بسم الله توكلت علي الله. وهو رب العرش العظيم
وزق صدام نحمده بعيد عنه وراح فتح الباب. علشان يشوف اخر واحد كان ممكن يشوفو. شاف صلاح الشرقاوي اتفزع في الاول لكنه تمالك اعصابه وقال
صلاح الشرقاوي. الباشا الكبير بنفسه. طيب كويس انك لسة فاكر مكاني
صلاح
هنفضل نتكلم واحنا واقفين كدة
صدام
ودي برضو تيجي. دة احنا ولاد بلد ونفهم في الاصول
وخرج صدام من الاوضة وهو بيقول
كان نفسي اقول لك خش بس مراتي جوة ومرحرحة شوية
صلاح
مش محتاج اخش. تعالي نقعد برة تحت الشجرة اياها لمحتها وانا داخل
صدام بتريقة
شجرة الذكريات.
وراح صدام ناحية كنبة موجودة تحت الشجرة اللي قال عليها صلاح وقعد صدام وجنب منه صلاح وقال صدام
نخش في الموضوع اية اللي جاب الشيطان التائب ل حرامي زيي
صلاح
بنتي اتخطفت
صدام ببرود
يا حرام. لا بجد زعلتني. بس انا اعرف انك واصل وليك حبايب كتير من الحكومة. ما تخليهم يدورو عليها
صلاح
عملو كل اللي يقدروا عليه وما وصلوش ليها
صدام
ف انت قولت طالما الحكومة ما عرفتش اروح لواحد شمال يعرف بتوع الشمال
صلاح
بنتي مخطوفة في القاهرة وانت مسجل وتعرف مين لي في السكة دي او مين كان يعرف شربيني وقاصد يحرق قلبي علي بنتي
صدام
شربيني اللي انت خليته يشيل قضية سرقة البوسطي وعشمته بانه لما يخرج هيلاقي نصيبة في الفلوس. وقتلته جوة السجن وخليتها تبان موته طبيعية
صلاح بعصبية
غلطت و ندمت. وتوبت وعوضت ابنه محمود. وصرفت علي تعليمة وكمان جوزته بنتي.
صدام
بس باين ان التوبه ناقصة
صلاح
انا اديتك اللي يخليك تعيش ملك وانت ضيعت نصييك علي النسوان ورسي بيك الحال علي اوضة في ترب عليتكم
صدام
ومين قال اني بتكلم عني.
صلاح
اومال تقصد اية بان التوبه ناقصة
صدام
اقصد انك محتاج تعترف بذنبك يمكن ربنا يقبل توبتك
صلاح
انت مجنون صح. عايزني بعد الاسم اللي عملته والثروة اللي حققتها اقول اني كنت حرامي وسرقت البوسطي انا وشربيني
صدام
وكمان قتلته
صلاح
اسكت يا صدام وما تجيبش السيرة دي تاني علي لسانك
صدام
خلاص سكت. اتكلم انت واقول
صلاح
بنتي وقصاد منها شنطة فيها مليون جنية
لمعت عيون صدام وقال بطمع رهيب
مليون ج.
صلاح
وتعرف لي مين عمل كدة
وبدا يفكر صدام انه فعلا يقول له مكان زينه اللي هي المفروض دلوقتي رايحة مع دياب شقته لكنه سكت وفكر في دياب واللي ممكن يعمله لو باعه وبدات خناقة تتولد في عقل صدام يقول ولا يسكت يقول ولا يسكت هنا قال صلاح
صدام انت ساكت لية.
صدام ولسة الخناقة دايرة في دماغه
بفكر ابتدي منين
طلع صلاح من عبايته كذة رزمة فلوس وحطهم قدام صدام وقال
100 الف ج. يساعدوك تبتدي صح
مسك صدام الفلوس وحطهم في جلبيته وقال
هرد عليك بكرة
طلع صلاح موبيلة وقال
قولي رقمك ارن عليك وسجل رقمي
قال صدام رقمه ل صلاح، ،،،،،،.،،،،،،
وبعدها بشوية ومن جوة اوضة نوم في شقة دياب يقعد دياب قدام زينه علي السربر. بعد ما خد اللي هو عايزة وكان بيقول لها
انتي قمر يا بت وريحتك حلوة وطعمك حلو. فعلا بنت ذوات مش المقشفين اللي كنت اعرفهم
بصت له زينه. وهي في حضنه وقالت
يعني اية مقشفين
دياب
بنات ما بتستحماش
زينه
وانت لية كنت معاهم
دياب باحراج
هه.
زينه
كنت معاهم بتعمل اية
دياب
بناخد درس جيولوجيا واحياء
زينه
بعد كدة ما تبقاش مع حد غيري. مش انا مراتك.
دياب
انتي مراتي. وقلبي وعقلي وحياتي. بس عايزين بقي نخلص شهر العسل ونفوق بقي ل شغلنا
زينه
احنا بنشتغل مع بعض. وبنشتغل اية
دياب
بعدين هقول لك ما تستعجليش كدة
وهنا يسمعوا صوت جرس الباب فيقول دياب في سرة
البت سيدة جت. دة انا قايل لها اني هبات برة النهاردة.
زينه
دياب. مش هتشوف مين.
دياب
هه
زينه
ولا اقوم اشوف انا
دياب
لا. انا هقوم
وقام دياب وخرج من الاوضة وراح ناحية الباب وقال بصوت واطي
مين
سمع صوت صدام
افتح يا دياب
فتح الباب بسرعه وبص ل صدام وقال
جاي لية دلوقتي،،،،،،،،،،
ومن علي القهوة اللي تحت بيت دياب يقعد صدام مع دياب ويقول دياب
وانت بقي جاي تقولي نقسم ال 100 الف اللي قال لك عليهم صلاح بالنص ونرجع له زينه
صدام
بذمتك مش تبقي فكرة حلوة
دياب
انت عبيط صح.
صدام
لية بس
دياب
الماظ ب 50 مليون. اضحي بي علشان 50 الف.
صدام
اخليهم 100 الف. اية رايك
دياب وهو بيضحك
يعني لما تزود 50 الف تاني كدة هنبهر انا
صدام
هضيعها علينا لية. اية اللي يضمن لك ان زينه،،،،،
دياب مقاطعه له
سمر
صدام بزهق
سمر. تدخل دماغ جرجس ويشغلها عنده
دياب
هيشغلها لانه دني وبيحب الخدمات وبمجرد ما سمر تدخل القصر هندخل احنا كمان ونعرف هنطلع بسر فتح الخزنه اللي فيها الالماظ.
صدام
وازاي هتقنع زينة
بص له دياب بصه معنها كدة غلط. فقال صدام
اقصد سمر. بانها تبقي حرامية.
دياب
دي شغلتي انا بقي
صدام
يا ابن الحلال اسمعني الله يهديك عصفور في اليد خيرا من عشرة علي الشجر
دياب
صدام تيجي نقسم البلد نصين
صدام
بمعني
دياب
هات لي من صلاح الشرقاوي 200 الف ج.
صدام
نعم يا خويا
دياب
اشتري مني بس. انا عارف ومتاكد ان انت كداب وان صلاح الشرقاوي دفع لك في بنته اكتر من ال 100 الف اللي انت جاي تضحك عليه بيهم. بس انت حرامي خايب وكذاب خايب برضو
ارتبك صدام وقال
انت عرفت ازاي
دياب
منك دلوقتي لما قولت لي هخليهم 100 الف.
وضحك دياب. فقال صدام
وفيها اية
دياب
يعني بذمة اهلك صدام هياخد. 100 الف. ويديهم لي كلهم
دة كدة يبقي في واحد يهودي هيموت
صدام
انا كنت بقول كدة علشان احل المشكلة مش اكتر
دياب وهو بيضحك بخبث
طيب حل ب حل. قول له انك محتاج 200 الف. تديهم للراجل اللي هيدلك علي اللي خطف بنته وانا وعد مني اسبوع بالظبط اخلص المصلحة واديك زينه تسلمها بنفسك ل صلاح. هه اية رايك حلو الحل دة.
صدام
اسبوع بالظبط مش اكتر علشان هتفق معه علي كدة
دياب
هو اسبوع ادخلها قصر جرجس الجواهرجي تعرف لي سر الخزنة اخبط خبطتي وحلال عليك فلوس صلاح اللي هتاخدها منه حلاوة رجوع بنته
صدام
لو عدي الاسبوع وانت رجعت في كلامك هعرف صلاح مكانك وهو بقي يجي ياخد بنته منك بمعرفته. ونصيحة صلاح دة ابن كار يعني مش سهل.
دياب
بلاش وحياة امك تهددني علشان انا اخر مرة خوفت جبت رقبة اللي خوفت منهم. وكان قدامك
وقرب دياب من صدام وقال
دة انت حتي اللي دفنهم بايدك
صدام وهو خايف من غدر وشر دياب
دياب الغدر وحش. واحنا اخوات يا صاحبي
دياب
طبعا بس برضو العبط وحش والعبيط بنخلي يقف في ركن النوتي. واخرم جسمه بالمطواة علي كذة يوم كدة. بيتهيالي انك مش نوتي
صدام
وربنا ما نوتي ولا عمري كنت نوتي
ابتسم دياب وقال
علشان انت بقي مش نوتي ليك مني 3 مليون جنية. بس تلاعب صلاح لغاية ما فك سر خزنة جرجس واطلع بالالماظ
صدام
بس كدة سهلة. ،،،،،،،،،.،،،،،،
وفعلا قدر صدام يجيب من صلاح ال 200 الف ج. واداهم ل دياب وخدهم دياب وخد زينه وراح بيها علي مركز تجميل في وسط البلد لدكتور مشهور وطلب منه يغير في ملامح وش زينه يعني يطول الذقن شوية يصغر المناخير ينفخ الشفايف والخدود يقص شعرها ويصبغه قدر يخليها في الصورة اللي تشد جرجس ،،،،،،،،
وفي احدي الليالي يقف دياب مع زينه قدام قصر جرجس وكانو مستنين وصول جرجس ودياب كان بيقول ل زينه
سمر اوعي تنسي القصر دة ل جاسوس من اخطر الجواسيس اللي عرفتهم مصر واحنا لازم نعرف ازاي نفتح الخزنة اللي جوة ومكانها بالظبط فين علشان نقدر نحمي الغلابه من شرة
زينه
ما تقلقش يا دياب. انت بقالك خمس ايام بتوصيني علي المهمه دي وانا جاهزة طالما بيضر الغلابه لازم يدفع الثمن
دياب
الله ينور عليكي. دة ما يمنعش انه ممكن يقرب منك شوية يلطف شوية طاوعي للاخر واوعي تزعلي المهم تكسبي ثقته فيكي وفي الوقت المناسب ننفذ خطتنا
وهنا يقف فرد الامن قدام دياب وزينه ويقول ل دياب
معلش بقي يا دياب جرجس بية سافر وهيرجع كمان 10 ايام
اتصدم دياب وقال
اية. ازاي بس
فرد الامن
لسة عارف دلوقتي حالا من السكرتيرة
دياب بغضب
يادي الحظ.
وبص لزينه وقال
وشك وحش عليه مكتوب اعيش في خلقتك 10 ايام تاني
استغربت زينه من كلام دياب بالطريقة دي، ،،،،،،
ومن جوة الترب يقف صدام قدام دياب وكان بيقول بعصبية
كدة كتير اوي. وانت قولت اسبوع دخلنا في 9 ايام. والبت ما رجعتش. وشكلي بقي وحش قدام صلاح. وما بقتش عارف اقول اية تاني.
دياب
صدام صوتك ميعلاش عليه انا علي اخري
صدام
وانا كمان علي اخري وصبرت عليك علشان العيش والملح واكتر من كدة مش هستني. انا مش هفضل ماشي وراك واضيع من ايدي مليون جنية. زينه هترجع ل صلاح الشرقاوي والليلة دي
ابتسم دياب ابتسامه صفراء وقال
طبعا. ابعته ياخد بنته في اي وقت
استغرب صدام من رد فعل دياب اللي سابه ومشي. وهنا تخرج نحمده من الاوضة وهي بتقول
صدام هو في اية
بص لها صدام وقال
ادخلي جوة ومالكيش دعوي انتي
دخلت نحمده الاوضة وقال صدام وهو بيبص علي دياب
فاكر يعني اني هتهز لما تقولي ابعته. لا يا دياب انت ما تعرفش صدام لما يقلب علي الوش التاني
وطلع صدام الموبيل بتاعه واتصل ب صلاح وقال
صلاح لقيت بنتك قابلني في العنوان دة، ،،،،،،،،
وبعدها بساعه بالظبط يوصل صلاح ومعه صدام للعنوان اللي ساكن في دياب ولقو باب الشقة مفتوح وكانت زينه قاعدة جنب دياب ودياب بيبص لهم وجوة الشقة يظهر ظابط واثنين عساكر بص صدام. للمشهد دة وانصدم وقال صلاح ل صدام
اية اللي بيحصل يا صدام
دياب بص للظابط وقال
اهو هما دول يا حضرة الظابط اللي جائيين ياخدوا مراتي سمر عدوي منتصر
صدام
دة كذاب دي زينه صلاح الشرقاوي
دياب وهو بيطلع قسيمة جوازه من سمر
طيب انا كذاب والقسيمة دي كمان كذب
وبص صدام للقسيمة. والصدمة كانت هتصيية بالجنون، ،،.،