رواية جحيم اهلي الفصل السابع 7 بقلم زينب نور
اتفاجئت من كعدت الساعه بال 5 لان اول مره هيج بحياتي انام من دون احد يكعدني وانكتل...
المهم رحت غسلت وبدلت لبست تراك وردي وضفرت شعري ونزلت اتريك رحت ادورهم بس ماكو احد سمعت صوت من الاستقبال(الهول او الصاله)
صوت خطار هواي يمنه استغربت طلعت مره من الاستقبال كامت تهلهل وتذب جكليت عليه مفتهمت شنو السالفه ؟؟وانصدمت وخفت
ركضت لغرفتي من الخوف اندكت الباب رحت فتحتها طلعت بنيه اكبر مني كتلها اتفضلي منو انتي؟؟
كالت اني خالت الولد الي جاي يخطبج وانتي راح تصيرين جنتنه
انصدمت كتلها شنووووو؟؟؟يخطبني شنووو
جنتنه؟؟؟؟ !!!!!شداتحجين؟؟
كالت ليش انصدمتي مكالولج اهلج؟؟
من الصدمه محجيت بقيت ساكته ودموعي راح تنفجر..
صاحولها ولدها كالولها راح نروح تعاي يمه وهيه كالت يلا حبيبتي باي راح اروح وراحت وسدت الباب وراها
ومن طلعت بسرعه دموعي نزلت بجنووون كمت ابجييي واشهك لزمت مخدتي وحطيتها على وجهي وانكطع تنفسي وكمت اصرخ بس
محد يسمعني لان حاطه مخده على وجهي واشهك واصررررررخخ حييل واختنكت من الصراخ ووخرت المخده
وباوعت على نفسي بالمرايه عيوني منفوخه ومورمه كولش ووجهي احمر دم...
نزلت جوه كمت اصرخ على بابا كتله لوووووو تموووتونييييييي مااااااازوووووووججج افتهمت لو لاااا
وما احس الا ضربه كطعت نفسي وحسيت ايد لزمت راسي وطكته بالكاشي(الارض)
وصرخت حييل بكل ماعندي من قوه وبابا نزع حزامه يكول ولج لو ماعندج ولد جان اتزوجتييييييي وطب
لزك حزامه بجلدي والضربه الثانيه براسي وراسي كام ينزف واخويه احمد يضرب بوكسيات وبابا بحزامه
وميهتمون للدم الي نزفته ولا اهتمو لل الصراخ الي صرخته...
واحمد كال بابا كافي لتضربها خاف تشوهه ومياخذوها وتبقى عار علينا امشي عوفها...
طلع بابا واحمد كال...ولج عااار اسمعيي زين اذا متزوجتي ومحمد اذبج افتهمتي لو لا الكدج كولهن متزوجات وشغله ثانيه تخدمين وتنهانين متحجين حرررف تنجبين بس تحاولين اذبحج ومارحمج
وهاذا دمج نضفي فورا...وطلع
يكول البكدج متزوجات اني عمري 14 البكدي يلعبون ويركضون كمت اون واصيح اااااااااااخخخخ كلبيييييييييييي
وابجي واشهك والدم ترس الكاع(الارض) كمت بصعوبه وجبت وصله ولفيت بيها راسي جبت ماسحه ومسحت الدم
هسه يلا عرفت ليش للخمسه بقيت نايمه ومحد كعدني لان جانو اكو يمنه ناس ديخطبوني💔
ورحت شربت مال وجع راس ونضفت البيت ورحت لغرفة احمد نضفت وصاخته كال تعاي نعل امسحيلي حذائي...
كلت بصوت خفيف انته نعل يا كوا**...وكف على حيله كال شنووو اني نعل وكوا** موو
ركضت بسرعه لغرفتي نزلت من الدرج بسرعه بس اتزحلكت(وقعت)ووكعت من الدرج وراسي بدئ ينزف ومن الخوف رحت سحل لغرفتي
بس لحكني ولكفني وضربني راشديات ولزمني من شعري وضربني حيييل على وجهي كمت ابجيي واصرخ شبعني كتل صرخت حسبي الله ونعم الوكييييييييييييييييييل واغمى عليه
كعدت لكيت نفسي بمكاني بس يمي حسام كال الله يساعدج هاي شنوو كومي ولج ؟؟
كمت ويا وصلني لغرفتي وانطاني حبوب ولفلي راسي بلفاف ابيض...وطلع جابلي لفات كص وببسي واجه
اكلت لفتين بسرعه مثل المماكله سنوات💔وشربت ببسي وشكرته كال باجر راح يجي خطيبج يخطبج جبتلج فساتين ومكياج واكسسوارات وعطور...
كتله ماشي وطلع...
لزمت ركبتي وخنكت نفسي حييل اتمنيت اموووووووتت احس العالم كوله خانكني لزمت مخدتي وحطيتها على وجهي وكمت اصرخ صراخ هستيري💔
ضليت ابجي واشهك واكول حسبي الله ونعم الوكيل لا اله الا الله وضليت هيج لما نمت بألم حلمت عصافير ديطيرن جانو بحفره ضلمه بس كامو يطيرن والباقي من الحلم نسيته
كعدت وكلت اتمنى لو اني واحد من ذني العصافير كلت بكلبي لازم اكون قويه مستحيل اتزوج لو اضطر اقتلهم وماتزوج بس لازم ماخليهم يأذوني
لازم امثل انو اني راضيه لما افكر بخطه لازم مأذي روحي...
نزلت جوه نضفت البيت سويتلهم ريوك طبيت سبحت وطلعت واكو غصه بكلبي دتحركني حييل
اجه احمد كال دزيت بنت جيرانه راح تجي اتجهزج لان خطيبج راح يجي يخطبج وقسم بالله اذا حجيتي شي احط طلقه براسج افتهمتي لو لااااا
هزيت راسي وبجيت💔اجتي بنت جيرانه طبت جوه شافتني دابجي كالت هلااا شموسه شلونج ليش داتبجين؟؟؟
حضنتني وبجيت بحضنها واخيراً اسمع كلمت اسمع احد يحاجيني باحترام واسمع كلمت شلونج
فرحت بجيتها وحجيتلها الي بكلبي وكالت
ولج يمكن تعيشين ويا زوجج احسن عيشه ويحترمج ويعيشج ملكه
كتلهاا ولج ماااريددد اتزوج اريد اعيش حياتي بحريه اريد اطلع بدون حجاب وعبايه اريد اشوف حياااتتتتييييي
كالت لازم تسافرين وهاذا الشي مستحيل
كتلها الله هاذا حلمي اخلص منهم واعيش حياتي تعبت ولج راح انتحر ساعديني وابجي واشهك
كالت اني راح اساعدج تهربين لتركيا الله جابني الج لان يحبج
كلت بصدمه شلون تساعديني اهرب؟؟؟
كالت معليج عوفيها عليه اني اشوفلج الخرائط المعلومات الجواز المستمسكات كولشي اساعدج بي
كتلها ليش تساعديني؟؟
كالت اوووووي شكد تسئلين ولج افرحي انو الله جابج اليه اني اوعدج اساعدج واخلصج من الجحيم
فرحت وحضنتها وكالت ولج كومي البسج فستان وامكيجج واتصرفي طبيعي كدامهم
واتمكيجت مكياج خفيف وطبيعي كيوت مناسب ويا الفستان
وسوتلي شعري تسريحه بسيطه
فعلا طلعت ملكه يعني كولش حلوهه ايقونة الجمال رغم كل احزاني
دخل احمد كال تعاااي اجوي شافني وانصدم عبالك مو اخته انسانه ثانيه
كال احلى من تجهيز الصالون كال تخبلين وراح
اني وكع كلبي انصدمت يمه هاي اول مره هيج يكول
وبنت جيرانه(ساره) كامت تصوفر وتصفك ولج ناقصج ابتسامه ولج شكو ضايجه مو اني راح اساعدج
ابتسمت بألم ونزلت ودخلت ويا ساره النسوان شغلو ديجي وهلهلن وكام يشمرن جكليت...
وصارت هوسه وكامو يركصن واني الدمعه بطرف عيني بس ماكدر ابجي
ومرت ساعه وهمه يحتفلون ويركصون وساره تسولف ويايه علمود مأبجي
واجه الي يريد يخطبني وصارت هوسه واغاني والنسوان يهلهلن ...ودخل
شفته وانصدمت كولش...يتبع