رواية احفاد ابليس الفصل العاشر10بقلم رشا منصور
نبيل العطار….
الحمد لله من فضل ربنا عليا تجارتي كبرت واتوسعت وبقيت اوزع بضائع ع المحلات وقدرت أدخل أحمد مدرسة لغات وهويدا مراتي حامل ربنا كرمني . وانعم عليا وزادت بصيرتي..
ليلي…
كنت بزور نورع الأقل مرتين في الاسبوع ويعتبر بقيت واحدة من العيلة لحد ما جت لهم البشارة أن أبو حسن هيرجع من السفر كمان كام يوم وما شاء الله نور بدأت تقعد لوحدها وشكلها قمر ربنا يحفظها يارب…
عزيزة….
عااااااا.. الحقني يا حماتي.. تعبانه اوي اة مش قادره الألم جامد أوي
حماتي….
ده أنتي شكلك هتولدى يا عزيزة ربنا يجعلها ساعه سهلة عليكي يارب… يا عادل هات السيارة بسرعة علشان تودينا المستشفى..
وكنت مجهزة شنطه الولاده وجهزت عزيزة وسندتها لحد ما ركبت السيارة ووصلنا المستشفى وفضلت أدعي لها…
عادل…
فضلت في غرفة الانتظار أنا وأمي ومتوتر أوى.. عزيزة كانت بتتألم جامد أنا خا'يف. يجري لها حاجه.. والدكتور رفض إني احضر عملية الولادة وفضلنا أكتر من ساعه ومحدش بيطمنا.. أعصابي تعبت من كتر القلق..
واخيرا جت الممرضة تبلغنا أن عزيزة جابت ولد..
عزيزة…
أول ما فوقت من البنج سمعت صوت الزغاريد ولقيت حماتي بتقولي مبروك يا مرات أبني .. جيبتي ولد زى القمر…
ودخل الدكتور وقالي نويتي تسمي إبنك إيه..
قولت له أنا هسمي أبني ع أسمك.. أنت اللي بشرتني بالحمل وأنت اللي ولدتني وأنا نفسي أبني يبقي دكتور زيك كدا..
وقولت للممرضة اكتبي وليد عادل الحسيني…
وحماتي مكنتش مبطله زغاريد ولقيت سحر أختي بتوزع فلوس ع أى حد يدخلي وتقولي ده يوم المني أشوف ابنك يا عزيزة..
ودخلت أخت حماتي وبنتها ولقيت سحر جت وخدت وليد وغمزت ليا وخرجت بحجه أن الولد هيدخل الحضانه..
سحر…
أول ما شوفت خالة عادل وبنتها اخدت وليد بسرعة أنا خا'يفة. من عنيهم وغمزت ل عزيزة وقولت بصوت عالي الدكتور قال إن لازم يدخل الحضانه. لأن وزنه قليل ع اذنكم…
واخدت وليد وروحت للدكتور وقولت له لو في أى تطعيم أو فحص أنا عاوزة اطمن ع صحته علشان بعد ما نمشي من هنا هما هيسافروا شهر وهيكون صعب طول الفترة دى نيجي المستشفى لبعد المسافة…
وطبعاً الدكتور كلم الممرض وقالوا خد المدام عند الحضانه ويتعمل فحص شامل للطفل حالا….
وبعدت رساله ل عزيزة وقولت لها أنا بعمل فحص شامل علشان اطمن ع وليد وأول ما اخلص هتصل عليكي قبل ما اجيلك…
حماتي ..
أول ما سحر اخدت وليد فهمت أنها مش عاوزة أختي تشوفه وبصراحه كدا أحسن هى من زمان كانت عاوزة تجوز بنتها ل عادل ابني لكن عادل رفض ولما عزيزة اتأخرت كام شهر في الحمل فضلت تلمح أن عادل يطلقها ويتجوز بنتها…
صحيح وقتها مكنتش مرتاحه مع عزيزة بس أنا مظلمش حد ومقبلش أنها تتطلق ع حاجه ب ايد ربنا مش ذنبها تأخير الحمل واهو الحمد لله . ربنا رزقنا ب وليد…
وأول ما اختى قالت ليا هما مش عاوزني اشوف الواد وانقطه.. قولت لها اسكتي ده نازل وزنه ضعيف هى مكنتش بتاكل والدكتور كاتب لها ع فيتامينات وعلاج كتير وهو لسه بيكمل كشف.. والأيام جايه كتير أول ما نطمن عليه تبقي شوفيه…
شحال…
كنت متابع كل حاجه وروحت مع سحر اشوف هتتصرف ازاى بس لقيتها فعلاً مهتمه ب أبني علشان كدا فضلت مع عزيزة وأول ما لقيتها قلقانه همست لها وقولت إبنك كويس اطمني..
وبلغت الأمير سلسال وبشرته بقدوم ابني ع الأرض…
جيهان…
يووووه أنا تعبت من الزن ده يا منال تعالي شوفي سوزان مش مبطله زن وأنا عاوزة أنام
محمد…
هو في إيه يا جيهان هى منال بقت شغاله عندك من أول الحمل هى اللي بتنضف وبتطبخ قولت معلش علشان تعبانه من الحمل..
ودلوقتي هى بردو اللي شايله البيت كله وكمان عوزاها تشيل البنت اومال أنتي لازمتك إيه.. أنتي أمها يا هانم المفروض تهتمي بالبنت أكتر من كدا… وصاحبتك دى مسيرها تزهق وتمشي هتعملي إيه ساعتها…
منال…
أنا صحيح حياتي فاضية ووجودى مع جيهان ملئ حياتي بس العبئ بقي كتير عليا واعتقدت أن بعد الولادة جيهان هتتغير لكن للأسف دى طلباتها بتزيد أنا مبقتش عارفه أنام.. تعبت بجد…
وسمعت كلام محمد ل جيهان وفضلت في المطبخ مردتش أروح لها
ولقيت بعدها محمد جايلي وبيقولي أنا مش عارف من غيرك كانت حياتنا هتبقي ازاى… أنا حرفيا اتعودت ع وجودك معانا..
.منال أنا عاوز اقابلك بكره ضروري بعيد عن جيهان واوعى تقولي لها حاجه اتحججي بأي حاجة واخرجي قابليني في موضوع مهم عاوزك فيه…
قلقت من كلام محمد حسيت أنه عاوز يطلق. جيهان بسبب إهمالها للبنت وعاوزني اكلمها إلا تهتم وإلا يطلقوا…
وتاني يوم قولت ل جيهان أنا هروح شقتي اشوف أدفع الايجار وأشوف فواتير الكهرباء والميه واعدي ع الكوافير واجيلك..
وأول ما خرجت اتصلت ع محمد وقابلته في كافيه ولقيته بيقولي أنا عاوز اتجوزك في السر وده علشان مخسرش صاحبتي لكن أول ما يحصل الطلاق بينه وبين جيهان هيعلن زواجنا…
قولت له اديني فرصه افكر الموضوع مش سهل… بس من جوايا كنت فرحانه.. محمد كويس مش زى ما كانت بتقول عليه جيهان
شيماء…
عرفه من لحظه ما انجبت شريف وهو بينفذ طلبات شريف وبس ونسي بناته خالص وعلشان اخد منه فلوس ادفع مصاريف دروس ولا اشتري لهم ملابس.. لازم اقول له هات فلوس هشتري ل شريف أو هات اكشف عليه أو اجيب له ألعاب…
منه لله ذنب. بناته في رقبته.. ده لما بيلاقي واحدة من البنات شايلة اخوها بيزعق لها ويقولي متعمليش أى حاجة في البيت..شغلي بناتك
أهم حاجة عندك شريف وبس…
وطول ما هو موجود في البيت بيلعب مع شريف وبس وكأننا هوامش في البيت…
الجن.ميمون…
شغلت عقل عرفه ب شريف وأنه ممكن يموتt وميلحقش يفرح ب أبنه ومن وقتها الوسواس بيزيد جواه وبقي بيدخل كل الصفقات وبيبع في السوق السوداء.، علشان يجمع فلوس.كتير ويدلع شريف
ويأمن له مستقبله….
وده خلاه أهمل مراته وبناته وزود الكراهيةe في قلوبهم…
سعاد…
من بعد ما روحت البيت وحماتي وحورية معايا لأني رفضت أروح أقعد عند حماتي علشان أم أخلاص وبنتها ميحسدوش ولادي..
بس أخلاص كل يوم بتتصل أربع شهور اتفاجأت ب حماتي بتقولي
عائشه ام سليمان..
كنت كل كام يوم اروح شقتي وحورية قاعدة عند أخوها ع طول وفي مره وأنا خارجه من شقتي لقيت ام أخلاص بتقولي أنا عاوزة منك صور احفادك مدام مش عاوزة تجبيهم اشوفهم
صوريهم صور واضحة وابعتيهم ليا ع الواتس…
بصراحه استغربت طلبها أوى والحاحها الشديد وأول ما وصلت عند أبني قولت ل حوريه وسعاد ع كلام ام أخلاص ولقيت سعاد صرخت،. قالت لا هتحسد عيالي..
حوريه…
لأ يا ماما اكيد أم اخلاص عاوزة صورهم علشان تعمل لهم سحرr أنا من الأول مش مطمنه لها وسعاد كان لها حق تشكe في إخلاص وأنهم السبب في تأخير حملها…
اقولك عرفيها أن كاميرا الموبايل بايظه.. وفي عيد ميلادهم أنتي هتعزميهم هى وإخلاص…
وأنا مش هسكت.. أنا لازم اشوف حد من اللي بيفهموا في الأعمال شوفوا إذا كان معمول حاجه ل سعاد وسليمان ولا لأ..
الجن.الأحمر….
لعبت في عقل حوريه أنها لازم تروح ل سا'حر. وبعدها بلغت الأمير سلسال ولقيته قالي هايل يا أحمر شغاك عجبني.
الامير سلسال…
بعد ما عرفت أخبار ابنائي ذهبت إلى الأمير.المخلد.لوسيفرlo وبلغته كل حاجه ولقيته قالي هايل بس مش كفايه خمس هجناء كانت عاوز أكتر…
قولت له ابنائنا في الخارج في جميع أنحاء العالم اطمئن…
وقالي لازم توفر ل احفادي الهجناء من يعلمهم الخبث،والمكر، والكبر. والكذب، من صغرهم.. قولت له السمع والطاعة.