رواية فارس الاحلام الفصل الثالث عشر 13 بقلم ماريه عبدالله مسعود

اتحركنا بعد كم ساعة دخلنا عطبره حمودي صحا وقعد يلعب بي  التلفون وقفنا في عطبره نص ساعة واتحركنا بعد كم ساعة وصلنا شندي اتصلت بي ود خالتي اسمو احمد  رد لي بعد سلمت عليو قلت ليو انا في شندي قال لي حمدلله على السلامة انا قريب من موقف الباصات جاي عليك نزلت جا رفع لي الفاتحة وبعدو سلم  وشال حمودي نزل الشنط وركبهم في العربية ركبنا واتحرك وقف جنب فندق قال لي مابنقدر نتحرك بليل لي الصباح انشاء الله ونزلنا دخلنا الفندق اجر لي غرفة وطلع جا راجع شايل اكل مد لي وطلع دخلت استحميت وحممت حمودي اكلتو وصليت رفعت التلفون اتصلت بي المشرفة بعد سلمت عليه سألتها من ساره وأهلها قالت لي الحمد لله  شرطة الحدود المصرية قبض عليهم واظن السواق كان عايز يهرب ضربو عليهم نار انضرب السواق في يدو كانو مسجونين طلعهم ورحلوهم السودان قلت ليه الف حمد وشكر  كملت كلامي معها وقفلت حمد الله انهم بخير قمت نمت جنب حمودي كنت تعبانه شديدد

صحينا الصباح اتوضيت وصليت اتصل  احمد قال لي اطلعي عشان نصل بدري طلعنا جاب لينا شاي شربنا ركبنا واتحركنا كان بسالني من محمد وامي ومن المخيم بعد كم ساعة دخلنا الجزيره انا قلبي ضرب شديد اتذكرت محمد وامي ودموعي نزلو هو يهدي فيني ويطمن فيني مسحت دموعي وصلنا القرية دخلنا جينا بي بيتنا بكيت بكا عاينت لي الباب واتخيلت امي ومحمد  وصلنا بيت خالتي  قال لي حمد لله على السلامة رديت ليو نزل الشنط  ونزلنا ضرب الباب جات خالتي فتحتو هي بتشبه امي شديد من شافتني بكت بكا وحضنتي بكيت معها 

دخلنا جو باقي خالتي عزوني في امي ومحمد جابو لي اكل وقهوة وشاي وقعدو يسالو من امي ومحمد ومن الحصل وانا ابكي واحكي

الايام بتعدي الليله لي اسبوع في الجزيره ومع خالتي في الأول تعامله كان سمح شديد وتاني اتغير اليوم كلو صاره وحاسه انو قعدنا انا وحمودي مامرحب بيو كنت قاعده اغسل في العده جات قالت لي كل اسبوع تقعدو مع وحده من خالتك انتي عارفه ظروف الحرب وعارفه الناس خسرت قدر شنو قلت ليه خير ياخالتي اصلا مقرره امشي افتح بيتنا وبي القروش العندي اعمل لي مشروع جا احمد  اظن سمع الكلام قال لي امو ياأمي دا كلام شنو وكيف تقولي كده وبعدين نحنا الشغالين وبنصرف والحمد لله وضعنا كويس حصل مره  شكينا ليك

 زينب تقعد معانا ومستحيل تطلع من هنا الا هي  عروس 

 انت شايفه كوره ولا شنو عشان كل شوية تمشي تقعد مع زول  وكورك فيه 

انا قلت ليو احمد انا مازعلانه والله وخالتي معها حق وانتو ماقصرتو وجزاكم الله خير احمد قال لي مابتتحرك اي مكان ونحنا مسؤلين منك وطلع 

 خالتي قالت لي اها عايزه تخربي علاقتي مع ولدي اي اتمسكني عشان يكونو مسكينه مازي امك تتمسكن لما تتمكن 

 دموعي نزلو وقمت طوالي وكمان  عايزه تتكلم في امي وهي تحت التراب مشيت الغرفة نزلت ملابسي وملابس حمودي من الدولاب ونزلت الشنطة جات بنت خالتي وقالت لي احسن قرار انو تمشي ماناقصين مشاكل ولا ناقصين زحمة في البيت مارديت عليه اصلا من زمان علاقتي معها ماكويسه رتبت ملابسي في الشنطة ولبست لي عباية وطرحه مشيت جبت حمودي كان بلعب مع الشفع غيرت ليو شلت الشنط وطلعت دخلت لي خالتي في المطبخ قلت ليه اعفي لي لو ضايقتكم في حاجه يلا انا طالعه قالت لي امشي اشكي لي خالاتك. واحكي ليهم وقولي طردوني قلت ليه اطمني عمري مابطلع مني كلام زي دا الحمد لله امي الله يرحمه عرفت تربيني وعلمتني احترم الكبير قبل الصغير والعفو العافيه ياخالتي ماقصرتو جزاكم الله خير شلت الشنط وطلعت وانا طالعه سمعت صوت احمد بقول ماشه وين التفت عليو قلت ليو بيتنا قال لي بتقعدي براك قلت ليو معاي حمودي وبعدين الحله مشاء الله مافيه اي حاجه كتار رجالهم مسافرين وقاعدين براهم قال لي عليك الله ادخلي وبطلي البتعملي فيو دا انا بعتزر ليك من كلام امي امي بتتكلم ساي وانتي عارفها

قلت ليو مازعلانه منها وانا اصلا كنت ناويه امشي البيت قلت الاسبوع دا اقعدو معاكم عشان الناس بتجي تعزي في امي ومحمد قال لي هو بكورك قلت ارجعي جوه وشال مني الشنط ودخل بيهم امو طلعت وقعدت تقول في شنو ياأحمد قال ليه عايزه زينب تمشي تقعد في البيت براها يامي انتي بتتكلمي كيف اسه لو دي وحده من بناتك كنتي رضيتي 

 والله العظيم زينب ما تتحرك من البيت دا وانا مستعد أعقد عليه خالتي ختت يدها في قلبها وقالت ليو سجمي سجمي  عايز تعقد على وحده كانت متزوجة وعندها  ولد مالو من عدم البنات  هوي ياأحمد وقسم بالله تعمل كده لا امك ولا بعرفك ونهاي ماعافيه ليك  

والتفت علي وقالت لي جايه ليه من حلفا  ماكنتي تقعدي هناك جايه تخربي علينا حياتنا دي بلوه الله ابتلانه بيها ودخلت المطبخ تكورك جات بنتها وقفت جنبي قالت لي من زمان وقفين لينا زي شوكة الحوت انتي وامك اريتك موتي  معها ولا قعدتي في حلفا وماجيتي 

واتحركت مني احمد وقف جنبي وقال لي أمسحي كلام امي في وشي وانا بعتزر لي المره التانيه ومستحيل اخليك تقعدي في البيت براك  يلا ادخلي جوه دخلت وانا امسح في دموعي رفعت التلفون على صوت رسالة في الواتس من دكتور سمؤال كان متواصل وبرسل وبسال طوالي مننا و مرات بتصل وبرسل في الواتس وماكنت برد عليو كتير ما عايزه يكون بينا تواصل ونحنا مابينا اي رابط شرعي 

رفعت الرسالة وكان مرسل لي بعد السلام انو هو مسافر بعد ٣ايام وانو لسه منتظر ردي شفت الرسائل ومارديت 

خديت التلفون جات خالتي داخله وقالت لي عايزه تقعدي لينا زي الملكة تاكلي وتنوم ونحنا نخدم فيك قومي اول حاجة البيت دا كلو يتنظف وبعدين تعال لي في المطبخ جات بتها قالت لي اي احسن نستفيد منك وتكوني لي خدامة مجانيه وضحكت قمت غيرت عبايتي وقعدت انظف اصلا لا حول لي ولا قوة احسن امسك خشمي علي واعمل البقولو من غير مشاكل  خلصت دخلت المطبخ خالتي قالت لي غسلي العده دي وانا قبل شويه غسلتها اظن رجعته تاني المغسلة وزادت عليه قعدت اغسل فيه  واقف ساعة عديل وانا اغسل تشيل وتخت لي في العده قالت لي عايزها تلمع لمع كل ما اغسل حاجه ترجعه وتقول لي وسخانه بعد ساعتين حتى خلصت رجولي اتورمو من الوقفه 

عايزه اطلع قالت لي على وين تعالي كملي الفطور والغدا قعدت في مقعد وتعاين فيني عملت الفطور والغدا قالت لي ارفعي الشاي والقهوة عملتهم جا أحمد قالت لي ختي الفطور ليو ختيتو احمد شال الصينه وقال لي حمودي تعال نفطر وقعد يفطر بعد خلصو قالت لي ودي ليو الشاي وديتو قالت لي ختي لينا الفطور ختيتو جات بتها وقعدو ياكلو قالت لي تعالي افطري قلت ليه ماعايزه شبعانه بالهنا ليكم واتحركت دخلت الغرفه 

رفعت التلفون وعاينت في رسال دكتور سمؤال جات بنتها قالت لي امشي غسلي العده طلعت غسلت العدة وختيت ليهم الشاي اليوم انتها وانا من الصباح مادخلت حاجه في خشمي انا نهاي مابحب زول يزلني او ينبزني زمان لما ازعل من امي ولا محمد نهاي ماباكل 

 مع انو اشتغلت شغل البيت كلو  براي ماحاسه بي أي تعب او جوع لانو التعب كان في قلبي ما جسمي

 وجسمي مخدر من تعب قلبي

 بعد المغرب جو خالاتي واولادهم عندي خال واحد مامتزوج قاعد مع وحده من خالاتي اجتمعو كلهم احمد. جمعهم وقال ليهم انا عايزه اتزوج زينب واربي حمودي وامي ماموافقه

 وزينب عايزه ترجع تقعد في بيتهم وتقعد براها 

واحد من اولاد خالتي قال ليو بتزوجة  انا ونعيش في بيت خالتي الله يرحمة 

احمد قال ليو انت متزوج وبي أولادك

خالتي  ام احمد قالت ليو اي يتزوجه هو هي متزوجة قبل كده انت تتزوجه كيف وليه تدمر حياتك وعشان شنو

 انا اعاين فيهم  وساكته اصلا اقول شنو خالي قال ليهم انا بيت خالتي الله يرحمه عايز اتزوج فيو 

ود خالتي القال عايز يتزوحني وهو متزوج قال ليو لو شلت البيت انا ماعايز اتزوجة ماعندي ليه مكان لو بتسجلو لي البيت بي اسمي انا بتزوجة 

ام احمد قال ليهم البيت دا يتباع ونحنا نقسم القروش علينا وزينب كل اسبوع تقعد مع وحده من خالاته واحمد ولدي مابتزوجه لو اتزوجه ماعافيه منو ولا رضيانه خالي قال ليهم انا بشتري البيت وزينب تشيل نص القروش والباقي توزعو عليكم قامت وحده من خالتي وقالت ليو هي بتقعد معانا يعني مامحتاجه لي القروش بتأكل وتشرب بي المجان تاني عايزه شنو بي القروش  خالاتي كلهم قالو فعلا خالي التفت علي وقال لي اورق البيت وين انا كنت عارفهم وين لانو الورق عندي انا شلتو مع الارقم الوطنية لما طلعنا من القرية قلت ليو وانا بتمتم ماعارفه وين خالي قال لي انا بمشي اشوفو في البيت وحده من خالتي قالت ليو نحنا رتبنا البيت بعد رجعنا والبيت مااتسرق منو الا سريرين وكم حاجه وفي ورق في شنطه اظن فيو ورق البيت بعد مانمشي نشوفو انا قمت منهم لانو حرفيآ تعبانه وشديد من كلامهم  وماعندي غير حسبي الله ونعم الوكيل 

رفعت تلفوني مسحت دموعي واتصلت على دكتور سمؤال بعد ما سلمت قلت ليو موافقة على الزواج بعد مااتكلمت معاو قفلت التلفون ونمت في السرير وانا دموعي جاريه ياريت لو ماجيت من حلفا ياريت لو قعدت في المخيم قلت امشي اتلم على اهلي لقيت الخير من  الغريب ولا من القريب [كيف للمرءُ أن يتظاهر أنه بخير،  وهو متعب من نفسه ومن حوله ومن أمله  ويحاول💔 ]

والايام بتمشي دكتور سمؤال قال رسلي لي الأرقام الوطنيه حقتك وحقت حمودي اطلع ليكم جوازات واجهز ليكم كل الاورق قبل ما اجي عشان اطلبك 

وانا كنت كل اسبوع مع وحده من خالاتي وزلة زي الزلة من ادخل بيت وحده من خالاتي ناس البيت يصرو لي ومن غير التعامل والشغلة اظن اتفقوا علي لانو من ادخل يستلموني شغله نظفي اطبخي غسلي مافي اي رحمة ياريت لو بسمع كلام حنين كل كلامهم  مطاعنات💔 

حمودي ولدي ضعف شديد والعجب انا كنا تعبانين نفسيآ حمودي كل اسبوع مريض من عدم الاستقرار وانا كاتمه المرض والوجع وساكته 

قلت لي احمد ممكن ترسل لي الظرف دا حلفا قال لي فيو شنو كذبت عليو قلت ليو اوراق وطنيه في مساعدات جايه لي المخيم الكنت فيو وفي  وحده قالت لي جيبي الأرقام الوطنيه اسجل ليك امو قالت ليو شيلهم منها 

 خلي المساعدت التجي محتاجين ليه احمد في الأول رفض اصريت عليو

 قال لي البستلمهم منو قلت ليو رسلهم مع الباصات قال لي تمام قلت ليو و قولي لي اسم البص الرسلت  معاو الأرقام عشان اكلم المره وتمشي تستلمهم قال لي خير وطلع فات خالتي قالت لي اوع تكلمي وحده من خالاتك بي الموضوع دا قلت ليه تمام قالت لي ورق البيت مالقينا وخالك قال بدينا قروش وبقعد فيو قلت ليه كويس واتحركت كلهم أنانين شديد واي زول عايز مصلحتو

الايام بتمشي اتقدم لي واحد متزوج وكبير وعمرو كم ٥٠ خالتي 

وكل خالاتي اتفقوا  يزوجوني ليو ليو قالو اصلا تاني مابجيها  الا واحد متزوج وشايفني مسؤليه وحمل عليهم 

 العريس جا وانا قلت ليو ماموافقة

خالي ضربني ضرب وخالاتي يشيلو وينبزو فيني وانا مصره على قراري 

لما اتصل دكتور سمؤال وقال لي انا في الشارع جاي اطلبك  بعد يومين بصل 

بعد ما قفلت منو بكيت بكا يحليل امي ويحيلي محمد العمرهم مارفعو يدهم فيني محمد كان مدلعني شديد ولا برض فيني

جات خالتي داخله ولقتني ابكي قالت لي لو وافقتي ماكان احسن وين حاجات المنظمات القلتي بتجي قلت ليه ماعارفه قالت لي ولا تعرفي أظنك قلتي لي المره  تبيعهم ليك وتحول ليك  القروش انتي مازي امك خسيسه وحاقده 

قالت لي اسمعي هنا توافقي وكسر رقبه  والليله خالك ماشي يخطب ويدينا قروش البيت قلت ليه  ماموافقه جات وقفت جنبي وضربتني كف قالت لي ولا على كيفك العقد بكون مع عقد خالك وطلعت فاتت

بعد يومين وصل دكتور سمؤال ومعاو واحد وصفت ليهم البيت ماقادره اكلم زول من اهلي لانو اكيد حيعملو موضوع  قلت اخليه زي ماتجي تجي والله كريم اقول ليهم بعرف واحد وعايز يتقدم لي يقولو لافه وصايعه ومامتربيه يطلعو فيني الف كلمة احسن اسكت وافوت أمري لي الله 

 باب الشارع ضرب قلبي ضرب معاو ختيت يدي في قلبي وقلت  الله يستر من الجاي احمد فتح الباب وسامعه صوت السلام عاينت لقيتو دكتور سمؤال ومعاو واحد حمودي ولدي جر ليو وهو شالو بعد ما دخلو الديوان جات خالتي وقالت عاد جو شباب الصلاه على النبي العجب العربية ارح ارح المطبخ طلعت معها جا احمد خالتي سالتو  ديل منو قال ليه دا عريس ودكتور في بريطانيا خالتي قالت ليو لي اختك وقامت زي المجنونه تتكبكب

 بنتها جات داخله قالت لي امها شوفتو في التلفونات  امها قالت ليه  اي احمد قال  ودكتور من بريطانيا

وجاي يطلب يدك  عاد سعد الهنا امشي استحمي والبسي ليك حاجه سمحه البنت قالت ليه انا شوفتو في التلفونات دا جاي من بريطانيا وجايب مساعدات امها قالت ليه يعني مشهور قالت ليه اي وشديد قالت ليه اوع تكلمي خالاتك

ويلا سريع امشي البسي 

احمد رد ليه أمي العريس دا جا لي زينب 

قالت ليو  شنو شنو زينب شنو كمان هوووي عايز تقطع نصيب اختك وعانيت لي  وقالت هو زينب منو البوافق بيه كانت متزوجة وعندها ولد  والشفتهم ديل شباب وصغار مااظن يرضو بيه خلي الموضوع دا علي انا انت شيل الضيافة وامشي عليهم 

انا من قالت كده دموعي نزلو قالت لي وكمان بتبكي بنات آخر زمن قومي كملي الاكل دا بلا قرف معاك[ ليت بيني وبين الكعبة شارع كلما ضاق صدري ذهبت اليها]....يتبع

             الفصل الرابع عشر من هنا