ليلي ........ ما متخافيش انا كلمت حرم معالي المستشار و هتبعت الشرطه وانا اعلمهم درس مش هينسوه
محمود ........ جاي من وره و يقرب منهم و بيطلع السكينه عشان يضرب عادل
ليلي ......... بتفتح الباب روح هاتي طاسة الزيت الي علي النار
روح ......... حاضر يا خالتي وتمسك الطاسه الي مليانه زيت بيغلي و بتديها خالتها
محمود ........ بيقرب و بيطلع السكينه عشان يضرب عادل
ليلي ....... بتاخد الزيت و بتكبه علي امل و فتحيه وعادل
امل ......... تصرخ و بتترمي علي الارض الزيت جه علي نص وشها
فتحيه ........ اترمت علي الارض وووشها بيتشوي
عادل ...... يصرخ عملتي ايه يا مجنونه
محمود ........ رجع خبا السكينه في هدومه
الشرطه ........ جات ونزل الضابط احمد
احمد .......... اقبضوا علي الكل
ليلي .......... انا الي كبيت الزيت عليهم
احمد ........ خذوها علي البوكس وطلبوا الاسعاف خليها تاخد المجني عليهم
محمود ........ هي ملهاش ذنب انا الي عملت كده فيهم
ليلي ........ ما فيش داعي للكلام ده يا محمود انت خد روح دلوقت وامشو وانا عارفه بعمل ايه
احمد ......... وانتي عملتي كده ليه
ليلي ......... اتهجمو عليا وانا ست لوحدي وكان لازم ادافع عن نفسي
احمد ........ هنشوف كل حاجه لما نوصل القسم يلا بينا
روح .......... لا انا مش هسيب خالتي
محمود ........ ما تقلقيش انا روحك وافضل معاها لحد ما تطلع بالسلامه ما تقلقيش يا بنتي انا السبب في كل ده ولازم اصلح غلطتي يلا عشان امك قلقانه عليكي
فاطمه .......... روح الحمد لله و حضنتها
روح .......... خالتي في القسم بسببي
فاطمه ........بتقولي ايه حصل ايه يا محمود
محمود ...........ليلي كبت الزيت المغلي عليهم وشوهتهم وخدوها القسم
فاطمه ........ اختي لا انا مش هعرف اعيش من غيرها اتصرف يا محمود
محمود ....... احنا الي غلطنا ولو وصلت انا ادخل مكانها ما تقلقوش انا هروح دلوقت عشان اشوف هقدر اعمل ايه
روح ......... خدي البنت يا ماما وانا اطمن عليها وارجع علي طول
فاطمه ........ بسم الله الرحمن الرحيم القمر ده اسمه ايه
روح .......... دي بقيت كل حياتي عشان كده هسميها حياه
فاطمه ........ الله اسم جميل يلا انا العب مع حياه لحد ما تيجو
محمود .......... يلا يا بنتي
روح ........ شافت خالتها جريت عليها خالتي
ليلي ........ روح انتي جيتي ليه يا بنتي
العسكر ....... لو سمحتو مش عايز حد يتكلم مع المتهمه
روح ......... متهمه ايه دي كانت بدافع عني
العسكري ....... ده مش شغلي
احمد ........ فيه ايه يا عسكري
العسكري ........ الانسه والاستاذ يتكلموا مع المتهمه
احمد ......... بص علي روح مش حضرتك الي كنتي في البيت لما اخذنا مدام ليلي
روح ......... ايوه وخالتي كانت بدافع عني انا احبسوني انا و سيبو خالتي
احمد ........ اتفضلوا معايا جوه
محمود ........شكرا
احمد ....... اتفضلي ارتاحي يا مدام وعلي فكره مكالمة المستشار مش هتغير حاجه في التحقيقات المستشار نفسه طلب اني التحقيقات تكون مظبوطه ولو انتي مذنبه تاخدي جزاءك
ليلي ........ انا عارفه كده وانا مش عايزه غير القانون يطبق
احمد ........ توصل التحريات و هنعرف كل حاجه بس انا عايز اعرف الحكايه منكم الاول وايه علاقة الانسه روح بالقصه دي
ليلي ........ أولا روح مش انسه روح تبقا مرات عادل الي انا كبيت عليه الزيت
احمد ....... بتقولي ايه
ليلي ........ ايوه
احمد ........ ايوه ازي ده فرق السن بينهم كبير
محمود ........ كل ده بسببي و المصيبه اني فوقت متاخر
احمد ........ مش فاهم
محمود ......... عشان عادل سافر وبقي معاه فلوس رغم اني عارف كل حاجه عنه وفقت اني اجوزه بنتي وكمان غصب عنها كنت فاكر كده اني بضمن لها مستقبلها لكن دلوقت عرفت اني كنت ببيع بنتي للكلب ده بالفلوس وانا عارف اني كلامي و ندمي خلاص مبقاش ليهم ايه لازمه بعد ما دمرت حيات بنتي الوحيده
احمد ........ وهو ليه اتهجم علي بيت مدام ليلي
محمود ........ عشان ليلي اخدت روح عندها لما لقيت اني انا وامها مصممين انها ترجع له تاني وعادل كان رايح عشان ياخدها بالقوه
احمد ........ كده فهمت وانتي ياروح خلاص ما فيش امل انك ترجعي
روح ......... لو هموت مش هرجع لواحد معدوم الشخصيه ومفيش عنده دين زي ده
احمد .......... بس ده جوزك
ليلي ....... انا كلمت المحامي و هرفع لها دعوة خلع و الحكايه مسألة وقت و أطلقها منه وكمان هجيب لها كل حقوقها
العسكري ..... خبط علي الباب ودخل التحريات يا فندم
احمد ........ هاتها وخرج انت
العسكري ........ تمام يا فندم
احمد .......... فتح الظرف وبعد ما قرا التحريات الحمد لله التحريات بتقول انهم هجموا عليكي وانتي كنتي بدافعى عن نفسك
روح ....... الحمد لله يعني ممكن ناخد خالتي ونمشي دلوقت
احمد ........ مش للدرجه دي
روح ........ و شها اتغير وواضح عليه الحزن
احمد ......... ابتسم مالك يا روح قلبتي كده بسرعه انا قصدي اني خالتك تتعرض علي النيابه و هتطلع بضمان محل إقامتها لحد ما يتحدد معاد الجلسه
روح ......... الحمد لله
احمد ...... يا عسكري
العسكري ........ افندم
احمد ......... تاخد مدام ليلي تتعرض علي النيابه وعم محمود وروح ليها الحق تتكلم و تقعد معاهم ولو النيابه اخلت سبيلها تسيبها وما ترجعش بيها علي هنا مفهوم
العسكري ...... مفهوم يا فندم اتفضلي يا مدام ليلي
ليلي ......... الف شكر لحضرتك
احمد .......... ده شغلي ولو كنتي مذنبه كان تعاملي معاكي هيكون مختلف وانتي يا انسه قصدي يا مدام روح لو في اي حاجه حصلت انا موجود
روح ....... بجد الف شكر لحضرتك وجزاك الله كل الخير
احمد ....... امين يارب العالمين
العسكري .......... اتفضلي ادخلي لوكيل النيابه
ليلي ......... السلام عليكم
وكيل النيابه ........ وعليكم السلام ورحمة الله وبركاته اتفضلي يا مدام ليلي انا قريت المحضر والتحريات بس عايز اسمع منك
ليلي .......... قالت كل حاجه لي وكيل النيابه
وكيل النيابه .........يعني ما فيش اي خصومه بينكم
ليلي ......... لا
وكيل النيابه ....... يخلا سبيلها من النيابه بضمان محل إقامته اتفضلي يا مدام ليلي
العسكري ........ انا اسف علي اسلوبي في الكلام معاكم
ليلي ......... ولا يهمك يا ابني انت بتشوف شغلك السلام عليكم
العسكري ........ وعليكم السلام ورحمة الله وبركاته
روح ....... الحمد لله و حضنت خالتها
ليلي ........ يا حبيبت قلب خالتك يلا هروح انا
محمود ......... لا اختك قلقانه عليكي هنروح و نتعشاء سوا وبعد كده اوصلك انتي وروح لحد بيتك
روح ....... يعني انا اقعد مع خالتي
محمود ......... ايوه بعد الي خالتك عملتوا اثبتت انها احن عليكي من امك و ابوكي وانا اسف يا بنتي انا السبب في كل ده وان شاء الله ربنا يسترها وتطلقى منه عشان نخلص من الذنب ده
روح .......... ما تقولش كده يا بابا كفايه عليا انك رجعت لحضنك تاني في وقت انا كنت محتاجه ليكم اووي
محمود ........ من دلوقتى اسمعك وعمري ما هغصبك علي حاجه
روح ....... ربنا يخليكم ليا وما يحرمني منكم ابداء
محمود وليلي ........ ولا منك يا حبيبتي
فاطمه ........ انت رجعت لوحدك يا محمود فين ليلي
ليلي ....... كانت مستخبيه ورا الباب
روح ........ خالتي اتحبست
فاطمه ......... بتقولي ايه وزي ترجع من غيرها يا محمود تتحبس بسبب غلطنا احنا انا هروح ومش هرجع غير واختي معايا وبتطلع تلاقي ليلي في وشها
ليلي ........ انا هو يا قلب اختك
فاطمه ....... تحضنها حرام عليكم وقعتو قلبي انا كنت هتجنن عليكي
ليلي ....... انا اهو زي الفل يا حبيبتي ما تقلقيش عليا ولا انتي مش عارفه اختك
فاطمه ....... عارفه انك مش بتعملي حاجه غير وانتي حاسبها وعشان كده كنت مطمئنة وانا قاعده انك هترجعي بس اتجننت لما لقيتك مش معاهم
ليلي ......... تسلميلي يا قلب اختك ايه مش هنتعشاء بقا
فاطمه ....... احلا عشاء لي احلا لولا
روح ........ هي حياه فين يا ماما
فاطمه ........ نايمه جوه زي الملايكه
ليلي ........ الله الله انتي سمتيها حياه
روح ........ ايوه عشان هي فعلآ الي رجعت لي الحياه بعد ما كنت حاسه اني ميته بالحياه
ليلي ......... ربنا يسعدك يا بنتي ويحفظها لك
روح ........... امين يارب العالمين
فريده .........بترن علي الضابط احمد ابنها
احمد ......... السلام عليكم
فريده ........ وعليكم السلام ورحمة الله وبركاته مراتك رجعت ولا لسا يا ابني
احمد ......... انا طلقتها يا ماما
فريده ........ امتي وازي
احمد ......... امبارح وانا خلاص تعبت منها ومن اسلوبها كل شويه هقول لي بابا هي فاكره عشان ابوها لواء هبقا تحت رجليها انا من الاول ما كنتش موافق علي الجوازه دي بس حضرتك الي ضغطي عليا وانا عشان متزعليش دمرت حياتي بايدي والحمد لله أن ما فيش اولاد بينا كنت هفضل مرتبط بيها العمر كله
فريده ......... انا كنت عايزه مصلحتك يا ابني هي في ام بتبقا عايزه ابنها مش مبسوط في حياته
احمد ......... بس تفكيرك انتي و اغلب الاباء والامهات غلط احنا نقدر نختار شريك حياتنا الي نكمل معاه عمرنا عارفه انهارده شوفت بنت زي القمر وحياتها ادمرت بسبب ان ابوها جوزها لواحد غصب عنها بس هي كتر خيرها ما هي بنت واحنا عايشين في مجتمع بيقول البنت ملهاش راي مع اني الدين بيقول اني البنت لازم توافق علي الي هيكون جوزها اما انا راجل وكنت اقدر ارفض لكن بسبب حبي ليكي وفقت وهي دي النهايه يعني انا ماليش عذر
فريده ......... كل ده في قلبك ناحيتي حقك عليا يا ابني
احمد ....... ما فيش حق بينا يا ماما الي حصل حصل
فريده ....... خلاص ارجع عيش معايا عشان ما تفضلش لوحدك كده مين يغسل لك و يطبخ لك
احمد ....... لا لو سمحتي خليني براحتي انا هعمل كل حاجه لوحدى وبعد اذنك عشان عندي شغل سلام
فريده ......... لا حول ولا قوه إلا بالله ربنا يسامحني يا ابني علي الي انا عملتوا فيه ويسعدك و يكرمك ببنت الحلال الي تعوضك عن كل الي شوفته في سنتين الجواز دول
فاطمه ........ في واحده اسمه الدكتور جلال بيرن علي تليفونك
روح ........ ده الدكتور رئيس الجامعه السلام عليكم
جلال ....... وعليكم السلام ورحمة الله وبركاته
روح ....... اخبار حضرتك يا دكتور
جلال ....... الحمد لله يا بنتي بس انا زعلان منك
روح ........ ليه يا دكتور
جلال ......... في حد متفوق زيك يسيب فرصة انه يكون معيد في الجامعه انا من وقت ما رفضي وانا عايز اكلمك و بنسي و افتكرت دلوقت
روح ........ كانت ظروف غصب عني يا دكتور والله والحمد لله علي كل حال اهي الفرصه ضاعت
جلال ........ مين قال انها ضاعت امال انا بكلمك ليه
روح .......... يعني ايه مش فاهمه
جلال .......... انا طول عمري بعتبرك زي بنتي ولما انتي بعتي جواب الرفض انا قطعته وحطيت ورقك و النهارده طلع قرار تعينك معيده في كليه تجاره و رنيت اشوفك لسا مصممه انك تضيعي الفرصه دي ولا لا روح ......... بجد انا مش مصدقه نفسي انا مش عارفه اشكرك ازي انا كنت محتاجه الوظيفه دي اوي
جلال ........ يعني خلاص امضي القرار
روح .......... طبعا يا دكتور وانا والله مش عارفه اقولك ايه ولا اشكرك ازي
جلال ......... الشكر لله يا بنتي كلنا اسباب لبعض و عايزك يوم السبت الصبح تكوني عندي هنا في المكتب
روح ........ حاضر
جلال ............ يلا مع السلامه
روح ............ سلام يا دكتور
محمود ............. وظيفة ايه الي تتكلمى عنها يا روح
روح ............ انا اتعينت معيده في كلية التجاره
محمود .......... مش معقول الف مبروك
ليلي ......... حضنتها مليون مبروك مش قولتلك ربنا ما بيسبش حد
روح .......... ونعم بالله انا هروح اصلي ركعتين شكر لله