رواية زينة البنات الفصل الثامن والستون68 بقلم نجلاء فتحي عاشقة الكلمات
ركبت تاكسى ووصلت للعمارة التى يسكن فيها بهاء٠
محمد/ أستنى دة راجل متجوز وجودك يعمل شوشرة٠
آيه/ أنت معاة ولا معايا٠
محمد/ مع الأصول وهنا فتح باب التاكسي ٠
أنتبهت آيه ومحمد
آيه بعصبيه/ خلى عندك دم مبحبكش يا غلس أبعد عنى ٠
محمد/ أنت ماشى ورانا لية٠
سيف/ جايه لبهاء ليه ،،،ليه غاويه تتوجعى،،،واحد رماكى عايزاة ليه معندكيش كرامه جبتى عنوانه منين ٠
آيه بحزن/ بتول٠
سيف/ لو بيحبك كان زارك ،،كان فرح لنجاحك فوووقى بقا لنفسك هو أتجوز وعايش حياته وأنتى لاء أسمعى يا آيه أنا حجزت طيارة لروما بالليل وأنتى معايا ودة أمر تفهميه ذى متفهميه بدماغك دى٠
آيه بأنفعال/ مجنون أنت مجنون.
سيف بهدوء/ نتكلم بالعقل نعيش مع بعض فى بيتى المتواضع لمدة شهر مخطوبين معجبكيش الوضع لكى مطلق الحريه لكن بعد ٣٠ يوم بالتمام والكمال ok.
آيه/ عمرى ملبست دبله أقصد أقصد مش موافقة.
سيف نظر لعمارة بهاء/ مش بمزاجك عقلها يا دكتور .
محمد/ هى مش عايزاك ،يمكن بتتسلى بيها ،،بتضحك عليها.
آيه/ صح.
سيف بهدوء مخيف/ لما الرجاله تتكلم خطبتى تسكت ولو على الدبله أهى ،،،،، ثم أخرج من جيبه علبة قطيفة فيها دبله دهب وأمسك إيدها ولابسها إياها وقال:- دة ربط كلام وبعد شهر من دلوقتى فرحك يا عروسه يلا نرجع الفندق لمى حاجتك ثم أغلق باب التاكسي ورحل٠
آيه بصدمه / محمد دى دبله بجد ،،سيف مجنون مش أنا ٠
محمد بحيرة/ مش مجنون ،،جربى مش تخسرى حاجه٠
نزلت آيه من التاكسي وأمسكها محمد / لسه مصممه تشوفى بهاء٠
آيه/ أيوة دة حبيبى٠
محمد/ جربى الشهر مع سيف فى روما مرتحتيش مخسرتيش حاجه٠
آيه/ بهاء٠
محمد/ ماضى وأنتهى ،،،الراجل الصح يحمى ويفرح لمراته ويساعدها مش يخذلها ويهينها سيف أخر فرصة ليكى٠
آيه/ فى حياته عائشه ٠
محمد/ ماتت و شبعت موت وأنتم الأثنين عارفين حيات بعض،،أنا بشفق عليه منك ٠
آيه/ تقصد إيه!!!!!
محمد/ يكرة اليوم إللى فكر فيكى،،،بدماغك دى،،،،، يلا نرجع الفندق ولمى حاجتك تخيلى تسافري روما ثم حاوطها وركبوا التاكسي ومشيوا وعيونها هى على منزل بهاء
بقلم نجلاءفتحى عاشقةالكلمات
_____________
(فى القاهرة )
[ الهايبر ]
عصام بهدوء/ فى حاجه يا أنسه بتعيطى لية
الفتاة/ أسفة جدآ غصب عنى أزازة زيت الزيتون وقعت منى أتكسرت
العامل/ لازم تدفع تمنها
الفتاة ببكاء/ معنديش أعتراض بس هو زعقلى جامد قدام الناس بحاول أفهمه أدفع تمنها وهو مصر يهنى
نظر عصام للعامل/ الكلام دة صحيح
العامل/ الأزازة غالية ب(٤٥٠) جنيه وهى معاها( ٣٠٠ )جنيه بس
الفتاة/ قولتلك أتصل على البيت وأجبلك الفلوس رفضت
عصام / حصل خير يا أنسه
الفتاة/ خير أزاى الأرض أتبهدلت نسيت تليفونى فى عربيتى ممكن أجيبه
العامل/ عايزة تهرب
الفتاة/ أنا بنت ناس معندكش أخوات بنات😭
عصام/ شوف شغلك
البنت/ مستعده أمسح الأرض، ،حقيقى أسفة
عصام / حصل خير قولتلك ،،،،،،،أتفضلى معايا على مكتبى
الفتاة/ بصفتى إيه لاء
عصام/ متخافيش ،،أنا عصام عبدالله أبن صاحب الهايبر دة هايبر زينه ويعتبر دراع والدى اليمين هنا
الفتاة/ خلى شنطتى معاك رهن أجيب تليفونى من عربيتى وأتصل على حد يبعتلى فلوس بليييز كفايه إحراج
عصام/ الموضوع بسيط. متعيطيش، ،،، المكان مكانك مفيش أى حاجه حصلت نورتى المكان. حضرتك كنتى عايزة تشترى إيه!!!!!!!
الفتاة/ أزازة زيت زيتون للشعر ب٢٠٠ جنية
عصام / نوعها إيه
الفتاة/ *******
بحث عنها عصام ثم أعطاها لها وقال:- أتفضلى
أخرجت الفتاة مال / دول تمن الأزازاة وأوعدك أجبلك تمن إللى أتكسرت
عصام/ خلى فلوسك أعتبرى المكان بيعتذلك أن العامل زعلك شرفتينا يا أنسه
وضعت الفتاة الأزازة على الرف/ أنا مش شحاته علشان أخد حاجه ببلاش وكلمه شرف فلوس إللى أتكسرت تكون عندك بعد ساعة أو أقل ممكن أمشى بأمان ولا حضرتك تسجنى
عصام/ أتفضلى رغم مش محتاج فلوسك ٤٥٠ مش حاجه فداكى المهم أنك بخير والأزاز مش أذاكى
رحلت الفتاة ولم تأخذ أى شئ وهى تبكى،،،،،، و هو مستغرب من موقفها ،ترجل لغرفة الكاميرات وفعلا وجد الفتاة غصب عنها كسرت الزجاجة وكان ممكن تسير وتتركها والمكان خالى لكنها هى من ندهت على العامل وبلغته والعامل أهانها وسط الناس
بقلم نجلاءفتحى عاشقةالكلمات
___________________
مرت ٤٥ دقيقة وطرق باب مكتب عبدالله أو عصام أذن للطارق وجد الفتاة التى كسرت زجاجة الزيت
عصام/ فى حاجه
الفتاة/ دول ٤٥٠ جنيه تمن إللى أتكسرت
عصام/ مش بنقبل العوض
الفتاة/ أنا كسرتها
عصام بضيق/ دماغك ناشفة لية،،،، ياما حجات باظت و أتكسرت عادى
الفتاة/ بليز تاخد فلوسك يا مستر صدقنى كنت أعمل حادثة بالعربية سايقة بسرعة علشان ألحقك
أبتسم عصام / أتفضلى أستريحى
الفتاة بتوتر ملحوظ/ شكرآ معنديش وقت لازم أمشى
عصام بتعلثم/ أسمك إيه
الفتاة/ لية
عصام/ عادى نتعرف
الفتاة/ ميهمكش فى شئ ثم وضعت المال على سطح المكتب وأستأذنت ورحلت ،،،،نظر عصام للكاميرات فى شاشه الكومبيوتر حتى خرجت خارج الهايبر ،،نظر من شباك مكتبة وجدها ركبت عربيه حديثة وساقت ومشيت،،
ذهب لغرفة الكاميرات وفرغ كاميرات الشارع أمام المحل وألتقط زوووم على لوحه نمرة السيارة ليعرف صاحبتها منين ذو أسلوب راقى وهادى حتى فى عصبيتها مع العامل لم تلفظ لفظ خارج
بقلم نجلاءفتحى عاشقةالكلمات
____________
أتت الساعة الرابعة ووقت الغداء
أتجمع أفراد أسرة عبدالله حول السفرة معدآ عصام فهو يعيش مع جدته راضية
عبدالله/ الكوارع حكايه ولا العكاوى أممممم تسلم إيدك يا حبيبتى
زينه/ بألف هنا،، عيالك مش بيكلوا الاكلات دى
أنس/ مفيش أحلى من الممبار واللحمه تسلم إيدك يا ماما
عبدالله/ عصام طالع زى بيحب الأكل دة
زينه/ طلعت لماما راضية مناب عصام وهى مرضدش تاكل منه علشان تقيل عليها
عبدالله/ راضية طبخة إيه
زينه/ سبانخ باللحمه الضانى
عبدالله/ الله الله راضية مدلعة الواد عصام ،،فى العشاء خدى منها طبق ليا
زينه/ لو أتبقى حاجه منهم
أنس/ يع
عبدالله/ يع فى عينك خليك فى الممبار ،،،دة حته جلدة ياااض
أنس/ محشى لحمه
عبدالله/ مش نافع أمال عايز تتجوز أزاى لازم تاكل وجسمك يتأسس
أيهم/ نفسى أكل جمبرى
نور/ أيوة يا ماما
عبدالله بحنان لبنته/ يوم الجمعة بأذن الله يكون نتيجة التحليل بتاعتك ظهرت ،و نتغدا جمبرى برا وناخد أخوكى عصام وستك راضية
نور/ ربنا يخليك يا بابا
زينه بلجلجة/ ممكن أعمله
أنس/ مش بتعرفي أنتى تخصص أكل تقيل
زينه/ متربناش على الجمبري كل أكلنا لحوم وطيور بلدى الفراخ البيضة مش عارفتها غير لما أنت وأيهم كبرتوا وغضبتوا على الطير البلدى
عبدالله/ عادى يا زوزو فى أكلات المحالات تعملها أحسن
زينه/ قصدك طبيخى وحش
عبدالله/ الله يلعنك يا أنس. ياست الكل حد قال طبيخك وحش بس الجمبري لية أصوله
زينه بزعل/ حد يسمع كدة يقول عليا إيه معرفش أطبخ بعد دة كله مربية أربع تيران معدا نور طبيخى وحش لاء لاء زعلانه ،،مقهورة ،،ياخسارة تعبى وشقايا
عبدالله/ أستغفر الله العظيم،،،، يا بنت الحلال حد داسلك على طرف
بهاء/ من فضلك يا أمى بلاش عياط الموضوع مش مستاهل
عبدالله/ الله يلعن الحريم على الحب على إللى عايز يحب، ،دماغهم جزمه ،،قلبت القعدة الحلوة،،هو النكد فى دمك ،،أنا قولت تسلم إيدك وفعلا طبيخك حلو مجاتش على ام الجمبري
زينه/ لازم تغلط لو أنا نور وحرقت البطاطس المحمرة كنت كلتها وهى فحمه وشبعت فيها
عبدالله/ بدخلى نور لية بقا ،،طيب يا ستى أحرقى البطاطس وأنا أكلها خلاص خلصنا بقا
زينه/ لاء لاء زعلانه مهما أعمل معاكم مفيش حمد ولا شكرانية ثم تركت الطعام ورحلت لغرفتها حزينه
نور/ محصلش حاجه لكل دة
عبدالله/ أووووف أمكم اليومين دول بتتقمص مش عارف مالها
بهاء / كنت بذاكر بالليل ورجعت🤮 مرتين
عبدالله/ وأنا معرفش مقلتليش
أنس/ يمكن حامل
عبدالله/ أكتم يااااض حامل تانى أسفخص عليك وعلى فالك،،،،، أمك عدت السن القانوني عجزت
أنس/ أوووبا تسمعك يا معلم
عبدالله/ عندك حق تبقا ليله ،،،قايم أصالحها قال حمل قال يجى منين
أنس/ أمكم حامل أسمعوا منى تعبانه وبترجع وبتتعصب من أى حاجه ،،تيتا راضية قالت وهى حامل فياا أنا وأيهم كانت كدة مجنونه
بهاء بهدوء/ عيب تتكلم فى حاجات ذى دى
نور/ بابا قال ماما كبرت
أنس/ كبرت مين دة أنتى عجوزة عنها،،المعلم زانقها رايحة جايه هو عاتقها أبويا وأنا عارفة سيكوسيكو ليل ونهار مش راحم نفسه،، ميغركوش زعيقه ليها دة بيغزى العين أسمعموا منى أمكم واكله عقله حلاوة وحامل
نور بكسوف/ عيب كدة أنا شبعت
بهاء/ بابا يزعل منك طبقك مش خلص أقعدى كملى أكلك ،،وأنت محرمتش بابا ربطك على السطح يعمل فيك إيه تانى لسانك عايز قصه
أيهم/ ميقدرش يتكلم كدة قدام أبيه عصام
أنس/ مش بخاف منه
دخل عصام من باب الشقة فهو معاة مفتاح جرى أنس لغرفته وأغلق على نفسه أوضته
عصام رفع حاجبة/ الواد دة عامل عامله صح
ضحك الجميع ثم حكى له أيهم ماذا قال أنس،،ضرب عصام كف على كف وضحك وقال:- مفيش فايدة الواد مش راجع غير لما بابا يخلص علية هههههههه كلنا عارفين المعلم بيعمل مع زوزو إيه محدش يقدر ينطق هههههههه
بهاء/ لسة جاى من الشغل
عصام/ أممم،كنت عايز بابا شكله مش فاضى والصلح بياخد وقت ههههههه
بهاء بحنان/ أجبلك طبق واتغدا معانا
عصام/ دة عكاوي وكوارع وصلح يبقا أبوكم مش طالع من الأوضه دلوقتى قدامه لبكرا هههههه
نور/ ماما طلعتلك نايبك فوق
بهاء/ يتعشى بية
ثم أحضر له طبق ومعلقة وشده ليأكل معاهم
عصام/ راضية مش بتاكل من غيرى وعامله سبانخ ولحمه ضانى أقولكم أناديها وناكل كلنا
بهاء / خليك يا حبيبى أستريح أيهم نادى تيتا راضية ونزل عنها صنية عليها السبانخ واللحمه الضانى والرز عصام يتغدا معانا
آيهم/ مفيش غيرى أطلع أنزل،،
بهاء/ نور من فضلك هاتى طبق وملعقة لتيتا راضية
نور/ حاضر
بهاء/ البيت نور يا عصام
عصام/ حبيبى يا غالى
ثم سمعوا ضحكة أمهم العالية وصوتها وهى تقول بدلع العيال برا يا لهوي عليك يا عبدو أنا زعلانه منك لاء لاء أوعا أوعا
ضحك عبدالله وبهاء وتوترت نور ، لاحظها عصام ،،ربت على شعرها بحنان وقال/ عقبال متضحكى الضحكه دى وتدلعى مع حلالك مع إللى يستهلك واحد ذى أبوكى يحميكى ويحافظ عليكى
جريت نور لغرفتها من خجلها فهى تتعامل أخر العنقود رغم ترتيبها التانية فى أخواتها
بهاء/ كسفتها
عصام/ نور دى أكتر من أختى كنت بذاكر ليها وبوديها المدرسه وبسأل عليها، ،،فى عريس متقدم ليها وخايف أقول لبابا
بهاء/ رافض
عصام/ تقعد كدة ميرضيش حد تتخرج السنه وتبقا دكتورة إللى قدها فى الحارة عياله حوالين منه
بهاء/ عليك وعلى الحاجه راضية وأمى
عصام/ العريس دة مش عايزة يضيع واد هادى نفس طبعها وعارف أهله كويس
_______________
(فى السعودية )
فى غرفة آيه فى الفندق
محمد/ يابنتى أسمعى الكلام طيارتك بعد ساعتين لازم كنتوا فى المطار
آيه/ أعمل إيه فى روما مقدرش أقولك سر أخته بهدلها ،،أكيد أبقا زيها
محمد/ هى مطلقة وعملت حادثة وشالت الرحم وفاقدة الذاكرة ملوش علاقه هو بدة
آيه/ هو قالك كدة
محمد/ أممم فى حاجه تانية معرفهاش
آيه بكذب/ لاء هو كدة ،،،خايفة أوووى ،،روما يعنى لوحدى
محمد/ شهر يعدى وأوعدك أكون معاكى على النت
آيه/ وصلنى لهناك
محمد/ مينفعش
طرق سيف الباب وأدايق بوجود محمد معاها / يلا
تنفست آيه وحضنت محمد وكانت مثل الطفلة التى يأخذوها لمكان غصب عنها تحمل هذا سيف حتى تكون معاة للنهاية
بقلم نجلاءفتحى عاشقةالكلمات
______________
(فى القاهرة)
بهاء/ الشاى يا والدى٠
عبدالله/ الله يرضى عنك، ،جه فى وقته
عصام/ شكرآ ٠
بهاء/ العفو ، ماما نايمه٠
عبدالله بتوتر / لاء مريحه شويه ٠
أنس بخبث/ صالحتها كانت زعلانه٠
عبدالله/ أممممم٠
أنس/ مريحه ليه أدخل أناديها تعملى عصير جوافة باللبن٠
عبدالله بأنفعال/ مكانك يا أبن ****** محدش يدخل الأوضه هى تخرج لوحديها ٠
بهاء / أنا أعملك العصير ٠
عبدالله/ ربنا هيكرمك يا بنى علشان شايل البيت مع أمك وبتساعدها٠
أنس بسخريه/ بهاء لهلوبه، ،،بيغسل المواعين وهدوم وسجاد ويشيل مراتب أنسان آلى خارق وميقلش لاء أبدآ
عبدالله بضيق/ ميت مرة أقول أخواتك الكبار ميتندهوش بأسمهم أسمه أبيه بهاء أو يا بشمهندس حاسس بأمه البيت كبير ويساعدها أنت بقا بتعمل إيه أبن **************٠
عصام/ بابا فى حاجه عايز أكلمك فيها٠
عبدالله/ لو مشكله أجلها أمك زحمه دماغى وجسمى مدغدغ عايز أريح ٠
بهاء/ سلامتك تعبان نروح للدكتور ٠
أبتسم عبدالله/ شويه تعب ويروح بكرا تتجوز وتفهم يا حبيبى٠
أنس بخبث/ أنت كويس تعبت فجأة كدة أظاهر الصلح يشل الركب٠
عبدالله/ شكل فى ناس تتعاقب تانى المرادى تنظف الحمام 🛁 بلسانك يا ***
أنس/ 🛁 حمامنا نظيف أصلا
عبدالله/ عارف أمك نظيفة،،أحكم عليها أسبوع مش يتنظف وتنظفه بلسانك
أنس/ هو لسانى مساحة وشرشوبه
عبدالله/ أمشى يا أبن ال🐕من قدامى لما تحترم قعدة الرجاله تقعد فيها غووور ذاكر٠٠٠ تركهم أنس متعصب
عصام/ بابا ،،،،،،، ثم حكى له موضوع الفتاه التي كسرت زجاجة الزيت
عبدالله/ موقف عادى
بهاء/ أخدت نمرة عربيتها ليه
عصام / مش عارف،،
بهاء/لسه فى بنات محافظة على التقاليد
عبدالله/ يعنى إيه
بهاء/ رفضت تقعد وتضايف وتقولك أسمها ،،تبقا من بيت أصول وفى عصبيتها لسانها مؤدب تبقا بنت ناس ومن بيت أحرار شرفاء ميقبلوش ياخدوا حاجه ببلاش بنت شبعانه٠
عبدالله/ عادى صدفة،،،برضو المطلوب إيه٠
عصام بلجلجة/ عايز أعرف بيتها وو يعنى أقصد ٠
أطلق عبدالله دخان من الشيشه/ بتقطع لية قول على طول عايز إيه ٠
شرب عصام رشفة من الشاى وتعلثم فى الكلام وقال:- أتجوزها ٠
ضحك عبدالله/ كل دة ههههههههههههه أشمعنا السنيورة
عصام/ بنت عصفورة كدة أنا بتعامل مع حريم وبنات بحكم الشغل وبشوف كتير لكن دى مميزة طرقتها فى الكلام عياطها ذى نور حتى عنادها وأصرارها على شئ ذى ماما٠
عبدالله/ محدش ذى أمك وأختك٠
عصام/ عارف بس دة أنا حسيته٠
عبدالله/ أنا عمرى مقلتلك أتجوز علشان مستحيل أغصب عليك واحدة ولا أنت ولا أخواتك بس أفرد مرتبطه تعمل إيه فى فرق بين الإعجاب وبين أنك تختار واحدة تأمنها على شرفك قبل مالك وأسمك إللى تختارها مش تطلقها ٠
بهاء/ والدى عندة حق ٠
عبدالله/ أوصفلى شكلها٠
عصام/ مش بيضة سمرا شويه أقصد خالص ٠
عبدالله/ يا ساتر لية يابنى ٠
عصام/ ملامحها صغيرة وهادية وأسلوبها راقى ودى يهمنى٠
بهاء/ الشكل بتاع ربنا المهم لابسها٠
عصام/ عادى بنطلون ضيق وعلية فست طويل وحجاب ذى البنات ميفرقش معايا هدومها هى حرة فى بيت أبوها المهم فى بيتى٠
بهاء/ الجواب يبان من عنوانه بابا قدامك حريص على ملابس أمى وأختى والبنت اللي من بيت محافظ تحافظ على بيتها وتصلح حال زوجها لو فاسد أنما الدلع المفرط والحريه بزيادة تخرب حياتك٠
عصام بضيق/ كل واحد وتفكيرة يا شيخ بهاء٠
عبدالله نثر دخان الشيشة فأولادة يتحدثون بعقل رغم أختلاف الأراء فى بعض النقاط لكنه سعيد ،،،الله رزقه بأولاد يعتبرهم أخوة ٠
عبدالله/ أدى نفسك فرصة أسبوع جايز إعجاب ولو ربنا رايد تكون بتاعتك هتلزق فيك مهما منعتها. بس سودة صعبه يبنى مطلبتهاش جملية لكن على الأقل مقبوله الملامح٠
عصام/ شوفتها جميله فى عينى ٠
عبدالله/ إللى عندى قولتله،،وأنت شوفلك واحدة٠
بهاء/ أنا لسة بدرس٠
عبدالله/ الزمن بتاعنا زمان إللى قدك عياله فى المدرسة ،،،أنت هتتخرج السنه الجاية بأذن الله شفلك بنت ولو موضوع أخوك تم فرحكم فى يوم واحد خلينا نخلص ٠
بهاء/ مش بالسهوله دى يا والدى ناوى بأذن الله أدرس دبلومات وماجستير ودكتوراة فى مجال الهندسه ٠
عبدالله بعدم فهم / فى دراسه بعد الجامعة٠
بهاء مراعى ظروف أبوة/ أيوة يا والدى ٠
عبدالله/ أدرس وأنت متجوز ٠
بهاء/ صعب٠
عصام/ مش صعب هو أنت واحدة ملزوم منك طلبات البيت والزوج لاء فى البيت ذاكر وهى لو بتحبك توفلك الجو
المناسب٠
بهاء/ أتخرج من الجامعة وربنا يسهل٠
عبدالله/ لو محرج أمك وستك موجودين ينقوا واحدة ،، عايزها متعلمه ولا معاها دبلوم يا بشمهندس دة أقل حاجه٠
بهاء/ العلام مهم علشان تذاكر لأولاد وواجهة أجتماعية لكن عايزها ست بيت ذى ماما شاطرة و خريجة جامعة انا مهندس برضو وأهم حاجه بتحب قاعدة البيت ،،،ماما دى عظيمه جدآ ضحت بمستقبلها علشانا جميلها يتشال فوق الرأس العمر كله٠
عبدالله بين أنسانه / بتاخد مرتب أضعاف مضاعفة منى بسبب الحكاية دى ٠
عصام/ أنا عكسك عايزها تشتغل٠
عبدالله/ كل واحد لية دماغ غريبه يبقا على بركه الله أخلى أمك تدورك على واحدة يا بهاء بمواصفاتك
وأنت يا عصام ركز مش سهل تخطب واحدة وتعلقها بيك وتسيبها بنات الناس مش لعبة إللى متقبلهوش على أختك متقبلهوش على بنات الناس٠
عصام/ السكن يا والدى أكيد مش أسكن مع راضية٠
عبدالله/ أتجوز أنت وراضية غضب عنها تنزل تعيش معايا ماهو فى الأول والأخر بيتها محدش ينكر دة وأمك تتمنى تعيش معانا٠
بهاء/ تيتا بتحب الهدوء وأنس كارثة٠
عبدالله/ الله يهديه٠
عصام/مش عارف أدور على سكن برا٠
عبدالله/ محدش فيكم يطلع برا البيت دة ، العروسه الأول والسكن سهل ،،،،،،،أعمل حسابك بكرا تجيب نور من الجامعة ،فى صبى عندى فى الدكان يعمل عملية لازم أبقا جنبه٠
عصام/ أوصلها الصبح كمان٠
عبدالله/ أنا فاضى الصبح أوصلها
،،، السنه الجايه بأذن الله هديه تخرجك من الكليه عربية ذى أخوك عصام
بهاء/ مينفعش هديتى دلوقتى
عبدالله/ لاء ،،،
عصام/ يبقا نور عربيتها السنادى
عبدالله/ أهبل أخلى أختك تسوق عربية طب أمك علشان دكتورة وواجهة أجتماعية غير كدة ملهاش ببقا مرعوب وهى سايقة مطلعهاش فى راس أختك العربية لااااااء
_______________
وصلت آيه لقصر فخم جدآ فى روما وطول الطريق متجاهله سيف الذى يعاملها ملكه بالاهتمام وطريقة الكلام ليس دلع لكن أسلوب الحوار يدل على الرقى،،غير الطائرة الخاصة الذى أستأجرها ليهم فقط وضع غريب لديها ،،،فتحت لهم باب القصر بنت ترتدى ذى الخادمه باللون الأسود عبارة عن قميص أبيض وتنورة سودة وقطعة بيضاء تربط على الخصر للزينه ولا تضع مكياج ٠
سيف/ أوضتك دى مؤقت لحد مجهز غرفتك
آيه بتعلثم من الأنبهار/ مليش أوضه فى البيت دة
سيف/ أجهز هدومك
آيه/ مش لازمه ممكن أقعد مع سمر
سيف/ وهدومك
آيه / معايا
سيف/ مش باخد رأيك
آيه بتوتر/ مفيش مقاسى بفصل
سيف/ فى خياطه فى أكبر بيت أزياء هنا فى الطريق ووتاخد مقاسك وهى تتصرف بتعامل معها لسمر
آيه/ دة شهر مش كتير وفر فلوسك
سيف بتجاهل/ كلمتى تتنفذ البيت بيتك مش عجبك الأوضة أختارى أى أوضه ok ،،، عن أذنك محتاج الحمام ثم صعد للدور العلوى لغرفته٠
تنفست هى بهدوء تشعر براحه رغم كأبه المنزل ونظافته كل شئ يلمع وجميل وبراق لكنه حزين ينقصة روح البسمه هل هذة صحارى مهلا الصحاري بيها حياة ،،لفت نظرها سيف لم يتعامل مع الأنثى وشركته للذكور فقط وداخل المنزل كله فتيات هل ذو شخصية أزدواجيه أم ماذا!!!!!٠٠٠
ترجلت للغرفة التى أشار إليها فيها وأتسعت عيونها ما هذا الجمال أمتزاج بين اللون الأبيض والذهبي فى كل شئ جريت للشرفة وأبتسمت الفيو أشجار كتير أو غابه خضراء على مدد النظر لم تعلم أنها فى مكان نائى لا تنكر عجبها المنظر أووى وكالعادة حب الفضول يقتلها أخذت تبحث فى كل شئ بالغرفة مجرد أثاث فارع لا يوجد بيه أشياء ،،على الجانب الأخر يجلس سيف فى غرفته يراقب حركتها من خلال شاشه اللاب توب،، فهو مراقب القصر على اللاب توب والتليفون المحمول، ،وهذة المعلومه لا يعلمها حتى الخدم
______________
(فى القاهرة)
عبدالله/ أنس فين٠
زينه/ بيحلق شعرة٠
عبدالله/ لما يجى أبعتيه لمحل العطارة عايزه٠
زينه بخضة/ تعمل فيه إيه٠
عبدالله بسخريه/ مش أقتله ننوس عين أمه جرا إيه يا مرااااااااا،،دة أبنى٠
زينه/ أشمعنى أنس من الموضوع إياه حطه فى راسك ٠
عبدالله /سلام يا جشطه ،،،،،ثم ألقى لها قبله فى الهواء وتركها تشطاط غضبآ ٠
زينه/ ماشى يا أبن راضية كبرت وأتعلمت اللؤم عليا ٠
بقلم نجلاءفتحى عاشقةالكلمات
__________
فى محل العطارة كان عبدالله يتابع الشغل كأنه شاب ويعمل بإيدة ويشيل أشوال التوابل وهذا يعصب زينه وراضية تخشى علية من الحسد
أنس/ بابا
أنزل عبدالله شوال الكمون الحصى الذى يزن( ١٠٠) كيلو من على كتفه لأرض وجفف عرقة فى قماشة موضوعة على سطح المكتب وضيق عينه وقال/ أمسح شعرك علية كريم ولا بويا
أنس/ كريم إيه! وبويا إيه!!! دة صبغة
عبدالله بعدم فهم/ صبغة فى صبغة بيضا
أنس/ رصاصى عامل شعرى خُصل رصاصى
عبدالله بين أنسانه/ يا حبيبى لونت شعرك وياترى عملت حلاوة ولا لسه
أنس/ أنت عارف دى بكام
عبدالله/هو أنت تعبان فى الفلوس ،، ثم أمسك شعرة وتركه وقال/إيه الأرف دة
أنس وهو يضبط شعرة/ أستشوار
ياريتك يا أبويا كنت عايش وشوفت حفيدك خنفس
أنس/ يعنى إيه
عبدالله/ فى حد عاقل يعمل شعرة لونين بتبوظ شعرك لية دة نور البنت مرحتش كوافير لحد دلوقتى
أنس/ الموضة
عبدالله/ المرة الجاية أخرم ودنك وشق لسانك ثم انتية أن أبنه موشوم على رقبته لا يهتم بالمكان وأمسكه من ملابسة وقال:- دة وشم
أنس/ تاتو مؤقت
عبدالله/ ليييييييه على أيامى الموشوم بتاع سحر ودجال
أنس/ يا بابا خليك متحضر
عبدالله/ تصدق يا عر* ،،،،أنت الوحيد فى أخواتك كفرتنى فى عيشتى ٠ بتكلم بهدوء رجع شعرك وشيل الوشم ،،،لو مت دلوقتى جسمك مش داخل الجنه أحنا مش بتوع وشم ولا تاتو دة أمك إللى هى أمك على أيامها رسم الحنه رفضت جسمها حد يشوفة ولا يشخبط علية وأهى كانت عروسة وعادى والحنه مش حرام
أنس/ بصراحة كدة الوشم بيضيع بعد شهر
عبدالله/ مش أكلمك عارف لية علشان أمتحاناتك بعد أسبوع وأمك تعملى مناحة لو قربت منك دلوقتى
أنس بضيق/ كنت عايزنى فى إيه
عبدالله/ كنت عايز أنس أبنى الراجل مش ال**** أسمع ياااض أخر يوم فى أمتحاناتك تخلص وتجى على المحل هنا
أنس/ أكيد علشان أخد فلوس وأتفسح أنا وأصحابى دة أحنا نخرب الدنيا طرش
عبدالله/ طرش ترجع ياتك الأرف رجع برا المحل الزباين تقرف
أنس/ أوووف طرش يعنى جامد
عبدالله/ الله يلعن أبو تربيتك على جيلك وملافظك السودة غور من وشى قفلتنى منك
أنس/ عايز ٥٠٠ جنية وأغور
عبدالله/ بتوع إيه
أنس/ تمن المراجعة فى الدرس العربى
عبدالله/ أتفضل على الله يطمر
أنس/ وأيهم
عبدالله/ أوعا تقول الواحد ب٥٠٠ جنية
أنس/ أيوة ولسة باقى المواد
عبدالله/ حار ونار فى المدرس الراس ب٥٠٠ ،،،،ثم لاحظ عيون أبنه مع زبونه ،ضربه على قفاة وقرصة من ودنه وقال/ دة مكان أكل عيش يا نجس ،،،،غور على البيت
فر أنس متألم ،،،جلس عبدالله على كرسى مكتبة ينهش القلق قلبه يخشى أبنه يضيع ويضيع سمعة أخواته الكبار أتت فكرة يجوزه لكى يحميه لكن هو فى الصف الثالث الأعدادي رغم طويل لكنه مازال صغير، ،
وبالتالي ذهب أنس للمنزل وعندما وجد انبهار زينه بما فعله تشجع وغلط فى أبوة وتعصبت زينه وقالت/أزاى يهينك فى الشارع
أنس/ مش عجبه شكلى
زينه/ دة قمر دة عسل ياخراشى يا ناااس دة أنا مخلفتش غير أنوس حبيب قلب ماما ولا يهمك منه هو أداك فلوس
أنس/ أيوة ١٠٠٠ جنيه تمن مراجعة العربى أنا وأيهم ورفض يدينى مصروف
زينه/ ولا يهمك أبوك دقه قديمه أستنى ،،ثم دخلت غرفتها وخرجت منها تحمل مال وقالت:- خد دول انت وأخوك سامع أيهم معاك وأوعا أبوك يعرف فى يوم بديكم فلوس
أنس/ عيب عليك يا صاحبى
زينه/ قولى بقا يا قلب ماما لسة على علاقة بالبنت إياها
أنس بتهرب/ مين دى
حاوطته هى من كتفة/ إللى أتربطت على السطح ليله كامله ولحست علبة البط وزحفت علشانها
أنس بكذب/ من زمان
ألتقطت زينه خصله من شعرة تلعب بيها/ ياخسارة كنت عايزة أتعرف عليها أشوف لو أنوس حبيب قلب ماما عايزها ويحبها أجوزهاله
أنس بأمل/ بجد يا ماما
زينه/ أةةةة طبعآ بس يخسارة أنت سبتها
أنس بتسرع/ عبيط أسيبها دى جامدة فرتيكه جسم ناااااار على البرااااااد
تحكمت زينه بغضبها وأضهرته بضحكة( أعطته الأمان ) وقالت:- قولى يا أنوس بتحبها أوووى
أنس/ أكيد
زينه/ تعمل إيه لو نور أختك إللى تتخرج السنه وتبقا دكتورة عارفت شاب باسها وحضنها
أنس بحميه الشباب/ أقتل إللى يقرب من أختى
زينه/ طب لو بموافقة من أختك منظرك إيه
سكت أنس ولم يرد
قشرت زينه موزة وقطمه قطعة ثم وضعت قطمه داخل فم أبنها وقالت:- تعمل إيه لو صاحبك باس أختك وماشي معاها أصحابك يقولوا عليك إيه وعليها
سكت أنس ولم يرد
زينه/ مسألتش نفسك أبوك مانع أى حد من أصحابه أو المعلمين فى السوق أو أصحابك وأصحابك أخواتك يدخلوا البيت لية
أنس/ علشان أنتى ونور
زينه/ حلو، ،،،، مع أنى دكتورة وأختك كمان وبنتعامل مع رجاله ،،،فى حاجة أسمها الأصول ،،الشرع ،،الدين ،،،،التقاليد ،،،،
على رأى أبوك البنت لو ليها أهل كانوا نفخوك ذى العجله ومحدش يقدر ينجدك منهم،،،،، يابنى أبوك أكبر منى وأخواتك لما يتجوزا يختاروا بنات أصغر منهم عارف فى الكوشه الناس تقول إيه من همه خد واحدة قد أمه يعنى كبيرة ،،،وممكن تلاقى واحد وهى جنبك عروسه يقولك عروستك مشيت معايا وعملت وعملت، ،،يا حبيبى إللى تسمح لشاب يتعدى الخط معاها تبقا ولا بلاش أنت فاهم قصدى لكن دى سمحت تحضنها وتبوسها وأكيد بتاخد فلوسك وأنت مصروفك على قدك دى بتتسلى بيك لو أتجوزتها مش بعيد ترسم على أيهم مرة على عصام مرة أو بهاء وتوقعكم فى بعض ،،،،، معنديش مشكله عايز تتجوز أنا فاهمه كبرت بدرى هرمونات صدقنى انت فى مرحله خادعة يا قلبى منكرش شعرك حلو عملته مرة مش تتكرر أحنا مش بتوع صبغة ولا وشم ومتزعلش من أبوك نلتمس ليه العذر خايف عليك المرادى تاتو المرة الجايه وشم مش بيطلع غير بمايه النار ويشوه مكانه أنت راسم عقرب 🦂 دى بدايه لطريق خطآ يا قلب أمك
أنس/ عايزة أتجوزها دى صاااروخ يا ماما وعندها ثم سكت
زينه فهمت أبنها يتعامل مع الفتاة كأنها لعبة يريدها فقالت / صاروخ أوصفهالى كدة جايز أقتنع وأجوزهالك
أنس بتهرب/ والغدا
زينه/ الفراخ فى الفرن وباقى الأكل خلص ،،متهربش يا أنوس يا صغنن أوصف البنت وكنت بتتقبلوا فين وأسم مدرستها إيه يا قلبى
أنس/٠٠٠٠٠٠٠٠٠٠٠٠٠٠٠٠٠٠٠٠
عزيزى القارئ أسلوب زينه أفضل مع أنس ولا عبدالله!!!!!!!!!
______________
(أتى وقت العشاء فى روما)
سيف/ نادى آيه هانم
الخادمه/ حاضر
أتت آيه بنفس الملابس الخاصة بيها يبدو لم تبدل ملابسها وجلست أمام سيف على الطاوله التى تتكون عددها من ١٢ كرسى وأشهى المأكولات الشهيه يسير لعابك عليها فقالت/ فى عزومه
سيف/ لاء
آيه/ السفرة علينا أنا وأنت وبس
سيف/ أمممم
آيه/ أختك
سيف/ بتنام من الساعة ٦ مساءآ
آيه/ بدرى كدة
سيف/ أفضل ليها
آيه/ الأكل كتيييييير
سيف/ متعود على كدة من وأنا صغير
آيه/ دة أنت أبن عز بقا مولود فى بؤك معلقة دهب
سيف/ أمممم
آيه/ بقيت الأكل بيروح فين
سيف/ ميهمنيش أعرف
آيه نظرت للخادمه السمراء/ الأكل بيروح فين
نظرت الخادمه لسيف ولم تنطق فقال:- هنا محدش يقدر يتكلم غير بأذنى ممنوع الأختلاط بالخدم غير بأذنى
آيه بأنفعال/ ليه فى سجن ثم أعتدلت فى وقفتها
سيف/ أقعدى
آيه/ أشبع لوحدك بوليمه أبو لهب دى وتجاهلت ندائه عليها ورحت لغرفتها
تعصب داخليآ ثم أمر الخدم يشيل الطعام من أمامه،،،،،أخرج هاتفة يتابع حركاتها داخل غرفتها
يشعر الطريق صعب لكن لم يبالى
____________
(فى السعودية )
بهاء/ قولتك مفيش حاجه ٠
زوجته/ فيك إيه ريح بالى عارفة من يوم معرفتك بأعمال أختك حياتنا جحيم أنا مليش ذنب ٠
بهاء/ آيه عايشة٠
زوجته/ عارفت منين٠
حكى ليها سيف ما حدث
زوجته بتعلثم/ عايزها
بهاء/ مبقاش ينفع هى أقصد مليش حظ تخيلى واحدة مجنونه زيها توصل لمنصب أنا مش وصلته القيادات هنا تكرمها وأنا لاء
زوجته/ أنت أتكرمت فعلا
بهاء/ شهادة ورقية فقط ملهاش أى تلاتين لازمه ،،أنما هى درع وشهادة فخمه معدن وفلوس وترقية، ،دول عرضوا عليها تمسك منصب فى البنك الرئيسى
يعنى رئيستى القائد بتاعى كل دة لوحدها مش معاها حد لو كانت مراتى لحد دلوقتى ثم سكت
زوجته بحزن/ كانت بقا واجهة ليك يا حضرة المحاسب أنما أنا جهله معرفش الألف من كوز الدرة
بهاء/ متزعليش منى تعبان جوايا
زوجته بحب/ قول إللى وجعك ،لو عايز آيه وهى هنا فى السعودية أتجوزها
بهاء/ وأنتى
زوجته/ إللى تعرف واحد زيك متعرفش غيره عايز تطلقنى أرجوك خلينى على ذمتك علشان خاطر بنتى كدة كدة عايشين أخوات بسبب أختك أنت بتعاقبنى على شئ مليش يد فيه
بهاء/ بفكر أبعد زينه فترة عنى
زوجته/ توديها فين روحك فيها
بهاء/ لازم أحافظ عليها فترة خايف أقولك أنزل من نظرك
زوجته/ للدرجادى مش واثق فيا يا أبن عمى اعتبرني صحبتك بلاش مراتك دة أنت أول حب وراجل فى حياتى يا بهاء
تنهد بهاء أمسك إيدها وأجلسها أمامه على حرف السرير وقال/ أحكيلك كل حاجه جايز أرتاح
عزيزى القارئ
كيف تتقبل زوجته أعتراف زوجها؟
هل تربيه زينه مع أنس أفضل أو عبدالله؟
رأيك فى أولاد عبدالله وطريقة تفكيرهم ؟
هل عبدالله يوافق على زواج أبنتة؟
والسؤال الأهم عايشين الأحداث خلاص عائله عبدالله جزء من حياتنا لازم تخترق خصوصيتهم ونزورهم،،،