رواية ذكرياتنا في رمضان الفصل الخامس5بقلم سلسبيل احمد
مراد سكت وبعدين رفع دماغه: من ساعة لما بنت عمي راحت تقول للغريب عن مشكله تخص اختي
ليان سمعته وراحت عندهم: الموضوع مش كده!
وقف قصادها: انتي حسابك معايا بعدين
ليان بتراجع: كنت هقولك
- انتي كدابة!!!
نورا: بس انتوا الاتنين !!
ليان بحده: لا مش كدابة !! والله كنت هقول
مراد: تقولي ولا متقوليش انتي مش حقك اصلا تلجأي لحد تاني !! وفي مشكلة تخص اختي انا !!
بصتله وعينيها مدمعه: يعني ايه كنزي اختي زي ما هي اختك!!! وانا كنت خايفه عليها و.. انا
" دموعي نزلت لأول مره قدامه ومكنتش عارفه اتحكم في اعصابي "
اتلكمت بسرعه وبتردد: عشان.. ءء انا وقتها معرفتش اقولك في ساعتها
مراد بزعيق: يعني ايه !! يعني ايه كلامك الى ملوش معني ده !! دي اختي !!!! انتي مستوعبه؟؟؟ رايحه تقولي لحد غيري !!! ولما بسألك فيه ايه بتكدبي من هنا ورايح ملكش دعوة بيها نهائي انتي فاهمه !!
فاطمه: مراد كفاية كده احترموا وجودنا!!!
" ليان طلعت البيت وسابتهم وهي بتعيط "
" ندي كانت ساكته ومش مستوعبه الى بيحصل.. "
كوثر: عجبك كده !! لا حول ولا قوة الا بالله العلي العظيم يارب
فاطمه: امشي دلوقتي مش هتتكلموا غير لما الأمور تهدي
مراد مسح على وشه وهو بياخد نفسه: انا مش هتحرك من هنا واروح للناس واتكلم غير لما افهم من اختي الأول الموضوع ايه
كوثر: انا الى هتكلم معاها الأول
" وفعلا كوثر راحت لكنزي وفتحت لها ونورا طلعت هي وندي عند ليان يشوفوها "
فاطمه: الطريقة الي اتكلمت بيها مع ليان دي مش صح
مراد بصلها: والى عملته ده هو الى صح؟
فاطمه: غلطانه تعرفها الصح وتتكلموا زي الناس المحترمه مش بالطريقة دي
مراد: تيتة انا الطريقة دي اصلا اهدي طريقة عندي وكنت مسيطر على نفسي عشان بس كلهم بنات وعشان خاطركم
" كوثر خرجت و قالت له يدخل لكنزي الى كانت قاعده خايفه "
" اما مراد فا كان زعله منها اكبر من اي حاجه تانيه "
- انا دلوقتي رايح للواد الى اتعرصْ لك وكل الى عايز اسمعه الى حصل بصراحه انا مش عايز حرف زياده ولا اقل سامعه ؟؟؟
كنزي هزت راسها بخوف وبعدها دموعها نزلت غصب عنها ولكن مراد اتكلم بحده: اخلصي اتكلمي
" حاولت تهدي وتتكلم وتحكي له القصة من اولها.. وانه الاسستنت بتاع المدرس بتاعها دخل كلمها على رقمها وهي كانت معجبه بيه.. بقلمي سلسبيل احمد وانه اكبر منه بـ 7 سنين.. وبدء يطلب منها صور وهي رفضت و كمان طلب منها يتقابلوا ورفضت واخر حاجه عملها صور مرْيفه ليها عشان يخوفها وتروح تقابله "
مراد كانت عروقه بارزه من الى بيسمعه: كملي
مسحت دموعها الى مبطلتش تنزل: بس.. فا خوفت يومها وكلمت ليان
بصلها بتعجب: ليان؟؟ رايحه اكلميها هي بدالي؟؟ ليه!!
كنزي بعياط: عشان كنت خايفه منك.. ومنكم لأني عارفه اني غلطانه.. وعشان ليان طول عمرها بتخاف عليا وقريبة مني وانا طلبت منها متعرفش حد فيكم عشان كنت خايفه
" مراد اكتفي بالي سمعه وقام ولكن قبل ما يتحرك رجع وبصلها "
- انا ظني فيكي خاب.. وندمان على الثقة الى كنت مديهالك يا كنزي بس ملحوقه..
" سابها ونزل من غير ما يتكلم مع حد ولقي مينا وياسين مستنينه تحت البيت "
>>>>>>>>>>>>>>>>>>>>>>>>>>>>>>>>>>
'لا إله إلا انت سبحانك اني كنت من الظالمين '
'اللهم اجعل لي في قلبي نورًا، وفي لساني نورًا، وفي سمعي نورًا، وفي بصري نورًا.'
|| في اوضة ليان ||
- يا ماما ماشي ! انا عارفه اني غلطانه!! بس هي طلبت مني معرفش حد انا مكنتش عارفه اتصرف والله انا مكنش قصدي كل ده انا بس كنت محتاجه اطمنها ونلحق الموضوع
بصيت لندي: انتي عارفه اخوكي كويس !! مكنش هيسكت ولا هيعديها كده بسهوله
ندي بزعل: طب كنتي عرفينا احنا
ليان بنرفزه: هو انتوا ليه مش فاهمين هي وثقت فيا وكانت خايفه وانا كنت مستنيا بس فرصة واتكلم من غير ما الموضوع يكبر !!
نورا: خلاص كفاية كلام
" الباب خبط وكانوا هاجر و فريده بيطمنوا عليهم "
>>>>>>>>>>>>>>>>>>>>>>>>>>>>>>>>>>
بقلمي سلسبيل احمد
|| تحت البيت ||
" كان مراد بيتحرك من غير ياسين و مينا وملامح وشه غصْبانه ومليانه عصبية مكتومه "
" ياسين مسكه "
- انت ياعم اهدي بنكلمك !!! ماشي من غيرنا ليه؟؟
مراد بحده: انا مش هحل مع الواد ده فحاجه ولا هو ولا الى يتشدد له وهحبس **** امه
مينا: واحنا معاك في اي حاجه
" قاطعهم دخول احمد الى فريده قالت له ان فيه مشكله ومكنش فاهم حاجه "
احمد: حصل ايه يا جماعه؟
ياسين: نفهمك فى السكه بقا
" مراد اتحرك على هناك وهو معاه موبايل الواد و موبايل كنزي وفعلا متفاهمش مع اي حد والواد اتاخد من قفاه و راح عمر محصْر بكل الحاجات الى موجوده.. بيدج الفيس بوك بتاعتي سلسبيل احمد وعرف كل الإجراءات الى مفروض تتعمل عشان يكملها و يحبـ ـسه.. وياخد حكم. "
>>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
'اللهم أصلح لي ديني الذي هو عصمة أمري، وأصلح لي دنياي التي فيها معاشي، وأصلح لي آخرتي التي فيها معادى'
|| بعد مرور تلت ايام | في بيت فاطمه ||
" مر تلت ايام وفيه صمت وهدوء غريب في البيت كله محصلش وكنا كلنا مضايقين الفترة دي كلها من بعض ولكن تيته اتكلمت معايا.. وفهمت حجم غلطتي.. وان مهما حصل مينفعش حد غريب يدخل في مشكلة زي دي.. بيدج الفيس بوك بتاعتي سلسبيل احمد.. عارفة اني غلطانه بس محدش عارف انا ليه عملت كده.. محدش كان يعرف السبب الحقيقي.. "
- تيته ممكن تناوليني الدقيق تاني بس شكلها مش راضيه تظبط
فاطمه ضحكت على ربكة ليان: ها مع انك مش اول مره تعمليها يعني
ندي بنكش: اه دي مجرد كيكه فانيليا بس ولا علشان هي لمراد؟
ليان بحمقه: هو ايه ده بطلي! انا مش عملاها عشانه
ندي: يعني مش هتصالحيه بيها؟
ليان: لا طبعا انا قولتلك انا مش غلطانه
فاطمه ضحكت وليان بصت لندي: انا عاوزة اصالحه على كنزي مش اكتر
ندي اتنهدت بزهق: قفلة مراد رخمه اوي.. انتي مش فاهمه عامل ازاي بيطلع من الورشة مش بيكلم حد..
البركه في كيكه الفانيليا بقا
"ليان زغدتها"
" خلصت قبل الفطار بتلت ساعات وبعدين حطتها في الفرن.. و كوثر و نورا كانوا بيحضروا الفطار "
>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
'اللهم إنك عفو تحب العفو فاعف عنا'
|| في الشارع | ورشة مراد ||
" كان ساحل نفسه في الشغل.. ولما شاف مينا وياسين داخلين عليه تجاهلهم وكمان معاهم احمد "
ياسين دخل بمرح: يعم انت مخاصمه هو بتبصلي انا بقرف ليه
"احمد ضحك ومينا بص لياسين من فوق لتحت"
احمد: ما خلاص يابا بقا مش عامل حساب
لحد ولا ايه
مراد بصله برفعة حاجب: هو فيه ايه اصلا
مينا: فيه انك بقالك يومين تلاته مش بتكلمني و زعلان يا معلم و خد بالك اليوم التالت عدي وهتتحاسب
ياسين ضحك: متأكدين انه مسيحي؟
مراد: مش بكلمك وزعلان؟ هو انت خطيبتي
مينا: متقول لنفسك!
مراد رمي الى في ايده: اصلها مش هتخلص بالحبتين دول يا مينا! انت غلطان وانت عارف
مينا بذهول: انت يابني دماغك دي ايه؟؟ انا معملتش حاجه انا ريستك على الحوار كله
مراد: بعد ايه يسطا ؟؟
مينا: مش بعد حاجه بعد لما مسكت الواد وخدناك لحد عنده
مراد سكت بزهق وبعدين بص لاحمد وياسين: انتوا شايفين ده عادي ؟
ياسين: الموقف كله على بعضه حصل سوء فهم وحصل بسرعه يا مراد.. لو بنت عمك اتصرفت من غير تفكير فا هي مجتش في حد غريب
مراد: لا هو غريب بالنسالبهم !
مينا: انت عارف انهم زي اخواتي..
كنا بنلاعبهم وهما عيال!!
مراد: وانت شايفهم دلوقتي عيال؟ هي غلطت وحت كلمتك ايا كان السبب الطبيعي يحصل انك تعرفني في ساعتها مش بعدها بدقيقه حتي!! فا انت غلطان وعشان عارف كده روحت قولت لياسين
مينا اتنهد وكان فاهم صاحبه وعارف طباعه: خلاص يامعلم انا محقوق لك
احمد: حصل خير يا شباب.. اهم حاجه اننا رمينا الواد فالحجز وشوية وهيترزع حكم على عمايله كفاية اصلا انهم اكتشفوا انه كرر الحركه مع كذا حد
ياسين بهزار: بوس يابني ع راس عمك مراد
مراد بعد خطوة: لا ياعم مش عايز حاجه انا تمام
مينا بنكش: مكنش هبوسك اصلا
" احمد وياسين ضحكوا ومينا مسك فوطه حدفها فوش مراد "
" مراد شالها ورجع حدفها عليه "
" كريم دخل الورشة فجأة وشاف الموقف "
كريم: ايه يا رجالة انتوا بتلعبوا ولا ايه
ياسين: خير يا لمض
كريم: عمكم جابر فيه لمبة عنده فرقعت حد يروح يركب له واحده تانيه قبل ما يجي يدور فينا الصْرب
احمد ضحك: انا هاروح انا..
ياسين: طب خد بالك بس عشان هو عصبي وقلاب اوي اكتر من زمان
" احمد راح مع كريم "
" واتبقي ياسين ومينا ومراد "
مراد بصلهم: بره بقا عندي شغل
" مينا شد كرسي وقعد "
- الصيام مفرهدني هريح هنا ساعتين
ياسين ضحك: طب استأذن انا..
>>>>>>>>>>>>>>>>>>>>>>>>>>>>>>>>>>
' الله اكبر الحمدلله استغفر الله لا إله إلا الله '
'اللهم إني أعوذ بك من الهم والحزن، والعجز والكسل، والجبن والبخل، وضلع الدين، وغلبة الرجال'
|| في شقة عم جابر ||
- انت ياولا يا حمار انت
احمد بدهشه: انا !
= لف اللمبه كويس بدل ما تقع واصبر لما اشغل الكُبس
" احمد شال ايده بسرعه "
- تشغل ايه وانا ماسكها هتكهربني ياعم جابر
= انت ياواد من ساعه ما سافرت وانت بقيت خرع
" كريم كان واقف كاتم ضحكته وعم جابر مصمم يشغل الكبس واحمد ماسك اللمبه "
احمد بنفاذ صبر: انا كدا كدا ركبتها شغل براحتك
" عم جابر راح يشغل اللمبه واتفاجئ انها فرقعت ونور الشقة كله طفى "
- الله يخربيت ***** انت بوظتلي البيت كله
احمد بصدمه: هو ايه الى حصل!!
كريم: انا هاروح انادي عم رؤوف الكهربائي
عم جابر رفع عكازه وهوش بيه احمد: منك لله يأخي
احمد: والله مش عارف المشكله فين
" الكهربائي جه وبص لاحمد بتعجب "
- انت الى عامل اللمبه كده !! مش عيب عليك ؟؟
= فيه ايه !
- السلوك ملمسه!! كل سلك بيبقي لوحده! انت رابطهم فبعض!! ومستغربين ان حصل قفلة ده كويس ان البيت مولعش
" عم جابر بصله بتوعد "
احمد: احمم انا اصل.. انا والله مليش فالكهرباء
" عم جابر رفع عكازه وكان هيصْربه بجد
بس احمد جري بسرعه وكان شكله يموت
من الضحك وكريم فضل واقف خايف وساكت وفجاة عم جابر راح ناحيته هو كمان وهو رافع عكازه"
- بقا جايبلي واحد يبوظلي كهربا بيتي كله يا ابن ال*****...
>>>>>>>>>>>>>>>>>>>>>>>>>>>>>>>>>>>
|| وقت الفطار | في بيت فاطمه ||
" كان كلهم متجمعين.. ولكن مراد كالعادة التلت ايام الى فاتو بيفطر في صمت "
فاطمه: عاوزين شوية طلبات كده يا ندي تجبيها انتي وليان معاكم وانتوا جايين
" مراد كان ساكت مع انه هيموت ويتكلم.."
كوثر: اه علشان هنهجز لحاجة العيد
ندي: حاجه ايه دي
فاطمه: من **** العطار
مراد بصلها: هو ده الى في مصر الجديدة؟
كوثر: ايوه
مراد: ده الى هو ازاي يعني؟ هو انا كيس جوافة قاعد محدش عرفني انهم خارجين ليه؟
كوثر: معلش يحبيبي انا نسيت اقولك الصبح انت نزلت بسرعه
مراد: حتي لو كنتي قولتي يا ماما ده ساعه الا ربع من هنا ليه يروحوا كل ده
فاطمه: خارجين كلهم هما ومريم وهاجر وفريده
ابتسم بسخريه: ده انا فعلا كيس لب كمان
ندي: لا على فكره احنا كنا هنشتري حاجات بس ونرجع مش خروجه زي ما انت فاهم
مراد: وايه كمان
ندي: ولا حاجه..
" طبعا الكل بيتكلم وكنزي و ليان ساكتين تماما.. "
" وبعد لما خلصوا اكل ليان قعدت مع كنزي في البلاكونه"
- هتفضلي مضايقه اتكلمي معاه!
رفعت راسها: مش بيرد عليا و بيعاملني وحش.
= انتي عارفه انك غلطتي جلمد يا كنزي كلمتي ولد من وراهم! ده غلط وانتي عارفة
" سكتت بندم "
- طيب بصي.. هو اكيد هدي شوية اتكلمي معاه تاني
كنزي رفعت راسها وعيونها بتلمع بالدموع: ممكن تكلميه انتي؟ انا عارفة انه مضايق منك بسببي برضو بس انا مش قادره اكلمه
" اتنهدت بخنقة.. كل ده حصل من تحت راسي انا.. "
- تيته هو فين مراد
= خد كوباية الشاي وطلع بيها على السطح شكله
- مخدش كيكه؟
فاطمه ضحكت: لا تخديله حتة؟
= افرض قالي مش عايز
- مش هيقول
" قطعت منها وحطتها في طبق وبعدين اخدته وطلعت وانا بنور الكشاف لأني جبانه وفعلا كان واقف على السطح "
" عملت صوت وانا بتحرك بس هو مدنيش اهتمام فا حطيت الطبق على السور قدامه "
- كيكة فانيليا لسه معموله
مراد اتكلم وهو باصص قدامه: مش عايز
= دي من الى انت بتحبها وهتعجبك.
- مش حلوة
= كداب!
" ساب كوباية الشاي وبصلي برفعة حاجب "
- مش جبتيها؟ انزلي بقا
= انا عايزة اتكلم معاك
- لا الكلام ده كان من بدري يا ليان.. مفيش كلام يتقال دلوقتي
= انا اصلا مش هتكلم عني انا هتكلم عن كنزي.. انت بتعاملها وحش هي غلطت ماشي بس دي مراهقه وطبيعي يحصل حاجات زي كده مفروض تقرب منها وتحسسها انك جمبها! دي اول غلطه تعملها
لف جسمه وبصلها وهو مستنيها تكمل: وايه كمان
= بس! مفيش
- وانتي بقا؟ دورك ايه فى كل ده؟ انتي عارفة لو كنتي جيتي عرفتيني؟ مكنش كل ده حصل
بصتله: فعلا مكنش هيحصل كل ده كان هيحصل اسوء منه ميت مره!! لو انت نسيت فا انا فاكره وعمري ما هنسي يا مراد!
مراد: انتي بتتكلمي عن ايه مش فاهم؟
ليان سكتت وبعدين بصتله: من 8 سنين لما كنت في اعدادي.. وحصلت مشكلة في المدرسة كان فيه ولد مد ايده عليا وانت وقتها كنت بتروحنا علطول.. لما جيت و عرفت روحت اتخانقت معاه.. و..
سكت وانا باخد نفسي: فتحت دماعْه.. مش قادره انسي شكل الد.م يومها واليوم الى كان كله مرعب.. والبو..ليس الى اخدكم وعياطنا كلنا على حصل وخوفنا عليك.. من وقتها..
بصتله: من وقتها وانا بخاف إنك تتحط في مواقف زي دي وتكون الحْساير اكبر.. مكنتش عايزه اقولك كنت بس محتاجه حد يعرف والموضوع يهدي وحد يبقي معاك عشان لو هتتصرف بتـ ـهور يلحقك
كملت بندم: انا عارفة اني غلطت يا مراد.. بس كنزي اختي واكتر ومش من حقك على فكره تقولي اني مليش دعوة بيها
" فضل ساكت شوية اثر جملتها الى طلعت بتلقائية.. الى خلته يلمس زعلها فيها.. من بدري وهو عارف ان ليان حساسه تجاه موضوع انها طفله وحيده.. وعلشان كده علطول قريبة من كنزي و ندي "
بصلها بهدوء: انا مكنش قصدي الى فهمتيه
رفعت كتافي: لا كان قصدك..
- ليان ممكن تفهمني بس حاجه بس صغيره انتوا كلكوا بنات ومفيش راجل غيري.. محدش مسؤول عنكم كلكو غيري انا عمي مسافر ولحد ما يرجع انتي و مرات عمي مسؤوليتي فاهمه ده؟؟ المسؤولية دي مينفعش تروحي ترميها على حد غيري مينا صاحبي انا مش صاحبكم انتم يعني غريب عنكم فاهمه ده
هزيت راسي بهدوء: فاهمه.. انا بس كنت خايفة عليك ومش عايزه الموضوع يكبر.. ولا كنزي تفقد ثقتها فيا
خد نفس عميق ورجع بصلها: انا مش صغير.. متخافيش.. عمري ما هتصرف بتهـ ـور عشان عارف ان فيه ناس في رقبتي..
ليان بأستسلام: طيب.. انت معاك حق وانا غلطت.. بس ممكن تعديها.. مش احنا الاتنين اخواتك برضو
ابتسم على الكلمه وبصلها بتأكيد: اخواتي.
- طيب.. هتصالح كنزي؟
= هشوف
" مسك الكيكه وقطم منها وبعدين بصلها وهو بياكل"
- مش حلوة
ليان ضحكت علشان عارفه انه بيكدب: كداب عموما انا مفيش احلي من كيكتى
مراد بصلها بخبث: اه.. بس كيكة الفانيليا.. الى جبتيهالي واحنا صغيرين دي كانت احلي
ليان وشها احمر بسرعه: ءءء اي اه.. أءء