنها زوهريه نورانيه وهى هتنفعنا في حاجات كتير بعد كدا..
والمفروض دلوقتي نفكر في طريقه نبعد برك عن رشا حتى لو تتطلب الأمر. أننا نقtتله…
برك…
من أول اليوم وأنا مع العمال يعتبر خلصوا. البناء لكني طلبت من المقاول أننا محتاجين نوصل المياه والكهرباء ولو بشكل مؤقت لحد ما المبني الاساسي ما يجهز..
وفي وسط انشغالي جالي اتصال من رشا وفرحت أوى ووقفت بعيد عن العمال وعرفت منها أنها خلصت مراجعه في المكتبة وهتروح البيت.. قولت لها أنا فضلي ساعه وهكون في المستشفى وأول ما أوصل هكلمها ع طول…
الدكتور شريف….
كنت خا'يف. افكر في رشا أحسن سوزان تعرف علشان كدا فكرت في حيلة وانتظرت أول ما سوزان وصلت المستشفى وقولت لها إني هروح أودى السيارة تتغسل وبالمرة أعمل لها صيانه ووقفت في نص الطريق ودخلت المسجد وكان فاضل ع الصلاة ربع ساعة واتصلت ب رشا وكلمتها بصوت هادئ علشان محدش يسمعني
وفرحت أول ما عرفت إني في المسجد افتكرتني بصلي..
وقولت لها أنا بتصل علشان اقولك نصيحة بلاش برك.. ده إنسان بتاع مصلحته وبس وأنتي مش أول بنت يلعب ب مشاعرها وهو مش بتاع جواز هو. نيته وحشه،،
ولقيتها بتقولي!!!
رشامنصور…
مين قال اني موافقه ع برك.. بصراحه هو اللي قالكم كدا لأنه بيغيير منك وزعقلي. أول ما عرف إني قابلتك وقعدت معاك في كافيه وبعدها أتصل عليا وقالي أنه بلغكم أنه خطبني.. لكن مافيش أى حاجة من دى حصلت..
ولولا أنه لمح ليا أنه هيبلغ الدكتوره سوزان وهيعملك مشكلة. أنا مكنتش سكت ع افعاله دى ابدا.. لكن بصراحه أنا خو'فت. عليك. ومحبش أنك تخسرr شغلك في المستشفى بسببي.. ده غير أنه قالي أن سوزان تقدر تحبسك، وتدخلك، السجنe لو عرفت إنك بتفكر في واحدة غيرها 😔
الدكتور شريف…
معنى كلامك أن برك غصب. عليكي أنك توافقي وأنتي استحملتي علشاني… رشا أنا أنا مش عارف اقولك ايه
أنا اعجبت بكي من أول نظرة وفعلاً ممكن اخسرr شغلي وحياتي لو فكرت اسيب سوزان علشان كدا أنا فكرت أننا نتجوز ونسافر بعيد ونفضل هناك ع طول وأنا عندي فلوس كتير تكفينا..
رشامنصور…
مينفعش يا شريف أنا ماليش غير امي صعب أبعد عنها.. فكر في طريقه نتجوز ونعيش هنا وكمان أنت عارف إني بجهز للماچستير ولا عاوزني اسيب أمي واصحابي وحلمي بالدكتوراه وكل ده علشان أنت خا'يف. من مراتك..
أنا آسفه… واضح أن برك جرئ عنك وقف قدام الدكتور سلامه وقدامك وقال إنه عاوز يتجوزني… ع أذنك…..
الدكتور شريف…
رشا قفلت السكة وخرجت من المسجد أفكر في كلامها… أنا لازم أخلص من سوزان وسلامة وبرك أولهم….
الروح الحارسة محمد…
كنت مبهور من اسلوب رشا وطريقتها البسيطة في الكلام.. قدرت توقع سلامة مع برك وتوقع شريف مع سوزان وبرك وسلامة …
عيشوش التنين الأبيض….
فضلت محتفظه ب قرينه رشا لحد ما عرفت أن سوزان وصلت المستشفى وروحت ل رشا وفضلت متابعه كلامها وبعد ما وصلت البيت لقيتها بتقولي….
أنتي تعرفي تخلي حد يشوف حلم معين.بس وهو صاحي..
قولتلها مش فاهمه لقيتها قالتلي
أنا عاوزة برك كأنه اخد غفوة ربع ساعة ويشوف شريف وهو بيحاول أنه……🫣😲
ويصحي من الغفوة يشوف شريف وهو داخل المستشفى قدامه..
قولتلها سبيني ارتبها مع قرينه.. هشوف حد من الأرواح يتفق معاه أنا مينفعش ادخل المستشفى وسوزان والجنn بتاعها هناك. ساعتها الشك،. هيكون فيكي أنتي وهيتفهم أنك عارفه بوجودنا وبتساعدينا.. ومهما كانت قو'تنا مينفعش نستهين ب مكر، وذكاء سوزان…
رشامنصور…
حاولي بأي طريقة أنا عاوزة برك يقtل. شريف..