رواية نار الانتقام الفصل التاسع 9 بقلم جمال المصري
حمزه .. تسلم ايدك فعلا صدق اللي سماك المظفر وأخيرا دي الفرصه الي ليا سنين مستنيها اقتلوا و هستناك في الاجتماع وانا هكافئك علي اكبر انتصار ليا
جاسر .. يفوق وهو بيضحك و بيبص على التليفون للدرجه دي كنت خايف مني يا حمزه بس حتي لو موت وانا في قبري هجيبك بردو
حمزه .. حتي وانت بتموت عايش في الشعارات انت خلاص انتهيت يا جاسر
جاسر .. انا هموت شهيد ودي الحاجه اللي كل مصري شريف بيتمناها لكن انت هتعيش كلب وتموت كلب يا حمزه انفو عليك
حمزه .. وانا مش هسمح لك تموت يا مظفر عايزك تعذبوا لحد يوم الاجتماع و تجيبو و ترميه تحت رجليه وانا الي هموتو بيدي
المظفر .. تمام يا امير لحد معاد الاجتماع هخليه يتمنى الموت
حمزه .. انا هعيشك جهنم علي الارض يا جاسر كان نفسي تعيش لحد ما تشوفني مسيطر علي مصر كلها
جاسر .. مين انت عشان بس تحلم بكده مصر كل الي فكر يقرب منها كان مصيره الموت وانت مش هتختلف كتير عنهم نهايتك معروفه بس مسالة وقت مش اكتر
حمزه .. الكلام ده مجرد حلم يا جاسر مفيش قوه علي وجه الارض تقدر تقرب مننا احنا جنود الله علي الارض
جاسر .. انتو عباره عن شوية كلاب بيحاولوا تاخدو من الدين عبائه عشان تكسبو تعاطف الناس لكن في الاساس انتوا ميكروب يتغذى علي دم البشر انتو مجرد مرتزقه بيتلعب بيكم من مخابرات عالميه عشان تكونوا العصايه بتاعتهم في الشرق الاوسط لكن للاسف مش هتاخد من مصر غير مكان تدفن فيه وممكن كمان الارض ما تقبلش جثتك يا حمزه جهز نفسك المواجهة قربت اووي
حمزه .. يا مظفر خد الكلب ده من وشي وزي ما قولتلك لازم يفضل عايش لحد ما اقتلوا بيدي يا مظفر فاهم
المظفر .. تمام يا امير يلا يا رجاله خدوه
.الرجاله بياخدوه علي غرفه وبيربطوه بسلاسل وبيدخل المظفر وفي ايده كرباج .
جاسر .. ضحك حلو الكرباج ده يا قائد قطيع الكلاب
المظفر .. لولا الامير عايزك حي كنت قتلتك مليون مره وبداء يضرب جاسر بالكرباج بكل قوته
جاسر .. مع كل ضربه يضحك هي دي كل قوتك يا حقير اضرب اكتر او هات حد يساعدك
المظفر .. تعب من الضرب والعرق بينزل منه بغزاره سبوه كده من غير اكل ولا شرب وبيطلع من الاوضه عشان خلاص هو مش قادر تعب من كتر الضرب في جاسر والغريب والي هيجننو اني جاسر بيضحك ولا كأني حاسس بحاجه
جاسر .. بعد ما كلهم طلعوا بص للسماء الحمد لله علي كل شئ يارب وقال في نفسه يا ترى ملك عامله ايه دلوقت سامحيني يا ملك كان لازم يحصل كده عشان اطمن عليكي انتي نقطة ضعفي الوحيده دلوقت ومش لازم تتاذي مهما حصل
ملك .. بتفوق بتلاقي نفسها علي السرير وجنبها مروه وبتقوم وبتصرخ هو حصل ايه وجاسر فين
مروه .. اهدي يا حبيبتي انتي هنا في البيت
ملك .. انتو ازي تعملو كده ازي نسيب جاسر ونمشي انا لازم اطمن علي جاسر
مروه .. لو طلعتي من هنا تبقي بتاذي جاسر يا ملك جاسر كان سيبلك السي دي ده اسمعيه وبعد كده قراري هتعملي ايه
ملك .. خدت السي دي وقامت حطتو في الاب توب وشغلتو
مروه .. انا هطلع دلوقت عشان تسمعيه برحتك وهرجعلك
عصام .. بيكون بره مستني مروه عشان يطمن اول ما يشوفها ايه اخبار ملك يا مروه
مروه .. الحمد لله فاقت و سبتها تسمع السي دي وربنا يكون معاها الحكايه مش سهله بالعكس صعبه اوووي يا عصام ملك بتحب جاسر
عصام .. بتقولي ايه
مروه .. من اول ما تقابلنا وانا كنت شايفه الحب في عينيها وكمان في عنين جاسر وان شاء الله الخطه تنجح ويتجمعو سوا
عصام .. ان شاء الله
ملك .. بتقعد قدام الاب توب بتشوف جاسر قاعد في المكتب وبيبداء يتكلم
جاسر .. ملك انا اسف عشان في الوقت الي بتسمعي فيه السي دي انا مش هكون معاكي وهقولك الكلام الي ما قدرتش اقوله ليكي وانتي قدامي يا ملك انا بحبك وللاسف مقدرتش اقولك الكلام ده ولا قدرت اعترف بحبي ليكي دي اول مره احب طول عمري معنديش نقطة ضعف بس دلوقتى بقيتي انتي نقطة ضعفي انا مبقتش بفكر في اى حاجه غير فيكي وكل الي بطلبة منك لو حصلي حاجه ترجعي مصر وتنسي الانتقام ده طلبي الوحيد عشان اكون مطمن عليكي ولازم تعرفي اني عمري ما حبيت ولا هحب غيرك يا ملك استودعك الله الذي لا تضيع ودائعه
ملك .. بتبكي وهي بتسمع كلام جاسر وبتقول بصوت مسموع وانا كمان بحبك يا جاسر اقسم بالله بحبك ومش هقدر اعيش من غيرك يا حبيبي ازي عايزني اتحمل بعدك مستحيل اقدر انا نسيت انا هنا ليه بس انت كلامك صح لازم نركز علي الهدف الي احنا هنا عشانه وللاسف انا مهمتي اني ادمر المنظمه ومش هينفع ارجع قبل المهمه ما تكمل وانا متاكده اني ربنا عز وجل هيجمعنا تاني واملي في ربنا كبير
عباس .. دخل عند جاسر وبصوت عالي انت هتشوف العذاب الوان وبيقرب منه اتحمل يا بطل بالليل هنقوم بعمليه ونحاول نطلعك
جاسر .. انت مين
عباس .. المخابرات العسكريه نسور الارض والسماء
جاسر .. ازي انا ما كنتش اعرف وجودك هنا
عباس .. أولا كل الخرائط انا الي بعتها لعصام وكمان عشان كان في احتمال انك تفشل ولازم اكون موجود عشان اهربك وقت اللزوم بس مكنتش متوقع انك توقع بالطريقه دي
جاسر .. ما تقلقش انا ما وقعتش انا اللي وقعت المظفر وحمزه
عباس .. ازي
جاسر .. مش مهم المهم انا مش ههرب
عباس .. لو رحت عند حمزه مش هنقدر نساعدك رجالة حمزه كلهم اهله مفيش حد غريب بيدخل بينهم
جاسر .. ما تقلقش عليا المهم كنت عايزك توصل رساله لي عصام تقوله الخطه ناجحت وهو هيفهم
عباس .. تمام وطلع من هدومه مياه و اكل كان مخبيه كل عشان تقدر توقف علي رجليك
جاسر .. تسلم يا رب بس انا عندي سؤال المفروض اني كنت ادمر المعسكر ده و محصلش
عباس .. بيقاطعه احنا عاملين حساب كل حاجه وبمجرد خروج المظفر المعسكر هيدمر كله المهم انت خلي بالك من نفسك ولو احتاجت حاجه انا موجود
جاسر .. تسلم يارب وربنا معاك يا بطل
ملك .. كسرت السي دي عشان ما يوصلش لي ايد اي حد ومسحت دموعها وطلعت بره كان عصام ومروه قاعدين علي الاب توب وفجأة وصلت رساله
عصام .. الحمد لله الف حمد وشكر ليك يارب
ملك .. بتقرب منه خير يا عصام فيه اخبار من جاسر
عصام .. ايو الخطه نجحت و جاسر عايش وهينقلوه امريكا عند حمزه اميرهم
ملك .. الحمد لله واحنا هنعمل ايه
عصام .. هنسافر علي امريكا وهنستنا هناك وبمجرد دخول جاسر امريكا هنقدر نعرف مكانه عن طريق جهاز التعقب الي مع جاسر وكده هتكون الضربه القاضيه لي المنظمه وهتكون دي نهايتها
ملك .. بس كده هنحتاج رجاله معانا انا اعرف اني الفيلا اللي حمزه عايش فيها محميه بجيش من الرجاله الي هما اصلآ اهله مفيش حد غريب بينهم
عصام .. ما تقلقيش مفيش مكان احنا منقدرش ندخلوا ولو كنا عايزين نقتل المظفر وندمر المعسكر كنا عملنها بسهوله كمان بس هدفنا كان اكبر من المظفر كنا عايزين نجمع البيض في سله وحده والحمد لله ربنا وفقنا لكده
ملك .. الحمد لله علي كل شئ
وبيعدي الاسبوع وعصام ومروه وملك بيسافره وبينتظرو قدوم جاسر لحد ما بيظهر قدام عصام جهاز التعقب واني جاسر وصل امريكا .
عصام .. يلا اجهزو جاسر وصل وهنتحرك
ملك .. الحمد لله يلا نستعجل
مروه .. انتي بس حافظي علي هدوئك
ملك .. ما تقلقيش عليا انا متاكده اني ربنا عز وجل هيجمعنا
مروه .. ان شاء الله يلا هنتحرك
عصام .. انا بلغت المجموعه وهنتقابل كلنا قريب من المكان اللي هياخدو فيه جاسر