رواية جحيم اهلي الفصل التاسع 9 بقلم زينب نور

شمس : اي بس خلي شهر العسل بتركيا موافق لو لا؟؟

اياد : ماشي موافق من باجر احجز واسويلج جواز 

شمس:حضنته حييل فرحت كولش كتله احبك اياد(مو من كل كلبي بس تمثيل)

اياد : ولج اجيبلج الدنيا كوله لخاطر هل كلمه تطلع من حلكج ...باجر هم اشتريلج موبايل

شمس : ايي علواا اووي فدووهه حبيبي(كلت عود بالحمام اتفل على نفسي بسبب هل كلمات ال كلتها اله)

و غمضت عيوني حيل كلت بكلبي يلا شمس لتقاومين راح تتحررين راح تهربين...اخدعي ...

بسته اتمنيت لو اموت ولا ابوسه بس كلام ساره شجعني 

وردت ابجي واصرخ انعصر كلبي...

اياد : شبيج حبيبتي ؟؟

شمس: مابيه شي حياتي(واني من اكول هيج احس بكلبي نار واكرهه اكثر)

هوه ميهتم بس اهمشي يبوسني...

اياد : احبج شموستي كولي احبك والعب بشعرها

شمس : احبك قلبي(ياربي موتني لازم اتحمل)

لو ميته من الكتل احسلي ولا يبوسني هيج

ونمت واني بحضنه وهوه يلعب بشعري واني نايمه كعدت الصبح شفته نايم بصفي

ومتغطين مجان بيه حيل اكوم جنت بعدني نعسانه ورجعت كملت نومتي كعدت بال 10

الصبح شفته نايم 😂وحاظني استغربت 

كعدته كتله حبيبي كوم(لو اموت ولا اكوله حبيبي بس مجبوره)

اياد :ماا عوفيني انام 

شمس : كوووم شثكلك😂😭

اياد : اهووو يعني لازم تخربين نومتي😭يلاااا كمت

شمس : وهوه كام لبس ملابسه واني كمت رحت اسبح وجوه الدوش بجيت هواي عل صار البارحه بس همزين متقربلي مثل محجتلي ساره

طلعت من الحمام ومشطت شعري وبعده يوكع خفت وممشطته كلت يمكن منورى الكتل والسحل من شعري اكيد 

بدلت لبست بنطرون اسود وقميص نيلي وضفرت شعري ونزلت جوه كلت صباح الخير كالو لا هله ولا مرحبا

كامت عمتي وكالت ولج متستحين انتي انتي مو جنه جديده كووووومي نضفيي فورا وسوي ريوك يللااااااا لا الزمج واكتلج يلااا بصيااح

بكلبي كلت تففف عليج يا خايسه هيج تحجين ويايه اني اعلمج

كتلها احترمي شحدج تكتليني 

كالت ولجج شكلتيييي ولزمتني من ضفيرتي وشبعتي بوكسيات كمت ابجي وكمت دفرتها ابطنها وانهزمت لغرفتي وقفلت الباب وابجي واشهك

                                  

              

                    

وهيه كامت تعيط تكول ضربتنيييييييي ولكم تالي عمري انضررررررررب ولكم صيحولي ايااااااد خلي يربيهاااا 

وسوت نفسها تخربطت واياد اجه يركض من شغله شافها وكام يكفر وخواته كامن يبجن ويعيطن يكولن ماااماا ضربتها مرتك 

واني خاتله جوه الجربايه واسمع حجيهم وميته خووف ...وفجأة الباب انكسرت واياد يعيط ولج كح....... وينج ولج اني اربييييييج 

وكام يفتح بالكناتير وراح بالحمام ويدور عليه واني مغمضه عيوني حييل وحاطه ايدي على اذاني وابجي واقرى ايات 

سمعته يصرخ واجتي خواته يكولن طبت هنا وقفلت الباب على روحها شوفها خاف ورى البرده لو جوه الجربايه

من كالو جوه الجربايه كلبي وكف بس ممتت وصعدت حرارتي هوه شلع البرده واجه على جربايه(السرير)شالها وكلبها للكتنور واتفلشت من قوة الكلبه

(بلحضتها مستحيل هاذا اياد شفت ابليس بعيونه شفت شياطين العالم بداخله)

وسحلني جوه بالبيت ومن الدرج سحل وحطني كدام امه وحط السجينه ع طباخ واجه لزمني من شعري وطك راسي بالكاع

وكال بعصبيه ولج شلووون تضربين امييييي واني اصرخ وهوه يضرب بوكسيات خشمي كام ينزف وامه تكوله اييي بعدد ادبها هالساقطه

وهوه فوكايه واني جوا لزم ايدي وخواته جابو السجينه الحاره حتى صايره حمره وحطها ولزمو رجلي

وهوه حطها على رجلي من جوه الكعب مال رجلي واني شاغت روحي كمت اصرخخ صراخ قوي حسيت اني بجحيم اقوه من الي قبله حسيت 

روحي طلعت حتى نفسي انكطع من الصراخ وامه تكول سكتوها العار فضحتناا ووحده من اخواته حطت ايديها على حلكي حتى ميطلع صراخي 

واني الي احسه بنار دتاكل كلبي ويكول اعتذرييييي وبوسي رجل اميييي فوراً 

كتله ايييييييي بس وخرها راح امووووووتت وخرها اتوقع حط السجين 8 ثواني وخرها واني راسي كام يوجعني من الصراخ وحسيت بحراره براسي 

واغمى عليه

وفتحت عيوني لكيت نفسي بفراش غرفت عمتي اول من كعدت رجلي كامت تحركني

كمت ابجي من الالم وصرخت 

رجلييييييييييي اجه اياد يركض 

اياد: بوسي رجل امي واعتذري يلا اوديج للمستشفى 

شمس : ولك ايي اقبل بس راح اموووت اخخخخخخخ

اجتي امه كالت يلااا انزلي وبوسي رجلي واعتذري

كتله ومو من كل قلبي اسفه سامحيني بعياط ونزلت بست رجلها واتخليت عن كرامتي بس لان الحرك خبلني من الوجع 

وكلبي احترك اكثر من اتخليت عن كرامتي وكبريائي بس اله انتقم واهينهم واندمهم

ودفرت راسي وكالت من اليوم انتي تخدمينه وراحت واياد شالني ولبسني حجاب واخذني للمستشفى

            

              

                    

والطريق كوله خشمي ينزف وهوه انقهر عليه يكول اسف مو قصدي بس عصبت واني اصرخ من الوجع 

وصلت للمستشفى وهوه شايلني ويركض بيه ودخل للدكتوره وحطني بالفراش واني اصرخ ضربتني ابر علمود يخف الوجع بس ابد مخف

حسيت الوجع بروحي وبكلبي مو بس بجسمي ونعست نمت ...

بس قبل مانام سمعت الدكتوره تكول هاي طفله ميصير هيج تضربها...كال اني عصبت وبالغلط ضربتها 

كالت هاي لو مو بالعراق جان انته هسه بالسجن خطيه البنيه مشوهه جسمها ميصير هيج حرام عليك اذا متعالجت ارفع قضية عليك

وكام يعيط معرفت شيكول ونمتت وكعدت جانت الساعه بال 4 الضهر كعدت اون من الالم وابجي حتى الدكتوره انصدمت لان حالتي 

خطيره كولش باستني وانطتني لفه بس مكلت من الالم والحرك حييل اذاني يعني عشت 4 ايام واني بالمستشفى اعيط من الالم وصارت بيه كوابيس 

اتعذبت كولش لدرجه اتعودت ابجي واذا مابجي اتخبل واتألم مر اسبوع واني عيوني مورمه من البجي ووجهي احمر وبي اثار مال كتل

وكليوم اياد يعتذر ويحاول يراضيني فيديوم واني بالمستشفى كاعده وابجي وصافنه عل حايط واتذكر حياتي وامي ونور

اجه هوه وجايبلي موبايل وجواز السفر وورد احمر مكتوب عليه sorry اسف 

اني فرحت كلت ايي هروبي قرب واخيرا راح اهرب هوه حضني ومسح دموعي وحط شعري ورى اذاني اني كتله مسامحتك

والشياطين

الي بداخلي زادت النار الي بكلبي علمود انتقم ومستحيل اسامحه وكال احبج عمري اليوم نروح للبيت نحضر غراضنه ونسافر باجر

واستفسر من الدكاتره وتأكدو من وضعي وكالو عادي اطلع المهم اخذني للبيت هوه شايلني لان ماكدر امشي لان رجلي محروكه 

دخلت للبيت امه كالت يااااا هاي العار هم اجتي هناااا

هوه مهتم شالني وحطني عالسرير مشتري جربايه جديده وكال جهزي غراضج وسد الباب اني رحت زحف يم الكنتور طلعت الذهب وكولشي احتاجه

وملابسي مال الهروب جهزتها وحطيتها بجنطه وهوه حطلي سيمكارت جديد واتذكرت ساره اتصلت عليها

هوه طب يسبح وساره شرحتلي كولشي شلون اكدر اهرب بسهوله وبيا مكان اروح حتى اسوي لجوء لاوربا افتهمت كولشي 

صار الهروب اسهل المهم نمت بالغرفه وهوه نام يمي اني درت وجهي شبكني من ورى يكول وعد مأذيج بعد 

اني نمت لان جنت تعبانه من الوجع ومحجيت ويا 

كعدت الصبح الساعه بال 5:00 هوه كعدني كال الطياره راح تطير كوومي كمت واني فرحانه لان راح اهرب واخيرا

بدلت لبست جبه هوه مقبل لان رايحين لتركيا مو مال جبه  فكال البسي بنطرون استغربت بس 

فرحت لان جنت ماحب الجبه المهم لبست بنطرون ثلجي جان هوه جايبه وبدي طويل صلوخ ولبست فوكا قمصله(ستره بالفصحه)

لونها اسود جلد ورتبت حجابي ورجلي جانت تحركني شويه ذبيت اللفاف ولبست كعب بس مكدرت لان توجعني رجعت لفيتها بالفاف 

ولبست كعب وبالكوه امشي رحنه للمطار وانتضرنه وكتله انطيني مستمسكاتي والجواز وجنسيتي ...

وسافرنه من العراق ووصلنه لتركيا نزلت للمطار وحجزنه فندق...هوه طب يسبح اني حضرت جنطة الهروب وكولشي احتاجه من اكل وفلوس والخ...

وهوه طلع كال جهزي نفسج بليل اجي😉اني عرفته شيقصد بس بكلبي كلت اي راح اجهز نفسي اهرب

كتله ايي ماشي وراح واني خابرت ساره وكلتلي عل تفاصيل ووين اكو مكان مال لاجئين لاوربا 

اخذت الجنطه وطلعت من الفندق....يتبع

               الفصل العاشر من هنا