الحلقة الثانيه والأربعون
____________________
خرج احمد من الحمام مرتديا تى شيرت قطن وشورت طويل ..لكن استوقفه ملاك يجلس امام المراه متجسدا في هيئة بشر
احمد : كنت متاكد انه هيجنن عليكى
يارا بكسوف: ده علشان زوقك واختيارك انت
احمد: اقولك على تانى سر
يارا : قول
احمد: الله عليكى وانتى مكسوفه كده تجننى ..اقترب منها ووضع يده على كتفيها ثم همس في اذنيها "بحبك" وبحب كسوفك اووى ..بقولك ايه
يارا: ايه
احمد: ماتيجي نجرب حاجه كده
يارا: هنجرب ايه
احمد : تعالى بس ..ثم قام بحملها ووضعها على السرير "ثم سكتت شهريار عن الكلام المباح "..........
في صباح اليوم التالى .. استيقظت يارا لكنها لم تجد احمد في السرير فنهضت من الفراش ترتدى مايسمى بالروب وبدات تنادى على احمد لكن دون جدوى ..طرقت باب الحمام ثم فتحته لكنها لم تجده ايضا وبعد دقايق دخل احمد ومعه بوكيه من الورد الاحمر
احمد: صباح الجمال
يارا بدهشه: صباح الخير ياحبيبي
احمد بسعاده: يا ايه ؟
يارا: حبيبي ..هو انت مش حبيبي يعنى ولا ايه
اقترب احمد منها ثم اعطاها بوكيه الورد ثم حملها بحركه سريعه وبدا يلف بيها وبصوت عالى جدا "بحبببببببببببببك"
يارا: ههههههههههه دوختنى يا احمد ..نزلنى يامجنوون
احمد: بصي بقي ياستى احنا فاضلنا هنا يومين تحبي نعمل فيهم ايه ولا تحبي نمد شهر العسل شوى
يارا: لاياحبيبي علشان شغلك ..وانا عاوزه ارجع بيتنا بقي
احمد: عارفه يا يارا انا بتمنى اموت وانا في حضنك انا كده مش محتاج حاجه تانى من الدنيا
يارا: بعد الشر عنك ياحبيبي احنا لسه قدامنا مستقبل كبير مستنينا ..ثم ادارت وجهها وبصراحه انا عاوزه اجيب ولاد
احمد: لالا انا عاوز ١١بنت و ١١ولد
يارا: هههههههه ليه عاوز تعمل فريق كوره
احمد: ايوه وبعدين انا مش عاوز اضيع وقت ياله بقي علشان نقضي اجمل يومين في حياتنا
يارا: هدخل اخد شاور وننزل نفطر حالا
احمد: ماشي ياحبيبتى
دخلت يارا الحمام وجلس احمد على السرير بدا يشعر بدوخه وزغلله في غينيه قلق اوى وبدا يحدث نفسه كده الموضوع زاد عن حده انا مش عاوز فرحتى تبوظ خرجت يارا بعد دقايق لتجد احمد يجلس ويضع راسه بين كفيه من شده الالم
يارا: احمد مالك انت رجعت تتعب تانى صح
احمد: لالاياحبيبتى مافيش اى حاجه ياله اجهزى بسرعه علشان ننزل بقي
يارا: احمد احنا لازم نروح للدكتور النهارده وحياتى عندك ومش هتنازل لو بتحبني اسمع كلامى عاوزه اطمن عليك
احمد: ياحبيبتى انا كويس الحمدلله مش عاوز حاجه تبوظ فرحتنا دى ده احنا ماصدقنا وانا ماصدقت لقيتك واعيش معاكى
يارا : احمد انت حبيبي وجوزى وبصراحه مش هكون مرتاحه ولا مبسوطه غير لما اطمن عليك لو بتحبنى فعلا اسمع كلامى ارجوك
احمد: حاضر ياحبيبتى ياله بس علشان ننزل ونبقى نشوف الموضوع ده لما نرجع القاهره ان شاء الله
يارا بضيق: لايا احمد انت عاوز تسيبنى قلقانه كل ده ..احنا هنروح النهارده وحياتى عندك قلقانه وعاوزه اطمن عليك وده من حقي
احمد: حاضر ياقلبي نروح نطمن بس انا دلوقتى واقع من الجوع ننزل نفطر بقي
عدى الوقت مابين الفطار والتنزه وفضلت يارا تزن عليه علشان يروحوا للدكتور
احمد: ياحبيبه قلبي والله انا بقيت كويس الحمدلله وفرحان اوى وانا معاكى اوعدك لو تعبت تانى هنروح للدكتور
يارا: انا مش هستنى لما تتعب هنروح يا احمد ودلوقتى حالا
احمد: خلاص ياقلبي ولا تزعلى نفسك حاضر نروح نطمن
عدى ساعه من الوقت وبعد الانتظار دخل احمد ويارا اتكلم احمد وشرح للدكتور الى شعر بيه طول الفتره الي فاتت
الطبيب: بعد الفحص احنا محتاجين اشاعات وتحاليل علشان نستبعد وجود اى حاجه لان ده هيدخلنا فى دايرة شك للكانسر
يارا بهلع: ايه !! ازاى يعنى ..انت بتقول ايه .......
الحلقه الثالثه والأربعون
____________________
الطبيب : اهدى يامدام احنا بنقول احتماليه وجود يعنى مجرد شك وممكن يكون لا فلازم تحاليل واشاعات علشان نقدر نخرج من ديرة الشك
احمد ساكت مش قادر يتكلم .. يارا منهاره ومش قادره تسيطر على دموعها
الطبيب: انا مقدر الى انتو فيه لازم نهدى لحد مانتأكد الاول ونتمنى ان التحاليل والاشاعات تقول غير كده ..وحتى لو لاقدر الله موجود دلوقتى في علاج ونقدر نتصرف فمش عاوز حضرتك تقلق خالص يااستاذ احمد
نظرت له يارا وهى تقول فى خوف : احمد حبيبي اتكلم ..ساكت ليه انا متأكده والله ان مافيش اى حاجه والاشاعات والتحتايل هتثبت كلامى ..واكيد بس الاعراض دى من تعب الفتره الى فاتت وارهاق الشغل والمشاكل الى كنا فيها والعصبيه ..صح يادكتور مش ممكن ده يكون ارهاق او تعب
احمد حاول يتماسك ويحاول اخفاء مابداخله ب ابتسامه حنونه : ان شاءالله هنعمل التحاليل والاشاعات وهنطمن متقلقيش انا كويس انا عارف
الطبيب: هكتبلك على التحاليل والاشاعات وتعملها وتجبهالى وان شاءالله خير
خرج احمد ويارا كل واحد فيهم في دنيا تانيه بدأ ت يارا تبكى بشده دون ان يشعر بها احمد وبدأت تتحدث بصوت غير مسموع
" انا مكنتش اعرف انى بحبك كده وانى هموت من الخوف وان ربنا ممكن يحرمنى منك بسرعه كده يااارب انا ماليش غيرك الجأله متسبنيش يا احمد انا ظلمتك ووجعتك ومكنتش استاهلك كان نفسي اسعدك انا بحبك اوى متسبنيش ..صرخت يارا دون ان تشعر لا لا لا لا
احتضن احمد يارا : يارا حبيبتى في ايه ..اهدى انا جمبك ومعاكى اهو متزوديش تعبي ارجوكى ..ياله نوصل الفندق وبعدين نشوف هنعمل ايه ..بعد نصف ساعه وصلوا الفندق و..
انهارت يارا وجلست على السرير وفضل احمد يهديها رغم انه اكتر واحد محتاجها جمبه
احمد: يارا حبيبتى ارجوكى تهدى انتى كده بتزودى تعبي انا محتاجلك جمبي الى انتى بتعمليه ده هيتعبك وانا تعبان مين هيقف جمبي حاولى تتماسكى لحدما نتاكد والدكتوره بيقول انه لسه شاكك ..ياريتنى ماسمعت كلامك ومكنتش روحت للدكتور
يارا بدأت تصرخ وهى تبكى دون ان تشعر: كنت عاوزنى استنى ايه اكتر من كده ..انا مستحيل اسيبك يا احمد تروح منى انا بحببببك ومحتجالك جمبي ..متسيبنيش وبدأت تزداد في البكاء
احمد : اهدى يا يارا انتى خلاص حكمتى انى هموت
يارا: لالا متقولش كده انت كويس صح يا احمد
اقترب منها احمد وقام بإحتضانها: اهدى اهدى وحياتى عندك بقي وبعدين احنا عندنا مستقبل كبير لازم نروحله سوا صح مش ده كان كلامك ولارجعتى فيه بقي
يارا: بحبك يا احمد وعاوزه اعيش معاك .. وبكره هنروح نعمل الاشاعات والتحاليل وهنطمن صدقنى وهيطلع ارهاق وتعب بسيط
احمد: ان شاءالله ..المهم نرتاح شويه بقي بكره يوم طويل
.... ظلت يارا تفكر طوال الليل لم تتذوق طعم النوم ..ظلت تتحسس شعر احمد وهو نائم وتتحدث اليه
"انا اسفه ياحبيبي انا اسفه على كل يوم زعلتك فيه ومكنتش جمبك مكنتش اعرف انى بحبك اوى كده وهفضل بحبك لحد ما اموت ..احمد كان سامع كل كلامها اخذ يديها ووضعها على قلبه وهمس لها وهو مغمض العينين "بحبك يا يارا" لو جرالى اى حاجه لازم تعرفي انى بموت فيكى وكنت بتمنى يكونلى عيال منك انا بحبك اووى فوق ماتتخيلي وكنت مبسوط معاكى اوى اليومين دول والى فرحنى اوى اني عرفت انك بتحبينى ..وكفايه انى هموت فى اى وقت وانا في حضنك انتى زى ماكنت بتمنى
حضن مراتى حبيبتى واكتر انسانه اتمنيت وجودها
يارا: شششش ماتقولش كده يا احمد ..ربنا يخليك ليا
مر الوقت الى ان جاء موعد التحاليل والاشاعات المطلوبه اخدها احمد وراح للدكتور وبعد التأكد
الطبيب: للاسف شكنا طلع في محله والسرطان موجود وللاسف بقاله فتره مش قليله واكيد كنت لما تحس بتعب وصداع كنت بتحاول تتجاهله وده غلط لو كنت متأخرتش الفتره دى كلها كانت نسبه الشفا هتكون مضمونه اكتر من دلوقتى
انتفض قلب احمد وهو يقول : يعنى مافيش امل
الطبيب: الامل في الله اولا واخيرا بس التعامل مع المرض في الفتره دى والمرحله دى صعبه شويه المهم نعمل الى علينا والى فيه الخير يقدمه ربنا انت مؤمن وعارف انه ابتلاء من ربنا واكيد كاتبلنا الخير وراه
احمد: ارجوك يادكتور بلاش تقول الكلام ده قدام المدام ..اكيد هتنهار وهتتعب انا مشعاوز ده ارجووك ممكن ..بعد ثوانى من كلام احمد تستاذن يارا بالدخول
دخلت يارا وهى تقول : السلام عليكم ..هايادكتور طمنى الاشاعات كويسه صح .. احمد معندوش حاجه وحشه
ارتسمت على وجه احمد ابتسامه طمأنت يارا : اه الحمدلله ياحبيبتى ..مش قولتلك انى كويس وزى ماقولتى مجرد ارهاق
تنهد الطبيب وهو يقول : اهم حاجه العلاج علشان التعب ده ميحصلش كتير وان شاء الله خير ربنا معاك ...
الحلقة الرابعه والاربعون والأخيره
____________________________
خرج احمد ويارا
احمد كان في عالم تانى ..بيفكر يعمل ايه ليارا الكام يوم دول وازاى يسعدها.. كان بيتمنى يقدر يعيش عمر تانى معاها لكنه القدر المحتوم....
يارا: مالك ياحبيبي انت مش فرحان ولا ايه انا مبسوطه وفرحانه جدا .. ربنا مايحرمنى منك ياارب
احمد: نفسي اخليكى اسعد واحده في الدنيا ..حبيبتى قوليلي نفسك في ايه ؟!
يارا: نفسي في حاجات كتير اوى ..اول حاجه نفسي في ولاد منك ..ونفسي ننزل البحر دلوقتى حالا ..عارفه انها فكره مجنونه وان الوقت متأخر بس نفسي نسهر على البحر اوى سوا
احمد: يبقي ننزل البحر وحالا ياله نروح نغير هدومنا وننزل نسهر على البحر ..انا نفسي اخليكى اسعد واحده في الدنيا كلها يا يارا ..
يارا: انا فعلا اسعد واحده في الدنيا كلها طول منا معاك ياحبيبي ياله بسررعه علشان نلحق ننزل قبل ماتغير رايك ههههه
ضحك احمد بشده من سعادتها وهو يقول : حاضر ياحبيبتى
وصلوا الفندق طلبوا العشا واخدوا شاور وغيروا ملابسهم وخرجوا يسهروا بره ..
احمد: عاوزك تطلبي اى حاجه انتى عوزاها ..كأنك لاقيتى المصباح السحرى اتفقنا انتى تطلبي وانا عليا انفذ
يارا: هههههههههه طيب بصراحه مش عاوزه اسيب المكان دلوقتى خالص المنظر يجنن والجو تحفه والقعده معاك احلى واحلى
احمد: مبسوطه يعنى
يارا: مبسوطه دى قليله انا حاسه انى عاوزه اطير يا احمد
احمد بإبتسامه: اهى دى الامنيه الى مقدرش احققهالك ..سامحينى
يارا: ههههههههههه لا انا كل امنياتى اتحققت خلاص ..ربنا يخليك ليا
احمد يحدث نفسه وهو ينظر لملامحها التى اراد ان يحفرها فى حدقته "مش قادر اصدق ان كده خلاص ممكن اى وقت معرفش اشوفك تانى ..وانى اتحرم منك ومن حبك ..بتمنى عمرى يطول علشان اعيشه بس معاكى ..انا لسه مشبعتش من حبك ..عاوز فرحتى بيكى تكمل بحبك يا يارا
يارا: احمد حبيبي مالك .. تحب نروح علشان ترتاح شويه
احمد: لالا خلينا شويه كمان ولا انتى تعبتى
يارا: اكيد المكان والمنظر والجو الجميل ده عاجبينك والله ليك حق ماتزهقش انا عاجبنى الجو هنا اوى
احمد: يارا ..بحبك اوى
يارا: انا بموت فيك اوى اوى
احمد بدأ يشعر بالتعب ..يارا بدات تلاحظ عليه التعب
يارا: لا يا احمد انت تعبان.. فى ايه
احمد: لا ياحبيبتى انا فرحان اووى ..فرحان انك معايا دلوقتى ..بدأ التعب يزيد على احمد
يارا بدأت تنهار وتبكى بشده لما حست بتعب احمد وهى تقول: مش انت والدكتور قولتولى انك كويس مالك فى ايه
احمد بصوت منخفض يغزوه الالم : ششششش بسس يلا بقي حققيلي حاجهانا نفسي فيها و سمعينى الاغنيه الى بحبها منك الى كنتى بتغنيها وانتى بتحضري الاكل حلوه اوى بصوتك
بدأت يارا تغنى ودموعها بتنزل ....
ليلى عيشنى حبك ..
ليلى سمعنى قلبك ..
ليلى انسانى على ايديك..
وشمس تشرق من عينيك..
عندى بتساوى هالكون ..ياكل الكون..
حبيبي
شو معنى هالحياه
حلم ومارء ساعات
الباقي من عمرى اهديك
وعمرى لحظه بتناديك
امبارح ووين اليوم
لأخر يوم ..حبيبي
وفجأه يارا كانت ماسكه ايد احمد ..احمد راسه وقعت من على كتف يارا وايده سابت ايدها
يارا بصدمه بدأت تعيط وتكمل الاغنيه ودموعها ماليه عيونها ....
انا الى منك وانت منى
لالا ماتبعد عنى
انت انااااااا
روحى انااااا
انت الى فاهمنى
انت الى عارفنى انى الك وحدك بغنى
شووو مشتاقة حبيبي
قول كلمه ياااحبيبي
واحكى للدنيا ياااحبي
انك الى والك قلبي
الك من قبل ماكان
ومن بعد الزمان
هالقلب العشقان
شوو بيقولك كماااااااااان
رحت يامن كنت حلمى..رحت ومازلت حلمى ..رحت وبكت العيون في بعدك..رحت وجفت دموعى منك..اليوم سافرت لمن كانوا يواسونى ببعدك ..فمن ليا الأن يواسينى ..من ليا الأن يسمعنى ..من ليا الأن ليخفف عنى ..رحلت وتركتنى وحيده مع الألام والأوجاع ..
انتظرنى ساكون معك قريبا
انتظرنى انت اكثر من حلمى ......
تمت بحمد الله