رواية الحارس الفصل السادس عشر 16 بقلم رشا منصور
رشامنصور…
أثناء كلامي مع الروح الحارسة رن موبايلي ولقيته برك بيقولي
أنتي كنتي فين!!! مش قولتي أنك هتساعدي مامتك..
أول ما نطق كلمه كنتي فين… توقعت أنه عرف إني خرجت بس ياتري شافني مع شريف ولا لأ… فضلت ساكته لحظه وبعدين ظهر ليا الروح الحارسة وقالي خليكي صريحة.. قولت …
أنا فعلاً كنت بساعد ماما وبعدها خالتوا طلبت مني أروح مع خطيبه أبنها نشتري حاجات نزلت وروحت المكان اللي انتظرها فيه واتصلت عليها وأثناء كلامي في الموبايل واحد سرق. مني الشنطه😭😭وجري..
وهى لما عرفت خافت. وقالتلي أنا هرجع البيت والمشكلة أن الأوراق والمراجع بتاعتي كانت في الشنطه ووقفت أبكي في الشارع..
وفجأة لقيت شريف قدامي كان رايح الچيم وقالي متزعليش أكتبي ليا اسماء المراجع وأنا هشتريهم لكي…
برك…
خلصت كلامي مع رشا وقررت أروح الأرض أشوف المقاول عمل ايه وأثناء رجوعي شوفت رشا وهى ماشيه في الشارع المقابل وع ما لفيت بالسيارة كانت اختفت.. انتظرت لحد ما أرجع المستشفى واكلمها وأشوف إذا كانت هتكذ'ب عليا ولا لأ..
وفرحت أنها صريحه معايا مع إني زعلت ع وقفتها في الشارع تبكي ع شنطتها وأوراقها وزعلت أكتر لما عرفت أنها قابلت شريف أنا بغيير عليها أوي…
وقولت لها بعد كدا قبل ما تفكري تخرجي تعرفيني الأول ولو قابلتي حتى طفله في الشارع تعرفيني والمفروض أنك بقيتي مع راجل.
ازاي يحصلك حاجه زى دى ومش تتصلي عليا اجيلك أنا مسؤول عنك…
ومن اللحظه دى كلامي يتسمع واوعي تتكلمي شريف ولا غيره ولو ع المراجع ابعتي اسماءهم ع الواتس وأنا اشتريهم لكي أنتي ملزومه مني أنا مش من شريف…
رشامنصور…
حاضر 😔 أنا هبعتلك اسماء الكتب بس بليز مش تزعل مني وأنا اوعدك بعد كدا قبل ما أخرج هبلغك….
برك…
بعد ما خلصت كلامي مع رشا سألت نفسي يا تري شريف عاوز منها إيه!!! من أمتي وهو شهم وكريم مع الناس ده يأكل مال اليتامى..
اكيد عاوزها تتعود عليه ومع الوقت هيضحك عليها ويغ🙃.. لأ لأ أنا مش هسمح أن حد يبصلها.ولا يقرب منها..
أنا لازم اتقدم ل رشا واعلن خطوبتي عليها وساعتها هقدر اقف في وش شريف وسلامة كمان!!
الروح الحارسة… محمد
أثناء كلامي مع رشا اتصل عليها برك روحت بسرعة لقرينه وعرفت أنه شافها ورجعت ل رشا وقولت لها خليكي صريحة وفعلاً نفذت وقدرت تخدع. برك لدرجه اني عرفت من قرينه أن برك قرر يخطب رشا علشان يبعد شريف وسلامة عنها…
ومش بس كدا برك مسكتش وقرر يعلن امتلاكه لها…
الدكتور شريف…
رجعت المستشفى ودخلت مكتب سوزان وكانت قاعدة تشرب قهوة ومعاها سلامة واطمنت عليها وانتظرت أنها تقولي أى حاجة بخصوص رشا بس متكلمتش توقعت أنها عامله حساب وجود سلامة معانا وجالنا برك واتفاجئت به بيقول ..
برك…
أنا متشكر جدا يا دكتور شريف ع اللى عملته انهاردة مع خطيبتي هى قالتلي ع اللي حصل وأنا قولتلها إني هشكرك بنفسي…
الدكتور شريف…
خطيبتك مين!!!؟ هو أنت خاطب يا برك وبصيت ل سوزان وسلامة
الدكتور سلامه…
أنت خطبت أمتي.. ده أنت معانا من سنين ويعتبر عايش هنا يبقي قابلتها امتي وفين ولا عملت خطوبتك ازاى من غير ما تعزمنا..
برك…
هو أنا أقدر أعمل خطوبه من غيركم ده أنتم أكتر من أهل…
أنا ارتبطت بها واتفقت معاها إني هخطبها وقابلتها هنا في المستشفى… أنا هتجوز رشا المسؤولة عن شركة السياحه وأنا متشكر لكم جدا أنتم السبب في معرفتي لها…
الدكتور شريف…
كانت مفاجأة وصد'مة في نفس الوقت.. استحالة بنت بريئه زى رشا تتجوز برك… لأ أنا لازم أمنع الجوازة دى بأي شكل حتى لو اضطريتe اقتtلة…
الدكتوره سوزان…
ألف مبروك يا برك أوعي تنسي تعزمنا ع الخطوبه.. وفستان الخطوبه هديه مني للعروسة… بس هو شريف كان عمل إيه علشان تشكره..
برك…
أصل رشا شنطتها اللي فيها المراجع وأوراق البحث اتسرقت انهاردة. وبالصدفة الدكتور شريف شافها وهى بتبكي ع حاجاتها.. فهو مشكوراً قالها أنه هيجيب لها المراجع.. وهى افتكرت أن الدكتور شريف هيعمل كدا مجاملة ليا…
لكن أنا قولتلها أنتي مسؤولة مني أنا .. وواجب أنا اللي اجيبلك كل حاجه ولا إيه يا دكتور شريف…
الدكتور سلامه…
واحد يا برك.. أنت تشتري ولا شريف ولا حتى أنا..
أنت عشرة سنين وزى أخونا بالضبط وهى هتبقي مرات أخونا..
أطمن رسالتك وصلت. إحنا أيد واحدة ومصلحتنا واحدة…
الدكتور شريف….
استغربت من كلام سلامه وبصيت ل سوزان وأنا مش فاهم وأول ما خرج برك قولت ل سلامة أنا مش فاهم حاجه مش المفروض أنت اللي كنت هتخطبها…
ما تتكلمي يا سوزان… وفهميني ازاى معرفتنيش أن برك هو اللي هيتجوزها…
الدكتوره سوزان…
قولت ل شريف إحنا قررنا.. لكن رشا اختارت وواضح أن برك بيغيير عليها جدا.. ع العموم إحنا يهمنا المصلحه وشغلنا..
كونها مع برك ولا غيره مش هتفرق.. المهم أنها تساعدنا..
وطلبت من الجن اللي معايا يعرف ليا أساس الموضوع من برك ويبلغني بكل حاجه…
شيتوس التنين الأسود…
الروح الحارسة بلغني ب حاجه مكنتش متخيلها وقولت ل عيشوش وظهرنا ل رشا اللي اتفز'عت لما شافت حزننا وبالذات عيشوش اللي كانت هتبكي…
رشامنصور…
في إيه مالكم… مالك يا عيشوش جالك خبر وحشe ..
عيشوش التنين الأبيض…
أنا حزينه عليكي أوى أصل.. أصل جايلك عريس .
رشامنصور…
يعني لما بتبلغيني إني هموت،. بلاقيكي فرحانه وبتتنططي ع السرير ولما يجيلي عريس تحزني هو أنتي ماشيه معايا بالعكس..
عيشوش التنين الأبيض..
أصل العريس يبقي برك.. هو بلغ سلامة وسوزان وشربف أنه هيتجوزك… مبروك😭😭عااااا.
رشامنصور…. يا سنه سوخه🙃🫣
برك….
أول ما خرجت من المكتب اتصلت ع رشا وقولتلها
رشا أنا هجيلك البيت واتقدم ل أهلك أنتي لازم تكوني بتاعتي قدام الناس وع فكره أنا قولت ل شريف وسوزان وسلامة أنك خطيبتي وهما منتظرين اعزمهم ع الخطوبه…
يلا اتفضلي خدي ليا ميعاد مع أهلك وبلغيني…
رشامنصور…
أول ما اتصل برك اختفي محمد الروح الحارسة وفضلت ساكته اسمعه وأنا مش عارفه أرد وأقول ايه…
ولسه هتكلم لقيت الروح الحارسة قالي الخادم. بتاع سوزان واقف مع برك وبيسمع كلامكم…
رديت ع برك وقولت له أنت استعجلت ليه كدا.. ازاى اتخطب لواحد معرفش عنه حاجه وأنت كمان متعرفنيش..
وكمان أقول إيه ل ماما لو سألتني عنك.. أنا حتى معرفش أنت بتشتغل إيه وكمان هما فين أهلك مش واجب تاخد رأيهم..
الجواز له أصول ولا أنت مش ناوي تجيب اهلك معاك!!
برك…
أنا هقولك ع سر مافيش حد يعرفه نهائي.. بس أنتي هتكوني مراتي وكاتمة أسراري. أنا يتيم واتربيت في ملجأ ومعرفش ليا أهل..
وع فكره كل الناس عارفه أن أبويا وأمي ماتوا في حادثة وأنا في الجامعه…
لكن الحقيقة أن في حادث حصل وأمي كانت حامل فيا واتولدت وأمي ماتت ومحدش عرف ليا أهل وكبرت واشتغلت وتعبت… لحد ما قابلت الدكتور سلامه شغلني معاه في العيادة وفضلت معاه لحد ما ربنا وسع عليهم وعملوا المستشفى ويعتبر كنت زى سمسار..
اشتريت أرض المستشفى واخدت عمولتي والالات والمعدات ولحد انهاردة كل مشتريات المستشفى باخد عموله منها… يعني ممكن تقولي عليا بقيت مدير المشتريات…
وكونت نفسي وبقي عندي شقه وسيارة وفي كمان شاليه بس بدفع في اقساطه. والدكتور سلامة والدكتورة سوزان أقرب ناس ليا وأصحاب فضل عليا وتقدري تسأليهم عني…
وأنا مش هبخل عليكي في أى حاجة وافقي ع الجواز وأنا متحمل كل المصروفات واعملك فرح في أجمل مكان..
رشامنصور….
أنا بصراحة مبسوطه ب كلامك معايا بس أنا مقدرش أعمل أى حاجة رسمي إلا لما أعمل المشروع وأقدر استقر ماديا وكمان أنا عاوزة اعمل ماچستير وبصراحه خايفه. الجواز يعطلني عن حلمي..
وكمان أنا نفسي اللي اتجوزه يكون بيحبني واحبه واكون أنا كل حياته… وده معناه أننا محتاجين وقت نعرف بعض أكتر
برك…
أنا تحت أمرك بس ده ميمنعش أن كل اللي هنا يعرفوا أنك خطيبتي وقدامك شهرين بالكتير وتحددي ميعاد الخطوبه…
يلا أنا هروح دلوقتي أشوف العمال خلصوا الشغل ولا لسه..
أصل اشتريت للدكتورة سوزان أرض هتعملها دار لمساعدة المحتاجين.. الناس اللي قاعدة في الشارع وملهاش بيوت والأطفال كمان…
ياريت لو قابلتي حد من الناس دى عرفيني وأنا اخدهم واوصلهم لحد هناك بس ده سرr بينا أصل الدكتوره سوزان مبتحبش تتكلم عن اعمالها الخيريه.. واهو نساعد الناس الغلابه…
رشامنصور…
يا سلام تصدق أنا أول ما شوفت سوزان ارتحت لها ودلوقتي حبيتها أكتر خلاص أول ما تجهزوا المكان بلغني وأنا أى حد اشوفه في الشارع هقولك عليه واهو كله بثوابه…
الدكتوره سوزان…
أول ما الجنn بلغني ب كلام برك ورشا … اطمنت واضح أن برك هيستغلها في شغلنا وبصيت ل شريف وسلامة وقولت لهم واضح أن رشا بقت في صفنا خلاص والبركة في برك 🤣
الدكتور سلامه…
تفتكري هتقدر تساعدنا ولا…..
الدكتوره سوزان…
بصيت ل سلامة وابتسمت وقولت ل قريني يبلغ قرينه أن برك هو اللي هيدخل البيت بحجة أنه بيقابل خطيبته وإذا نجح هنخليه يعمل التعويذة.، اللي هتساعدينا ع طرد، التنانين ودخولنا البيت والاستيلاء ع الكنز ،،،،
وبعد كدا نبقي نخلص من رشا وبرك ويبقوا يتجوزا في الاخرة بقي ههههههههههه…
ودلوقتي لازم نساعد برك أنه يخطبها بسرعة..
وأنا عليا رشا هفضل وراها لحد ما اقنعها… الخطوبه دى لازم تتم
عيشوش التنين الأبيض….
رشا خلاص سوزان قررت تقتtلك أنتي وبرك.