بسم الله ولا حول ولا قوه إلا بالله العلي العظيم
عادل .. بيدخل الجناح وهو شايل اسماء وبينزلها براحه علي السرير نورتي القصر يا عروسه وبيقرب منها وبيبوسها بخدها
اسماء .. الكسوف ظاهر علي وشها القصر منور بيك يا حبيبي
عادل .. انا مش مصدق اننا اتجوزنا كل حاجه خلصت بسرعه انا اسعد انسان في الدنيا عشان انتي زوجتي وحبيبتي وبيمسك ايدها وبيبوسها
اسماء .. انا اللي حاسه الدنيا كلها ملكي عشان انت جوزي وحبيبي يا اجمل انسان شوفته بحياتي
عادل .. انا حاسس اني بحلم مش مصدق اننا خلاص بقينا سوا
اسماء .. بتحط ايدها علي خده لا صدق يا حبيبي خلاص بقينا لبعض و مفيش اي قوه تقدر تبعدنا عن بعض
عادل .. من اول ما قابلتك في المحطه وقلبي دق بحبك انا عمري ما كنت بصدق ان فيه حاجه اسمها حب لحد لحظة ما شوفتك وحياتي وتفكيرى كله اتغير وعرفت ان الحب الطاهر النظيف هو اجمل شئ في الوجود
اسماء .. وانا عمري ما كنت افتكر اني ممكن احب بس جيت انت وسرقت قلبي وروحي مني وبقيت مش شايفه ولا عايزه غيرك كأنك انت الهواء الي بتنفسه فعلآ انا قبلك ما كنتش عايشه
عادل .. انتي حبيبتي وروحي وعمري وكل حاجه ليه اوعدك اني مستحيل ازعلك
اسماء .. بتمسك ايده وبتبوسها انت جوزي وصديقي وحبيبي واخويا وبويا وكل حاجه ليا انت الدم اللي بيمشي في عروقي
عادل .. بيبوس ايدها وبيحضنها جامد
اسماء .. هي كمان بتحضنه وبيفضلوا كده دقايق
عادل .. يلا يا حبيبتي قومي غيري عشان نصلي ركعتين شكر لله عز وجل انه جمعنا وتكون دي بداية حياتنا
اسماء .. بتقوم توقف قدام المرايه عشان تقلع الطرحه
عادل .. بيساعدها وبعد كده بيصلو سوا ركعتين وبيشكره ربنا
اسماء .. احطلك الاكل
عادل .. انتي جعانه
اسماء .. لا
عادل .. وانا كمان مش جعان وبيقرب منها وبيقلعها الحجاب وبيحضنها وهو بيبوسها وبيرجعو لوره لحد ما بيوصلوا السرير وبيوقعوا هما الاتنين علي السرير وعادل بيبص في عيون اسماء مبسوطه
اسماء .. طول ما انت معايا انا اسعد وحده في الدنيا
عادل .. بحبك وبيبوسها من دماغها بحبك وبيبوسها من خدها بحبك وبيبوسها من .............................
شريف .. واقف في جنينة القصر زي المجنون وبيطلع المسدس وبيفضي الخزنه في الهواء وهو بيصرخ
نسرين .. انا هروح اشوفه يا حماتي
شيرين .. سبيه هو هيهدا لوحده اللي حصل مش قليل انا حاسه بيه بس مفيش حاجه نقدر نعملها
نسرين .. كل الرجاله اللي عندنا دي ومش هنقدر علي العمده وعادل
شيرين .. العمده مش مشكله المشكله في عادل قوته كبيره ومحبوب وكل رجالته من العيله يعني يموتوا عشانه لكن رجالتنا احنا بفلوس لو لقيو فلوس اكتر يبعونا
نسرين .. طب ايه الحل لازم نلاقي حل عشان عيالنا يعيشو فوق الناس وجود الهلاليه معناه اني عيالنا هيفضلوا تحت العمر كله
شيرين .. الحل في الحيله ازاي نضرب الهلاليه وبيت العمده بحجر واحد
نسرين .. ده مستحيل يحصل خصوصآ بعد جواز عادل واسماء
شيرين .. مفيش حاجه اسمها مستحيل يا نسرين انا مخططه لكل حاجه المهم الخطه تتنفذ صح
نسرين .. وايه خطتك
شيرين .. هتعرفي كل حاجه في وقتها
حماده .. في ايه يا شريف بيه
شريف .. بيصرخ هتجنن يا حماده ازي سبت عادل ياخد اسماء مني وبيضرب راسه في سور القصر
حماده .. اهدا يا كبير كل حاجه وليها وقتها وانا متاكد ان الكبيره هتعرف تنتقم منهم
شريف .. امتي بس انا بتعذب الانسانه الوحيده اللي حبتها نايمه دلوقت في حضن راجل تاني وانا قاعد هنا مستني الكبيره تتصرف ما كنش لازم اسيبها تتجوزه كان لازم اقتله
حماده .. قرب منه وحط ايده علي كتف شريف اهدا و اوعدك كل الوجع اللي انت حاسس بيه هما هيحسو اضعافه بس الكبيره تدينا الضواء الاخضر ووقتها هنحول حياتهم جحيم سوا
شريف .. وهو ده اللي انا مستنيه وهو ده الي هيطفي ناري يا حماده
حماده .. اطلع ارتاح وقريب كل حاجه هتتغير
شريف .. ارتاح ازاي وعادل ده عايش مش هرتاح غير لما يموت
شيرين .. من البلكونه بصوت عالي شريف
حماده .. يلا شوف الكبيره عايزه ايه
شريف .. بيروح ناحيت باب القصر عشان يطلع لي شيرين
حماده .. بيتحرك ناحيت اوضته
شيرين .. حماده تعالى مع شريف
بيدخلوا الاتنين سوا القصر وبتنزل شيرين وبتقعد في الصالون هي ونسرين وشريف وحماده
شريف .. خير يا امه لسا هتقوليلي اتحمل
شيرين .. لا يا ابني خلاص هانت بس لازم تمشي من البلد
شريف .. ازاي امال مين هينفذ اللي انتي عايزاه والي احنا ما نعرفهوش لحد دلوقت
شيرين .. انت وحماده اللي هتنفذه مش عايزه حد غيرنا يعرف بالموضوع ده فاهمين
الكل .. فاهمين
شريف .. قوليلنا هنعمل ايه
شيرين .. ما تستعجلش المهم قدام اهل البلد انت وحماده هتسافره القاهره وانت يا حماده هتقول لكل الناس اني شريف مش هينزل البلد تاني وهيعيش في مصر فهمت
حماده .. فهمت واعتبريه حصل يا كبيره
شيرين .. يا شريف هتقعد ثلاث اسابيع وتنزل البلد بس مش عايزه مخلوق يشوفكم انت وحماده فاهمين
شريف .. طب ليه ده كله
نسرين .. حماتي عايزه تبعد الشبهة عنكم في الي هتعملوه بعد الثلاث اسابيع
شيرين .. بالظبط كده لو عملت كل الي انا قولته اعتبر العمده وعادل راحو واسماء هتكون مراتك وبكده هنسيطر علي العمديه والارض كلها بتاعت العمده
شريف .. ما تقلقيش طول ما هنتقم منهم انا مستعد اعمل اي حاجه المهم اتجوز اسماء وخلص من عادل والعمده
شيرين .. من الصبح هتتحركوا وزاي ما فهمتك يا حماده لازم الكل يعرف انكم هتستقره في القاهره
حماده .. ما تقلقيش اعتبريه حصل
شيرين .. بتقوم وبتطلع علي اوضتها
حماده .. تصبحو علي خير
شريف .. وانت من اهله
نسرين .. انا حاسه بالنار الي جواك بس حاول تسيطر علي نفسك كلها ايام وتوصل لهدفك
شريف .. فعلآ يا مرات اخويا انا جوايا نار بس هصبر عشان مش عايز اضيع اسماء من ايدي
نسرين .. مش اسماء بس انا حاسه اني حماتي هتقلب الموازين
شريف .. وهو ده الي انا عايزه
نسرين .. يلا تصبح علي خير
شريف .. وانتي من اهله وبينام مكانه في الصالون
عادل .. بيمسك ورده وبيمشيها علي خد اسماء
اسماء .. بتبتسم وهي بتفتح عنيها
عادل .. يقرب منها و بيبوسها صباحيه مباركه يا عروسه
اسماء .. مباركه علينا يا روحي وبتبوسه
عادل .. الفطار جاهز
اسماء .. معقول انت الي تجيب الفطور بنفسك
عادل .. وانا عندي اغلا منك يا حبيبتي عشان اجبله الفطور يلا قبل ما يبرد
اسماء .. تقوم و يفطره سوا ويجي العمده فتحي و جايب الصباحيه والكل بيكون مبسوط وسعيد
...وبيعيش عادل واسماء اجمل شهر في حياته واسماء معاه في البيت والشغل ومش بيفرقوا بعض وشريف بيرجع والكل عارف انه في القاهره لحد ما بيجي اليوم اللي هما مستنينه وبعد يوم طويل بيرجع عادل واسماء من الشغل واسماء بتغير وبتجهز العشاء وعادل بياكلها بيده وهي كمان بتاكله وبعد ما بيشبعه بيطلعوا اوضتهم وعادل بياخدها في حضنه وبينامه
شيرين .. فهمت هتعمل ايه يا شريف انت وحماده
شريف .. فهمت يا كبيره وهنفذ خطتك بالحرف الواحد
شيرين .. مش عايزه غلطه خلينا ننتقم من الكل ونرجع هبتنا ونقطع رجل الهلاليه من الشرق يلا اتحركه المهم مش عايزه حد يشوفكم وتخلصو وتنزله علي القاهره علي طول فاهمين
شريف .. ما تقلقيش كل الي انتي عايزه هيحصل زي ما انتي عايزه واحسن دي فرصتي ومش هضيعها وبيتحركوا
عادل .. بيصحى علي صوت التليفون يمسك التليفون براحه عشان اسماء ما تصحاش ويلاقي رساله من العمده فتحي بيفتحها ( عادل تعالى الدوار من غير ما حد يعرف و خصوصآ اسماء عشان ما تقلقش الزناتيه هيهجموا علينا وانا عامل حسابي علي كل حاجه بس عايزك معايا تعالى لوحدك ) عادل بعد ما قرأ الرساله اتسحب من جنب اسماء براحه واخد مسدسه ونزل وركب عربيته
محمود .. رايح فين يا عادل
عادل .. مشوار علي السريع وراجع فتح عينيك كويس يا محمود
محمود .. هو فيه حاجه حصلت
عادل .. لا مفيش بس الحرص واجب
محمود .. بيفتح الباب عشان يركب جنب عادل
عادل .. لا خليك هنا يا محمود انا مش هتاخر وبيتحرك بالعربيه وبيسوق بسرعه لحد ما يوصل دوار العمده وبيلاقي رجالة العمده كل واحد في مكانه العمده جوه يا غفير
الغفير .. ايوه يا عادل بيه
عادل .. بيخبط علي الباب لقيه مفتوح