رواية هل لنا لقاء الفصل الثالث عشر13بقلم احمد محمود
صل علي النبي ..💙
كبروا حتي يبلغ تكبيركم عنان السماء ..🧡
ـ بقيت الاحظ ان صاحبتك ريتال بقت عندي كل يوم عند العربيه هي واختها غريبه يعني!
ـ ايوه ما انت قولتلي أنها جت اول امبارح
ـ وجتلي امبارح هي واختها
ـ مقالتليش تصدق
ـ سيبك ، بس انا شاكك
ـ شاكك ف ايه ؟!
ـ شاكك ان ف حاجه بين ريتال وكريم
ـ انت متاكد
ـ ايوه حاسس ، عشان بشوفها كتير ، القصه مش قصه عشان الاخويه اللي بينا لا ، الموضوع مختلف
ـ طب وانت شايف ايه يعني يخليك تقول كده ؟!
ـ مجيتها عندي هناك ، بتسال عليه كتير
ـ اممم ، يمكن
ـ هو انتي تعرفي حاجه ؟!
ـ لا معرفش حاجه بس مستغربه يعني
ـ عمتا مصيرنا نعرف ف الآخر
ـ تمام انا بليل هروح ماشي
ـ تروحي فين ؟!
ـ هروح عندها
ـ تمام ماشي ياريت ميبقاش ف تأخير
ـ ماشي لو اتاخرت ابقي تعالي خدني
ـ ان شاء الله ، هبقي ارن عليكي
ـ تمام
ــــــــــــــــــــــــــــــــــــــــــــــــــــــ
حاسس أن ف حاجه ، واختي مخبيه عليا ، بس ليه تعمل كده ، حتي دي متجوزه ومخلفه من جوزها ، دي مصيبه حرام ، وكمان دي لا تؤتمن ع حاجه خالص ، يارب دلني وعرفني عشان ابقي اخلي بالي واخد حذري منها عشان اختي متتخدتش ف الرجلين ، انا عارف اختي وتربيتها ، بس بردو الصاحب ساحب ، وسط منا بفكر كنت وصلت العربيه ، فتحت كالعاده وقعدت شويه ع ماجه زبون ، خلصت وبعتله الحمدلله ، بعدها بشويه لقيت ريتال بعتالي ع الواتس
ـ ايه يسطا فينك
ـ موجود اهو ف الشغل
ـ الله يعينك يسطا
ـ اللهم امين ، انتي عامله ايه ؟!
ـ الحمدلله بخير ، وانت
ـ الحمدلله بخير
ـ دايما يارب ، انت لسه عند العربيه ممشتش
ـ اه ، يلا البسي الطرحه بسرعه وتعالي
قفلت بعد ما بعتلها كده ، ومفيش ربع ساعه وكانت فعلا عندي
ـ ايه يا احمد عامل ايه
ـ احنا مش لسه مطمنين ع بعض ولا ايه عشان ناسي اصلي شكلي جالي زهايمر باين ؟!
ريتال بضحك ـ لا يسطا صح ، بس عرفت ازاي اني جايه
ـ عيب عليكي بقي متصغرناش
بضحك ـ يخربيت فقرك
ـ الله يفقرك
ـ ايه ؟!
ـ لا بقول الله يكرمك يارب
ـ اللهم امين ، همشي انا بقي ، هو كريم جاي امتي كده
ـ لسه معرفش مكلمتهوش لسه
ـ اممم طيب
ـ ف حاجه ولا ايه ؟!
ـ لا مفيش بسال عادي
ـ تمام ماشي
ـ يلا عايز حاجه
رديت عليها وانا بظبط شويه حاجات ف العربيه ـ تسلمي
ـــــــــــــــــــــــــــــــــــــــــــــــــــ
فعلا قعدت شويه ولقيته جه ، سبحان الله لو كانت اخرت شويه ، كانت زمانها شافته ، جه وسلمنا ع بعض
ـ ايه يا معلم احمد عامل ايه ؟!
ـ الحمدلله بخير يا كيمو ، انت عامل ايه ؟!
ـ الحمدلله يا معلم
ـ دايما يارب ياحبيب قلبي
ـ حبيبي
ـ ايه لسه جاي من الشغل ولا ايه ؟!
ـ لسه من شويه اه
ـ الله يعينك ياصديق
ـ امين يارب يا اخويا ويعينك يارب ياحبيب قلبي
قعدنا شويه نتكلم وبعنا الحمدلله ربنا كرمنا اليوم ده من فضله اللهم لك الحمد ، قعدنا شويه نتكلم بعد كده فتح فونه عشان جتله مسدجات كتير ، فتح ولقيت شات مع بنت
ـ ايه يا معلم احمد يلا نقفل
ـ يلا ياعم
وانا بقوم لقيت حاجه صدمتني ف الشات قولت وانا برجع اقعد مكاني
ـ ايه ده ؟!