رواية الضحية الفصل الثالث عشر13والاخيربقلم رويدا راشد
#الضحية
الكاتبة:رويدا راشد
الخاتمة
كل ساقي سيسقى بما سقى
محمد: وصلت شفت الدم كانت قاطع الوريد متع يدها انا من الرعشة شديت الموس متع الحلاقة للي استخدماته عمري ماننسى المنظر متعها يومها... قعدت نعيط ونحاول نفيقها لكن للأسف جثة هامدة اتجمعوا عليا الناس والشرطة ورفعوني معاهم....
عند رانيا ...
قيس: رانيا لازم نمشوا لحوش اهلك بوك كلمني .
رانيا: شن صاير.
قيس: مافي شئ قال مشتاق لبنتي شن بنقوله.
رانيا: واضح انه صاير حاجة .
قيس:مافيش الا كل خير.
رانيا: ركبت معاه والطريق كلها وانا نفكر شن صاير لين وصلت نشوف في فهيمة تنقز في الشارع والجيران يصبروا فيها ....
بوي يبكي زحمة شوية وخالتي لحقت نزلت ومش فاهمة شئ .....
لين حضنتني صفاء وقالت البقية في حياتك جنان ماتت...
حسيت الدنيا تلف بيا وظلمت قدامي في لحظات...فقت في الليل متأخر لقيت قيس جنبي بديت نبكي كيف ماتت...
قيس: لقوها منتحرة لكن محمد عند الشرطة توا.
رانيا: نبي نشوفها ولو اخر مرة نار في قلبي مانعرفش نوصف للي نحس فيه .
قيس: غدوا الجنازة .
رانيا: شديت الهاتف لقيتها باعتثلي رسالة طويلة ومن بينها ...."انا عمري ماندمت ع وجودك في حياتي وحتى لما سجلت الحوش بإسمك نعرف علاش درت هكي لاني مش بنت محسن انا سمعت امي تقول لراجل خالتي اني بنته ودرت تحليل بدون علم حد وعرفت فعلا اني مش بنت محسن للي ليه وقت يكفر ع غلط اصلا مش مدايره انا مانقدرش نكمل حياتي والناس تعاير فيا اني بنت غير شرعية قررت نمشي عند للي يرحمني من هذا كله....ردي بالك ع روحك وتفكيرني حتى بعد موتي انت اختي بالعشرة مش بالدم سامحيني دمرت حياتك ....وادعيلي ربي يغفرلي ويرحمني"
حطيت الهاتف وانا منهارة ونبكي بحرقة ...
علاش دارت هكي بس هيا ماتعرفش مكانها عندي كيف ...
فهيمة: تتصل بي مصباح تعالى بنتك مات تعرف شن معناها ماتت ماتت ....وسكرت الخط ...قبل ماتسمع الرد.
ثاني يوم بعد الجنازة بالزبط والناس مقعمزة في الخيمة ...
جت سيارة مصباح وقف قدام الخيمة ..نزلت منها حنان اختها...
خديجة: اختها للي قاطعتها جت.
كميلة: الواضح مش ناوية ع خير ..
حنان: اسمعوا ياناس اسمعوا ياعالم انا جاية باش نعرفكم الحق ..
غزالة:شن فيه...
صفاء: اهو كلنا بنسمعوا.
حنان: اختي للي من لحمي ودمي اختي للي حملت بينا ام وحدة اليوم وبعد اسنين من الشك عرفت كل شئ ...
اختي كانت في علاقة غير شرعية مع الكلب للي مفروض انه رااااجلي واكتشفت انه بنتها الوحيدة جنان بنت راجلي تعالو عزوني انا انا للي لازم تعزوني ....
طلع محسن:شن تقولي انت اتقي الله في نفسك .
حنان: ولانه خايفة ربي جاية نبري في ذمتي قدام الله وخلقه .
فهيمة: من يومك حقودة روحي ياعدوه انت مش اختي بكل.
رانيا: والكل مشكك شديت هاتفي وطلعت بيه يابوي انا امس لقيت رسالة من جنان كاتبة فيها انها اكتشفت انها بنت مصباح راجل حنان ...وهاذي الرسالة في هاتفي....
محسن: خش جاب سلاحه وسحب وقتل فهيمة ومصباح من هول للي سمعه معاش فرق معاه شئ...
ماتت فهيمة وهيا زانية وهيا ع معصية لاخر لحظة في حياتها...
محسن انحبس ومحمد قاعد محبوس لانه بصماته كانت ع موس الحلاقة....
تسكر الحوش للي فهيمة كانت طامعة فيه ورجع الحق لاصحابه ....
رانيا: خشيت شادة جنان وأنس هذا حوش جدكم كنت نلعب هنايا انا وجنان .....