رواية هل لنا لقاء الفصل الثامن8بقلم احمد محمود
ـ عشان ده واحد كداب اغلب الشباب بيخشوا ع البنات دخله زي دي دلوقتي وبتاكل معاهم ، حتي لو خلتيه يكلم امك بردو كداب
ـ لا ، محمد مش كداب ، وبعدين بتقول عليه ليه كده اصلا
ـ انا قولت عليه ايه ، انا قولت عليه الصح
ـ لا مش كداب ، وهو شخص كويس ، انت اللي بني ادم مريض وعندك عقده نفسيه شكلك مبتفهمش
ـ تمام ، شكرا ليكي
= سلام
ـ خد هنا ، رايح فين
ـ مش انا بني ادم مريض وعندي حاله نفسيه ، خلاص بقي فكك مني
ـ ايوه لان كل ما اقولك تقولي بيكدب
ـ بقولك ايه ، انتي سالتيني ع حاجه ، وبما أن سمعت منك اللي حصل حكمت بده وانا مش غلطان ع فكره
ـ ازاي بقي طب فهمني واحده واحده
ـ افهمك ايه ، وانتي اللي ف دماغك ف دماغك ، مش هتقتنعي باللي هقوله
ـ لا هقتنع بس فهمني ، وانا اسفه حقك عليا والله مقصدش
ـ تمام حصل خير
ـ تمام ، قولي بقي اعمل ايه ؟!
ـ بصي يستي ، اي راجل لو مش شاري ، لازم تزنقي عشان تعرفي ديته ايه
ـ تمام ازنقه ازاي بقي ياعم احمد وهو بيقول لماما أنه ظروفه زفت
ـ بسيطه مدام هو فتح الموضوع يعني داخل جد ، ومدام داخل جد يبقي ع العين وع الرأس
ـ مهو انا بقول كده بقي ، ازاي مش داخل جد ، وازاي طلب أنه يتقدم
ـ انتي لما دخل كلمك عملتي معاه ايه ؟!
ـ ارن عليك احسن عشان انا مش هعرف احكي شات ماشي
ـ تمام ماشي
ـ ثواني وهرن عليك
بعد مرور دقايق
اتكلمت بنبره فيها توتر ـ الو
ـ الو
ـ عامل ايه
ـ الحمدلله بخير ، انتي عامله ايه
ـ الحمدلله بخير طول ما انت بخير
ـ تسلمي ياصغنن
اتكلمت بطريقه طفوليه ـ انا مش صغنن ، بس احم عادي منك حلوه
ـ ماشي يا نونه ، قوليلي بقي عمل ايه الواد ده
ـ دخل كلمني ، قالي وحشتيني ، وقالي غصب عني والله الظروف وباباه كان تعبان اووي برغم أن كل شويه خناقه معاه ويضربه ويشتمه ، وكمان يهينه قدام اخواته ، انت معايا ؟!
ـ اه كملي
ـ قعد يقوله انت ليه بتعملني كده. ،انا مش وحش ، قاله انت ابن معاق ، الصراحه زعلت اووي عليه
ـ ربنا يهديه ويصلح حاله
= اه المهم ، وانتي لينتي معاه ع طول شكلك
ـ بالعكس لنت بس كنت قويه شويه معاه ، وقولتله ده مش سبب أنك تبعد فجاه ومعرفش عنك حاجه
= قالي والله الفون اتكسر ف اضطر أنه يشتغل مع جوز أخته زي ما قولتلك ، فجاه لقيته بيقولي ، مامتك جمبك ، قولتله ليه ؟! قالي ادهاني عايز اقولها ع حاجه
اديته امي لقيته فجاه قالها كده ، انا اتصدمت منه حقيقي لانه لقيت كلم امي ، بس قالها أن عنده ظروف وكده
ـ ورد امك ايه
ـ مش مصدقاه ، قالتلي هنديله فرصه يمكن يطلع راجل
ـ يارب يطلع قد كلمته ، بس حاولي تقللي معاه كلام
ـ موعدكش ، اصل .. احم ، وحشني اووي
رديت عليها بابتسامه ـ ماشي يستي روحي كلميه
منه بفرحه ـ ماشي ، وانت هتعمل ايه كده
ـ عادي قاعد هعمل ايه يعني
ـ يعني مفيش موزه ولا حاجه
ـ لا والله مفيش حنط خلاص قاعد موريش حاجه
ـ ليه مرتبطش قبل كده
ـ لا ارتبط بس من فتره سايبين بعض
ـ طب تديني رقمها اكلمها واعقلها ترجعوا لبعض تاني
ـ معدش ينفع خلاص
ـ ليه كده ؟!
رديت عليها وانا كلي حزن ـ اتخطبت خلاص
ـ اممم ، ربنا يعوضك باحسن منها ، طب هي كانت كويسه
ـ كانت جميله جدا ، ومحترمه اووي ، كانت دايما مقدراني ف غيابي قبل حضوري كمان ، كنت بشوفها مبشوفش غيرها ، وهي فعلا حبتني ، لان لقيت ده
ـ وايه اللي خلاها تتخطب مدام كانت بتحبك
ـ ابوها غصبها ع الموضوع ده
ـ اممم ، غريب الحب والله
ـ هو مش غريب شىء جميل ، بس عارفه ، أهل الحب صحيح مساكين ، متقالتش من فراغ ، مين مسرحش ف اللي جاي واللي فات بسببه ، مين متوجعش وسهر الليالي يفكر ف جرحه
منه بضحك ـ عندك حق والله ، بس عادي ننام
ـ اكيد ف نوم ، بس قوليلي ازاي بس هيجي النوم للي شاف عشق السهر
منه باستعجال ـ عندك حق ، هستاذن هروح أكلمه عشان رن عليا كتير
ـ تمام ربنا يسعدكوا
ـ امين يارب
ــــــــــــــــــــــــــــــــــــــــــــــــــــــــــــــــــــــــــــ
قفلت معاها ، وقعدت انا اقلب ف الفون شويه ، بنت جميله بردو وذكيه شويه ، بس طيبه القلب ، بس لو لسانها الطويل ده يهدي شويه ، هيكون كله تمام ، استغربت من أمرها الصراحه ازاي الشاب عمل فيها كده ، ورجعتله بكل سهوله ، غريب الحب ومين فاهمه ، خلينا متفقين لو كان معانا أو قبلنا ناس منصفين كنا هنبقي ف حته تانيه خالص ، بس ادينا بناخد دروس وبنتعلم منها
ــــــــــــــــــــــــــــــــــــــــــــــــــــــــــــــــــــــــــــــ
ـ احمد الحقني
ـ ف ايه ؟!