الحلقة الخامسة والعشرون
______________________
ارتدت يارا ثوبها الانيق المكون من بنطال من الجينز الأزرق وبلوزه من اللون الوردى ووضعت القليل من حمره الوجه وارتدت حذائها الاسود ذو الكعب العالى وخرجت من غرفتها
سلوى بإستغراب: يارا انتى نازله النهارده ولا ايه ..ده النهارده الجمعة
يارا: رايحه النادى مع صحابي
سلوى: طيب بس بلاش تتأخرى
يارا: اوك ولو هتأخر هكلمك يلا سلام
خرجت يارا متوجهه نحو سيارتها ثم ادارتها وامسكت هاتفها وطلبت رقم خالد و....
خالد : الو يا يارا
يارا: انا في الطريق متتأخرش عليا
خالد بفرحة : اوك مسافه السكة وهكون عندك سلام
اغلق خالد الهاتف ومسرعا ارتدى ملابسه ثم خرج مسرعا من بيته ......
وفي فيلا أمجد الجزار
سلوى: أمجد حبيبي أصحى علشان تفطر وتاخد العلاج
أمجد : حاضر حاضر
سلوى: هروح اجيبلك الفطار حالا
سناء.. ياسناء فطار أمجد باشا جاهز
سناء: ايوه ياهانم حالا هجيبه لحضرتك
اعتدل امجد وهو يقول: فين حسام
سلوى: حسام لسه نايم يوم اجازته بقي
أمجد: انا مطمن طول ما حسام موجود لو جرالى حاجه مش هبقي قلقان عليكو حسام يعتمد عليه
سلوى بضيق : متقولش كده يا أمجد ربنا يطولنا في عمرك يارب
أمجد: كنت عاوز اخد رأيك في موضوع احمد . انا شايف انه ولد كويس وبيحب يارا جدا انا متأكد من كده ومتأكد انه هيحافظ عليها الولد بنفسه صارحنى بحبه ليها وانا مشهلاقي احسن منه لبنتنا
سلوى: احمد شاب تتمناه كل البنات ومحترم وانا كمان حاسه ان هو الى هيعدل يارا
أمجد: عاوزك تتكلمى معاها كده براحه وتفهميها
سلوى: كلمتها كتييير يا امجد والله لكن هحاول اكلمها تانى وربنا يسهل بقي
أمجد: نفسي اجوز يارا وحسام واشوف عيالهم قبل ما أموت ياسلوى
دخل حسام وهو يقول: بعد الشر عنك ياحبيبي دانت هتجوز حسام وعيال حسام وعيال عيال حسام كمان ربنا يخليك لينا ياحبيبي
أمجد: هههههههههه تعال ياحسام ياحبيبي اقعد
سلوى: هتشوفهم وهتربيهم كمان ياحبيبي
حسام: نطمن الاول على يارا وبعدين تفضوا ل حسام بقي
سلوى: شوف العروسة الى انت تشاور عليها كده بس وملكش انت دعوه
حسام: اول مانخلص من موضوع يارا هعرفكو كل حاجه ان شاءالله
سلوى: يعنى هى موجوده
حسام: هههههههههه ايوه بأمر الله
امجد: اول ما اقف على رجلى كده ونخلص من موضوع يارا اختك هنروح نخطبهالك ونفرح بيك ياابنى يوم المنا ياحبيبي
حسام وهو يقبل يد والده: ربنا يخليك لينا يا أحلى امجد في الدنيا
سلوى: يلا خد دواك يا حبيبي بالشفا يارب
حسام: هى يارا لسه نايمه ولا ايه ؟
سلوى : لاخرجت راحت النادى مع صحابها من ساعه كده
حسام بضيق : اوك براحتها خليها كده بأستهتارها ده
سلوى : بكره تتعدل ان شاءالله لسه مهما كانت صغيره ياحسام
امجد: فعلا حسام عنده حق البنت دى لو سبناها كده هتضيع نفسها ومستقبلها انا ليا كلام تانى معاها
وصلت يارا الكافتريا ثم دخلت وجلست بإنتظار خالد وبعد بضع دقائق .....
خالد: كنت عارف انى مش ههون عليكى
يارا: بابا تعب اوى امبارح يا خالد ونقلناه على المستشفي ورافض موضوعنا ده خالص واتكلم مع حسام وعرف كل الى حصل ولما شدينا في الكلام مع بعض تعب اوى الظاهر كده ياخالد علاقتنا مش مكتوبلها تبتدى أصلا
خالد: يارا متقوليش كده احنا بنحب بعض واخوكى هو السبب في كل الى بيحصلنا ده وعاوز يفرق بينا
يارا: بابا عاوزنى اتجوز أحمد ياخالد وانا معنديش استعداد انى اخسر بابا ده أغلى حاجه في حياتى
خالد بضيق : لكن عندك استعداد تخسرينى انا عادى مش كده هو ده الحب ؟! الله بجد
يارا: خالد وطى صوتك الناس بتتفرج علينا مايصحش كده
خالد : ناس ايه وبتاع ايه يارا هتوافقي على أحمد بتاعكو ده ومن الاخر وعاوز رد دلوقتي
يارا: خالد انا بحبك وهفضل احبك بس بجد غصب عنى معنديش حل تانى صدقينى كل ده غصب عنى مش سهل انى ابعد عنك بسهولة كده افهمنى انا من جوايا بموت ومافيش حد حاسس بيا ارجوك ياخالد ارجوك متحاولش تشوفنى تانى ........
الحلقة السادسة والعشرون
_____________________
يارا: ارجوك ياخالد متحاولش تكلمنى ولا تشوفنى تانى ارجووك
خالد بضيق : يارا انتى بتقولى ايه استنى ...
يارا والدموع تملأ عينيها: خلاص ياخالد كل حاجه خلصت انتهت عن ازنك
خرجت يارا متوجهه نحو سيارتها وانطلقت مسرعة متوجهه نحو الڤيلاوبعد نصف ساعه وصلت يارا وصفت سيارتها وترجلت منها لداخل الفيلا ليستوقفها خروج حسام و....
يارا: حسام عوزاك
حسام بضيق: اعتقد ان مافيش كلام بينا عن ازنك
يارا: كنت عاوزه أقولك إنى فكرت في كلامكو وموافقه على رأيكو
حسام بعدم اهتمام: ميهمنيش اعرف حاجه عن حياتك الخاصه انتى الى تقرري عوزاها ازاى وانا اخوكى على الورق وبس "قال جملته هذه وتركها وانصرف..
يارا والدموع تملأ عينيها : حسام ..حسام...
دخلت يارا البيت : سناء باسناء
سناء: ايوه ياهانم
يارا: ماما هنا ولاخرجت
سناء: لا ياهانم الست الكبيره فوق مع امجد باشا
يارا: خلاص روحى ياسناء شكرا
صعدت يارا درج السلم للصعود للطابق الثانى من الفيلا وطرقت باب غرفه امجد تستأذن بالدخول و...
سلوى: ادخل
يارا متوجهه نحو سرير امجد : بابي عامل ايه ياحبيبي
امجد: الحمدلله ياحبيبتى تعالى جمبي هنا يا يارا
سلوى بإبتسامه: طيب اسيبكو تتكلمو مع بعض شوى بقي
يارا: لا استنى يا مامى
سلوى : في حاجه ياحبيبتى خير
يارا بتردد: بابي انا .. انا فكرت فى موضوع احمد وموافقه
امجد: مش مهم تكونى موافقه على كلامنا ارضاء لينا وبس يايارا لازم تكونى مقتنعه من جواكى كويس دى حياتك بس ديما خليكى فاكره اننا عاوزين مصلحتك مش حكايه اننا بنجبرك عليه واحمد بنفسه اعترفلي انه بيحبك ووعدنى ياخد باله منك
سلوى: سيبك من احمد لو مقتنعه اننا بنجبرك الأهم انك تبعدى عن الولد ده لانه عمره ماحبك يا يارا
يارا بتحاول تحبس الدموع في عنيها في محاوله فاشله : انا مقتنعه وموافقه وعارفه ان كلامكو صح انا طالعه اغير هدومى عن اذنكو
خرجت متوجهه نحو غرفتهاودخلت تجلس على سريرها ثم اندفعت بالبكاء الى ان قررت ان تنسي خالد وتحاول انها تتعايش وتقبل الوضع الى مرض والدها فرضه عليها فقامت بعد ان حاولت ان تهداء مابداخلها فبدلت ثيابها وخرجت نحو غرفه والدها ودخلت فجلست بجانبه مظهره انها بخير ..كانو امجد وسلوى مستغربين جدا من هزارها وكلامها و..
نظرت لها سلوى وهى تشعر انها ليست بخير فهو قلب الام ثم قالت : حبيبتى .. انتى كويسه ؟!
يارا : اه كويسه مالى يا مامى بضحك وبهزر وقاعده معاكو كمان
سلوى: ماهو ده الى خلانى مستغرباكى بصراحه
امجد: لاياسلوى يارا فكرت كويس بعقلها مش بقلبها وده الصح
يارا: كلام بابي صح
سلوى: الحمدلله انك اقتنعتى ياحبيبه قلبي
فاتت ايام وليالى الى ان استرد امجد صحته وعاد لشركه مره اخرى....
احمد: حمدلله على سلامتك يا امجد باشا والله كنا مفتقدين حضرتك جدا الشركه نورت بوجودك
امجد بأبتسامه : حبيبي يا احمد الله يسلمك يارب
حسام: ايوه كده يا امجد باشا ارجع نور شركتك تانى
امجد: الشغل تمام كانى موجود معاكو فعلا ياولاد
احمد: تلامذتك يا امجد باشا
حسام: ومع ذلك وجودك بيفرق معانا برضه يا امجد باشا
حسام: احمد عاوزك تصرف الشهر ده مكافأت للعمال والموظفين كلهم
احمد: اعتبره حصل يا باشا
ثم اردف قائلا وكلهم بيدعو لحضرتك كمان على الخير الى بتعمله
امجد: احمد اعمل حسابك انك هاتيجي مع حسام النهارده تتغدى معانا وعاوزك في موضوع كده
احمد: اوامر سيادتك يا باشا
امجد: طيب ياولاد اسيبكو تشوفو شغلكو وقوم انا اروح ارتاح وهستناكو على الغداء ان شاءالله
حسام بقلق: حضرتك كويس ولاحاسس بحاجه
امجد: لالاياحبيبي متقلقش بس انت عارف الاوامر ولازم انفذها بس كانت وحشانى الشركه
حسام: هخلى السواق يجهز العربيه حالا
قام بالضغط على زر هاتفه المكتبي و..
حسام: داليا خلى السواق يجهز العربيه حالا لأمجد باشا
داليا: حاضر حالا يافندم
امجد: ياله ياولاد السلام عليكم .. ثم اشار بأصبعه وهو ينظر ل احمد مستنيك متتأخرش
احمد: اوك يا باشا فى امان الله.....
الحلقة السابعة والعشرون
_____________________
في فيلا امجد الجزار
سلوى: يارا حبيبتى انتى فعلا موافقة على احمد
يارا: ايوه يا مامى موافقه
سلوى: يعنى خلاص بابا يقوله انه موافق ويديه معاد
يارا: ايوه يا مامى ايوه
سلوى: متأكده يا يارا
يارا: ايه يا مامى مالك مستغربه كده ليه قولتلكو انى موافقه خلاص اعمل ايه تانى
سلوى: لأنك كنتى متمسكه بالولد الى اسمه خالد ده اوى وك.... تقاطعها يارا
يارا: مامى بعد ازنك الموضوع ده انتهى خلاص مش عاوزه حد يفكرنى بيه تانى نهائي ممكن
قامت سلوى بضمها لحضنها : خلاص ياحبيبتى حقك عليا
امجد: الله الله ياسلوى هانم اهو انا ماخدتش حضن زى ده من قبل مايجي حسام ههههههههه
سلوى بإحراج : بس يا امجد ايه الى بتقوله ده
الكل : هههههههههههههه
امجد: اعملو حسابكو ان احمد هيجى يتغدى معانا النهارده وهبلغه قرارنا
تنظر سلوى ل يارا : ينور يا امجد انا هخلى سناء تعمل حسابها
يارا: طيب عن ازنكو هطلع انام شويه لحد ميعاد الغدا
امجد: استنى يا يارا عاوزك
يارا: خير يا بابي
امجد: القرار النهائي عاوزه منك النهارده بس الاهم تكونى مقتنعه كويس اوى بيه
يارا: مقتنعه وموافقه خلاص يا بابي
سلوى: علشان دى حياه وعمر طويل يعنى مش لعبه او تجربه
يارا: فكرت وموافقه بس هكمل دراستى بعد الجواز عادى جدا
امجد: وده شيئ مفروغ منه طبعا وبعدين احمد مش انانى واكيد هيحبك تكونى ناجحه زيه ده اذا ماكنش هو ال هيحفزك على كده وانا متأكد
يارا: ماشي يا بابي عن ازنك هطلع ارتاح شويه
سلوى: وانت كمان يا امجد اطلع ارتاح شويه لحد معاد الغدا
امجد: هى البنت قالتلك انها رفضاه قبل ما ادخل عليكو ياسلوى
سلوى: لا خالص والله يا امجد وده الى مجننى وقالت كمان انها نسيت الولد التانى ده ومش عاوزه حد يفكرها بيه تانى وانها مقتنعه بجوازها من احمد
امجد: يعنى الحمدلله احنا مش غاصبينها على الجوازه دى
سلوى: احمد ولد فوق الممتاز يا امجد وهنطمن عليها معاه
امجد: طيب انا هطلع اغير هدومى وارتاح شويه لحد معاد الغدا
في شركه امجد الجزار....
احمد: حسام .. مافيش اخبار عن الموضوع الى كنت كلمتك فيه
حسام: موضوع ايه ؟!
احمد بضيق : موضوع ايه انت نسيت ياحسام
حسام: ااه موضوع يارا ..مش موضوع نسيت يابنى بس انت كلمت امجد باشا والراجل طاير بيك ومش يمكن يكون عنده اخبار كويسه النهارده انت الى على طول مستعجل كده
احمد: تفتكر
حسام: ليه لا ..انا مش عارف ايه سر سعادتك دى يابنى والله بكره تعرف الى اتجوز خدوا ايه وانت الى هتيجي تنصحنى ههههههههههه
المشكله انك عارف يارا وعارف دماغها يابنى دانت معانا من واحنا عيال بكره تيجى تقولى الحقنى ياصاحبي وساعتها مش هعرفك
احمد: عيب صاحبك راجل يعنى ماحدش يعرف يتعوج عليه وكله بالحب برضه ولما اجيلك اشتكى ياعم حسام متبقاش تقف جمبي ده انت عيل غتيت
حسام: ههههههههههههههه طيب ياله ياخفيف علشان منتأخرش على امجد باشا وتاخد محضر من اولها
خرجوا كل منهم متوجها الى سيارته وبعد مده دامت لنصف ساعه وصلوا ل ڤيلا امجد .....