حياه .......... بتعمل العمليه وهي خايفه الحزن الي جوها ياثر عليها و تغلط وكانت متحكمه في نفسها وساكته علي غير عادتها
عمر ......... كان مركز معاها و حاسس بالوجع الي جوها وفضلوا كده ٣ ساعات متواصلة لحد ما العمليه خلصت
حياه ........ طلعت من العمليات
روح ......... عملتي ايه يا بنتي
عمر ......... الحمد لله العمليه نجحت
احمد ......... الحمد لله
حياه .......... بعد اذنكم اغير لبسي
روح ........... انا جايه معاكي
حياه ......... انا مش قادره اشوفه قدامي يا ماما
روح .......... ولا انا يا حبيبتي كل ما بشوفه افتكر كل الوجع الي انا شوفته علي ايده هو وامه ومراته انا عشت في جحيم بسببهم بس خلاص يا بنتي المسامح كريم وهو لا حول ليه ولا قوه
حياه ......... مش قادره انسا نظرت الاستحقار الي كنت اشوفها في عنيه كل ما يشوفني زي ما كون بنت حرام
روح .......... ربنا اخد حقنا منهم كلهم وبعد العذاب الي انا عشته ربنا كرمني وبنتي حبيبتي بقيت اكبر دكتوره في مصر
ده كله من فضل ربنا علينا كفايه بكاء بقا يا حياه انا قلبي مبقاش حمل دموعك
حياه ......... انا كنت بدخل ا وفضل ابكي وبعد ما خلاص بدات اعيش حياتي يرجع ويظهر تاني في حياتي
روح .......... حبيبتي الحياه تستمر وان شاء الله ربنا يكرمك بي ابن الحلال الي ينسيكى كل الوجع الي شوفتيه
حياه ......... لا انا عمري ما هتجوز عشان ما يحصل معايا الي حصل معاكي
روح ........... انتي انسانه متعلمه وعارفه ان مش كل الناس زي بعض ومهما حصل الحياه تستمر
حياه .......... خايفه يا ماما
روح .......... الي معاه ربنا ما يخافش
حياه ........... ونعم بالله
روح .......... وانا حاسه اني دكتور عمر بيحبك
حياه .......... هو عرض عليا الزواج وانا رفضت
روح ........... وليه رفضتي وانتي بتحبيه
حياه ........... لا يا ماما مش بحبه
روح .......... علي ماما بردو رغم انك تتعاملي معاه معاملة جافه بس الحب ظاهر في عيونك الحلوه دي
حياه ..........بصت بعيد
روح ........ حطت ايديها علي خدها تخبي علي ماما
حياه .......... بصراحه بحبه يا ماما بس خايفه الجوزي يكون نهاية الحب ده
روح ........... قولنا ايه الحياه لازم تستمر وانا شايفه انو انسان محترم و متحضر وانكم كمان لايقين اوي علي بعض
حياه ........... خلاص يا ماما
روح .......... الله الله انتي طلعتي بتتكسفي
حياه ........... انا هسبلك المكتب خالص
روح ........ ابتسمت لا وعلي ايه انا هستناكي عند احمد
حياه ........ وانا اغير واجي وراكي
عمر ........ عمي بصراحه انا كنت عايز اكلمك في موضوع
احمد ........ اتفضل يا ابني
عمر .......... هو انا عارف اني لا ده وقت ولا مكانه بس حياه جننتني وانا النهارده بس ممكن اكون عرفت السبب
احمد ........ ادخل في الموضوع علي طول
عمر ........ انا يشرفني اني اطلب ايد حياه
احمد .......... بصراحه انت فاجأتني هاخد راي حياه
روح ........... تاخد راي حياه في ايه
احمد ........... عمر متقدم وعايز يتجوز حياه
روح ............ طاب ممكن لحظه علي جنب يا احمد
احمد .......... بعد اذنك يا ابني خير يا روح فيه ايه
روح .......... حياه بتحبه وانا شايفه انو شاب محترم وابن ناس
احمد ...........يعني حياه موافقه
روح ........... ايوه
احمد .......... اذا كان كده يبقا خلاص ربنا يتمم علي خير يا عمر مبروك
حياه ........ مبروك علي ايه
عمر .......... اخيرا عمي وحماتي وافقوا علي جوازنا
حياه ......... ماما انتي عملتي ايه
روح ..........والله ولا حاجه انا جيت من عندك لقيت عمر يطلب ايدك من بابا وقولت له اني حياه موافقه
حياه ......... بس يا ماما
روح ......... ما فيش بس يا قلب ماما خير البر عاجله
عمر ............ الف شكر يا حماتي
روح .......... بلاش حماتي دي لحسن ارجع في كلامي
عمر ........... لا حقك عليا يا ماما انا هروح اجيب الشبكه ولا اكتب الكتاب الاول ولا نحجز الفستان
احمد .......... اهدا يا ابني مالك فيه ايه
عمر ......... انا مش مصدق نفسي انا هاجي بكره اطلبها رسمي بعد اذنكم وطلع جري
احمد ......... منك لله يا مفتريه جننتى الراجل
حياه .......... وانا عملت ايه بس يا بابا هو شكلة مجنون من يومه يبقا نلغي الجواز
روح ......... عليا انا يا قلب امك
حياه ........ انتي اه منك انتي
روح ......... شكلي هضربك
حياه .......... احنا في المستشفي وانا هنا الدكتوره حياه يا ست الحبايب هعمل لك محضر عند بابا
روح ........ ايوه كده اخيرا شوفت ضحكتك
حياه ......... ربنا ما يحرمني منكم يارب
الكل .......... ولا منك
عمر ........ بيخبط علي البيت
يس ........ فتح الباب
عمر ........ السلام عليكم
يس ........ وعليكم السلام ورحمة الله وبركاته اتفضل يا دكتور عمر
عمر ........ شكرا عمي اخبارك ايه
احمد ....... الحمد لله اعرفك علي ولادي يس و ابراهيم و اسماعيل
عمر ....... اتشرفت بمعرفتكم
الكل ........ الشرف لينا
روح ......... اهلا يا عمر نورت يا بني
عمر ........ تسلمي يا ماما
حياه ........ داخله الشربات اتفضل يا عمر
عمر ......... شكرا يا عروسه
روح ....... زغرطت والباب بيخبط
اسماعيل ....... انا هفتح مش معقول جدي وتيتا فاطمه وتيتا ليلي وتيتا فريده
حياه ........ جريت عليهم و حضنتهم
ليلي ........ مبروك يا حبيبتي
حياه ......... الله يبارك فيكم كلكم اتفضلوا
....... ولبسها الشبكه في جو اسري جميل مليان محبه وود بينهم والكل فرحان وروح سعيده انها خلاص هتشوف حياه في بيت عريسها وبعد كام يوم .......
حياه ........ المريض الي جوه اخباره ايه
الممرضه ....... الحمد لله كل حاجه تمام بس ليه كام يوم يطلب يشوفك
حياه ....... حاضر انا هشوفه وفتحت الباب ودخلت خير يا استاذ عادل
عادل ........ في وحده تقول لي ابوها استاذ
حياه ........ انا ابويا احمد مش حضرتك دلوقت افتكرت انك اب
عادل ......... انا عارف اني غلطت بس خلاص ما عدش في العمر قد الي راح ومش عايز منك غير انك تسامحيني
حياه ....... اسامحك علي ايه علي العذاب الي ماما شفتوا معاك وعلي علي محاولة تشويه وشها ولا علي صرخة قلبها الي كنت بسمعها كل ما تاخذني في حضنها ولا علي نظرة الاحتقار الي كنت اشوفها في عنيك انا مش ملاك يا استاذ عادل انا انسانه وعمري ما هنسى الي انت عملتوا
عادل ........ انتي جواكي كتير
حياه ......... كل بفضل حضرتك بعد اذنك
عمر ....... انتي كنتي فين
حياه ....... كنت بمر علي المرضى
عمر ........ انا كلمت ماما روح عشان هنروح نكمل عفش الشقه
حياه ....... ماشي
عمر ........ انتي خلصتي شغل
حياه ....... ايوه
عمر ........ يلا بينا
حياه ....... يلا
احمد ....... حمدالله بالسلامه انتو جيتو
حياه ........ انا مش قادره اقف احنا لفينا البلد كلها
روح ........ المهم لقيته العفش الي انتو عايزينه
عمر ........ اكيد يا ماما
حياه ........ علي فكره هي مامتي انا عشان انا ابتديت اغير
روح ......... هههههه اه منك يا مجنونه
عمر ........ حظك بقا انا ماما ماتت وانا صغير وبابا مات اول ما تخرجت وبقيت مقطوع من شجره وماما روح امي وبابا احمد بابا عندك مانع
حياه ........ وانا اقدر يا حبيبي
عمر ........... سامعه يا ماما قالت حبيبي والله قالتها
احمد ........ والله انا بدات اخاف عليك
حياه ....... والله ليه بقا انا هاكله
روح ........ بطلي لماضه ويلا العشاء جاهز
ليلي ......... رنة علي فاطمه
فاطمه ........ السلام عليكم
ليلي .......... وعليكم السلام ورحمة الله وبركاته
فاطمه ......... جاهزه يا ليلي حياه زمانها طلعت من الكوافير
ليلي ......... الايام تجري يا فاطمه اخير حياه هتتجوز انا سعيده اووي
فاطمه ....... الحمد لله النهارده بس انا متاكده اني روح نسيت كل وجعها
ليلي ........ معاكي حق يلا انا جاهزه و مستنياكم نروح سوا
فاطمه ........ واحنا جاين
احمد ........ مبروك ياروح
روح ......... الله يبارك فيك يا حبيبي النهارده اسعد يوم في حياتي
احمد ........ وفي حياتي انا كمان
يس ......... انا مش متصور ازي اصحى من النوم ومش هشوف حياه
احمد ......... هي دي سنة الحياه و اختكم اكيد هتشوفكم كل يوم دي روحها فيكم
اسماعيل ......... وانا مش عارف ازي هعيش من غيرها
ابراهيم ..........البيت يظلم من غيرها
روح .......... بتحضن ولادها وهنا بتدخل حياه وعمر و بيقعده في الكوشه والكل يبارك و يهنئ واحمد وروح و اسماعيل وابراهيم ويس وجدها محمود وفاطمه وليلي وفريده كلهم حوالين حياه وعمر
عادل ............ بيوقف من بعيد وهو بيبص علي حياه وهو يبكي وبعد كده مشي
...... اللي يزرع خير يحصد خير والي يزرع شر يحصد شر
تمت بحمد الله