روح ......... السلام عليكم
ليلي .......... وعليكم السلام ورحمة الله وبركاته
روح ......... مالك يا خالتو وشك متغير
ليلي ......... مين الي وصلك بعربيته
روح ........... ده الضابط احمد
ليلي .......... ايوه يعني مش ابوكى ولا اخوكي ولا عمك ولا خالك ازي تركبي معاه
روح .......... انا كنت عنده في القسم وهو كان مروح فركبت معاه يا خالتو
ليلي .......... لا يا قلب خالتك وبعدين انتي روحتي ليه القسم
روح ........... ما انا ما كنتش عايزه اقول
ليلي ......... تقولي ايه ما تقلقنيش
روح ............ قالت كل حاجه لخالتها
ليلي .......... شكلي لازم اقتلهم عشان نرتاح من القصه دي
روح ........... اهدي يا خالتو الحمد لله محصلش حاجه وانا عملت لهم محضر واللي حماني النهارده يحميني علي طول
ليلي .......... قصدك احمد
روح ......... لا احمد مين انا قصدي ربنا سبحانه وتعالي هو الي بعت احمد وممكن يبعت غيره انا خلاص مبقتش اخاف من اي شئ طول ما ربنا معايا هقف قدام الدنيا كلها لوحدي
ليلي .......... وانا مبسوطه بثقتك في ربنا عز وجل وفعلا الي ربنا معاه ما يخافش من مخلوق بس ده ما يمنعش انك غلطتى انك تركبي معاه
روح ....... كلامك صح بس والله ما كنت اعرف انه غلط هو انسان محترم
ليلي ........ هو علي راسي من فوق وكمان انا هروح لحد عنده وشكره من شكر الناس فقد شكر الله بس الغلط غلط وانتي لسا علي ذمة راجل
روح ......... حاضر يا خالتو انا اسفه
ليلي ......... شوف البت بتبقا زي القمر ازي وهي بتتاسف
روح ......... حياه صحيت هروح اشوفها
ليلي ........ ماشي يا حبيبتي
الامين ....... يلا يا عادل انت وامك و مراتك مطلوبين لتحقيقات النيابه
عادل ....... ليه حصل ايه
الامين ......... هتعرف هناك فين امل
عادل .......... في بيت ابوها
الامين ....... يا عسكري خد اتنين معاك روحوا هاتواها
العسكري ........ حاضر يا فندم
الامين .......... اركبو البوكس
عادل ......... حاضر تعالي يا ماما جنبي هنا
فتحيه .......... وبعدين يا ابن الموكوسه دي كانت جوازة الندامه شكلنا نقضيها في الحبس ولا ايه
عادل ........ احنا مش عارفين هما واخدينا ليه
فتحيه ........ اكيد الحكايه دي وراها ليلي مكنش لازم نروح نتهجم عليها انا عرفاها طيبه بس الي بيجي عليها بتعيشو في جحيم
عادل ......... مش وقت الكلام ده خلاص الي حصل حصل
فتحيه ........ علي رايك ربنا يستر من الي جاي
العسكري ........ بيخبط علي الباب
امل ......... فتحت الباب
العسكري ........ اتفضلي معايا
امل ......... ليه فيه ايه
العسكري ........ انتي مطلوبه في النيابه
امل ....... انا ما عملتش حاجه
العسكري ........ اتفضلي معايا وهناك تعرفي كل حاجه
امل ........ طلعت معاه و رنت علي ابوها
الدكش ....... الو
امل ............ الحقني يا بابا النيابه بعتالي وانا مع العسكري
الدكش ........ انا هجيب المحامي و حصلك ما تقلقيش
امل ........ حاضر يا بابا
العسكري ........ عرفتي ابوكي
امل .......... ايوه
العسكري ......... هاتي التليفون وبقي خديه من الامانات وانت طالعه
امل ........... اتفضل
العسكري .......... امل يا فندم
الامين .......... ركبوها البوكس جنب جوزها وحماتها ويلا بينا
امل ........ فيه ايه يا عادل
عادل ........ والله ما نعرف يا خبر بفلوس بعد شويه يبقا ببلاش
فتحيه ....... اوعي يكون ابوكى عمل حاجه يا امل
امل .......... لا طبعا و ابويا هيعمل ليه
فتحيه ........ يبقا خلاص ما فيش حاجه إلا لو ليلي ترمي بلاها علينا
الامين ........ خدوهم و حطوهم في السجن لحد ما يتعرضوا علي النيابه بكره الصبح
العسكري ....... حاضر يا فندم
احمد ........... انا مالي كده مش قادر ابطل تفكير في روح انا عمري ما اتشديت لحد كده
روح ....... بتتقلب علي السرير ومش قادره تنسا لحظة ما حضنها وهو طاير بي الموتوسيكل ومش قادره تبطل تفكير فيه وبتقول لنفسها لا كده غلط انا ست متزوجه وما ينفعش افكر في راجل تاني مهما كانت الاسباب استغفر الله العظيم واتوب إليه
....... كانت ليله طويله علي احمد وروح وكمان علي عادل وفتحيه وامل والصبح روح راحت الجامعه واحمد راح القسم وعادل وفتحيه وامل راحو النيابه و مكنش في اي دليل ضدهم وطلعو من النيابه وتمر الايام وشهور وحياه تكبر و يبقا عندها خمس سنين يااااا خمس سنين عدو علي روح وهي كاتمه حب احمد جوها واحمد دفن حب روح جوا منه خمس سنين واحمد بيشوف روح كل يوم من بعيد من غير ما تحس وروح مرعيا ربنا في الرجل الي هي علي ذمته وأخيرا يجي الخبر الي روح كانت مستنيه .............
ليلي ........ حياه روحي صحي ماما بسرعه عايزها
حياه ......... حاضر يا تيته
ليلي ........ ربنا يخليكي يا قلب تيته
حياه ........ بتطلع علي السرير ماما اصحي و بتبوسها
روح ......... حبيبت قلب ماما و بتحضنها انتي وحشتيني الشويه دول يا عمري
حياه ........ وانتي كمان يا ماما يلا كفايه نوم تيته عايزاكى
روح ......... حاضر يا حبيبتي
حياه ........ عايزه فلوس اجيب ايس كريم
روح ........ الشنطه فيها فلوس كتير خدي الي انتي عايزه يا حبيبتي بس نمشي .....
حياه ....... تقطعها نمشي علي جنب ونخلي بالنا ونبص يمين وشمال
روح ......... يعني اسكت انا
حياه ......... انا كبرت وعارفه كل حاجه
روح .......... يلا خدي الفلوس وروحي
حياه ........ اخدت عشرين جنيه عشان ما لقتش فكه وراحت تجيب ايس كريم
روح ......... مساء الورد يا خالتو ليه صاحتيني انا راجعه من الجامعه تعبانه وما صدقت انام
ليلي ........ في خبر بمليون جنيه
روح ......... خبر ايه
ليلي ....... الاول بوسه في خدي هنا
روح ....... بس كده احلا بوسه اهي
ليلي ........ كمان الخد التاني
روح ....... اهو يا ست الحبايب شكلو خبر جميل اووي
ليلي ......... وحضن كمان
روح ......... حضنت خالتها
ليلي ........ مبروك وأخيرا بقيتي حره المحامي لسا مكلمني
روح ......... بتتكلمي جد يا خالتو
ليلي .......... ايوه يا قلب خالتو
روح .......... الف حمد وشكر ليك يارب و سجدت علي الارض شكر لله و بتعيط اخير بقيت حره احمدك يارب الحمد لله حمدا طيبا مباركا فيك كما ينبغي لجلال وجهك وعظيم سلطانك
ليلي .......... الحمد لله يا بنتي هم ونزاح وربنا يكرمك بي ابن الحلال الي يعوضك عن كل الي انتي شوفته في حياتك
روح ........ فكرت للحظه في احمد بس طبعا قالت لنفسها خلاص نسيني ده من خمس سنين حتي مفكرش يسال عني يلا الحمد لله ما حدش بياخد اكتر من نصيبه
ليلي .......... النهارده اخر يوم في العده
روح ......... ازي مش الحكم النهارده
ليلي .......... لا المحامي قالي النهارده لكن الحكم كان من ثلاث شهور
روح ........ الف شكر يارب انك خلصتي من الهم ده انا كنت عايشه في عذاب لمجرد تفكيري اني علي ذمته
ليلي ........ كل حاجه في وقتها حلوه وربنا يكتب لك الخير يارب
روح .......اللهم امين يارب العالمين
حياه ........ طلعت ودخلت المحل ولقيت ابوها واقف بيشتري حاجه بصت له وقالت بابا
عادل ........ بص لها و كمل كلامه مع البياع وحاسب و بيمشي
حياه ........ عايزه ايس كريم يا بابا ومش معايا فلوس
عادل ........ روحي خلي امك تدليك فلوس وراح زقها ومشي
صالح ....... معلش يا بنتي تعالي خدي الي انتي عايزه وعلي حسابي
حياه ........... شكرا يا عم صالح خد الفلوس عايزه ايس كريم
صالح ......... طاب ليه يا حبيبتي قولتي لبابا انك مش معاكي فلوس
حياه ........ عشان بشوف البنات في الحضانه كل وحده باباها بيجيب لها ايس كريم وكل حاجه نفسهم فيها اما انا مش عرفت انهارده اني مش عندي اب زيهم كان نفسي هو الي يجيب لي الايس كريم و يدهوني بايده وفضلت تبكي
صالح ......... حرام عليكي يا بنتي قطعتي قلبي هو ما يستهلش دموعك دي يلا بقا اضحكي عشان خاطر عم صالح
حياه ....... تحاول تضحك ضحكه فيها خليط من الحزن بس مش قادره
صالح ....... اتفضلي الايس كريم ده مني انا
حياه ......... شكرا يا عم صالح بس الحمد لله ماما مش مخلياني محتاجه حاجه اتفضل الفلوس
صالح ........ ربنا يحفظها لك خدي الباقي اهو امسكيه كويس
حياه ......... دخلت البيت ودخلت علي اوضتها علي طول
روح .......... حياه بعد اذنك يا خالتي اروح اشوف حياه مالها
ليلي ......... انا جايه معاكي يا بنتي
روح ........ حياه مش بنده عليكي مالك ايه ده انتي كمان بتبكي مين زعلك قولي
حياه ........ ما فيش حد انا اسفه يا ماما انا كدبت
روح ........ بس انتي عارفه الكدب حرام صح
حياه ......... اه وعارفه اني كمان ربنا مش بيحب الي بيكدب وانا عايزه اصالح ربنا عشان هو زعلان مني
روح ......... و كدبتي ليه
حياه ........ قولت لبابا اني مش معايا فلوس عشان يجيب لي هو ايس كريم زي ما كل بابا بيجيب لبناته في الحضانه وكمان عمو علي طول يجيب لي كل حاجه حلوه ويلعب معايا
روح ......... مين عمو
حياه ........ ده بيقولي اني زي بنته وكل يوم بيجيني في الحضانه ونلعب سوا
روح .......... يعني ده استاذ في الحضانه
حياه .......... لا مش استاذ بس انا عايزه اعرف هو ليه بابا يكرهني
روح ......... حضنتها مش يكرهك يا حبيبتي بس هو عندو بيته ومراته وتلاقيه مكنش معاه فلوس عشان يجبلك ايس كريم
حياه ........... ما تكدبيش يا ماما انا شايفه بيدي عمي صالح الفلوس وكمان بياخد الباقي
روح ......... يعني انا مش انفع بابا
حياه .......... لا
روح .......... الكلمه دبحتها وهي عارفه اني البنت الصغيره بدات تكبر وتفهم وفي نفس الوقت عايزه تعرف مين ده الي بيروح لها الحضانه يلا يا حبيبتي حطي الايس كريم في الثلاجه نتعشى الاول
حياه .......... حاضر يا ماما
روح ........... ايه الشيف حياه هتسيب ماما لوحدها في المطبخ
حياه ............ لا طبعا يا ست ماما انا في المطبخ تحصلين
ليلي ........... انا شايفه انك لازم تبعدي من هنا البت طول ما شايفه ابوها قدامها هتكبر وهي مكسوره
روح ........... انا مش هسيبك يا خالتو احنا خلاص بقي طريقنا واحد
ليلي ......... المهم عندي راحتك انتي وحياه يا بنتي وانا هاخد علاجي وهاخدم نفسي
روح .......... وانا قولت مش هسيبك انا دلوقت عايزه اعرف مين الي بيروح الحضانه لي حياه كل يوم
ليلي ........... خلاص بكره نروح الحضانه سوا ونشوف مين ده
روح ........... هو ده الي هيحصل وكده كده بكره اجازه
ليلي ......... تمام يلا بقا عشان الشيف حياه مستنيه في المطبخ
عادل ......... داخل البيت بينفخ
امل .......... مالك يا قدري المنيل
عادل .......... الملافظ سعد يا امل
امل ........... وانا من يوم ما اتجوزتك وما شوفت غير الهم
عادل .......... ربنا يسامحك
امل .......... يارب يا خويا مالك داخل مش طايق نفسك
عادل ......... المنحوسه بنت الفقريه قال ايه عايزه اجبلها ايس كريم
امل .......... اوعى تكون جبتلها حاجه
عادل ......... و جبلها ليه ما امها علي قلبها قد كده انا مش طايقها اصلا
امل ........... ودي مين يطيقها هي وامها انا عارفه كنت عايش معاها ازي
عادل .......... الحمد لله خلصت منها بس لسا القضايا شغاله
امل ........... خليها شغاله المهم ما تخدش قرش واحد مننا انت مش مظبط المخبر
عادل ......... ايوه بياخد نص المرتب بتاعي كل شهر عشان بس يقولهم اني مسافر
امل ......... بس كده اشطه خليها و تبقا تقبلني لو خدت حاجه
عادل ........... فين امي
امل .......... ماسكه التليفون من الصبح مش عارفه بتكلم مين
عادل ......... يا ماما
فتحيه ........ ايوه بكلم خالتك و جايه
الدكش ......... مين بينده
فتحيه ............ ده عادل عايزني تحت
الدكش ........... وهو ده وقته يا مزتي
فتحيه .......... اتلم يا راجل
الدكش ........... ما بقتش قادر يا فتحيه انا بكره هاجي اطلبك رسمي بقا
فتحيه ........ يعني مصمم
الدكش .......... ايوه عايز البيت ينور بيكي وسيبك من جوز العقارب الي عندك دول ولا انتي مش عايزه
فتحيه ......... انا بحلم باليوم الي اكون فيه مراتك
الدكش ......... ياااا امتي بس يا فتحيه
فتحيه .......... تعالي بكره ونشوف
الدكش .......... من النجمه هكون عندك
فتحيه .......... هستناك يلا سلام
الدكش ......... سلام يا قلبي انتي
امل .......... فيه ايه يا مره يا خرفانه من الصبح ماسكه التليفون وقاعده في اوضتك ايه ده كله بتكلمي اختك
فتحيه ......... احترمي نفسك انا زي امك
امل .......... انتي اتجننتي انتي عايزه تجيبي نفسك لي امي يا مره
فتحيه ........... شكلي لازم اربيكي و مسكتها من شعرها ونزلوا هما الاتنين ضرب في بعص قطعو بعض
امل ........ انا هجيب ابويا ياخد حقي منكم و رنت علي ابوها
الدكش .......... الو
امل ......... الحقني يا بابا المره الخرفانه دي ضربتني
الدكش ........ انا جاي علي طول
عادل ......... احنا مش قد ابوها يا ماما مكنش لازم تعملي كده
فتحيه ما تقلقش المعلم راجل حقاني
الدكش ........ بيخبط
امل ......... فتحت الباب الحقني يا معلم الرخيصه دي ضربتني
الدكش ....... بالقلم وضربها
امل .......... انت تضربني يا بابا
الدكش ......... وكسر دماغك دي في مقام امك ازي تغلطي فيها
فتحيه .......... تسلم ايدك يا سيد المعلمين
الدكش ......... حقك عليا يا ام عادل البنت بنتك وانتي لازم تربيها ولو غلطت بعد كده انا موجود
فتحيه ......... تسلملي يا سيد الرجاله
الدكش ........ يلا علي اوضتك وانا هعرف اربيكي
فتحيه ......... هقوم اعملك ليمون تهدي اعصابك
الدكش ......... ما تتعبيش نفسك يا ست الستات عندي شغل مهم دلوقت و معادنا بكره
فتحيه ......... هستناك
الدكش ........ سلام مؤقت يا جميل
فتحيه ......... بس الواد يسمعك
الدكش ........ احم السلام عليكم
الكل .......... وعليكم السلام ورحمة الله وبركاته
روح ......... اصحي يا حياه عشان ميعاد الحضانه
حياه ......... ماشي يا ماما
ليلي ....... افطري كويس
حياه ........ فطرت يا تيته واكلت اكلي كله الباص جه
روح ....... يلا يا قلبي وركبتها الباص
ليلي ....... يلا البسي عشان نروح الحضانه
روح ....... هروح انا بلاش انتي شكلك تعبانه
ليلي ........ اطلع عشان اغير جو
روح ............ ماشي يا خالتو انا جاهزه يلا بينا
ليلي ......... السلام عليكم
المس ....... وعليكم السلام ورحمة الله وبركاته
روح .......... ممكن اشوف حياه
المس .......... بتلعب في الجنينه مع عمها
روح ......... عمها
ليلي ........ تعالي نشوفهم
روح ........... دخلت الجنيه و اتفاجئة مش معقول