رواية السماعه الملعونه الفصل الثالث 3 والاخير بقلم هشام

رواية السماعه الملعونه الفصل الثالث 3 والاخير بقلم هشام

السماعه الملعونه   لسه عاوزه تدخلى بيت الغمرواى يابنتى ؟!!!

قلت بصوت متقطع من الرهبة :

ـ معنديش حل تانى .

الحاج شعبان فضل ساكت فترة طويلة وبعدها قال :

طيب يبقى تستنى لبكرة بالليل هتكون ليلة قمرية وانا هاجى معاكى .

رغم إنّي كنت فرحانه بإنّه هييجي معايا ، بس الراجل عجوز أوي وصعب عليه يدخل مكان مهجور ومخيف زي ده ؛ علشان كده قلت له :

ـ بس انت .........

الحاج شعبان قاطعني :

ـ عجوز .. مش كده ؟

قلت في حرج :

ـ مش قصدى ياعم شعبان .

الحاج شعبان :

ـ أنا عجوز فعلا بس انتى محتاجة ونس معاكى ... البيت ملعون ...وانتى ضيفة عندنا وميصحش تكونى لوحدك .

اتصلتُ بهدير وطلبتُ منها تبات مع والدتي وعرفتها اني هتأخر يومين .

تاني يوم بالليل رحت أنا والحاج شعبان بيت شفيق أبو حجر ..

كان منظر البيت كئيب مخيف وحسيت بطاقة سلبية غريبة وبدأت دقات قلب تتسارع بشكل عجيب ..وطلعنا سلم صغير ووصلنا صالة كبيرة فيها كراسى قديمة وأثاث متهالك ... وعلشان عم شعبان صحته مش مساعداه طلبتُ منّه يستنى فى الصالة ، وأنا دخلت اوضة جانبية كان بابها مفتوح ..ولمّا دخلت لقيت التراب في كل مكان ..واخدت بالي إن فيه مرايه موجودة في الاوضة ، قربت من المراية ومسحت بايدي التراب اللى عليها ، وفجأة شفت ست شكلها مخيف ، بس لما دققت النظر تأكدت إنها هى نفس الست اللى شافتها قاعدة فى اوضة ماما قدام المراية ، فضلت أقرأ قران ، بس سمعت الست بتقول بصوت مخيف :

ـ الدور التانى ... اطلعى الدور التانى تحت الدولاب .

بعدها الست اختفت كأنّها لم تكن .

طلعت الدور التانى وبدأتُ أدوّر على الدولاب ...ولقيت باب اوضة ، ولمّا دخلت شفت الدولاب ..ولمّا فتحت الدولاب لقيت هدوم قديمة عليها تراب وفضلت أدوّر على اى حاجة توصلنى لحل اللغز ..لكن ملقتش اى حاجة غريبة ..قررت انى أدوّر فى اوضة تانية ، بس قبل ما أمشى لاحظت إن الدولاب وكأن له باب سرى مودى لتحت ، شديت الباب ده وتفتح بسهولة لان الدولاب قديم ..وهنا شميت ريحة فظيعة كأنّي فتحت قبر ..ولقيتها ..

.لقيت هيكل عظمى .

نزلت جرى على عم شعبان اللى كان لسه قاعد فى الدور الأرضي ، واتصلنا بالشرطة اللى جات واخدوا الهيكل العظمى علشان يكتشفوا حقائق صادمة ..اكتشفوا الجثة دى هى جثة مرات شفيق أبو حجر الراجل السكير غريب الأطوار ..

أومال اللى دفنوها زمان تبقي مين ؟!!!

اللى دفنوها زمان مع الطفل كانت عشيقة شفيق ، وكان مخبى جثتها في البدروم من غير مراته ما تعرف ...وعرفت إن مرات شفيق أبو حجر كانتْ بسبب ضرب جوزها ليها كان عندها مشاكل في الأذن ، وكانت بتستخدم سماعة من نوع ( ric ) ، وهى نفس السماعة اللى سرقها واحد حرامى وباعها لمحل الادوات الطبية المشبوه ، اللى يمكله الرجل الأصلع 

النهاية

لقراءه باقي الفصول من هنا