رواية من قلب الظلمة الجزء الثاني سرطان الفصل الرابع 4 بقلم محمد منصور
بص سرطان للانبوب ولقي جثة ساطول متعلقه اتصدم وداس علي زرار يفتح باب الانبوب ونزل جثة ساطول اللي لسة بتجيب دم وعليها التراب مكان الدفن وقال لنفسه وهو في اعلي مراحل الغضب
نوح دة زودها ولازم نهاية تليق بي
ورجع بص لجثة ساطول وقال
لازم اخفي الجثة دي حالا قبل ما حد يشوفها عندي،،،،،
ويتغير المشهد و سرطان واقف علي الكوبري الخشب اللي فوق البحر وبص يمين وشمال ورمي الجثة في البحر بعد ما ثقلها بالجنزير وركب حصانه لكنه هنا سمع صوت جاي من وراء بيقول
اقف عندك سيد غدير ولا اقول لك يا سرطان
سرطان كان عارف الصوت كويس لكنه مش مصدق ان لويس جاي يقبض عليه وبص ناحية لويس اللي كان مع 50 حارس ومصوبين السهام بتاعتهم ناحيه سرطان وهنا قال سرطان
دة انت عرفت الحقيقية بقي
لويس
عرفت وعندي تكليف من الملك الفريد بالقبض علي منبوذ زيك علشان يتم اعدامك
سرطان
قدرت ازاي تعمل كدة
لويس قرب منه وهو فوق حصانه وقال بصوت واطي ما يسمعوش الا سرطان
اصل معايا اللي يخليني ما احتجش ليك
سرطان
مش فاهم
لويس
السيد نوح طلع بيمتلك كل قدراتك و قدم لي عطر في ريحة بنتي وقطع ذهبيه زيك اللي معاك
و رمي لويس قطعه ذهب في وش سرطان مسك سرطان قطعه الذهب واتاكد انها زي اللي مع وقال سرطان
نوح قدر ازاي يوصل لقطعه الذهب دي
لويس
سؤالك ملهوش اي اجابه عندي ودلوقتي الافضل ليك تتحرك معايا من غير اي حركة غدر
سرطان
تفتكر ان سهل ينقبض عليه يا لويس
لويس بص للجنود اللي مع وقال
هتقدر تعمل اية يا سرطان وانا معايا كل الجنود دول
سرطان
كلهم دلوقتي هيموتو من الرعب
وبص سرطان في عيون الخيول اللي علي ظهرها الجنود وقال
هيجان
لكن الخيول عصيت الامر وما حصلش منهم اي رد فعل
وقال سرطان تاني وبصوت اعلي
هيجان
وبرضو ما كانش في اي رد فعل وهنا ظهر من الظلمة نوح وبص ل سرطان وقال
ماحدش من الخيول هيسمعك لاني امرت لويس قبل ما يجي ليك ويقبض عليك يحط قطع من القماش في ودن الخيول يمنعهم من سماع صوتك
سرطان
انت تاني يا ملعون عايز مني اية
نوح
اخد حقي منك ومن اللي انت عملته في والدي
سرطان
مالكش عندي اي حق وانا هوريك انا هقدر اعمل فيك اية
نوح ابتسم وقال
هو في بعد الموت عقاب
لويس
هتفضل تكلم نفسك كتير ما عنديش وقت لازم ارجع بيك واحطك بايدي في السجن
وبص للحراس اللي مع وقال
هجوم
سرطان ما استناش وضرب حصانه برجليه الاثنين في بطنه واتحرك الحصان بمنتهي السرعه ونوح قال للويس
وراء منه انت والحراس
و خلو يهرب انا مش هستفاد اي حاجة من دخوله سجن المملكة
و قال نوح الجمله دي ورمي كيس من الذهب ناحيه لويس لويس بص للذهب بطمع شديد وقال
امرك يا سيد نوح
واتحرك هو والحراس وراء سرطان،،،،،،،،
في نفس الوقت دة كانت صوفيا نايمة في اوضتها وقت ما صحيت من النوم مفزوعه ودخلت عليها امها انجلينا وقالت لها
صوفيا مالك
بصت لها صوفيا وهي بتنهج والعرق نازل منها وقالت بصعوبه
كابوس فظيع يا امي
انجلينا
نفس الكابوس
صوفيا
هو يا امي ولغاية دلوقتي مش قادرة اصدق ازاي الشخص اللي كان عايز يقتلني وحطني بايده جوة الانبوب يكون هو نفس الشخص اللي ينقذني
انجلينا
تقصدي السيد غدير
صوفيا
دة مش غدير دة اسمه أليكس هو عرفني باسمه لما قرر ينقذني وقال انه يعرفني من زمان من واحنا اطفال
انجلينا
طيب ارتاحي دلوقتي وانسي القصة دي علشان تقدري تعيشي
صوفيا
انا مش هرتاح الا لما اعرف اية حكاية أليكس دة،،،،،،
ونروح ل سرطان اللي لما اتاكد انه هرب من لويس والجنود نزل من حصانه واترمي علي رمله الصحراء من شدة التعب وبعد ما فرد جسمه كام دقيقة اتعدل من تاني وقعد وقال لنفسه
اللي بيحصل دي كتير ولازم احط له نهايه و اتاكد بنفسي من قصة نوح وهو فعلا ميت ولا لسة عايش يبقي لازم اروح طريق الخلود،،،،،،
وفعلا ومع شروق الشمس وصل سرطان عند اول طريق الخلود وبدا يبص في الرمله بتركيز شديد لغاية ما شاف عضم ل جثة مراهق اتصدم وبرق وقال لنفسه
يعني اية اللي بيظهر دة مجرد روح جاية تنتقم مني دة كلام ما يدخلش اي عقل لازم دليل اقوي علي ان الحكاية دي حصلت فعلا
وركب حصانه ودخل مملكة البحر الاعلي اللي بقيت خراب ومشي في المملكة علي رجليه وهو ماسك لجام حصانه وقابل راجل عجوز بص سرطان للعجوز وقال
ممكن اسالك سؤال
العجوز بص ل سرطان وقال
انت مين
سرطان
انا غريب مش من البلد دي وكنت عايز اعرف ابن الملك قاسم حي ولا ميت
العجوز
وايه مقابل الاجابه علي سؤالك
سرطان طلع كيس ذهب من عبايته وقال
دة كل اللي حيلتي دلوقتي لكنك لو جاوبتني علي سؤالي هخرج من هنا وارجع داري واجيب لك ذهب تاني
العجوز
وهعمل اية بالذهب بتاعك وسط الخراب اللي انت شايفه دة
سرطان
اومال اقدر اقدم ليك اية علشان تساعدني
العجوز
الطعام انا بقالي اربع ايام ما كلتش
سرطان
واجيب لك طعام منين وسط الخراب دة
العجوز
انت تعرف اني انا الوحيد اللي لسه عايش في المملكة
سرطان
شئ باين لاني ما شوفتش غيرك من وقت دخولي المملكة
العجوز
مملكة البحر الاعلي كانت من اغلي الممالك الموجودة في الدنيا لكن الفتنه اللي اتولدت بين اهلها والحكام سابت وراء منها الخراب والدمار دة
وقعد العجوز علي حجر كبير وقال
كنا لازم كشعب نكون اذكي من كدة الخلاص من حاكم ظالم بدون التجهيز ل حاكم يمسك الحكم من بعده وصلت المملكة للخراب اللي قصاد عيونك دة
سرطان
انا مش جاي اتكلم في اللي فات واحكي في السياسة انا عايز اجابه علي سؤالي
العجوز
وانا مش هجاوب الا لما اكل
سرطان
اجيب لك اكل منين
العجوز ابتسم بمنتهي الشر وقال
تعرف انا عايش لية لغاية دلوقتي لاني اكلت لحم كل اللي ماتو من اهلي وبقيت احب طعم لحوم البني ادمين عن لحوم الحيونات
وهنا شاف سرطان الغدر في عيون العجوز وطلع خنجره وقال
لو فكرت تقرب مني هاخد روحك
العجوز ابتسم وقال
ضحيه جوة قفص ازاي تقتل صياد
وبص العجوز تحت رجل سرطان وبص سرطان مكان ما بص العجوز وشاف،،،،،،،،،
لقراءة الجزء الاول من سرطان من هنا