مين دول اللي اتخط*فوا
عمرو بغض*ب: فارس ورقية اتخط*فوا ياسمية
سمية بقلق شديد: يعنى ايه ومين عمل كدا
عمرو بقلق وتوتر: مش عارف ياسمية محمد ودعاء كانوا جايبين العيال بس فجأة طلع عليهم اتنين مسلحي*ن وقدروا ياخدوا منهم الاولاد
سمية ودموعها نازلة
عمرو رجع العيال انت لازم تعمل حاجة
حاضر... حاضر ياحبيبتي اوعدك انهم هيرجعوا
بعدها خرج عمرو واجرى بعض الاتصالات
اجلال بصدمه: انتى!
قعدت كارمن وحطت رجل على رجل وقالت بغرور
= ايه يااجلال مش هتسلمى عليا
بصت اجلال لتيم وبعدها قالت
= يااهلا بيكى ياحبيبتي نورتى مصر ونورتينا بس ليه مقولتيش انك جاية كنت جيت استقبلتك بنفسى
كارمن: مكنش فيه داعى.. عامل ايه ياتيم فاكرنى ياحبيبي
تيم بابتسامه صغيرة: اكيد ياطنط وانا اقدر انساكى بس دخلتلك دى وترتنا شوية
ضحكت اكرام وقالت: انا بحب اهزر مع اجلال صديقة العمر.. صحيح يااجلال مين الشيطا*نة ال كنتى بتتكلمى عنها
بصت اجلال لتيم ال تعابير وشه اتغيرت وقالت
= واحدة مش من مستوانا بتحاول تتقرب من تيم ابنى تخيلى!
تيم بضيق: طب عن اذنكم ياجماعه أسيبكم تتكلموا مع بعض
بعد مرور يوم
تيم بضيق: مش فاهم عمرو ليه مجمعنا كلنا بالشكل ده
زياد وهو بيبص على ساعته باستعجال: اكيد عايز يقول حاجة تافهه زيه وانا بصراحه مش فاضيله
إجلال بغرور: انا بقول نمشى احسن اصلا انا غلطانة انى فضلت مستنية البيه
فى اللحظة دى دخلت ليلى استغرب الكل وجودها
زياد باستغراب: هو عمرو قالك تيجى انتى كمان؟
ليلى: ايوا كلمنى وكان باين انه متعص*ب بس معرفش فى ايه
زياد وهو على وشك انه يغادر: انا مش عندى وقت أضيعه فى الكلام الفاضى ده
استنى عندك يازياد مستعجل على ايه؟
قالها عمرو ودخل وكان معاه سمية وال كان باين على ملامحها الارهاق
زياد بهدوء: نقدر نعرف البيه عاملنا اجتماع ليه
رد عمرو بنبرة مميته: بس ده مش اجتماع
اومال!
قالها تيم فبصلهم عمرو بنظرات مبهمه وقال
= تحقيق
إجلال بسخرية: تحقيق! ليه انت سبت شغل المحاماه وبقيت تشتغل ظابط ولا ايه؟
علق زياد ساخرا: ماهو سايب المحاماه من زمن وبيتشغل نصا*ب وحرا*مى
ليلى بخبث: تؤ تؤ عيب ياجماعه تهز*قوا فيه فى الرايحه والجاية خلينا طيب نشوف عايز ايه
رد عمرو بنبرة باردة: خلصتوا طولة لسان ولا لسة
إجلال بحدة: طولة لسان! طب احترم نفسك وجيب من الاخر عايز ايه
عمرو بصوت هادئ يحمل الكثير
=انا جامعتكم النهاردة بربطة المعلم عشان ال عملها فيكم يعترف
تيم بغض*ب: عمل ايه ويعترف بايه انت هتكلمنا بالالغاز ماتقول فى ايه؟
عمرو بعصبي*ية شديدة: مين فيكم ال اتجرأ وخطف عيالى
بص الكل بصدمه لبعض
سمية وهيا بتمسح دموعها: ال عمل كدا فيكم يعترف العيال ملهومش ذنب فى اى حاجة بتحصل
ليلى بحزن مصطنع: ياحبيبتي ياسمية هما عيالك انخطف*وا مين المجر*م ال عمل كدا فيكم
سمية وهيا بتزيح دموعها قالت بشك: هنعرفه ياليلى قريب
اجلال وهيا بتحضن سمية: ياحبيبتي يابنتى ربنا يرجعلك عيالك بالسلامه
وقف عمرو قدام اجلال وقال بشك: ليه ميكونش انتى ال عملتيها يااجلال
تيم بنرفزة: وانت بأى حق بتتهم ماما
عمرو ببرود: انت دورك لسة مجاش... ها يااجلال
اجلال بحدة: هعمل كدا فى عيال بنتى ليه!
عمرو وهو بيتصنع التفكير
= يمكن مثلا لانك مكنتيش موافقه على جوازى من سمية وبكل بساطه انتى مش بتحبينى يبقى هتحبى عيالى ازاى!
تيم بنرفزة: بقولك ايه بدل مانت عامل فيها محقق روح بلغ البوليس يدور على عيالك احسن
عمرو بصوت عالى محذر: قولتلك دورك لسة مجاش
تيم وهو على وشك انه يغادر: ومش هستنى دورى انت مفكر نفسك مين عشان تتهم*نا..
عمرو بحدة: استنى عندك انا مسمحتش انك تخرج من هنا ومفيش اى حد هيقدر يخرج غير بااذنى
اجلال بسخرية: ليه هتحبسنا! وهتعملها ازاى بقى
عمرو بتحدى: هعملها عادى يااجلال انا الحرس بتاعى محاوطين القصر وممنوع اى حد يدخل او يخرج من غير اذنى
بصوا كلهم لبعض بتوتر
تيم بعصب*ية: طب انا هخرج ياعمرو ورينى هتمنعنى ازاى
عمرو بنبرة غامضة: متعصب اوى كدا ليه ياتيم وبعدين مستعجل اوى وعايز تخرج ليه هو فى حاجة ضرورية للدرجادى مخلياك تفقد اعصابك
اتوتر تيم خصوصا اما شاف الكل بيبصله ومنتظرين اجابته ببساطه لان شخصية تيم هادية وباردة فكون انه متعص*ب ومش على طبيعته لفت انتباه الجميع
تيم وهو بيحاول يرجع لطبيعته: هكون متعص*ب ليه يعنى ماهو من كلامك.. وبعدين كفاية تلميحاتك التافه دى انا مستحيل اخط*ف عيال اختى.
بس تحاول تقتل*ها عادى
بص الكل لمصدر الصوت بصدمه