رواية عشق الثأر الفصل التاسع والعشرون29والاخيربقلم مينة طلال
_وهـمومي نـار بكطن اطـفـيها مـن هـالـكتر
بـذاك الـكتر تشتعل
وبروحي لـكعة حـزن
مـن أبـتسم ماتنمحي وبالماي مااتنغسل
بعكازة أشوف الدرب
المرود كسرته بايدي والله استحي من الكحل.
___________
{النهاية}...
mina talal
يس : شنو قصدك ، شصار
مجاوبته سالت عن مكان القبلة سجدت شكرا لله
اليوم وبعد عشرين سنة راح انام مرتاح
هسه حسيت اهلي رتاحو ونامو بكبرهم مرتاحين
هسه راح هل هم والحمل الشايلة على ظهري من عشرين سنة
هسه ثاري اناخذ وكلبي برد ، اليوم الحق تحقق والعدالة الالهية ادخلت
وانتضر المظلموم على الظالم
يس : مراح تحجي شبيك
صباح : اسحاق شصار ضل بالي ، اكو شي
- ماتو الجلاب
كام واحد يباوع للثاني ممفتهمين كتلهم: عمامكم الزبايل نجفرو وماتو
ماحجو شي بس اكتفو يسكتون ثنينهم صباح متفاجئة تسأل : وليش فرحان اسحاق اكو واحد يفرح من عمة يموت ، يمة صخام شصار بحالهم باهلهم عزة بعيني الله يرحمهم.. يمة عمت عيني بناتهم شصار بيهم يايمة
كامت تبجي عليهم اني طلعت منها
فرحتي ما واسعتني ليوم وبعد اربعين يوم
جانت طافية الحياة بعيني
كلت خسرت دنيتي واخرتي لا انتقمت لهلي ولا عشت اني واختي
خلصت عمرري اخطط شلون انتقم منهم تالي الله اخذهم برمش عين
حمدلله الي خلاني اشوف هل يوم
اليوم رب العالمين عوضني وقر عيني بشوفة موتهم بهل لطريقة
طلع وراية يس يتوسل مااحجيلها كلتله : وهيه مالها ذنب اصلان ليش احجي ؟ لاتخاف مااحجي
خلص المغذي طلعنا ورجعنا للمكان الكوستر
الكوستر الجان بي نسوان عمامي طالع
بس كوسترنا عمي من شافني حضني ابتسمت واخيرا
طبطب علية وكال : مو كلتلك ربك بالمرصاد؟
اسحاق : ونعم بالله
صعدت وشي مثل الضمير بداخلي حزين
شـَڪد صعب من تفرح بفقد شخص من عائلتك
بس ياعائلة؟
من شوكت نحسبو علينا عائلة؟
حرمونا من الام والاب..
اختي باصعب ايام حياتها وحدها تباوع لااخت ولا ام وياها
حرموني من حضن الاب وقوتة وسندة
ليش اضوج وانقهر
بالعكس هسه لازم صدك ابدي افرح..
هسه حياتي راح تتلون وانام مرتاح
ضاع عمرري واني اركض ورة هل يوم
واجة هذا اليوم واخيرا
رجعنا لبيتنا ساعدت صباح ترتاح
سبحت زيد وساعدتة يبدل بس علي بعدني مااسيطر علية
هيه خطية كامت كوة غسلتله وغيرتله
سويتله حليب كعدت اشربة وهيه نامت
من نام علي اجه زيد دحس روحة يمة ونام
طفيت اضوية البيت والجرس وقفلت تليفوناتنا والباب ونمت
وهاي جانت احلى نومة بعمري
نوم المنتصر الماخذ حقة
واخيرا بعد كل هل سنين مراح انام مظلوم..
عائلتي يمي نايمين بامان
صح خسرت جزء جبير منها
بس رب العالمين يعوض البشر
ماكعدت اله على حركة صباح بالبيت كمت شفتها شايلة علي وتسوي بيض واكل كتلها : ليش كمتي مو تعبانة جان طلبنا من برة
صباح : لا حبيبي مو زين على الجهال ولا علينا مدري احس اكل البرة وصخين شي مااستنظف هسه ناكل بيض واجبان انظف واحسن
اسحاق : كلشي من ايدج طيب حبيبتي براحتج
بستها واخذت علي كعدت وخليتة بحضني احاجي
- خالي حبيب روحــي اليوم اني وامك رتاحينا من هم العمر
اليوم ناخذ حقنا ياريتها موجودة شافت هل يوم
صباح : ولو تدخل اسحاق ، بس ليش تكره عمامي ؟ معقولة موت موت مرتاح لان ماتو؟
- حبيبتي سالفة تضوجج خليها تولي ، ماتت وياهم بعد
هزت راسها ورجعت كالت: زين شلون باجر محد بينا يروح؟ شكول اني
- انتي حامل وجهالج صغار واني محد يجرأ يدز علية
- راح تضل بنفسي اعرف السالفة
- وعيونج اكو مواضيع لو مانعرفهن احسن..
بعض الجروح لو نخليها تلتم وحدها ومانضمدها احسن
لان من تفتحيها حتى تطيبها صعب تكدرين تخيطيها
عوفي المووضوع ولاتحاولين تعرفي
سكتت وشفت علي يغفي طببتة للغرفة وكعدت كدامها مكنك واشوف حساب جان من معرض الكتاب ناشر كتاب مروج الي رحت لحفلتة قبل سنة وكاتبين : حضور الكاتبة مروج لتوقيع كتابها يوم الاثنين.. بمعرض بغداد الدولي الساعة ٥ عصراً
حظرت الحساب وطفيت المبايل كلبي ضل يدك واني اجاهله : لا لا مستحيل اخليك ادمر حياتي بعد ، مستحيل
صباح : حبيبي جبن لو كيمر ، نخلي
لو اخلي دبس وراشي شتكول
- حبيبي
اسحاق
- هااا هاا
عطت بيها بدون قصد هيه سكتت رفعت وجهي شفتها فشلانة دارت ظهرها تسوي روحها تشتغل وتمسح بعيونها ضربت وجهي : ماتوب اسحاق ماتوب شمسويتلك لبنية وتضوجها..
كمت حضنتها واني اكللها : اسف حبيبتي يروحي جنت صافن اعتذر مو قصدي اعلي صوتي واعيط بوجهج
مسحت وجها وكالت : لاعادي مصار شي
- ماكو عادي صباح
درتها علية مسحت وجهها وبستها براسها : مو اتفقنا مانضم بكلبنا، كليلي اني زعلت وبعد لاتعيدها ولاتضمين بكلبج..
- اني زعلت
- واني اعتذر
- ما
شلتها افر بيها هيه تضحك حضنتني وبستها حاضنها : ها
- يلا يلا رضيت
- فدوة اروحلج اني
خلينا الاكل كعد زيد يتنعوص حطيته بحضني اللعبة سكت ويفرك بعيونة الحلو بي اقوة شي يتنعوص ابد مو وكح او مزعج صباح خلت الاكل كمت اوكلة اكلنا وكتلها امشي نطلع نفتر
- وين
- مااعرف مااريد اضل بالبيت اليوم امشي نطلع ، خابري بتول يجيبها ثامر يم الجهال ونطلع وحدنا نفتر ساعة ونجي
صباح : يا نعيش مراهقة هسه ؟
- مو مراهقة حبيبتي، نعيش لحظات سوة خما نخلص عمرنا للجهال ، شـَڪو بيها
- ممَاެدࢪيہٰ ، مراح يكولن عمامهم ميتين
- من عساهم بجهنم ، دخابريها وبدلي يلا
طبت تبدل واني ضليت كاعد كل ماتجي بالي مروج اوخرها من عقلي خلص مو كلشي بدنيا نحبة لازم ناخذة
هاي الدنيا مو كاملة وبعمرها مراح تكمل
لان الله سوة اخرة رب العالمين هناك يخلي البشر يرتاح للابد..
بدنيا مستحيل اكو راحة لو نركض كل عمرنا ندورها مراح نحصلها
اجة ثامر طب هوه وبتول وصباح توصيهم سلمنا عليهم وطلعنا
اجة بالي نروح لابو نؤاس
صباح : وين نروح ؟
- نروح لابؤاس نوكف على لنهر نشم هوة ونفتر نتمشى هناك
- خوش
وصلنا للكرادة طبكت السيارة ولزمت ايدها عبرنا ودخلنا لللمكان الجديد مسوي حيل حلو وعوائل ومكان خاص للمشي والرياضة طبينا وضلينا نمشي ساكتين
صباح : الله احسنا مخطوبين هستونا ، لاجهال لا مسؤولية
- حقج ولله ماعشنا فترة خطوبة ، بس وداعتج اعوضج عن كل الايام الراحت ، صباح اني اسف على كلشي مو حلو عشتي وياي واوعدج من اليوم اعوضج عن كل الم عشتي بسببي ، انتي تغيرت هواي بسببج
صباح : لاتكول هيج اسحاق ، بعمري ماكرهتك ، حتى من نفصلنا جنت دائما ادعيلك ترتاح بحياتك لان ادري شـَڪد تعبت بيها ، والله نطاني على كد نيتي يممَڪٰٖטּ خلاني بطريقك حتى اكون اني هاي الراحة الي ادعيلك بيها
- وصدك كلامج ماعشت شعور البيت والعائلة الا من دخلتي انتي حياتي شـَڪد قصرت بحقج بس جنتي تقابليني باحسان
خجلان منج هواي
- حبيبي ، انت حبي الاول وابو جهالي وبيتي ، كل عائلة تصير بينهم مشاكل بس مستحيل اخلي بكلبي عليك لان كلنا بشر ونغلط بالاخير
- احب عقلج
صباح : بس عقلي
رفعت ايدها وبستها : كلج احبج يروحي ..وام بيتي وعوض عمري
احمد الله الي خلاج بطريقي..
شربنا كهوة خابرت بتول تكللها علي ميسكت رجعنا للبيت طلبنا منهم يضلون مقبلو رجعو لييتهم
طلعت اودعهم صعدت بتول وكعدنا نسوالف باللباب
ثامر كلي : ماتجي لبيت غايب ؟ كلهم ملتمين راح نروح اني ويس وعمي هاشم
- صدك تحجي؟
- كدام العالم اكول يعني محد يشوف الصاير غيرنا
- هاي العالم وين جانو من خسرت عائلتي بسببهم ؟ ثامر انت تعرف كلشي وان جان حضرت فاتحة ابوك لخاطركم انتو ام هذولك لو يطلع ابوي من كبرة يكلي مسامحهم ، اكله اني ممسامح الي يتموني اني واختي واكلو حقنا وخلونا بحسرة اللكمة ، وعشنا عمرنا بحرمان وذل وضياع ماتت اختي وحيدة لاام لااخت وياها شنو ذنبها؟ شنو ذنبي اني الي عشت كل عمرري انتضر اليوم الي اخذ حقي منهم
مااكدر اروح امثل اني زعلان عليهم لا وحق ذولاك الدفنتهم بية فرح اطشرة على الدنيا كلها ودي اركص واهلهل
ثامر : حقك ولله حقك شما تحجي ، واني اعتذر
- لاتعتذر حبيبي شنو ذنبك انت ؟ روح والي يحجي لاتهتم خلس
- يلا عيني مع السلامة
ودعتة وجاي اقفل الباب صباح كالت : اسحاق ابوي وعمامي كتلو اهلك؟ لو بس عمامي؟
نداريت اشوفها شايلة سله ملابس وواكفة مصدومة كتلها : مو هيج الموضوع
- لعد شنو قصدك بكلامك لثامر؟
-صباح مو كتلج عوفي هل سالفة ليش تتسمعين علية من شوكت هاي
- بس فهمني شلون يعني كتلهم شلون همه ضربوهم بالطلق؟ مو عساس ابوك مات وكف كلبة بس احجيلي شصاير
- صباح مراح اكدر احجي شي ، ماريد تتحسسين سالفة وراحت والله اخذ حقنا من كل شخص ظلمنا نسد الموضوع
- حتى ابوية؟
سكتت عفتها وطبيت مااكدر انكر مشاركة ابوها بس ماريدها تعرف وتنقهر بس بنفس الوكت هيه مالها ذنب بالي سوة همه ليش اضوجها
صباح : مجاي اصدك معقولة ابوية كتل اخو وابو؟ زين امي تدري ، اسحاق جاوبني
- محد يعرف صباح وياريت محد يعرف لان سالفة وماتت كلتلج
- يالله يالله واني شلون راح انسى شلون ياريت مطالعة وسامعتكم ياريت ماعرفت شلون راح ازورة بعد شلون اقرالة الفاتحة وادعيلة بصلاتي وهمه هيج سوو دخيلك يارب شلون سوو هيج
واني اكول ليش انتو منكطعين عنه
اكول ليش تكرهونا هذا السبب هذا
- كافي حبيبتي مو زين عليج هل ضغط انتي تعبانة كافي اعتبري ماسمعتي
- ياريت اسحاق ياريت..
حسبي الله ونعم الوكيل حسبي الله
شلون انسى السمعتة شلون
ولعباس مستحية احط عيني بعينك
- شعليج انتي بابا لاتحملين روحج ذنب وانتي مالج علاقة تعالي
حضنتها وهيه ضلت بس تبجي وتكول شلون..
مرت ايام فاتحتهم محد اجرأ وخابر او دز علينا
عمتي جانت تجي تلوم صباح
وصباح اتضل تباوعلي واني اشرلها بمعنى لاتحجين
ضلت تلوم بروحها وتريد تحجي للكل بس شنو فايدة
تحجي مدام الله اخذ حقنا مايهم البشر شيكولون..
صارت الاربعين رحنا وياهم وبس وصلنا هناك رحت لجدي وابوية ودموع ما وصلت لكبورهم صباح هم مراحت لابوها مقبلت : روحــي لابوج صباح
صباح: مااكدر اوكف كدامة اسحاق احس روحــي انهار واحجي كلشي
- شسوين سوي روحــي زوري وفرغي كلبج
يس يباوع علينا : شـَڪو
- جنت احجي ويا ثامر وسمعت
يس : توسلتك ماتحاجيها اسحاق
هيه حساسة تضل تاكل بروحها وماتبين
- محجيت يس ترة اني الي ماردت احجي
لو اريد من الاول احجي
راحت يم قبر عمي ظلت تبجي وتعاتب من شفتها تلطم على وجها وتأذي نفسها ركضت عليها عدلت عبايتها وضميتها بحضني : كافي صباح ليش تاذين نفسج وتاذيني وياج شنو ذنبج انتي
- وانت شنو ذنبك وعشت كل هل وجع ، دموع شنو ذنبها ليش تحملتو اليتم والظلم واحنا بييوتنا معززين مكرمين ليش هيج ظلموكم مخافو ربهم مو هاي راحولة شراح يكلوله
- كافي عيني كافي يروحي مو زين عليج
طلعتها من المقبرة شربتها مي ضلت تتقيى جنت جاي بسيارتي خابرت يس كلتله راح نرجع اجة هوه وثامر وعمة صعدو ويانة رجعنا والطريقة كله تبجي
- كافي ولله جاي تحركين كلبي
يس : هسه همه جلاب ولد جلاب انتي عليمن حاركة كلبج
ثامر : شمدريني مو هاي بطنج بخشمج خافي على البطنج
وداد : شصاير شبيكم شبيها اختكم
كلنا سكتنا وصباح ضلت بس الشهكة وعمتي تتهامس وياها تريد تعرف شـَڪو بس محذرها لاتحجي
خطية المرة مريضة شنو ذنبها نحرك كلبها تالي عمرها
وصلنا للبيت اطيت السيارة لثامر حتى يرجعون للبيت واحنا طبينا دكيت الجرس خاف بتول ماخذة راحتها
صباح : لادك نايمين افوت قبلك اسد الباب وطب
ضليت برة طلعت جكارة ادخن صاحتني : فوت فوت
طبينا طلعتلها عصير وحطيتة كدامها : شربي كله
- مااشتهي العسل
- هوه وين اكو عسل ياكل عسل اصلان
ابتسمت نوب سمنانة على حمل صايرة جنها بطة : دضحكي نعل ابو دنيا الضوجج..
صباح : بس اسحاق مجاي
قبل لاتكمل سكتتها : رحمة للهلج سكتي لاتسمعج بتول وتكتئب كافي انتي حالتج شلون صارت
- شلون هيج كلبك حنين علينا رغم كلشي صار بيك بسببنا
- انتو مالكم ذنب قسمتي بدنيا هيج..
سبحنا ونمنا فوك بغرفتي القديمة كعدت صباح مو يمي اسمعها جوة تحجي ويا بتول خابرتها كتلها راح انزل لان بتول محجبة واخاف نازعة حجابها شي حتى ماتنحرج مني
نزلت جانت تطبخ بالغدة ريحة الدولمة تفوح كتلها : صباح الخير حبيبتي شو اليوم نشاط شنو على واهس اختج
- صباح نور حبيبي
يعني هيج شي ومتحمسة نروح نشف شنو الطفل العدي
- ليوم نعرف
- اي ان شالله هسه بنهاية الرابع مفروض يبين..
ضلن يشتغلن اني طلعت برة ليوم اجازتي رحت لعمي العاش ويا يس لان ضل وحدة بيتة مقبل يرجع ويا اهله وعمي ماقبل يعيش وياي وضلو وحدهم اخذت كاهي وكيمر ورحتلهم..
دكيت الجرس طلعلي يس يفرك بعيونة : صباح الخير
اسحاق : صباح النوم ، شلون كاهي وكيمر جبتلكم عمي كاعد؟
- اي تفضل
طبيت سلمت على عمي حطيت الكاهي والكيمر جريت حسرة واني اذكر دموع من تكيف اجيبلها اكل حتى لاتطبخ وتفرح وتحط الصينية كبل حجاني عمي
هاشم : شو من صباح شعدك خير
- ولله نمنا من وكت عمي والبنات جاي يطبخن اجيت يمكم هم ياخذن راحتهن وهم نسوالف
يس : همزين جبت مابيه اسوي ريوك
هاشم : لوتي بوميا يسوي روحة مايشتهي من اسوي ريوك يجي يتريك وياي
يس : عمي بعد مااكل زعلت
اسحاق : دسويلنا جاي بثواب الحسين
ضحكنا كام وكلت لعمي : الكاله شغل خل يطلع من البيت مو راح يتخبل
يس : سمعتك ترة البيت صغير ، بـﻋـَدين مااريد راح ارجع للجيش
اسحاق : دنجب شعدك رايح
يس : بلكي الله يكرمني الشهادة حتى ارتاح
سكتت عمي كلي : خل يروح اسحاق ربك الحط الروح وهو وحدة ياخذها
- عمي بس خطر علية
- ترة هنا يكدر يموت لو الله كاتبله خل يعيش راح يصير سنة من حابس روحة
يس : ٧ اشهر
هاشم : دجيب الجاي احسن مضال تتمسع مثل لنسوان
اجة جايب جاي وكلاصات صبينا وكعدنا ناكل : عاشت ايدك اسحاق خوش سويت
اسحاق : ولله اشتاقيتلكم ماتجون كل خل اني اجيكم
هاشم : اخاف على هل مخبل لايسوي شي بروح
يس : وداعتك عمي لو ما الحرام جان من اول يوم سلمتها
حاولت اكسر جو كتلهم : ليوم نشوف شراح يجينا طفل جديد
يس : اذا بنية سميها دموع
هاشم : لا يس اخلاص ال** اقصد امها من سمتها هيج حتى يخلص عمرها هم وشلت خطية دموع من دك بابها الفرح راحت
اسحاق : بس عمي اني هيج ناوي اسميها
هاشم : عمي سميها فاطمة وعدكم علي وشحلاتها اذا كبرو زوجوهم
يس : اذا جبت بنية ربيها شلون من ربيت عمتها ، خرب بعرضها شـَڪد ثكيلة اطبلها يمنا تطلع يسرة كطعت روحــي يلا حصلتها
اسحاق : ادبسزز شو بوجهي تحجي
يس : ديلا عساس تسووي روحك ماتدري مو صبح وليل تكلي شعدك ويا اختي
خلصنا ريوك كعدنا ندخن ونسولف : بس شـَڪد جانت تكرهك هيه اني هم ولله احسك لزكة جنت
- وشنو علمود عيونك العسلية لازك غير علمودها
هاشم : خو مااستحو ولاكالو عمنا بنصنا
اسحاق : شوف ابن اخوك يحجي بختي الخايس
- تروحلها فدوة
هاشم : عدي سفرة شهرين لامريكا كلتله تعال وياي ميرضى
يس : اني اروح واعوف بيتها وماازورها كل خميس شبيك عمي عايش بذكرها اني ترة لاتشوفوني احجي واسولف هذا الليل يخلص علية بطيوفها
اسحاق : عمي وشعدك يوم والثاني صحت اريد اسافر راح ازوجك حتى مرتك متخليك كساع طاير
يس: زوجة مرت غايب
متنا ضحك علية وهوه يصيح : ادبسززية غير شغلي هناك
دكت علية صباح جاوبتها : ها عيني
صباح : الو وينك حبيبي اختفيت عبالي برة
- لا يم يس اجينا تريكنا سوة
- خوش جيبهم وتعالو نتغدة هنا هم حتى يشوف علي مااشتاقلة
اسحاق : تكول مااشتاقيت لعلي؟
يس : غير انتو ماتنطوني ابني الله واكبر
اسحاق : عمي انت باطل كنالك ماتكدر وحدك تعال يمنا ماترضى
صباح : يلا عيني ننتضركم
- خوش
سديتة وكتلهم : عاجبني نسافر سوة بس تجيب صباح بسلامة
هاشم : وين
- لتركيا ، المشي يم البحر يرد الروح
يس : اي ولله نحتاج هيج مشية
- ياريت تروح وحدك حتى لو اسبوع
- اذا كدرت
- يلا عيني كومو غداكم يمنا
طبو يبدلون شلون السفريات ذبيتهن غسلت الكلاصات وطلعت ادخن طلعو وراية رجعنا لبيتي الكراج مغسول طبينا ريحة المعطرات والاكل تشهي سلمت صباح عليهم وشالت علي حطتة بحضن يس وهذاك روحة بدنيا يلعب بلحيتة
كعدنا ساعة نسوالف ونحجي خابرت ثامر يجيب عمة ويجي اجو ولتمينا كلنا بسفر سوالف وحجي شـَڪد حلوة لمة العائلة..
مرت ايام حمل صباح حمدلله بسلامة ماعانت مشاكل
الدكتورة كالتلها تنتضر ولادة طبيعي
يوميا كمت اطلعها امشيها وعمة وبتول استقرو يمنا هل فترة حتى يساعدونا بجهال هم علمود صباح
سبحان الله يوميا نمشي وناكل تمر واشكال نسوي ونفشل
اليوم تعبانين صارلنا سبوع نمشي كالت خل نام اني هم مجذبت خبر الجهال يم عمتي هيه وبتول نمنا اقل الساعة وكعدت تتلوة صباح
- ها ها حبيبتي شبيج
- بطني يمة بطني اسحاق صيح امي حباب بطني
من حلاة روحــي ركضت دكيت الباب وصحت عمة : تعالي عمة صباح مدري شبيها
اجت وياي كعدتها تسالها طبيتها للحمام سبحتها وطلعت ساكتة كتلها : ها مو حيلــჂ̤ راح
وداد : عمة طلكة اجتها وراحت مامتعودة تجيب طبيعي هيه يمكن للفجر تجيب لازم يقوة عدها الطلك
اسحاق : عمة ناخذها للمستشفى خايف عليها ولله
- عمة ماكو داعي هاي كدامك ساكته
- تمام
طبينا للغرفة رجعت نامت اني عيني مااخذت نوم
اباوع عليها نعسانة بس تلوب سودة علية تريد تنام مجاي تكعد كعدت تبجي رجعت صحت عمة
- عمة فدوة خل نأخذها للمستشفى راح تموت
وداد : اسم الله ، ولك يمة هيه هاي الطلوك لمشي ناخذها بس هم تضل هيج لحد ما ربك يسهلها جا هيه ولادة بعد عمة هينة
كعدت بتول اجت يم صباح وعمة طلعت الجنطة مالتها وهدومها كومناها لبسنها وهيه تتلوة من وجع صعدناها بسيارة وصلنا للمستشفى خابرنا دكتورتها واجت كالت بعدها ماتجيب هسه
حطولها مغذيات اجو عمي وثامر ويس وكلنا ننتضر اسمع صياحها ورحي تروح : عمة ولله لو ادري هيج جان كلنالها عملية ولا متوجعة هيج
وداد : يمة كول يالله هانت ان شالله
نص ساعة وسمعنا صوت طفل حطيت ايدي على كلبي لحد مطلعت الدكتورة وطمنتنا عليهن يلا رتاحيت
ونورت حياتنا فاطمة..
كبرت فاطمة وكبرت فرحتنا بوجودها حياتنا تلونت بجهالنا
كلشي تغير بهل سنوات
تعلمنا وكبرنا وتغيرنا
اليوم كاعد بالحديقة اباوع على يس وعلي يلعبون بالمسدسات وفاطمة كاعدة يم صباح فارشات غطة وحاطة لعباتها اخذتلهم صور وكعدت يمهن اجو الولد نامو فوكاية يريدون اعاكهم نومتهم بالكاع اغدغهم وهمه يضحكون ...
النهاية...
________
سليم
- اليوم وبعد سبعة وعشري سنة احد يذكرني بنفسي
يذكرني منو اني ومنو اصلي
من سألني عم اسحاق عن عمامي
منو همه عمامي ؟ وينهم وين عايشين
يعرفون عدهم اين اخ بدنيا ؟ ابوية وين عايش لو ميت
عدي اخوان عدي اخوات
امي وين؟ بعدها تشتغل وتخلف وتشمر؟ لو تابت
معقولة كونت عائلة وهيه شامرة قطعة منها بشارع
شلون عاشو وهمه هيج مسوين ماادري
بس الدنيا كتبتلي غير حياة
عمام جداد وخوال
الله دز بذاك اليوم البارد حجي مطر حتى يشوفني ويحتضني
حتى يضمني لييتة ويربيني
حجية صفيّة الي مايوم حسستني اني مو ابنها
الله رزقهم على عيني خمس ولد وبنات ثنين
بس سبحان الله يضهر من ظهر العالم فاسد
شـَڪد حجي مطر طيب وحجية صفية مثل اسمها صفية
بس خلفتهم اجو خبثاء حقراء انذال
الحقد والحسد والطمع ماليهم
اخذتهم من صرت شاب وطلعنا ييت ايجار
اشتغلت شغلتين حتى امشي حياتنا وادفع ايجار
بس مجان يكفي
وبيوم الله طلع قاسم بوجهي اشتغلت يمة والله فتحها علية
بس الضاهر الله ميحبلهم الحرام تمرضو اثنينهم وماتو
بعدها حبيت مروج او قنعت روحــي بحبها حتى املي الفراغ العافو بعدهم بس صدمتني بحيها لاسحاق
حاولت انهي حياتي بس اسحاق مخلاني
من وعيت عفت كلشي وطلعت من العراق
رحت لاخوان حجية صفية استقبلوني احسن استقبال
بسبب حب اختهم الي
نصدمت من شفت مروج بنفس مكاني
بس مشاعري اتجاها ماتت
حرمتها على روحــي حرمة الاخت للاخ
حاولت اصلح بينها وبين اسحاق بس مكدرت
واليوم الله نطاني ريم
اريدها اريد اساعدها وحاب اساعدها
حبيتها حبيت حزنها وبرأتها وكلشي بيها
ويمكن حبيت لان ثنينا مكطوعين من شجرة
اخذتها ورحت لعمها فرح بيها واستقبلها
هناك طلبتها منه بدون علمها هيه نصدمت وهوه فرح
بس طلب مني ابقيها يمة شهر ونزوج لان جان مشتاق للعائلة
مر شهر وخطبتها خابرت اسحاق واجة وياي
ازوجنا وسافرنا لان ماسوينا حفلة ثنينا ماعدنا اهل المن مسوين
ودعت اسحاق ورجعت لامريكا
هناك خوالي ونسوانهم سولنا حفلة وعشنا بيت قريب على مروج
لان صارن صديقات مقربات
اشتغلت وقررت اسوي عائلة ونستقر
حملت ريم بعد شهرين من زوجنا ويا فرحتي بيها وهيه جانت حيل خايفة بس اني جنت دائما اطمنها واكون بجانبها
صداقتها ويا مروج فادتها كامت تطلع وتطلع على العالم تحب تقرة وترسم
بيتنا صار بي روح
اطب الكاها طابخة ومنظفة منتضرة جيتي
هاي اللحظات الجنت اشوفها بالمسلسلات عشتها واخيرا
اجانا ولد وسميتة عباس وراها اجتنا بنية سميتها نور
وحمدلله استقرت حياتنا ريم رجعت تدرس واني اشتغل
واستقرينا بامريكا وعلاقتي ويا اسحاق نفسها يوميا نتخابر ووعدني يجينا زيارة هوه وعائلتة..
النهاية...
____
مروج
من شفت وضع اسحاق وعائلتة
اصريت على عمي ارجع
فعلا رجعت وعشت وحدي اسبوع
بهل اسبوع صفيت طاقتي وقررت خلاص انسى اسحاق
شمرت كل طاقتي بالكتابة
يوميا اطلع اتمشى بشارع احد مااتعب اسبح وانام
اخذت جلستين يم دكتورتي النفسية
واصدرت كتابي الثاني
رجعت عائشة وبشرتني بحملها مرة ثانية
فرحت الها هواي
وخلصت حياتي بين الكتابة والنشر
صار معرض بغداد وعمي حجزلنا نروح نشرت بس هل مرة مجنت متوقعة اسحاق يجي ولاانتضرتة وفعلاً صار الي توقعتة مجان موجود عيني جانت ادورة بين الناس بس ماشفته
بقينا اسبوع بالعراق كل ماافتر بمكان اتخيل اشوفه كدامي بس مشفته
اخر يوم بالمتنبي جاي اخذ كتب واغراض جذبني شخص يقرة شعر ضليت استمعلة الناس تسمع شوية وتروح اله اني ضليت استمعله لحد مابقى بس صديقة يمة فسكت كلتله : ليش سكتت مو جاي اسمع
طلال : حتى الله ماكلتي
- احب اسكت واستمتع باللحظة، شعرك ڪُلـش حلو الله يوفقك يارب واشوفك اكبر شاعر بدنيا
طلال : تسلمين مبين عدج ذوق مدام عجبتج كتاباتي
- لان اني كاتبة
- حلو تشرفنا ، شنو اسمج
- مروج
- واني طلال ، كل جمعة اجي هنا اني
- للاسف اني اخر مرة تشوفني لان حسافر عايشة بامريكا
- ممكن حسابج لعد اطلع على كتاباتج؟
- اكيد
اطيتة حسابي وكملت جولتي ورجعت
رجعنا لامريكا ورجعت انشر وجان طلال بكل منشور يعلق ويخلي لمسة
هاي بدليها هاي قدميها هاي مسحيها
ڪُلـش فادتني خبرتة بكتابه كتابي الثالث
ونصدمت من خبرني راح يجي لامريكا حتى يحظر توقيع كتابي
فرحت وكلت لعمي كال تمام
اجة وتعرف على عمي خصلت الحفلة وكلشي جان حلو
ثاني يوم طلب طلال يشوف عمي كلتله كال خل يجي للبيت
دزيتله موقعنا واجة العصر جايب ورد وشوكلاتة
جابهن عمي للمطبخ واني وعائشة نسوي الكهوة
عائشة : اكلج شنو سالفتة هذا متعني وجاي
- ولله مااعرف كال يريد يحجي ويا عمي
ضلو بنص ساعة وطلع هوه صاح عمي عائشة جاي اطب لغرفتي صاحني : تعالي بنيتي
- ها عمو
- اكلج هذا تعرف
- اي عمو طلال مو كلتلك علية شاعر وكاتب ساعدني هواي بكتابيِ واجة لهنا بس علمود كتابي
- مجاي بس علمود الكتاب
- لعد عمو شيريد؟
- خطبج مني واني كلتله اخذ رئيها بالاول
سكتت معرفت شكول لعمي صح احنا بينا تواصل
بس ماعدي ذيج المشاعر اله الي تخليني ازوجة
- عموً اني بصراحة
قاسم : اخذي وقتج بنيتي هيج مواضيع مو بسرعة واحد يجاوب فكري وشوفي الولد وبعدين قرري
كمت رحت للغرفة وراسلته : شلون تتقدم هيج خطوة بدون ماتبلغني
طلال : الصراحة مروج حبيبتج وخطبتج ، مانويت اللعب بمشاعرج ردت كبل بالحلال
- بس اني ماعدي هيج مشاعر الك
- بس اني عدي مشاعر تكفينا ثنينا
سكتت مجاوبتة مر اسبوع واني ساكتة مانطيت جواب وطلال يومية داك البريد جايب ورد وهدايا ورسائل ويتصل ويراسل
عائشة نصحتني اطي فرصة وريم اتفقت وياها بلأخير استسلمت
ليش ماانطي فرصة شمنتظرة اني العمر يمشي كدامي واني عايشة بالهامش والذكريات ، الله دزلي انسان يحبني ويسعدني ليش اسد الباب بوجها
بعد اسبوعين كلت لعمي موافقة طلال فرح حيل بس صارت صعوبة بجية الزلم خاصتا هوه اهله ڪُلـش عدهم تقاليد وهل امور فعمي كال نرجع للعراق نخلص الخطوبة ونرجع
وفعلا رجعنا وحجزنا قاعة وبدلات وصالون واسبوعين ركض بركض حتى مالحكت نطلع اني وطلال بس على كد مااختارينا الذهب سوة
صارت يوم الخطوبة لبست قفطان ابيض وهوه لبسً زي عربي
مااكدر اسمي زواج تقليدي لان احنا نعرف بعض وهوه يحبني حيل وكلشي يشوفني احبه يحاول يقدمة الي باحلى صورة
تمت الخطوبة واهله اقترحو نزوج هنا ونسافر لان هناك مراح يكدرون يفرحون بينا هم بدنيا نجهز العرس وره شهر وازوجنا
سافرنا وعمي اشترالي بيت قريب علية ماقبل طلال بس عمي كله هاي حصتة ابوها
عشنا اني وطلال احلى ايام حياتنا
خاصتا انو اهتمامتنا نفس بعض جان سهل نتفاهم بينا
كمنا نسافر لشكو مكان اله علاقة بالكتابة لكل معرض ينفتج
اكتسبنا خبرة جبيرة واشتغلنا ويا شركات عالمية
صنعنا اسم سوة وسوينا شركة خاصة بينا بمجال كتابة الاعماال
بعد سنة اكتشفت روحــي حامل
طلال فرح هواي قللت سفراتي ويا وهوه جان كل ميسافر يفتحلي كامر يشوفني كلشي بدولة
ولدت وجبت بنتي طيف
جنت حيل حابة الاسم نشرتها بالحساب مال شركة
وبحسابي والناس تبارك وتدعيلها دعوات حلوة
حياتي استقرت بين شغلي وبيتي وشركتنا
طلال تفرغ للشركة بس
ماسويت طفل. ثاني اكفيت بطيف حاليا
والحمدلله الدنيا اخذتني بطرق وعيشتنيً امور صعبة مجنت اتصور راح اطلع واعيش بس شوفو اليوم اني ام وكاتبة ناحجة وصاحبة شركة جبيرة
عائشة جابت بنية سمتها روح وحياتهم مستقرة علي كبر وصار يحجي حجية يخبل وكام يروح للمدرسة وعمو طاير بي
الحياة اخذتنا بموجها وفرتنا واستقرينا بلد غريب
بس مرتاحين بعوائلنا ونزور العراق كل فترة ونرجع
الحمدلله اني اليوم راضية عن نفسي وحياتي
مروج : طلال انزل ترة مااحمي الاكل بعد ولله
طلال : حبيبتي بس لازم احظر هذا الاجتماع كام
- معلية كلتلك اني
- لا انتي ام كلب الحنين ميطيج كلبج تعوفيني جوعان
ضحكت خلص مكالمتكة صبيت العشاء وطيف تسوي با. با متعلمة تحجي وهوه مكيف بيها يشيلها ويفرها وهيه تضحك اللوتية...
النهاية...
_____
مرات الحياة ماتنطينا الي نريدة لان ضامة النة الاحلى
مو كلشي بالحياة نريدة نحصلة
وممكن احتمال ڪُلـش جبير الي تتمنى الله ضامة الك بس انت مو صبور
اسحاق شـَڪد حارب وتعب ومشى بطريق صعب حتى ينتقم بس رب العالمين جان ضام عقابة لعمامة ودزلة عمة هشام حتى يخلي يطلع من قوقعة الانتقام الحبس روحة بيها
اما دموع مجانت كدامها هواي خيارات
بس جانت تحاول ادور السعادة بالحياة
بس للاسف من نكتبت الها السعادة مجانت مكنوبة الها
سليم الطفل الي ماله ذنب جان ضحية اثنين ماقدرو نعمة الضنة
والحمدلله الله نطا عائلة احتوتة ولو مرحلة من الزمن
حب مروج بس مجان حب جان يدور حب العائلة بيها
وبعد سنوات الله دز ريم بطريقة حتى ثنينهم يكملون نقص بعض
اما مروج الجانت تصدك بحجي عن عمها
وضيعت عمرها بالكره
حبت اسحاق وجبرتة يتعلق بيها رغم من البداية مجان عده مشاعر الها هواي صارت بوجهم عاائق ومااستسلمت عن حبها
بس بالاخير نطتة بطبق من ذهب لعائلة
ويمكن هذا احسن حل لان جان خلصت عمرها بالقهر وهم المشاركة
وبلاخير الله عوضها بشخص يشبها ويحبها ...
تمت