رواية احفاد ابليس الفصل الخامس عشر15بقلم رشا منصور
ليلي…
أثناء كلامي مع رشا لقيت نفسي واقفه قدام محل نبيل العطار ومش عارفه أنا جيت هنا ازاى وواضح أن رشا قدرت تنقلني بس بردو مفهمتش أنا هقول ل نبيل إيه…..
وأول ما نبيل شافني خرج ليا وقالي اتفضلي واضح أن في جديد عندك… خير هو حسام رجع تاني..
فضلت واقفه ومش عارفه اقول له إيه ؟؟ إذا كنت أصلا معرفش هي باعتتني له علشان إيه….
وابتديت أسمع صوت همس وبيقولي…..
عرفي نبيل اللي أحمد عملوا مع حسام وقولي له المفروض يساعدنا لأن في اختراق. تم بالفعل عن طريق هويدا…
قولت بصوت مسموع هويدا مين مش فاهمه!!!
نبيل العطار…
أول ما شوفت ليلي افتكرت سيلين وحسام وشكيت، يكون حد منهم تخفي. وأنا مقدرتش أعرفهم.. وحسيت أنها تايهه وساكته وفجأة قالت هويدا مين!!!
قولت لها هويدا مراتي مالها دى فى البيت هى وسلسبيل بنتي.. إيه اللي حصلهم…
ليلي…
أصبر لما أفهم الأول وبعدين أقولك!!!
وبعدها حكيت له اللي حصل بين حسام واحمد وأن أحمد خلاص انكشف لهم.. ده غير أنهم عرفوا كمان قدرات نور والمفروض يساعدنا لأن تم اختر'اق عن طريق هويدا وكمان لسه هيتم الاختر'اق. علشان أحمد…. وفجأة اتقالي قابل صاحب السوبر ماركت وأنت هتفهم…
نبيل العطار..
أول ما ليلي قالتلي صاحب السوبر ماركت فهمت ع طول.. هويدا كلمتني عنه كتير وأنه بيجيب لها الطلبات وأوقات بترتاح عنده من مشوار السوق وبتكون شايله سلسبيل بنتي . وهو كان بيوصل لها الطلبات لحد البيت 😯 معقوله يكون ده الكلام ده من سنين!!!
يعني ابني في خطرr وكمان مراتي وبنتي…
قولت ل ليلي أنا هروح عنده حالا مع إني مش عارف المفروض أعمل إيه ولا هو عرف عننا ايه وهقول ل مراتي ايه ؟!!!
برك….
كنت منتظر هويدا تجيلي زى كل يوم وقررت اسألها عن الولد اللي قالي عليه حسام… بس فجأة لقيت نبيل واقف قدامي وبيكلم في الموبايل وبيقول … ارتاحي أنتي أنا اللي هجيبلك الطلبات… وتعمدت أعمل نفسي مش عارفه ولقيته بيقولي..
هات الطلبات اللي بتاخدها منك هويدا مراتي وقولي حسابك كام ولا الحساب عند حسام😯😯…
قولت له مش فاهم حسام مين ده زبون عندي ولا حضرتك عاوز محل مين.. شكلك تايهه في العنوان..
وفجأة لقيت كم من التهز'يق. وقالي أنا كنت سايبك وقولت أهو خدام عند مراتي بس كفايه لحد كدا أنا مش قليل وعاوز حسام هو اللي يخدمني أصل أنا كل ما افتكر شكلك وانت بلياتشو اتقرف بس مراتي تقولي مش مشكلة خليه اهو بيقضي طلباتي وخلاص…
اتعصبت عليه وقولت له أنا مش خدام للأنس وبالذات أنت ومعرفش أنت بتتكلم عن إيه أساساً وواضح أن طلباتك مش عندي روح اشتري من حد غيري.. ولقيته ضحك ومشي..
إنسان مستفز، بس قدر يوقعني في الكلام أنا بدل ما اقوله أنا مش خدام عندك.. قولت أنا مش خدام عند الانس!!! طب وبعدين. ده حسام أصلا في المملكة، بيستعيد قو'ته ولو أنا خرجت من هنا دلوقتي هأكد المعلومة له أكتر…
بس استحالة يكون نبيل عرف من زمان زى ما بيقول… أكيد لسه مكتشف الحقيقة دى حالا.
أصل مش معقول إنسان زى نبيل يسيب مراته وبنته كل يوم عندي وهو عارف إني جنn بس مافيش غيرها ليلي.. هى اللى كل يوم بتروح عند بيت ام حسن جارة نبيل…
وليلي كانت موجودة مع حسام وقت ظهور الولد!! يبقي الولد ده يخص نبيل واكيد ليلي هى اللى عرفته اللي حصل..
بس الغريب أني تعمدت مظهرش طول ما ليلي موجودة في الشارع يبقي عرفوا منين بوجودي 🤔🤔
منال….
أنا مش عارفه كلام سوزان وتصروفاتها معايا أنا ومحمد مش تصروفات طفلة ابدااا.. ومش عارفه لما تكبر هتكون ازاى!!
ومن وقتها وأنا متوترة.. معقوله اعيش بقيت حياتي متهد'دة من طفلة أنها ممكن تكشف جوازى من أبوها لو منفذ'تش طلباتها..
دى لو واحدة كبيرة كنت قولت أنها بتبتزني…
لأ أنا لازم احط حد للي بيحصل ده… أنا هعرف جيهان واللي يحصل يحصل…
محمد…
بعد ما خلصنا الملاهي واشتريت كل طلبات سوزان حسيت اني زى المكتف حتى منال كانت ماشيه ساكته طول الوقت وأول ما وصلنا البيت.. منال قالت ل سوزان ادخلي اغسلي وشك وغيري ملابسك علشان تستعدي للنوم وبعد ما دخلت سوزان الغرفة لقيت منال بتقولي
لو مقولتش ل جيهان ع جوازنا أنا هقولها بنفسي أنا مقبلش الابتزاز اللى بنتك عملته معايا ده .. أنا معملتش حاجه غلط ولحد آخر لحظه أنا اللي بخلي بالك من بنتك ومعتقدش أنك هتفرق مع جيهان بالعكس دى هتقولك خد سوزان وما هتصدق تعيش لحياتها..
ولقيت كلام منال منطقي أنا معملتش حاجه غلط أنا اتجوزت علشان بنتي وعلشان استقر في حياتي وجيهان لها حرية الاختيار إذا كانت هتكمل معايا ولا لأ….
شيماء…
طلبت من مها بنتي تخلي بالها من شريف لأن اخواتها زهره وعبير مش بيحبوه وهو ملوش ذنب. أن أبوه بيحبه ومتعلق به ده مهما كان طفل وهى وعدتني أنها هتخلي بالها منه…
وطلبت من عرفه أنه ينقل سرير مها في غرفة شريف علشان تبقي تذاكر له كلها أيام وهيدخل الاختبار وطبعاً وافق…
عزيزة….
بعد ما اشترينا كل حاجه أنا وحماتي ووليد لقيت سحر اختى بتتصل بيا وبتقولي أن عادل جوزى أتصل عليها وبيشتكي مني.. قولت لها طب خدي حماتي تقولك بنفسها عادل بيعمل ايه معايا ومع وليد وبعد ما عرفت قالت لنا تعالوا ع البيت أنا عندي الحل…
وروحنا عندها ولقيت سحر بتقول لنا…
سحر…
بعد ما قالتوا حماة عزيزة يبقي عادل أكيد عارف ست تانيه وعاوز يتجوزها وطبعاً لأنه مش هيقدر يتحمل مصاريف بيتين قرر يتخلص من وليد لأن عزيزة حاضنه ولو فكر يطلقها هى من حقها الشقه وخصوصاً أن حماتها في صفها…
وأول ما وصلوا البيت عندى قولت لهم واضح أن عادل معمول له عمل وسحرr وهو ده اللي مخليه مش طايق وليد ولا البيت واكيد اللي عملت له كدا الست اللي عاوزة تتجوزه…
علشان كدا لازم نروح ل شيخ يفك العمل ده ويعمله عمل محبه ل ابنه وبيته…
ولقيت مامت عادل قالت ليا والله يا سحر عندك حق أنا عادل ابني مكنش ابدا كدا.. ده رفض الكل علشان يتجوز عزيزة وكان نفسه في طفل لكن اللي يشوف افعاله يصدق أنه مش طبيعي…
أنا موافقة بس خدى عزيزة وروحوا وأنا هاخد وليد وأروح ولو عادل سألني عليكي يا عزيزة هقول له بتشتري طلبات للبيت وانتي قبل ما تروحى اتصلي عليا علشان لو عادل في البيت اعرفك وتشتري أى حاجة وانتي جايه. مش لازم يشك. في حاجه…
وانتي يا سحر لو كلمك عادل تاني قولي له إنك مقولتيش لنا حاجه .
شيحال….
جميل أنك تلعب بعقول البشر هاهاهاهاها…..
رشامنصور….
ظهرت ل أحمد وفضل يبصلي و مستغرب. وجودى.. ابتسمت له وقولت مش لوحدك اللي بتعرف تتنقل بين الأماكن وأنا جاية أعرفك حاجه مهمة أوى… ربنا لما بيعطي لحد نعمة يبقي لازم يحافظ عليها وأنت ربنا اعطاك نعمة في كتير بيتمني يوصل لها… يبقي واجب عليك تحافظ على النعمة دى وتفكر ازاى تزودها والأهم تفكر ليه ربنا اختارك بدون الناس دى كلها…
أنت محا'رب. يعني دورك تحا'رب. الجنn بس عمرك شوفت أن في جنديe في عمرك ده!!! أنت لازم تجتهد وتزود الهبه اللي عندك وتعرف كل قدراتك لحد ما يجي الوقت المناسب للحرrب.
ولحد ما ده يحصل لازم تعمل اللي هقولك عليه…
أحمد نبيل….
فجأة وأنا في غرفتي ظهرت ليا بنت وفضلت باصص لها ومش قادر احدد هى ايه انسية ولا جنية،..
وظهر آدم ابتسم ليا واختفي فهمت أنها جايه في خير وبدأت تكلمني وقالت ليا مينفعش اواجه أى جنn في الوقت الحالي ولازم انتظر لحد ما عمري يكبر وطول الفترة دى أحاول أجتهد لتزويد الهبه اللي عندي
وقالتلي في الفترة دى المفروض أعمل إيه علشان أبعد عن عيون الجنn وإذا صادف وشوفت حد منهم اتصرف ازاي وبعد ما اختفت ظهر ليا آدم وقالي أنا مش هقدر أقف قدام أبناء إبليسe لأن ده ضد. المعاهدة لكن رشا هتقدر لأنها محا'ربة. مثلك وعارفه ازاى تتصرف… أسمع كلامها ونفذه..
نبيل العطار…
أول ما طلعت البيت دخلت ل أحمد الغرفة وسألته ع اللي حصل وقالي أنه أول ما سمع أن نور في خطرr مقدرش يقف ساكت..
قولت له نور ربنا اعطاها هبه الشفاء… يعني لما تكبر ممكن تساعد الناس اللي أبناء إبليس، بيأذيهم يعني لها دور مهم… لكن أنت دورك أكبر..
ودي مسؤولية. عليك أنت اللي هتقدر تمنع الجن'المؤذي. وتحمي.الناس…. ودلوقتي بقي عاوزك تساعدني المفروض أعرف مامتك أن صاحب السوبر ماركت طلع من الجنn..
ومش بعيد تعمل مصيبه….
الشيخ عمار….
أيوة أنا متابع الأولاد وهما لسه صغيرين مظهرش عليهم حاجه لكن أنا مش مطمن….
إيه!!! بتقولي أن في أولاد غيرهم 😏 واضح أن إبليسe عاوز يكتسح،الارض…..
ع العموم لو في أى حاجة أقدر اساعدك فيها.. عرفيني. سلام يا رشا…..