بسم الله توكلت علي الله. وهو رب العرش العظيم
في الحلقة اللي فاتت. افكركم بيا انا توبه اللي انذبحت امها علي ايد جدي وانكتبت باسم راجل غريب عني وبعد سنين طمع في جسمي وكان عايز يتجوزني او اما اسيب البيت وامشي. وقال حجاج وهو فاتح باب الشقة وواقف قدام الباب.
قولتي اية تعيشي معايا مراتي. ولاتخرجي من الباب دة
فتبص له توبه وتبص للباب المفتوح ومابقتش عارفة تعمل اية فيشخط فيها حجاج ويقول
انطقي
توبه وهي بتعيط
اروح فين بس انا ماعرفش حد غيرك
حجاج
وانا كمان ماعرفش حد غيرك. بس حلو اوي لغاية كدة كبرتك وصرفت عليكي بدل الجنية الف. مش من حقي بقي اتمتع بالزرعه اللي زرعتها يبقي في بيتي شجرة تفاح زيك وماكلش منها دة حتي يبقي حرام
توبه
وانا مش هتجوز اللي عيشت معه كل السنين اللي فاتت وبقول له يا با
فيمسكها حجاج من ذرعها ويحدفها برة الشقة وهو بيقول
يبقي ما عطلكيش
ويقفل الباب في وشها فتعيط توبه وتقول
طيب اديني العباية بتاعتي استر بيها نفسي.
فيدخل حجاج لاوضة توبه ويجيب العباية بتاعتها ويفتح الياب ويحدف العباية في وشها فتلبس توبة العباية والتحجيبة بتاعتها وتخرج من البيت وهي مش عارفة تروح فين. وتمشي توبه في الشارع زي العيلة التايهة من اهلها. لغاية ما وقف قدام منها توك توك وكان جوة منه شاب وسيم في العشرين من عمره. اسمه اشرف بص لها وقال
ما تيجي
بصت له توبة وخافت ومشيت بعيد عن التوك توك لكن اشرف راح لها تاني بالتوك توك وقال لها
انتي خايفة لية كدة
ماردتش توبه وفضلت تسرع من خطوات رجليها لغاية ما اقرب اشرف منها ومد ايدة ومسك ذرعها واترعبت توبه وقالت وهي بتعيط ودموعها علي خدها
ابعد عني الله يستر عرض ولاياك
هزت الكلمة اشرف وساب ذرعها وقال لها
باين عليكي غلبانه. طيب اية اللي نزلك الشارع في ساعه زي دي
توبه
الله يخليك سيبني في حالي وابعد عني
اشرف
طيب احكي لي ممكن اساعدك
توبه بانهيار
مش عايزا حد يساعدني ابعد عني.
ومشيت توبه واشرف بيبص لها وهو مش عارف اتشد لها لية وسابها تمشي وفضل يرقبها من بعيد لغاية ماراحت للرصيف وقعدت عليه بتفكر تعمل اية وكانت بتقول لنفسها
مش هاتعرفي تعيشي في الشارع يا توبه. وكل اللي هايشوفك لوحدك هايطمع فيكي. وهاكل واشرب منين ولو حتي اشتغلت هاسكن فين. شكلك كدة يا توبة ملكيش مكان. الا المكان اللي في جوزي حجاج
ومسحت توبه دموعها وقامت ورجعت الشقة وخبطت علي باب الشقة وفتح حجاج وبص لها بشماته وهو بيقول
بسرعه كدة. دة انا قولت ان فيها يومين علي الاقل لغاية ما الجوع والبرد يعلموكي الادب
توبه قالت والكلام بيطلع منها غصب عنها
هاعيش معاك انا ماعرفش حد غيرك
فيوسع لها وتدخل توبه ويقفل حجاج باب الشقة ويبص لها وهو يقول
عين العقل يا بنت عبلة
ودخلت توبة علي اوضتها وحجاج ورئها فبصت له وقالت
رايح فين بس
حجاج
اية يا بت مالك
ويلف حجاج ايدة حوالين وسطها وهو بيقول
انتي مراتي خايفة لية كدة
توبه وهي بتبعد ايد حجاج عنها
لا. انا مش مراتك واللي انت عايزه دة مش هايحصل ابدا في الحرام
حجاج وهو بيلف ايدة تاني
ما احنا هانتجوز بس لما اغير اسمك
توبه
وغلاوتي عندك يا با. بلاش والنبي اللي انت عايز تعمله دة
حجاج وهو بيلف ايدة بقوة وبيرمي توبه علي السرير
ابا. اية بس قولي يا حجاج. يا بت انا جوزك.
وطفي نور الاوضة وصرخت توبه صرخة طلعت بحرقة وهو حط ايدة علي بوقها وخد منها بالغصب اللي مش من حقة، ،،،،،،
وطلع النهار وكانت توبه قاعدة بتعيط طول الليل علي السرير وبتبص لحجاج اللي فتح عيونه وبص لها ولقاها بتعيط فقال لها
صبحية مباركة يا عروسة
بصت له توبه وهي ساكتة والقهر مالي قلبها وبصت لشرفها اللي اترمي علي سريرها وسط الليل الحزين. وماكنتش طايقة جسمها وقالت له
انت هاتتجوزني النهاردة صح
حجاج
ماتبقيش زنانه. بقي مش قولت لك لما اغير اسمك الاول علشان اعرف اتجوزك. ويالا قومي اعملنا فطار
وقامت توبه وبقيت تجر في رجليها جر ودخلت الحمام تاخد دش وتنزل الهم عن جسمها ولبست عبايتها وخرجت من الشقة وراحت المطعم تجيب فطار زي كل يوم واول ماشافها صاحب المطعم. قال
زي كل يوم
توبه
زي كل يوم يا عم احمد
وهنا وقف وراء منها اشرف سواق التوك توك وقال لها
صباح الفل يا توبه
بصيت له توبه وقالت بارتباك
انت.
اشرف
متخافيش انا مش عفريت انا بني ادم زيك.
توبه
طيب ممكن تبعد عني
ساعتها عم احمد صاحب المطعم قال
في حاجة يا توبة يا بنتي. عايز منك اية الشاب دة
اشرف
مافيش يا عم الدنيا. دة كانت راكبة معايا التوك توك امبارح والموبيل بتاعها وقع منها فجيت ادي هولها
وخرج اشرف الموبيل بتاعه وحطه في ايد توبه وقال
موبيلك يا انسه
فتبص توبه للموبيل اللي في ايدها ولسة هاتتكلم قال اشرف
والله ماطلعي فلوس وتديني انا ماعملتش حاجة. سلام
وخرج اشرف بسرعه من المطعم وتوبه بتبص للموبيل اللي في ايديها باستغراب شديد واداها ساعتها عم احمد الفطار وخدت الفطار وطلعت وهي مش فاهمه لية اشرف بيعمل معها كدة وبمجرد ما دخلت البيت بتاعها لقيت الموبيل بيرن بصت في الموبيل لقيت حبيبي. بيتصل فضلت تبص حوالين منها لغاية ما وقعت عينيها علي اشرف وبيشاور لها بانها ترد فردت وهي مرعوبة وقالت
انت،،،،،،
اشرف ما ادهاش فرصة تكمل وقال
صوتك حلو اوي
توبه
انت عايز مني اية
اشرف
عايز اشيل معاكي الهم اللي انتي شايلة
توبه وهي بتبص لاشرف اللي واقف بعيد وبتقول
وهو انت تعرفني علشان تشيل همي
اشرف
نتعرف. انا اشرف وانتي توبه
توبه
انت عرفت اسمي ازاي
اشرف
دفعت جنية بحاله لعيل جاركم علشان اعرف اسمك
توبه
طيب وعايز اية بقي يا اشرف
اشرف
قوليها تاني كدة.
توبه
هي اية دي
اشرف
اشرف
توبه
باين عليك رايق وانا مش فايقة للي زيك
اشرف
طيب بتفوقي علي الساعه كام كدة
ابتسمت توبه وقالت
انا لازم اقفل دلوقتي.
اشرف
طيب خلي الموبيل معاكي وخبي قبل ما تخشي البيت علشان عم حجاج ما يعرفش انك معاكي موبيل
توبه
انت كمان عرفت اسم بابا
اشرف
نفس العيل الجشع. بعد خد مني كمان جنية.
ابتسمت توبه تاني وقالت
طيب طيب.
اشرف
لو عوزتي اي حاجة مني رني بس علية وانا هاتصل. حبيبي
توبه بحدة
اية هو اللي حبيبي
اشرف
الرقم بتاعي مسجله عندك كدة علشان ما تتعبيش انتي وتسجلي
قلب توبه دق وقفلت الخط وبصيت له وهي خايفة وقبل ما تدخل الشقة عملت الموبيل صامت وخبته في هدومها زي ما هو قالها ولقيت حجاج خارج من الحمام وبيبص لها وبيقول
كل دة بتجيبي فطار
توبه
عم احمد كان زحمة
فراح حجاج ناحيتها ولف ايدة حوالين وسطها وقال
وحشتيني
توبه
ما تفكرش تقرب مني انا مش قادرة
حجاج
عارف انك تعبانة. يلا بقي خشي حضري الفطار وخلينا نفطر. ،،،،،،
وبعدها بشوية نزل حجاج راح شغله وخرجت توبه الموبيل وحطيته قدام منها وفضلت تبص للموبيل وتقول لنفسها
مش هاينفع يا توبه. اللي عايزه قلبك ماينفعش انتي في حكم المتجوزة.
وتعيط توبه وتقول
ودي جوازة الراجل اللي فضلت سنين اقول له يا با. فجاة كدة يبقي جوزي. طيب ما انا احكي لاشرف اللي حصل. ويعرف انك مش بنت بنوت. اكيد هايعذرني. وهو يعرفك منين علشان يعذرك. ولا انتي يا توبه تعرفي منين مش ممكن يكون عايز منك الغلط.
وفي الوقت دة يرن الموبيل فتبص لي توبه وتلاقي المتصل حبيبي فترتبك ومابقتش عارفة ترد ولا. لا. لكنها لقيت نفسيها بترد واشرف قال
بتفكري فيا لية. نعم عايزا حاجة
توبه باستغراب
انت عرفت ازاي اني كنت بفكر فيكي
اشرف
بجد كنتي بتفكري فيا. انا قولت كدة ولاخلاص.
وضحك اشرف وقال
دة انا كدة اشتغل دجال وانا سايب ايدي
توبه
ممكن ما تهزرش وتقولي عرفت ازاي اني كنت بفكر فيك
اشرف
عادي يا توبه. كل اللي حصل لك النهاردة بسببي يخليكي تفكري فيا. لو مش دلوقتي يبقي كمان شوية. وخصوصا انك دلوقتي قاعدة لوحدك
توبه باستغراب اكتر
انت كمان عارف اني قاعدة لوحدي
اشرف
اة. ما انا قاعد علي القهوة اللي قدام بيتكم وشوفت عم حجاج وهو خارج من الشقة
توبه
وانت عرفت ازاي ان دة ابويا
اشرف
نفس العيل الجشع. خد كمان جنية وقالي دة عم حجاج
توبه
انت دفعت كتير اوي النهاردة
اشرف
تلاته جنية بحالهم. الله يسمحك انتي السبب في كل الفلوس اللي انا صرفتها دي
فتضحك توبه ولكنها تفتكر ظروفها وتقول
معلش انا لازم اقفل
اشرف
لية بس
توبه
معلش. سلام
وتنهي توبه المكالمة ودة اللي ماكنتش عايزه تعمله.،،،،،
ويعدي يوم والتاني واشرف بيحاول يوصل لتوبه لكن توبه بتبعد بجسمها لكن قلبها رافض يبعد. وقرب قلبها من اشرف وبالليل وفي عز ماهي كانت قاعدة بتفكر في اشرف لقيت اللي جه من وراها وحضنها وقال
ما وحشتيكش
بعدت عنه توبه وبصت له وقالت
انا لسة تعبانة
حجاج
لا بقي كدة انتي بتدلعي ودلعك بقي ماسخ
وشالها حجاج ورماها علي السرير وحاول معها ونسي ان شباك اوضتها مفتوح، ،،،،،
وفي نفس الوقت كانت جارة حجاج وصاحبة البيت الحاجة أم سامح في اوضتها بتسرح شعرها وسمعت صوت حجاج مع توبه فاستغربت الصوت وراحت ناحية شباك اوضتها اللي فوق شباك اوضة توبه وسمعت صوت حجاج وهو مع توبه فانصدمت ام سامح لكنها ما كنتش قادرة تحدد غير صوت حجاج فخرجت من الاوضة جري وراحت لجوزها فريد وقالت له
الحق يا حج فريد
فريد
في اية يا ولية
ام سامح
حجاج الواطي جايب نسوان تحت في الشقة
فريد بعصبية
وعرفتي ازاي
ام سامح
سامعه صوت حجاج مع واحدة ست
فريد
يا ولية متاكدة
ام سامح
الا متاكدة دة صوت واحد مع واحدة في السرير
فريد
وازاي يعمل كدة وبنته تحت في الشقة
ام سامح
راجل واطي وناقص يبقي عنده بنت بنوت ويعمل كدة
فريد
طيب والعمل
ام سامح
هي في عمل. تنزل تعرفة قيمته هي النجاسة دي تحصل في بيتنا
فريد
الراجل ساكن عندنا من سنين وعمرنا ما شوفنا منه غير كل خير
ام سامح
طيب تعالي معايا وانت هاتسمع الصوت بنفسك
ودخل فريد الاوضة وراح ناحية الشباك وسمع الصوت فقال بعصبية
كلامك صح يا ولية دي ليلة ابوة سوداء
ونزل فريد بسرعه وهو بمنتهي العصبية وخبط علي باب شقة حجاج فانفزع حجاج وقال
مين
فريد
افتح
حجاج
غير يا حج فريد
فريد
افتح يا حجاج بقول لك
فيلبس حجاج هدومة بسرعه وتوبه تحط الملايا علي جسمها ويفتح حجاج باب الشقة ويدخل فريد للشقة ويقول حجاج
في اية يا حج فريد
فريد وهو رايح ناحية الاوضة اللي فيها توبه كان بيقول
في نجاسة بتحصل في بيتي
جري حجاج ناحية الباب ووقف قدام فريد وقال له بارتباك شديد
مافيش حاجة من دي بتحصل. ومايصحش تفتح باب اوضة عندي البيوت ليها حرمه
فريد
ما هو انا جاي اشوف مين الحرمة اللي هنا
وزق فريد حجاج بعيد عنه وشاف توبه علي السرير وهي عريانه وفوق منها الملايا فبرق من الصدمة وبص لحجاج وقال
استغفر الله العظيم اب مع بنته. احنا أية كفار. دة انتم الاثنين موتكم حلال
حجاج
والله العظيم. دي مش بنتي
فريد
وهو انت هاتقول اية غير كدة يا انجس خلق الله
فبص له حجاج وخاف وطلع جري ناحية باب الشقة فجري فريد وراء منه واستغلت توبه اللي بيحصل ولبست هدومها بسرعه ولسة هاتخرج من الشقة لقيت ام سامح بتمسكها من شعرها وتقول
يا وسخة. يا عرة.
وضربتها ام سامح بالقلم وتوبه بتصرخ وزقتها بعيد عنها وجريت علي السلم وهي حافية وصرخت ام سامح وقالت باعلي صوت عنها
امسكوا الوسخة اللي كانت في حضن ابوها. دة جهنم حلال فيكم
وخرجت توبه من البيت والفضيحة صابتها وفضلت تجري في الشارع وكل بيبص لها واللي بيحدف عليها خضار واللي بيرمي عليها مية وسخة. لغاية ما اتحدفت في دماغها طوبة ووقعت علي الارض. سايحة في دمها وقالت ام سامح
هاتوهها نحلق لها شعرها
حاولت تقوم توبه لكنها كانت دايخة واهل المنطقة بيقربو منها وهنا، ،،،،،،.،،،،،