بسم الله ولا إله إلا الله وحده لا شريك له له الحمد وله الملك يحيي ويموت وهو علي كل شئ قدير
حاتم .. بعد ما طلقها علي طول وقع والدنيا كلها اتقلبت
رهف .. واقفه مصدومه مش عارفه تعمل ايه
يدخل دكتور بسرعه ويقول لهم البقاء لله المسجون مات كانت صدمه كبيره نزلت علي رهف زي الصاعقه وقعدت مكانها مش عارفه تعمل ايه ولا تقول ايه وهي بتقول في نفسها انا السبب في اللي حصل المحامي بتاعها قرب منها مالك يا انسه رهف
رهف .. بصتله ومش عارفه ترد
المحامي .. تحبي اساعدك
رهف .. وهي بتحاول تتمالك نفسها لا شكرا وتقوم وبتطلع وهي شايفهم بيشيلوا حاتم وياخدوه وبتطلع من القاعه ومحمد بيكون مستنيها بره
محمد .. حصل ايه اطلقتي
رهف .. يلا نمشي من هنا يا محمد
محمد .. ماشي يا حبيبتي وبياخدها و ينزلوا يركبوا تاكسي ويروحوا البيت
رهف .. طول الطريق ساكته ومش عارفه اللي حصل ده حلم ولا حقيقه لحد ما وصلت قدام البيت نزلت
و محمد .. حاسب التاكسي وطلعوا الشقه
رهف .. قعدت في الصاله
محمد .. مالك يا رهف حصل ايه مخليكي مصدومه كده مش ده اللي كنتي عايزاه
رجاء .. فيه ايه يا رهف شكلك متغير ليه
رهف .. حاتم مات
محمد .. بتقولي ايه
رجاء .. مش معقول بتتكلمي بجد
رهف .. هي دي فيها هزار يا ماما مات وانا السبب
رجاء .. حضنتها لا يا بنتي انتي مش السبب في اي حاجه لكل اجل كتاب وهو عمره كده
رهف .. ده مات بعد ما طلقني علي طول
رجاء .. مصدومه لكن بتحاول تمسك نفسها عشان رهف كانت منهاره لا يا حبيبتي وحدي الله
رهف ..لا إله إلا الله انا هتجنن يا ماما وبتبكي بهستيريا زي المجنونه
رجاء .. اهدي يا حبيبتي قدر الله وما شاء فعل
رهف .. ونعم بالله
محمد .. اهدي يا حبيبتي والله يرحمه
رهف .. الله يرحمه
رجاء .. ادخلي ارتاحي
رهف .. حاضر ودخلت اوضتها وهي عقلها مش مستوعب اللي حصل
وفضلت لحد الصبح وعقلها مش مستوعب اللي حصل والمنظر كان صعب اووي و الصبح اتصلوا اصحابها في الشغل عشان ياخدوها معاهم لكنها رفضت وجمعوا بعضهم وجم البيت فتحت لهم رجاء ودخلوا لي رهف و بيحاولوا يقنعوها عشان يطلعوها من اللي هي فيه وفعلا قدرو يعملو كده وهي ماشيه حاسه الناس كلها بتبص عليها لكن كانت تحاول تتماسك بس من جوها وجع مفيش انسان يستحمله
رهف مرة بي حاجات كتير واتحملت كتير بس كانت حاسه ان اللي هي فيه مش هينتهي وبيعدي يوم في التاني وشهر والتاني وبتبدا ترجع لحياتها الطبيعيه وبتبعت رساله لي خالد بتقوله فيها كل اللي حصل لكن الغريب ان خالد شاف الرساله وما ردش ورهف قالت هو كمان شكله زهق مني وبتحاول تنساه للاسف هي حبته من غير ما تحس
خالد .. راجع من الشغل تليفونه بيرن رد علي طول السلام عليكم
محمود .. وعليكم السلام ورحمة الله وبركاته
خالد .. ايه يا عم شهر عشان ترد عليا
محمود .. معلش يا صاحبي انشغلت شويه وانت عارف ان البنت اللي قولتلي عليها دي من قريه جنبنا يعني مش من عندنا عشان كده اتاخرت عليك
خالد .. ولا يهمك المهم عرفت توصلهم
محمود .. ايوه والناس محترمين ورهف قمه في الادب والاخلاق بس حظها ملخبط وبدء يحكي له كل حاجه اللي خالد اصلآ عارفها
خالد .. تمام يا صاحبي انت كده تشكر
محمود .. يعني خلاص هتيجي عشان استناك
خالد .. خير البر عاجله بكره هكون عندك
محمود .. ماشي يا صاحبي وانا هكون في انتظارك
خالد .. تسلم يا صاحبي يلا مع السلامه
محمود .. سلام
خالد رتب كل اموره وركب علي الشرقيه ومحمود كان مستنيه واول خالد ما وصل رن علي محمد اخو رهف كان واخد رقمه من رهف لما ادته العنوان
محمد .. السلام عليكم
خالد .. وعليكم السلام ورحمة الله وبركاته الاستاذ محمد علي معايا
محمد .. ايوه مين حضرتك
خالد ..انا خالد من الصعيد وكنت عايز اقابل الحاج علي
محمد .. مفيش مشكله تنور في اي وقت
خالد .. يعني الحاج موجود دلوقتى
محمد .. ايوه موجود
خالد .. خلاص ربع ساعه وكون عندك
محمد .. هكون في انتظارك سلام
خالد .. سلام
محمد .. يا بابا
علي .. ايوه يا محمد اديني جاي وطلع من الاوضه عايز ايه
محمد .. في واحد كلمني من الصعيد وعايز يقابل حضرتك
علي .. من الصعيد ما قلكش ليه
محمد .. لا هو قدامه ربع ساعه ويكون هنا
علي .. مفيش مشكله يا ابني يشرف يمكن معاه مشكله وحد دلو علينا
محمد .. انا حسيت كده برضه
علي .. علي الله
خالد .. بيخبط علي الباب
محمد .. فتح
خالد .. السلام عليكم انا خالد اللي كلمتك من شويه
محمد ..وعليكم السلام ورحمة الله وبركاته اتفضل الدنيا منورة
خالد .. تسلم يارب وده محمود صاحبي من القريه اللي جمبكم
محمد .. اهلآ وسهلا ارتاحوا هقول لي بابا وبيطلع وبيقول لي باباه
علي .. السلام عليكم
الكل .. وعليكم السلام ورحمة الله وبركاته وسلم عليهم
خالد .. عشان ما خدش من وقتك كتير انا خالد .............. وبدأ يحكي له كل حاجه وبعد كده قال له انا جاي اطلب ايد بنتك رهف
علي ومحمد اتصدموا من طلبه
علي .. انت تعرفها منين
خالد .. قال له علي كل حاجه
محمد .. انت خالد القناوي
خالد .. عرفت ازاي انا مقولتش انا من فين بالظبط
محمد .. رهف كانت بتحكي لي كل حاجه وانا سعيد اني تعرفت عليك بس المشكله ان رهف رافضه فكرت الجواز خالص
خالد ..لو ممكن اقعد معاها شويه وانت معانا يا استاذ محمد
علي .. مفيش مشكله يا ابني رهف فعلآ كلمتني عنك وكانت بتقول انك قمه في الادب والاحترام
خالد .. ده من ذوق حضرتك انا اللي اتشرفت بمعرفتكم وسعيد جدآ ان رهف كانت بتحكي لكم كل حاجه
محمد .. الباب بيخبط اكيد رهف اتفضل معايا يا استاذ خالد في الاوضه التانيه
خالد .. قام ودخل الاوضه التانيه
محمد .. فتح الباب
رهف .. سنه عشان تفتح يا رخم
محمد .. بس عندنا ضيوف
رهف .. مين
محمد .. تعالي وهتعرفي
رهف .. بتدخل مع محمد وبتشوف خالد قاعد طبعآ هي ما تعرفش شكل خالد مين ده يا محمد
محمد .. مش عارفه
رهف .. لا
خالد .. كويس يبقى امشي بقا يا هانم
رهف .. سكتت شويه وبتقول معقول يكون ده خالد هو ده صوته وديه كلمته اللى كان دايما بيقولهالى وبتقول بصدمه خالد
خالد .. الحمد لله ايوه انا هو يا انسه رهف
رهف .. بتعمل ايه هنا قصدي ايه اللي جابك اسف اصلي متلخبطه انت نورت البيت
خالد .. تتجوزيني
رهف .. اتبرجلت ووشها بقي احمر وهي مش عارفه تقول ايه وطلعت تجري علي اوضتها
محمد .. ضحك اسف بقى يا خالد ارتاح وانا هدخلها
خالد .. هستناك مع عمي ومحمود
محمد .. دخل عليها ايه اللي انتي عملتيه ده
رهف .. مش عارفه
محمد .. ما علينا هو مستني رايك ولا نمشيه
رهف .. لا ما تمشهوش هو ملهوش حد هنا
محمد .. لا جاي مع واحد صاحبه من قريه في ريحنا قولتي ايه
رهف .. ابتسمت موافقه
محمد .. ده انت سرك باتع يا خالد وضحك وسابها وطلع وراح عند باباه
علي .. ايه رايها
محمد .. موافقه
علي .. الف مبروك يا ابني
خالد .. الله يبارك فيك يا عمي وطول ما كده انا قولتلك كل ظروفي لو ينفع نتجوز في اسرع وقت
علي .. المهم عندي سعادة بنتي وشوف اللي انت عايزه وانا موافقك
خالد .. نكتب الكتاب والفرح الخميس الجاي ونسافر علي قنا
علي .. في شقه فاضيه تحت تيجي ام رهف من بره وينظفهالك واقعد معاهم ورد عليك
محمود .. لا يا عم علي انا ما عملت اي واجب مع خالد سيبهولي
محمد .. معلش يا محمود عندك وعندنا واحد وبدل ما يفضل رايح جاي كده كده الشقه فاضيه
وفعلا بتيجي رجاء وبتعرف الخبر وتفرح و بتنظف الشقه و بينزل محمود وخالد يباتوا فيها وعلي يقعد مع محمد ورجاء ورهف و يوافقوا و يخلصوا الورق وخالد بيكلم اهله في الصعيد ويجو وبيحضره الفرح وبياخد خالد رهف وبيرجع علي قنا ورهف بتكون سعيده جدآ واسامه ابن خالد حبها وكان بيعتبرها امه وربنا كرمها بي سيف وجنا وكانت اجمل قصة حب خالد قدر ينسيها كل اللي عاشته وكانها اتولدت عشان خالد اللي حب روحها قبل شكلها واخلاقها قبل جسمها وهي كمان حبة روحه ولعبة القدر خلاص وصلت الاتنين
ببعض
تمت بحمد لله