رواية كاس المر الفصل العاشر 10 الحادي عشر 11 والاخير بقلم محمد منصور
بسم الله توكلت علي الله. وهو رب العرش العظيم
★بصت له زينه واترعبت ومشيت قدام منه لغاية ما وصلو عند بيت صغير محدوف في اخر البلد فتح الراجل باب البيت وزينه بصت له وقالت
انت مين ولية بتعمل كدة
لكن الراجل ما ردتش وقال
ادخلي وانتي ساكتة
ودخلت زينه للبيت وفضلت تبص حوالين منها لغاية ما شافت صلاح الشرقاوي بصت له اوي وقالت
بابا.
صلاح باستغراب
زينه
وقال في سره
هي رجعت لها الذاكرة ولااية. اكيد رجعت لها الذاكرة طالما جت لغاية هنا
قربت زينه من صلاح وهي بتقول
بابا انت مش فرحان اني رجعت لك ولا اية
صلاح
لا ازاي بس. دة انت هموت من غيرك
وراح صلاح. ل زينه وقال
تعالي في حضني يا قلب ابوكي
وفعلا اترمت زينه في حضن صلاح. وقالت
انت سايب بيتنا لية ومين الراجل اللي جابني هنا
اتنهد صلاح ومسك ايد زينه وراح ناحية كنبة وقال
تعالي بس في الاول اقعدي هنا واحكي انتي كنتي فين دة انا قلبت عليكي الدنيا.
زينه وهي بتقعد علي الكنبة قالت
انا مش فاكرة اي حاجة غير اني ليلة الفرح وانا في عربية الزفة محمود كان مرتب ومجهز ل موتي
استغرب صلاح بجد لانه ما كنش يعرف المعلومة دي وقال
محمود. طيب لية وازاي
زينه
ماعرفش بس هو قالي وقتها دة ذنب ابويا اللي ابوكي دخلة السجن. وحصلت الحادثة ومن بعتها مش فاكرة اي حاجة. هي اية الحكاية يا بابا ولية محمود كان عايز يقتلني
صلاح
دي حاجة قديمة. انما انتي مش فاكرة انتي كنتي فين ومع مين
زينه
انا مش فاكرة اي حاجة غير اني صحيت من النوم لقيت نفسي في شقة اوضة وصاله ماعرفش بتاعت مين ولقيت نفسي لبسة الهدوم دي ولقيت فلوس في دولاب الشقة دي وموبيل خد الموبيل وخد اللي يكفيني وجبت علي هنا. انت بقي اية اللي جابك في البيت الغريب دة ولية سيبت بيتنا
صلاح
اسكتي علي اللي حصلي وانتي غايبة. دة انا شوفت الويل وفي ناس حاولت تقتلني علشان كدة انا هبيع كل املاكي في البلد هنا وكلها يوم ولا التاني وهسافر برة مصر
زينه
كنت عايز تسافر وتسيبني
صلاح
ما انتي ما تعرفيش انا دورت عليكي قد اية
بدات زينه تعيط وبدأ صلاح قلبه يحن وافتكر العيلة الصغيرة اللي كانت بتكبر قدامه سنه بعد سنه فخدها في حضنه تاني وقال وهو بيطبطب عليها
طيب خلاص ما تزعليش. يا بت دة احنا ملناش الا بعض.
وفضلت زينه تعيط وصلاح يطبطب عليها ثم قال
زينه عارفة انا نفسي في اية
زينه
اية
صلاح
طاجن بامية باللحمة الضاني. من ايدك.
زينه
نرجع بيتنا وهناك اعمل لك اللي انت عايزه
صلاح
انسي بيتنا دلوقتي. انتي هتعملي الاكل دة هنا وانا بنفسي هخرج اجيب لك كل اللي انتي عايزا
زينه
ولية بس ما نرجعش بيتنا
صلاح
قولت لك في ظروف تمنعني وفي ناس عايزا تقتلني
زينه
خلاص يا بابا. هات الاكل وانا هعمل لك اللي انت عايزه
وقام صلاح من جنب زينه وخرج من البيت وبعد شوية عن البيت واتصل برقم الراجل اللي جاب له زينه وقال اول ما الراجل رد
مصطفي انت متاكد ان ما حدش كان وراء بنتي لما جبتها ليها
صوت مصطفي
ابدأ يا سيد الناس. ما حدش جه ناحية الدوار من ساعه ما كان الشاب اللي اسمه دياب بيلف حوالين الدوار في البلد ورجالتنا وقتها عملو معه الصح.
صلاح
طيب فتح عينك كويس ولو حسيت باي حركة من اي حد مريبة حوالين الدوار انت عارف هتعمل اية
صوت مصطفي
هجيبة لغاية عندك زي ما عملت
وقفل صلاح وبص للبيت وقال
كان كلها يومين تلاته يا زينه عقبال ما صرف الالماظ وابيع اللي ليا هنا وكنت هطير برة مصر. حبكت يعني ترجعي دلوقتي وتخلي قلبي يحن ليكي تاني. بس اية حكاية انها مش فاكرة اي حاجة هو اللي بيرجع له الذاكرة بينسي الفترة اللي عاشها وهو فاقد الذاكرة. انا لازم اعمل حساب كل حاجة ليكون ملعوب من دياب، ،،،،،،
ومن جوة المستشفي الكببرة الموجودة جوة بلد صلاح يقعد صلاح من دكتور استشاري كبير وساله السؤال اللي ساله ل نفسه من شوية فقال الدكتور
في حالات من حالات فقدان الذاكرة بينسي كل الفترة اللي كان عايش فيها وقت فقدان الذاكرة وفي حالات تانية بتفتكر كل اللي حصل قبل فقدان الذاكرة وبعد فقدان الذاكرة
صلاح
يعني مش غريبة انا اللي ترجع له الذاكرة ينسي اخر فترة عاشها
الدكتور
مش غريبة وعادي جدا
ابتسم صلاح وقال
شكرا يا دكتور
وقال صلاح وقف فقال الدكتور
هتمشي بسرعه كدة. مش لما تشرب القهوة الاول
صلاح
معلش اصلي مستعجل
وخرج صلاح من عند الدكتور بعد ما قال
برضو لازم اتاكد،،،،،،،،
وبعدها بساعه ومن جوة البيت اللي في زينه تقعد زينه قدام التيلفزيون كان عماله تقلب من قناة ل قناة الحركة اللي بيعملها اي زهقان وهنا يتفتح باب البيت ويدخل صلاح ومعه 2 ك لحمة ضاني والبامية وكل لازوم الاكلة اللي هتعملها زينه بصت له زينه وقالت
كل دة يا بابا بتجيب اكل من برة
صلاح وهو بيحط الاكل علي التربيزة الموجودة في وسط البيت. قال
اعمل اية بقي في صاحبتك يا ستي هي اللي عطلتني
زينه
صاحبتي مين
بص صلاح للباب ودخلت غزل جريت عليها زينه وهي بتقول
غزل
فرحت اوي غزل وخدتها في حضنها وهي بتعيط وتقول
زينه انا مش مصدقة عينية انتي لسة عايشة
زينه
عايشة وزي القردة اهو
وبدا الاثنين يتكلمو مع بعض بتلقائية وصلاح يبص لهم وبدأ يصدق فعلا ان زينه رجعت لها الذاكرة. ،،،،،،،،،،،
وبالليل ووقت ما كانت زينه في اوضتها وسايية موبيلها في الصاله يرن الموبيل ويظهر اسم نحمده فيبص صلاح للاسم ويقول
زينه في واحدة اسمها نحمده بترن عليكي
خرجت زينه من اوضتها وراحت ناحية الموبيل وبصت للرقم وقالت
مين نحمده دي
صلاح
ردي عليها وافتحي الاسبيكر خليني اسمع هيتقال اية
وفعلا رديت زينه وقالت
الو
صوت نحمده
زينه انتي فين وموبيلك لية مش مجمع من الصبح دة قلقت عليكي لما رجعت الشقة ولقيتك مش موجودة خوفت يكون دياب وصل لطريقك
زينه باستغراب
انتي تعرفيني
نحمده باستغراب
زينه انا نحمده مرات صدام انتي مالك
وهنا يسمعوا وراء صوت نحمده صوت صدام ودياب وصدام بيقول
صلاح ظهر في ارض المعلم صاغ
ولسة هتتكلم نحمده كان برق صلاح وقال ل نحمده
ممكن تسكتي ثواني
نحمده
مين دة يا زينه
صلاح بعصبية
قولت اسكتي
سكتت نحمده وسمع صلاح صوت دياب. بيقول
ومين المعلم صاغ دة
صدام
دة كبير تجار الالماظ والذهب في بلدك ومافيش حتة بتخش او بتخرج الا باذنه
دياب
ودة نوصل له ازاي
صدام
كلمت ذراعه اليمين شوكت وظبط لينا معه ميعاد وهيبعت لنا عربية ملاكي تودينا لغاية عنده وقبل صلاح
دياب
هو دة يسلم بوقك.
هنا ققل صلاح المكالمة والصدمة كانت هتجننه وكان عمال يقول ل نفسه
صدام عرف ازاي اني كنت عن المعلم صاغ. انا لازم اخلص من النوش دة بقي
هنا قالت زينه
بابا. انت ساكت لية
ما ردتش صلاح قالت زينه تاني
بابا مالك
بص لها صلاح وقال
مافيش
زينه
لا في انت تعرف الناس دي وانا سمعتهم اهو بيقولو اسمك
ومين نحمده دي ومين دياب دة وكان عايز يقتلني لية
صلاح بعصبية
ماعرفش حد. وابعدي عني دلوقتي
زينه
لا تعرفهم مين الناس دي.
صلاح بعصبية اكتر
قولت ابعدي عني
وزقها بكل قوته بعيد عنه وقعت علي الارض من قوة الزقة وبصت له وعيطت قام وراح لها وساعدها تقوم من علي الارض وهو بيقول
حقك عليه.
زينه والدموع بتجري علي خدها
اول مرة تمد ايدك عليه يا بابا
باس دماغها وقال
غصب عني انا دلوقتي اعصابي تعبانه
عطيت اكتر وقالت
لو اعرف ان انت هتعمل فيا كدة ما كنتش رجعت.
ابتسم صلاح وباسها تاني في راسها وقال
يا بت خلاص بقي قولت
زينه
طيب ريحني وقول لي مين الناس دي وتعرفهم منين. ولية دياب دة عايز يقتلني
صلاح
مش وقته
زينه
لا وقته وهتقولي وهبقي جنبك ومعاك وطالما المكالمة دي خوفتك اوي كدة يبقي خليهم بدل ما يروحوا يقابلو المعلم صاغ. يقابلوك انت وتبقي انت المعلم صاغ
لمعت عيون صلاح وبص بتركيز شديد ل زينه وقال
تسلم دماغك. بس نعملها ازاي
زينه
قبل ما اقول. تقولي في اية ومين دول واكون معاك خطوة بخطوة
صلاح
هقول لك، ،،،،،،،،،،،،
ونرجع تاني للخيمة اللي فيها صلاح وزينه وصدام ودياب وكانت زينه بتقول
هي دي الحكاية بذمتك مش حلوة يا دياب. راجعه من الموت اخد حقي من واحد كان عايز يقتلني مرتين
سقف دياب وقال
لا بجد بنت الكلب عوام. طالعه لابوكي اللي هو مش ابوكي
زينه
انا زعلانه منك
دياب
كل دة وانتي اللي زعلانه. و لية زعلانه ان شاء الله
زينه
اصلك سقفت بدري اوي. مش تستني للاخر
دياب
عملتي اية كمان اشجيني
زينه مديت ايدها علي شنطتين مليانين فلوس كانو جنب منها مسكت كل شنطة ورمتها قدام دياب وصدام
في اتنين مقنعين سرقو البنك الاهلي وهربوا انا بقي بلغت عنهم واديت عنوان الخيمة دي للبوليس وزمانه جاي
دياب
وطبعا الاثنين دول انا وصدام
زينه
انا برضو اضحي بعمي صدام.
وراحت زينه وقفت جنب صدام وقالت
الاثنين دول انت وبابا
وهنا ضحك صدام وبص ل صلاح اللي قال
زينه بنتي
ضحكت زينه وطلعت سلاح من هدومها وصوبته ناحية صلاح. وصدام عمل زيها وقالت زينه
اسكت مش انا لغاية دلوقتي مش فاكراك.
صلاح وهو مصدوم
انتي رجعتي تاني تفقدي الذاكرة
زينه
انا لسة فاقدة الذاكرة. بس اللي عرفته عنك وعن وساختك مخليني احمد ربنا الف مرة اني نسياك. دوق المر اللي انا دوقته
صدام وهو بيضحك قال ل دياب
روح اقف جنب الاهبل يا اهبل. وارفع ايدك ل فوق
وبص صدام ل زينه وقال
دي شقاوة قديمة دي
ورجع بص ل صلاح ودياب وقال
من النهاردة انا بابا المجال يا ولاد البغال
وعليت ضحكتة وهو بيخرج من الخيمة مع زينه وبيقفلو الخيمة من برة علي صلاح ودياب وماعداش جام دقيقة الا والبوليس جة واتقبض علي صلاح ودياب، ،،،،،،،،،،،،،،،
ح(11)
الاخيرة
كاس المر
من تاليفي
محمد منصور. * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
*زينه قالت ل صلاح
انا لسة فاقدة الذاكرة. بس اللي عرفته عنك وعن وساختك مخليني احمد ربنا الف مرة اني نسياك. دوق المر اللي انا دوقته
صدام وهو بيضحك قال ل دياب
روح اقف جنب الاهبل يا اهبل. وارفع ايدك ل فوق
وبص صدام ل زينه وقال
دي شقاوة قديمة دي
ورجع بص ل صلاح ودياب وقال
من النهاردة انا بابا المجال يا ولاد البغال
وعليت ضحكتة وهو بيخرج من الخيمة مع زينه وبيقفلو الخيمة من برة علي صلاح ودياب وماعداش جام دقيقة الا والبوليس جة واتقبض علي صلاح ودياب وخرج البوليس من الخيمة ومعه الاثنين وشنط الفلوس ومن بعيد كانت واققة زينه وصدام جنب منها، ،،،،،،،
ونرجع بالاحداث تاني ومن جوة اوضة صدام برضو اللي دفن زينه ورجع اوضة ونحمده تقعد قدام منه وهي بتقول
من امتي قلبك بقي ميت كدة تدفن البت حية. حرام عليك البت كانت عملت لك اية علشان تعمل فيها كدة
بص لها صدام وهو متعصب وقال
ما كفاية رغي بقي طول ما احنا راجعين من الترب وانتي بترغي في نفس الكلام هتسكتي ولا اسبب لك الدنيا واهج
نحمده
ولو هجيت مني هتهج ازاي من ضميرك وتسامح نفسك ازاي انك كنت السبب في موت بت غلبانه كل ذنبها انها وقعت وسط شوية ديابة. الكل ذوقها من كاس المر
صدام
يعني اطلعها واجيب لنفسي وجع القلب والحكومة تسيب اللي عملها وتمسك فيا انا
نحمده
طلعها وانا هبعدك خالص عن وش الحكومة
صدام
ودياب لما يعرف
نحمده
ملعون دياب علي ابوه دياب. انت بتخاف منه ولا اية
صدام بعصبية
ماتلمي لسانك يا صايعة. هو انتي اية فكراني جبان
نحمده
ابدا والله دة انت سيد الرجاله كلها.
ونزلت قعدت تحت رجله وقالت
بس بالله عليك طلع البت الغلبانه حرام تموت دي لسة صغيرة.
صدام
وبعد ما طلعها
نحمده
انا هاتصل ب حمادة ابن خالتي وهو يعرف دكتور شمال هيخلصنا الحكاية بتاعت زينه دي ومن غير شوشرة
بص لها صدام وبدأ يفكر في كلامها ونحمده نزلت باست رجله وقالت
سايقة عليك النبي محمد ما تقول لا.
صدام
عليه افضل الصلاة والسلام
وقام وقف وقال
تعالي معايا نفتح لها ويارب نلحقها
خدته نحمده بالحضن وقالت
تسلم لي يا سيد الرجاله،،،،،،،،،،
وفعلا يتم علاج زينه وتعيش في شقة اخت نحمده المقفوله وتفوق زينه علشان تلاقي قدام منها صدام ونحمده وقال صدام
الف حمد لله علي سلامتك
زينه
دياب. عايزا اشرب من دم دياب
وحاولت تقوم زينه لكنها ما قدرتش بسبب الجرح فرجعها صدام تاني وخلاها تنام وقال
اهدئي كدة وروقي. انا مالك جاية علي الحامي لية كدة.
زينه
يعني اسيبة بعد ما كان عايز يقتلني
نحمده
سيبك من دياب دلوقتي ما حدش فينا يعرف مكانه بعد ما اتسرق الماظ جرجس وهو هرب
بص صدام ل نحمده وقال
ما انا قولت لك مش هو اللي عملها. دة الشيطان صلاح
زينه باستغراب
الماظ جرجس اتسرق
صدام
سرقوا صلاح الشرقاوي اللي المفروض ابوكي. اللي انتي ناسية
زينه
ما بالراحة عليه كدة وعرفني اية الحكاية
صدام
تاكلي الاول وبعدين احكي
وبص صدام ل نحمده وقال
روحي المطبخ هتلاقي طبق في شوربة وجوة الشوربة الرقبة والرجول والجناحات. هاتقيهم وتعالي
نحمده
وبقيت الفرخة فين
صدام
كلتها انا
نحمده
دة انا سلقاهه لزينه. تتنفس بيها
صدام
هي قايمة من ولادة. كتر الفراخ غلط عليها وبعدين انا سيبت لها اهم اركان الفرخة
زينه
انا مش عايزا اكل عايزا اعرف اية الحكاية، ،،،،،،،
وبعدها باربع ايام يقعد صدام قدام زينه ومعهم نحمده وحمادة وكان زينه بتقول ل حمادة
يعني انت كدة فهمت غزل كل الحكاية علشان لو صلاح قرر يقابلني بيها
حمادة
فهمتها كل حاجة واديتها رقمك كمان علشان هاتظبط معاكي الكلام اللي المفروض يتقال ما بينكم وتوصف لك الدوار ركن ركن
نحمده
انا مش مرتاحة للحكاية دي
صدام
وانا كمان بصراحة ازاي بس تفكري تروحي برجلك للي باعك وسابك في بيت اتنين اغراب ينهشوا في لحمك
زينه
واحد بس اللي نهش في لحمي انما التاني كان زي ابويا واكتر ودة الحل الوحيد علشان اعرف فين الالماظ
صدام
طيب هتوصلي له ازاي وهو مش في الدوار وماحدش يعرف له سكة
ابتسمت زينه وقالت
بمجرد ما هوصل البلد واخش الدوار هو اللي هيوصل لي
صدام
اية ضمنك
زينه
ماتنساش انه برضو بيحبني ودور عليه في اول الحكاية وجالك وكان مستعد يدفع مليون ج. بس يوصل لي لكن اللي حصل ان الالماظ والملايين اللي جاية وراء منه جننته وخليته يبعيني والالماظ معه اية بقي اللي يخلي ما يفرحش اني رجعته
نحمده
انا حاسة انك بتلعبي بالنار والنار ممكن تحرقك لو اللي زي صلاح دة شك فيكي وعرف انك لسة فاقدة الذاكرة
زينه بابتسامه لا مبالاة
هيحصل فيا اية بعد اللي حصلي انا واحدة راجعه من الموت. راجعه اجيب حقي وحق الراجل الطيب جرجس
سيبونا بقي من الكلام دة الخطة تمشي زي ما احنا رسمنها بالظبط الغلط هتبقي بفورة
صدام
ربنا يسترها ،،،،،،،،،،،،
وتمت الخطة زي ما انتم تابعتو. واحنا دلوقتي في مكتب الظابط وواقف قدام الظابط دياب وصلاح والكلبشات في ايديهم والظابط بيقول بعصبية
انتو هتفضلو سايقين الاستعباط دة كتير. اسمعك يا روح امك منك لي انتم هتعترفو يعني هتعترفوا. دة انتم ممسكوين تلبس وفوق دة كله هتقولو وديته فين جثة الراجل الافريقي اللي قتلتو في البنك
بصو الاثنين ل بعض وضحك صلاح وقال
هي كمان فيها قتل دي احلوت اوي
دياب
والله العظيم انا ل سرقت ولا قتلت
الظابط
بلاش انت. دة جرجس الجواهرجي مقدم فين بلاغين سرقة الالماظ وقتل سمر الخدامة
دياب
جرجس دة كذاب وما بيحنيش
الظابط
لية بقي يا روح امك بيغير منك
دياب
يا باشا اسمع،،،،،،،،
ضرب الظابط علي المكتب وقال بعصبية
اسمعني انت هو سؤال وعاوز له اجابه
وطلع الظابط الموبيل بتاعه وشغل مقطع فيديو متسجل من جوة البنك الاهلي وهو عبارة عن اتنين مقنعين نفس طول دياب وصلاح بيسحبوا شنطتين فلوس من ايد شاب. كان واقف عند شباك الايداع و بيضربوا نار علي راجل افريقي وبيسحبوا وبيخرجوا بي من البنك والدم نازل منه وكمل الظابط وقال
وديتودها فين جثة الراجل دة
صلاح وهو بيبص للفيديو ابتسم وقال في سرة
يا ولاد الكلب دي فيها مشنقة
دياب وهو بيتفرج علي الفيديو
والله دة مش انا
الظابط
تاني
وندهه الظابط باعلي صوت عنده وقال
يا عسكري
دخل العسكري للاوضة وادي التحية فقال الظابط
خد الاثنين دول وارميهم في اوسخ تخشيبة.
وبص الظابط ل صلاح وقال
واتوصي لي بالعمده. اصله كان عايز يكلم المامور ويخوفني بي
وفعلا سحبهم العسكري لبرة الاوضة. ،،،،،،،
وبعدها بيوم تقعد زينه في مكتب الظابط بتوصية كبيرة من لواء معرفة جرجس الجواهرجي ودخل عليها المكتب صلاح ودياب وهما متكلبشين واول ما شافوها قال دياب. بمنتهي العصبية
يا بنت الكلب موتك علي ايدي
قامت زينه من مكانها وراحت ل دياب وقالت وهي بتبص علي صلاح الشرقاوي
وافرض بقي ابويا سمعك
وبدات تلف حوالين منهم بص لها صلاح بصة تعلب وقال
تاخدي كام وتخرجيني من هنا
زينه
برافو دة انا اللي فعلا جاية علشانه
صلاح
عارف انك جاية وكنت مستنيكي
زينه
طول عمرك ذكي. وذكي جدا كمان
صلاح
ذكي اية بقي ما خلاص راحت عليه. وانتي اللي كسبتي
زينه
بص انا مش هضيع وقتك. وعارفة ان النوم في التخشيبة تتعب ظهر راجل كبير زيك علشان كدة
زينه وهي بتقرب من ودن صلاح اوي
الماظ جرجس فين.
ابتسم صلاح وقال
هقولك بس ابات الليلة دي في سريري
زينه
سهله
دياب
وانا
بصت زينه ل دياب
وانت اية
دياب
عايز اخرج
زينه
حيلتك اية تدفعه
وراحت ماسكة شعر دياب اوي وبغل وقالت
دة انت هتعيش ضعف عمرك في السجن. لاني هعمل قضية اغتصاب انثي وهتك عرض.
وضربته بالقلم وقالت
ولا نسيت الليالي اياها
بص لها دياب وقال
اتتي مراتي ومعايا ورقة تثبت الكلام دة
ضربته كمان مرة وقالت وهي بتبص في عيونه
مراتك اسمها سمر لكن انا زينه.
وضربته كمان مرة وكمان مرة وقالت
دة انا بقيت اكره جسمي علشان كان في يوم ملك واحد زيك
نزف بوق دياب وزينه رجعت تلف تاني حوالين منه وقالت
وفي اتنين ذبحتهم من فترة كدة ملف القضية بتاعهم هيتفتح تاني. وكمان قضية الشروع في قتلي انت حكايتك خلصانه ونهايتها الدم
صلاح
وحكايتي هتخلص ازاي
زينه
شنطتين الفلوس اللي اتسرقوا من البنك وكانو في ايد شاب وافف قدام شباك الايداع دول يخصوا جرجس الجواهرجي وهو هايجي ويشهد انك معه وانه هو اللي طلب منك تمثل انك معه دياب وكل دة علشان جرجس يقدر يوقع دياب وبكدة هتبقي شاهد ملك ومن متهم ل برئ
صلاح
والافريقي اللي اضرب بالنار
زينه ضحكت وقالت
دة ممثل معانا اسمه حمادة ما تقلقش منه هيجي برضو ويقول نفس اللي هيقولو جرجس وانه لسة عايش ومافيش جريمة قتل ولا حاجة.
ومسكت ودان صلاح اوي وقالت
طبعا دة لما الالماظ هيكون في حضن صاحبة غير كدة انا برئية من اللي هيحصل لك. ودي بقي فيها مشنقة ربنا يكفيك الشر. وانا مش عايزا ليك كدة. دة انت برضو بابا
بص لها صلاح
دة انتي اللي بابا، ،،،،،،،،،،،،،،
ورجع الماظ لجرجس واستني صلاح ان زينه توفي بوعدها لكن ما حصلش وكان هايتجنن صلاح وعمال يخبط دماغه في التخشيبة لغاية مالقي العسكري دخل عليه التخشيبة وادي له ورقة مكتوبه بخط زينه وبتقول فيها
★بابا كان نفسي اطلعك منها بس انا واحدة ست هرموناتي بتتحكم فيا ساعات والمرة دي الهرمونات تكسب انت سيبتني في بيت الوسخ دياب ينهش في لحمي وما هنش عليك تخلصني من ايدة علشان الالماظ. فانا كمان هسييك في السجن ومش هتهون عليه اخلصك. سمعاك بتقول دي فيها حبل مشنقة وانت ما قاتلتش حد فحبيت اقول لك ان الافريقي انا دخلته راس ف راس مع شربيني اللي دفعت علشان يموت جوة السجن وتاخد نصيبة. هستناك تموت بسرعه علشان اورث كل اللي عندك بس وعد مني هعمل لك كولدير ينزل مية ساقعه وبيبس★
قطع صلاح الورقة وهنا سمع ضحكة جاية من اخر التخشيبة وهي ضحكة دياب اللي قال
غدرت بيك.
وفضل يضحك دياب ويضحك ويضحك بجنون. ،،،،،،،،،،،،،،
وتعدي الايام وياخد كل واحد نصيبة. وتفضل زينه عايشة في قصر جرجس وفي خدمته وكان واقفة في المطبخ بتحضر اكل دخل عليها جرجس وقال
ما تسمعي كلامي وتخليني اجيب لك خدامة تساعدك
بصت له زينه وقالت
وهو انا قصرت معاك
جرجس
يا زينه انتي ما تستاهليش اللي بتعملي في نفسك دة. انتي برضو بنت اصل
بصت له زينه والدموع محبوسة في عيونها
لو هتتكلم عن العز اللي كنت في فدة شوفته مع راجل غريب ومش فاكرة منه حاجة ومش عايزا افتكر
وبدات الدموع تهرب وهي بتكمل وتقول
وتعرف لو في ايدي اعيش من غير اسمه كنت عملت كدة لكن انكتب عليه. اعيش عمري كله زينه صلاح الشرقاوي العمدة
جرجس
ودة يعني يخليكي تعيشي في بيتي خدامه وبس
زينه
مش عايزني في خدمتك ممكن امشي.
جرجس
تمشي فين بس دة انتي ربنا عوضني بيكي
زينه بصت له وضحكت وقالت
والله انت اللي شكلك كدة عوض ربنا ليا.
جرجس
ماشي يا ستي عوض عوض
زينه
المهم صحيح عملت اية في حوار صدام ونحمده
جرجس
اديتهم شقة خمس اوض وصاله في عمارتي اللي في الجيزة اكراما ليكي. وشغلتو كمان معايا في الصاغه بيومية حلوة
زينه
ربنا يخليك. وتعيش للخير
جرجس
ويخليكي ليا. يا بنتي
زينه
وفرد الامن العبيط اللي طلع سرك برة
جرجس
البوليس جابه بس لقو علي الحديدة بعد ما اتنصب عليه في الفلوس
زينه
جت من حرام وراحت،،،،،،،،،
ومن جوة الشقة الجديدة بتاعت صدام يقف صدام وهو شايل نحمده علي ذراعته وهي لابسة طرحة فرح وكان نفسه مقطوع وبيقول بصعوبه
اختاري بقي الاوضة اللي هفتكرك فيها واخلصي. بطلي محن طهري طقطق
نحمده بدلع وهي عماله تبص علي الاوض كلها وبتقول
ما بالراحة عليه دة انا اول مرة يبقي عندي بدل الباب خمسة. ووراء كل باب سرير سفنجة عايزا كدة يبقي وراء كل باب ذكري لينا
صدام
يا صايعة اخلصي لو فضلت شايلك اكتر من كدة انا اللي هابقي ذكري
نحمده
وحياة امك استني وبلاش تسربعني حاكم ان حاسة اني دخلت معرض موبيليا مش شقة.
وهنا تقع عينها علي السفرة المذهبة وتقول
بقول لك اية ما تيجي نفتكر بعض علي السفرة
صدام بصعوبه
يا صايعة السفرة دي للاكل
نحمده وهي بتضحك ضاحكة سافلة
ما انا عايزا اتاكل. اطلع بينا علي السفرة يا اسطي صدام
صدام وهو ماشي بالعافية
انتي راكبة حنطور
وراحت مزغرطة وراح بيها صدام ناحية السفرة وحطها فوق السفرة فهي بصت له وهو بينهج وعرقان وقالت
قطعني يا معلم اسلقني يا معلم
داغ صدام ووقع علي الارض وهو بيقول
الحقيني بالكلوجوز يا صايعة
وفرد طهرة علي الارض بصت له نحمده وقالت
صدام صدام.
وراحت معددة وقالت
قال علي راي المثل. قابلها وقال لها انا دكر الحتة راحت لقيته شبه اختها بالحتة
قام صدام بدماغه بس وقال
يا بنت الكلب بس لما ارجع لك من الغيبوية
واغمي عليه تاني فقالت نحمده
قوم يا صدام القصة خلصت وانت ما فتكرتنيش يخرب بيتك اتحسبت عليه جوازة بالاونطة،
تمت بحمد الله