رواية كاس المر الفصل السادس 6 بقلم محمد منصور
بسم الله توكلت علي الله. وهو رب العرش العظيم
وبعدها بكام ساعه يرجع دياب لشقته علشان يلاقي صلاح الشرقاوي جوة الشقة ومصوب مسدسة ناحيته اتفزع دياب وقال
انت
ابتسم صلاح الشرقاوي وقال
هو انت يا ابن امبارح كنت فاكر اني مش هعرف بنتي حتي لو عملتها كذا عملية تجميل
اتصدم دياب وقال
يعني انت كنت عارف
صلاح
وعارف كمان ان الظابط والعيال الخايبة اللي كانو معه ممثلين درجة رابعة
برق دياب وقال
انت عرفت ازاي
صلاح
لانهم لبسين اللبس الشتوي ولسة فاضل شهر علي الميعاد الرسمي للبس دا
دياب
ولما انت عارف دة كله سكت لية
صلاح
الماظ جرجس يخصني. دة انا بابا المجال يا شوية عيال
وهنا كانت الصدمة الكبري. لكن صلاح قام وراح ناحية دياب وقال
شايف في عينيك بتسال انا ازاي عرفت. وكمان انت شاكك في صدام يكون هو اللي قالي. لكن لا صدام بعيد عنها. انت اللي قولت لي
دياب
انا. طيب ازاي
صلاح
ليلة ما جابني صدام علي بيتك وشوفت بنتي واقفة ومش فكراني لقط السن بتاع الحكاية وعرفت ان في سر يستاهل انك تغير شكل بنتي. وكمان تخليها عندك. بعد ما حصلت الحادثة
وحط صلاح ايدة علي كتف دياب وقال
هنا بقي كان لازم افهم في اية. اصلها مش عملية خطف والا كنت طلبت فدية وانت عارف اني كنت هدفع. العملية اكبر بكتير من الخطف. عملت نفسي عبيط وعملت نفسي ما عرفش بنتي. وبدات ارقبك واحدة واحدة. حتي موبيلك هكرته.
بص له دياب اوي فقال صلاح بعد ما ابتسم.
عرفت موبيلك ازاي. جبتك عن طريق الفيس مش انت صديق عند صدام.
بلع دياب ريقة بصعوبه من كمية المفاجات اللي بتنزل علي دماغه وصلاح بيقول
وسمعت مكالمتك مع فرد الامن بتاع جرجس. اللي انت مسجلها وسايبها علي الموبيل. من شهر فات لما كان بيحكي لك عن الخزنة الكبيرة اللي في بدروم القصر واللي فيها الماظ يجي ب 50 مليون. بصراحة فرد الامن دة المفروض يتعدم في ميدان عام علشان طلع سر سيدة لواحد زيك. كبيرة اوي يودي ل جرجس بنات صغيرة. يعني حرامي ونجس
دياب
مابلاش غلط ما انت شبهي. وعرفت ان بنتك عندي وسيبتها ومشيت وانت ما تعرفش الليل واخره واللي بيجري في. ومش بس كدة. انت عارف دلوقتي انها عند جرجس بيحصل فيها اية.
ضحك صلاح اوي اوي. واستغرب دياب وقال
انت بتضحك ليه
صلاح
انا ماليش في الخلفة و زينه مش بنتي. دي بنت مراتي يعني انا حايلة جوز امها وكتبتها باسمي علشان خاطر امها الله يرحمها. يلا بقي ربنا امر بالستر. ومن ناحية تانية ابقي قدام اهل البلد راجل بخلف عادي. وانا صرفت علي زينه كتير وما نكرش اني حبيتها زي بنتي لكن لما تيجي من وراء منها مصلحة ب 50.مليون. يبقي لية لا. ادوس علي قلبي مش هيجري حاجة وارجع اخد بنتي في حضني من تاني ومعايا 50.مليون ج.
ويتنهد صلاح ويكمل
اما بقي جرجس فاللي انت ماتعرفهوش وانا عرفت بفلوسي من برضو فرد الامن الخباص. انه ملهوش في الحريم دة هو بس بيعمل كدة علشان خاطر يتقال انه لي في البنات ومش اي بنات البنات الصغيرة.
دياب باستغراب
وفرد الامن عرف ازاي
ضحك صلاح وقال
حط له كاميرات في اوضة نومه من غير ما جرجس يعرف
كان عايز يتفرج
دياب
الواطي. ولية ما قاليش معلومة زي دي
صلاح
اصل انت ما دفعتش اللي انا دفعته وبكدة بنتي زي ما هتدخل عنده هتخرج من عنده ومعانا 50 مليون ج.
يضحك دياب ويقول
كدة بالساهل. وانا المفروض اية اقف اتفرج واشجع اللعبة الحلوة.
صلاح
اومال اية نفسك تلعب اساسي
دياب
يبقي الملعب بتاعي والكورة بتاعتي وملعبش دة حتي تبقي وحشة في حقي
صلاح وهو بينزل السلاح قال
وانا يشرفني العب جنب لعيب زيك
دياب بص له وقال
يعني معايا مش عليه
صلاح
معاك. وهتحتاجني
دياب
في اية بقي
صلاح وهو بيرفع ايدة ل فوق
دول في فتح الخزن ما لهمش حل وهتشوف بنفسك
رفع دياب ايدة لفوق هو كمان وقال
مش زي دول وما تنساش الشباب يكسب
هز صلاح دماغه وقال
صح. انا برضو راجل كبير واللي زيي عمل ماتش اعتزاله من زمان. بس انت ماتعرفش تعمل اللي انا عملته دة
وحط صلاح ايدة في جيب عبايته وطلع رسم كروكي لقصر جرجس من جوة ومن برة. وحط الرسمة قدام دياب وقال
دة قصر جرجس الجوهرجي بكل تفاصيلة من جوة ومن برة
بص دياب للرسم الكروكي بانبهار وقال
انت قدرت توصل للرسمة دي ازاي
صلاح
بالفلوس تقدر تعمل المستحيل وانا بفلوسي وعلاقاتي قدرت اوصل للمكتب الهندسي اللي صمم القصر وقدرت اجيب منهم رسم كروكي علي اساس اني هعمل قصر زي دة. ومن الرسم اقدر اقول لك ان البدروم ما فيهوش خزنه الخزنة انا عرفت هي فين
برق دياب وبص لرسمة القصر وقال
يعني اية فرد الامن بيشتغلني
صلاح
جرجس هو اللي بيشتغل فرد الامن وكل الموجودين في القصر. الالماظ موجود في القصر قدام عينيهم طول الوقت لكنهم عمرهم ما هيشوفوا لان جرجس قايلهم ان الخزنة في البدروم ماحدش يفكر ينزل البدروم نهائي.
دياب بص ل صلاح باهتمام شديد
وانت عرفت فين الالماظ
صلاح
عرفت ومش هقول لك الا لما اجهز الخطة اللي هدخل بيها القصر
دياب بمكر
من حقي اعرف احنا برضو مش شركاء
صلاح وهو بيبص للرسم الكروكي. لقصر جرجس قال
انت قولت انك احسن مني. وانا بقول لك الرسم قدامك اهو طلع منه مكان الالماظ. اشوفك بكرة. سلام
ومشي صلاح وقفل الباب وراء منه وفضل دياب يبص للرسمة بتركيز شديد، ،،،،،،،،،،،
ومن جوة اوضة كبيرة جدا في قصر جرجس الجواهرجي يقف جرجس قدام زينه اللي كانت ماسكة في ايدها سكينة تقطيع الفاكهة وبتقول
لو فكرت تقرب مني. والله العظيم احط دي في رقبتك
جرجس وهو بيضحك قال
متخافيش مني يا بنتي. انا مش هعمل لك حاجة
وراح وقعد علي السرير وقال
انا راجل عاجز ما فيش مني خوف.
استغربت زينه وقالت
عاجز يعني اية
ابتسم ابتسامه المر وقال
يعني ما فيش خوف مني.
زينه وهي بتنزل السكينة قالت
اومال لية، ،،،،،،
قاطعها جرجس وقال بصوت حزين
لية بتجيب بنات القصر. عايزا تقولي كدة. علشان يفضل يتقال عليه راجل. وكمان
وسكت جرجس فقربت زينه وهي بتقول
وكمان اية
بص لها جرجس والدموع بتجري علي خده
علشان بيكم بفتكر بنتي ايفون اللي ماتت في الحادثة اللي انا كنت السبب فيها
وبدأ يعيط بحرقة راحت ناحيته زينه وقعدت جنبه وبدات تطبطب عليه وتقول بطيبة قلب
طيب بطل عياط
جرجس بحرقة وهو بيبص ل زينه
ابطل ازاي دة انا كنت السبب في موتها. تفتكري هي سامحتني
زينه
ما فيش بنت تكره ابوها. اكيد سامحتك. وبطل عياط بقي والنبي قلبي بيتقطع عليك. تحب اشغل لك قران يهديك
ابتسم جرجس وقال
القران كلام ربنا. بس انا جرجس
اتحرجت زينه وقالت
اة صح. طيب اروح اعمل لك شاي
جرجس
بتعرفي
زينه
جوزي بيقولي انا شاطرة اوي في اي حاجة تخص المطبخ
جرجس
جوزك مين
زينه
دياب
استغرب جرجس وقال
دياب جوزك. وجابك بنفسه لغاية هنا دة ما عندوش ذرة رجوله
زينه
معاك حق. باين اوي اني اتغشيت في. سيبك بقي من الكلام دة. انا هروح اعمل لك شاي
وخرجت من الاوضة ورجعت تاني وقالت
تحب شايك اية
جرجس
خفيف معلقة سكر واحدة
قفلت الباب ورجعت فتحته تاني وقالت
مج ولا فنجان عادي
جرجس
لا. مج عادي
قفلت الباب ورجعت تاني فقال لها جرجس
لا. انا كدة اقوم اعمله احسن بنفسي
زينه
ما ينفعش انا بس كنت عايزا اسالك سؤال صغير
جرجس
اسالي
زينه
هو فين المطبخ اصلا، ،،،،،،،،،،
وبعدها بساعه يقعد دياب قدام صدام في الترب وصدام كان باين عليه انه قرفان منه وبيقول
نعم عايز اية
دياب
اركن الزعل والخصام دة. علي جنب وركز معايا اوي واسمعني هقول لك اية
وحكي دياب ل صدام حكاية صلاح معه وزيارته لي وقال صدام بعد ما خلص دياب
ابن الكلب
دياب
انا مش جاي لك اعرف هو ابن كلب ولا ابن قطة. انا عايز اعرف حكاية التعبان دة من الاول.
صدام باستغراب
اية الحكمة من الرغي في اللي فات
دياب
لما تحب تلاعب حد لازم تعرف نقط ضعفه وقوته. وتاريخة
صدام
وماله نحكي. احنا كنا تلاته اصحاب شربيني وصلاح وصدام الدنيا جت علينا اوي اشتغلنا اي شغلانه تجيب فلوس وكنا شطار فيها لكن الشهادة لله كان اشطر واحد فينا صلاح. لكن الطمع كان عامينا اتمننا فلوس اكتر ولعب صلاح في دماغنا وهو كان شاطر في الرسم. شاف في مرة عربية الفلوس بتاعت المعاشات والتامينات وهي داخلة البلد ورايحة البوسطي بتاعت البلد قال لنا هي دي ضربة العمر رسم البوسطي بالتفصيل المداخل والمخارج. والخزنة الكبيرة اللي فيها الفلوس ولف حوالينا زي الشيطان وفضل يوسوس لينا لغاية ما قدر يقنعنها ان دي فعلا فرصتنا. وسرقنا الفلوس من جوة الخزنة والمركز والحكومة كلها اتقلبت علينا فقال لينا صلاح لزم حد مننا يقع علشان الحكومة تهدئة شوية وتنسي قضية البوسطي
دياب كمل وقال
وطبعا وقتها وقع شربيني.
صدام
بالظبط كدة
دياب
ولية شربيني يوقع نفسه ويخلي الحكومة تعكشوا
صدام
علشان الشيطان صلاح قال ان اللي هيقع ونسلمه للحكومة هياخد لوحدة 1/2 الفلوس مقابل الكام سنة اللي هيقضيهم في السجن بعد ما ياخد حكم
دياب
ابن الصايعة. وازاي شربيني يصدقة
صدام
مكناش نعرف انه خبيث كدة. وقدر يخلص منه في السجن والفلوس اتقسمت عليه انا وهو خد نصيبي وسيبت البلد وجيت القاهرة وهو فضل في البلد وفضل يكبر بفلوس الغلابة اللي سرقهم لغاية ما عرفت انه سافر المغرب كام سنة ورجع بعروسة من هناك ومع العروسة بنته زينه. اللي ما طلعتش بنته وظهرت الفلوس وكانها فلوس الغربة اللي عملها في المغرب وبقي العمدة صلاح الشرقاوي وربي ابن شربيني محمود. والباقي بقي انت عرفة
دياب
يعني اللي يلعب مع تعبان زي دة لازم يلعب وهو قلقان
صدام
العب معه بس اوعي تدي له ظهرك او تأمن لي وتغلط غلطتنا
دياب
ما تقلقش لو هو تعبان انا دياب يعني ديب وقبل ما يتعشي بيا هتغدي بي، ،،،،،،،،،،،،،
ويتم الاتفاق بين دياب وصلاح علي انهم يقسموا الماظ جرجس ما بينهم وقال دياب
افتكر بقي دلوقتي بعد ما بقينا في صف واحد من حقي اعرف الالماظ فين
راح صلاح ناحية الرسمة الخاصة بالقصر وشاور علي حيطة من حوائط القصر وقال
بص كويس للحيطة دي
بص دياب بتركيز شديد ومكنش ملاحظ اي حاجة وقال
مالها ما هي حيطة زي اي حيطة
خرح صلاح الموبيل بتاعه وجاب الفيديوهات وفتح فيديو للقصر من جوة فقال دياب
دة القصر من جوة
صلاح
خليت فرد الامن يسجل القصر كله فيديو
دياب
وبعدين
وقف صلاح بالصورة عند الحيطة اللي وراها ل دياب علي الرسم وقال
الالماظ هنا
بص دياب بتركيز شديد وبرضو ما شافش اي شئ ملفت للنظر وقال
هو انت عايز تتجنني. ما فيش اي حاجة في الحيطة
صلاح كبر الصورة وهو بيقول
الحيطة فيها بروز والبروز فيها كسر الماظ. يبان للي زيك انه مادة بيستخدمها الصنايعية في التشطيب لكن الحقيقة ان دة هو الالماظ نفسه
اتصدم دياب وبص للصورة وفعلا لقي الحيطة فيها نقط صغيرة بتلمع لمعه الالماظ فقال
كلامك دة لو صح يب،،،،،،،،،
يقاطعه صلاح قائلا
صح. بص علي الرسمة تاني
وبصوا تاني علي رسمة القصر وقال صلاح
هتلاقي التصميم جاي لحيطة سادة مافيهاش اي بروز ودة الشكل الطبيعي لحيطة في المكان دة من الاوضة. انما في الفيديو. صلاح عمل تعديل علي الحيطة دي من غير ما يدخل صنيعي واحد القصر ولا حتي شركة مقاولات يبقي اللي قدام مننا الماظ حر. مخلوط ببلاستيك النقاشين وبلاستيك من الرخيص اللي لو غسلته بمية يقشر ويقع من علي الحيطة.
دياب
والدليل علي ان كلامك دة صح. البروز اللي في الحيطة
صلاح
واي حد هيدخل القصر هيشوف حيطة متشطبة بديكور في كسر الماظ من الطبيعي انه يبقي موجود مع الصنيعية لكن الحقيقة ان دة الماظ حر.
خبط دياب ايدة علي دماغه
غبي انا غبي. رغم اني دخلت القصر دة بدل المرة 20 وشوفت الحيطة ولمعه الالماظ في كل مرة. روحت فيها القصر الا اني عمري ما كنت اتخيل ان دة الالماظ اللي بحلم بي
وباس دياب راس صلاح وقال
انت عبقري بجد الدهن في العتاقي
صلاح
مش اوي كدة دة انا لسة 55 سنة
دياب
55 فل عليك.
صلاح
سيبنا بقي من الزيطة دي وخلينا نتنقل للمرحلة الجاية من الخطة
دياب
واية هي
صلاح
ازاي نخرج بالالماظ
دياب
زينه هي المفتاح
صلاح
مفتاح الدخول انما احنا عايزين مفتاح الخروج وسط كمية افراد الامن المسلحين الموجودين في القصر.
دياب
اية رايك نخلي المطرة تمطر علي الحيطة
صلاح
ازاي
دياب
في اخر الحيطة من فوق قرب السقف في تكييف. خرم صغير في خرطوم الصرف بتاع التكييف يخلي الحيطة عبارة عن حمام سباحة
صلاح اللي عجبته الفكرة
وبعدين
دياب
زينه تقول اتصلت بشركة الصيانه وجايين يعالجو التكييف
صلاح
واحنا بقي بتوع الصيانة
دياب
معاك قلبي.
صلاح
ندخل ونخرج والشنطة فيها العدة والالماظ. وباي باي جرجس
وضحكوا الاثنين، ،،،،،،،،،،،
وتاني يوم ومن جوة المطبخ بتاع قصر جرجس. ووقت ما كانت زينه بتعمل اكل ل جرجس يقف دياب قدام زينه وبعد ما يقولها علي الخطة تقول
لا.
دياب
هو اية اللي لا يا روح امك
زينه بتحدي
مش هساعدك تسرق الراجل الطيب دة
مسكها دياب من شعرها وقال بحدة
هو انا باخد رايك. يا بنت المراة. انتي هتعملي اللي بقول لك عليه والا بموتك
زقته زينه بعيد عنها خبط في حلة المية السخنة اللي كانت علي رخامه المطبخ وقعت علي هدومة اتحرق وكانت زينه بتقول
مش هعمل حاجة انت سامع
دياب اللي كان بيتوجع وبيستعد للهجوم علي زينه بعد ما طلع المطواة اللي معه
وحياة امك لقتلك
ولسة هيهجم عليها اتفتح باب المطبخ ودخل جرجس ومعه كام حارس وفي ايديهم اسلحة وقال
عيب اوي اللي بتعمله دة في بيتي
شال دياب المطواة وقال
دي عايزا تمشي وانا كنت بعلمها الادب
جرجس
بجد يعني ما كنتش عايز تسرقني وهي قالت لك لا
دياب بارتباك
انت مين اللي قال لك كدة
جرجس
لسة واحدة قافلة معايا وبتقولي ان دياب راح لك القصر وعايز يسرق الالماظ بتاعك
برق دياب وقال
واحدة
جرجس
بس احب اعرفك ان الالماظ ما بقاش هنا طار قبل ما تفكر انت ولا غيرك تمدو ايدكم عليه. دة شقي عمري كله
وبص للحرس وقال
هاتوه
راح بسرعه دياب ناحية زينه وحط المطواة في ظهرها وقال
اللي هيقرب مني هقتلها
لكن زينه جت تزق ايدة بعيد عنها دخلت المطواة في جنبها اتوجعت ودياب بيبص لها اوي ودمها بدأ يجري زي الشلال علي الارض، ،،،،،،،،،،،،