رواية سيطرة قلب الفصل الثالث 3 بقلم جيجي
٣...طيبه قالت... اخدت بالي وانت بتنادي عليها انا بقصد عايزه ايه ومين حسام ده وعايز ايه منك
رياض قال.... حسام ده يا ستي يبقى اخويا بس هو مستهتر ولعبي ومش بتاع شغل ف بابا كتبلي كل حاجه في الاملاك بس كنت فاكر انها بتحبني وانا احبها بس كانت عايزه تمضيني على تنازل بالفلوس لحسام حقه بس يعنى وطبعا ليها نسبه الاول انا ماشكيتش بس عرفت وانا
بصراحه كان لازمني حد يبقى معايا
طيبه قالت... طب واخوك ده فين
رياض قال.... هنا قاعد
طيبه قالت... ايه بعد ما عرفت اللي عمله
رياض قال ... ما انا قلتلك انو اخويا مش هينفع امشيه يعني
طيبه قالت... وانا بقى جبتني عشان ابقى معاك ولا ايه بالظبط عشان انا مش فاهمه بصراحه بعدين ما تمشيها
رياض قال... وافرض مشيتها هيجيب غيرها وبعدين دى بنت عمي يعني من العيله
طيبه قالت.... يعني انت كده اخوك وبنت عمك متفقين عليك شيء جميل واضح انهم بيحبوك جدا هنا
رياض بصلها بطرف عينه وقال... مش بس انا يعني انتى زي انتى صح عندك اخ ومرات اخ بس لوحدك يعنى عندك عيله بس لوحدك انا برايي بحس ان الوحيد مش اللي ما لهوش عايله لا الوحيد اللى بيحس انو غريب في وسط العيله
طيبه قالت.... طب وانت هتعمل ايه يعني
رياض قال.. ولا حاجه انا مش عارف بس بالنسبه لجيبتك ليه انا لما دي طلعت كده بصراحه كنت محتاج اي حد وانا بصراحه حبيتك من كلام اخوكى يعني هو اتكلم عنك كتير قوي ولما اتكلم عنك قولت لازم تكون في حياتي واحده زيك انا عشت كتير ادور على الحب حد يخاف عليا وهما استغلوا ده وطلعو ما علينا لما اخوكى اتكلم عنك كتير قوي قلت هي دي كنت اروح اقف قدام بيتكم ساعات وكنت بشوفك نازله الشغل مره اخوكى اتزنق فى الفلوس وجي طلب مني انا وقتها لقيتها فرصه بصراحه يعني هو حسام لما يقانى متجوز ومع واحده بحبها مش هيبعتلي واحده عشان انا خلاص هيبقى عيني مليانه وقولت لو هختار حد يسند معايا فهي انتى لان انا مش شايف انسب ولا اجدع منك انتى اللي انا كنت بدور عليكى اخوكى ما بعاكش زي ما انتى متخيله هو عارف ان انا كويس ومش هاذيكي ابدا وافق على الجواز مش اكتر انما انا انا بجد كان نفسي تديني فرصه يمكن تظبط
طيبه قالت... انا كمان نفسي الاقي الحب اللي انا عايزاه وكنت فاكره الزفت اللي اسمه حسن ده هو الحب زيك يعني بس هو فلق اول ما عرف ده حتى ما استناش يسالني مع انه شاف ان انا اتفاجئت يعني في الفرح
رياض قال... فلق حلوه فلق دي
طيبه قالت... وانا معاك يا اسطى
رياض قال... وانا معاكى يا ست الاسطوات كلها بس وحياه ابوكى ما تشرطي وتقوليلي بس بشرط نقعد كده اخوات لحد شهر لحد اما اشوف
طيبه قالت... لا لا انا ما بحبش الشروط دى مش انا هديك فرصه عشان لو نجحت في الفرصه دي تبقى جوزي وانا ابقى مراتك
رياض قال... بالظبط
طيبه قالت... خلاص يبقى نجرب بقى
رياض قال... تمام نبتديها بقى من فين
طيبه قالت.... ننزل نفطر معاهم وانت ايدك في ايدي كده ونقعد قدامهم ان احنا كابلز
رياض قال .. كابلز
طيبه قالت.. ايوه
رياض قال... تمام فكره حلوه ماشي يلا بقى بس هتنزلي ازاي باللي انت لابساه ده
طيبه قالت... ايوه صح تصدق انا عندي فكره حلوه انت تروح تجبلي قميص من عندك البسو فوق الكاش مايوه ده واربطه كده فى بطني وهو كده واصل للركبه هيبقى جميل يلا روح هات
رياض قال... وهتنزلي بيه
طيبه قالت... اه
رياض قال بضيق... لا مش هينفع استنى انا هجبلك حاجه تلبسيها
طيبه قالت... من فين
رياض قال.. من دولاب ماما الله يرحمها
طيبه قالت... الله يسامحها الزفته سحر طب حتى تحط فستان خروج يقولوا عليا ايه دلوقتي ما عنديش فستان انزل بيه
رياض قال... مين اللي قال انهم هيقولوا كده هما هيقولولي عجبك فيها ايه المأيحه دى طيبه بصتله بغيظ وحطت اديها فى نصها
وقالت... يا سلام
رياض قال... اه والله ونزل وطيبه مسكت التليفون
وقالت... ايوه يا زفت بقى حطاها كلها قمصان اه طبعا ما انتى منحله طب حطى طقم يقول عليا ما عنديش فستان
وسمعت شويه
وقالت... فين انا قلبت الشنطه ما لقيتش حاجه يعني مخبياه وبقت تدور فى الشنطه وكان فى سوسته فى الجمب
وقالت.... اه الفستان اهوه طب اقفلي يا سحر لاجيبك من شعرك اقفلي وقفلت ولبست الفستان و بعد شويه جيه رياض
وقال... ادي يا ستي الفستان بس قطع جملته وبصلها باعجاب
وقال... إيه ده انتى لقيتي فستان
طيبه قالت.. اه طلعت مخبياها في الشنطه من تحت عشان ما البسهوش امبارح يعني
رياض قال.. طب والله بتفهم البنت دي يلا تعالي
طيبه قالت... معلش بس السوسته من ورا انا مش لحقاها
رياض قال... امم ومين اللي كان بيقفلهالك في البيت
طيبه قالت... لا ده مش فستاني انا مش عارفه جبته منين اصلا انا بحب الفساتين اللي بيبقى لها الزراير من قدام دي تفتحها وتقفلها
رياض قال... ايوه عارفها انا كمان بحب الزراير من قدام بحب افتحها بس مش اقفلها
طيبه جابت شعرها لجمب وقالت... امم طب اقفل السوسته واتلم رياض وقف وراها وقفل السوسته
وقال... ماشي حاضر قفلتهالك يا ست الكل وحضنها من ورا
طيبه بعدت اديه وقالت.. تمام يلا ننزل
رياض حمحم وقال.. اه تمام ونزلو كانت سما بتاكل مع شاب فى العشرين
ورياض قال... صباح الخير يا شباب
حسام قال... صباح النور يا رياض هى دى مراتك
رياض قال... ايوه هي اعرفك طيبه
حسام بصلها وقال.... امم حلوه بس مايحه شويه يعني ما فيهاش حاجه مميزه عشان تسيب البنات اللى هنا وتروح تتجوزها غصب وتخربطلها خطبتها وتعمل اللى عملته ده كله
رياض قال... بذمتك مش حلو ما تستاهلش يعني
حسام قال... هي حلوه بس مايحه برضه
طيبه بصتلهم بغيظ وقالت... طب انا اطلع فوق على ما اخدتوا رايكم
رياض قال بسرعه.... لا هنفطر سوا اقعدى وقعدو سوا وسما كانت بتبصلها بطريقه غريبه
طيبه مالت على رياض وقالت... مالها دي بتبصلى كده ليه اقوم اضربها طيب
رياض قال.... وتضربيها ليه بس
طيبه قالت... يا عم انت مش شايف بتبصلي كده ليه كانها هتقوم تاخدني شبشبين واخوك كمان محترم عمال يقول مايحه وما فيهاش حاجه مميزه وما اعرفش ايه وانت قاعد كده بسم الله ما شاء الله عليك زي الطور ولا كاني مراتك دي اللي بتتهزق ..