رواية من قلب الظلمة الجزء الثاني سرطان الفصل السابع 7 والاخير بقلم محمد منصور
سكت سرطان لانه الايد الشمال رجعت تخنقه تاني وساب الرضيع اللي كان في ايده وقع علي السرير وجريت ناحيته صوفيا وخدتها ابنها في حضنها وبصت للي بيحصل اصل اللي هي شايفا دة غريب واول مرة تشوفه واحد بيخنق نفسه لكن هنا سرطان راح ناحية الحيطة وحاول يكسر الايد الشمال لكن الايد كانت قوية جدا وهنا شاف في المرايا بتاعت الاوضة وش أليكس مكان وشه اتصدم سرطان و من الخضه رجع لوراء تلت اربع خطوات وقع بعدها علي الارض وبدا يدخل في غيبوبه،،،،،،،،،
سرطان الموسم 2
من قلب الظلمة
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
سرطان فتح عيونه ما يعرفش بعد وقت قد أية علشان يلاقي نفسه قصاد لويس وكان متسلسل جوة سجن ولويس باصص له وبيقول
اخيرا فوقت
سرطان استوعب هو فين وانه مربوط فقال
لويس اللي انت بتعملو دة مش هساحمك عليه وعقابي ليك هيكون شديد
لويس قرب من سرطان وبقي قصاد منه بالظبط وشاور علي جرح عدي عليه سنه انياب الكلب اللي غرزت في رقبته وقال
الجرح دة هو اللي عقابه ليك هيكون شديد
ومسك لويس شعر سرطان وقال بغضب شديد
عدي وقت طويل من ساعة ما كنت بين انياب الكلب بتاعك اللي ساب رقبتي قبل خروج روحي لانه وافتكرت انت اني انا موت لكن لسة في العمر باقيه والرب اراد اني اعيش واتعافي علشان اكون ملك مملكة الفردوس واجيبك لغاية عندي مذلول
سرطان
جاي تنتقم مني بعد سنه دة انتقام واحد جبان من راجل اقوي منه واللي خلاك تفكر في الانتقام هو انك بقيت الملك لكن لو كنت فضلت زي ما انت نكره ما كنتش فكرت تقرب مني لانك تخاف
لويس
انا مش بخاف منك انا دلوقتي اقوي منك وعندي استعداد اقتلك واشرب من دمك
سرطان
لو كنت عايز تقتلني كنت قتلتني اول ما قبض عليه لكن انت محتاجني وانا عارف انت محتاج مني اية
لويس ساب شعر سرطان ورجع خطوة لوراء وقال
محتاج العطر ريحة بنتي وحشتني
سرطان
عطر بنتك موجود لكن دة هيكون في مقابل انك تقبض ارواح اتنين
لويس باستغراب
مين
سرطان
صوفيا وابنها
هنا جسم سرطان كله اتنفض لان أليكس اللي عايش جوة سرطان رافض دة واتغير صوت سرطان وهنا أليكس اللي كان بيتكلم وقال
أياك تقرب منهم
لويس هنا اتصدم وقال
في شئ مريب بيحصل هنا
أليكس
أنا عارف انك بتحب الذهب وانا اعرف مكان صندوق كبير مليان ذهب ومجوهرات
الصوت اتغير وقال سرطان
دة الذهب بتاعي يا ملعون
أليكس
دة الذهب اللي انت سرقته من قصر الملك قاسم
سرطان
اخرج من جسمي وأنا اسيبك تعيش انت ومراتك وابنك
أليكس
حاولت كتير الخلاص منك وامتلكت جسمك سنه كامله عيشت فيها احلي ايام عمري مع صوفيا مراتي لكنك قدرت ترجع تاني وتتحكم في الجسم
سرطان
زعلان اني رجعت اتحكم في جسمي دة انت ملعون
أليكس
سرطان الجسم دة مش ملكك لوحدك انت كنت ولا حاجة قبل ما والدنا جاك ينقل لك اعضاء اخواتنا ويحكم علينا بالموت علشان تعيش انت
لويس كان واقف ومش مصدق اللي بيسمعه وقت ما سرطان كان بيقول
أليكس اللي كان مجرد طفل مهما زاد عمره وجسمه جاي يحاسبني
أليكس
أنا كنت معاك من اول الحكاية لكن جه الوقت اقول لك كفاية كدة شرك عدي الحدود
سرطان بعصبيه
انت مالكش حكم عليه انت مجرد وهم عايش جوة دماغي انا الافضل ووالدي جاك خلاني الاعظم و الاذكي و هتخلص منك قريب يا أليكس و لو كنت عايش جوة مني في الظلمة طول السنين دي وانا ما اعرفش عنك اي حاجة مش هتيجي دلوقتي وتخرج للنور وانا ينكتب عليه الدخول في الظلمة
أليكس
الظلمة هي المكان الوحيد اللي يليق بيك يا سرطان وجسمك هيرجع تاني ملكي وهعيش مع صوفيا وابني اللي فاضل من عمرنا
سرطان
دة لو كان في عمر مراتك وابنك باقيه
وبص سرطان للويس وقال
عايز عطر بنتك اقتل صوفيا وابنها
هنا أليكس هو اللي اتكلم وقال
عايز تعرف ازاي سرطان بيحضر عطر بنتك بعد ما خاطفها وقتلها
لويس برق من الغضب وقال
انت يا سرطان اللي قتلت بنتي
سرطان حاول يتكلم لكن أليكس كان اقوي دلوقتي وقال
قتلها وحطها في جوة انبوب فوق اذان كبير المية في عديت درجه الغليان كان بيحرقها بالبطئ و يستخلص العطر من خلايا جسمها المحروقة
لويس راح ناحية سرطان ومسك رقبته وقال
انت كنت معرفني انك بتحضر روحها من عالم الاموات
أليكس
كان بيكذب احمي مراتي صوفيا وابني من شره واقطع رقبته وقدم لسكان المملكة السفاح اللي خطف بناتهم وعيشهم ل سنين كتير في رعب واكسب حب الناس في اول ايام حكمك
لويس عجبته الفكرة وساب رقبه سرطان وقال
انا فعلا هعمل كدة
وندهه باعلي صوته علي الحراس وهنا سرطان اتكلم وقال
اية اللي انت عملته دة يا أليكس انت كدة حكمت علينا احنا الاثنين بالموت
أليكس
نموت احنا الاثنين وصوفيا وابني يعيشو بعيد عن اي شر ممكن يخلص منهم
وجم الحراس و بداو يسحبو سرطان وهو متسلسل علي وشه وكانو رايحين بي ناحيه الساحة الكبيرة اللي بيتنفذ فيها قطع رؤؤس المجرمين لكن لويس بص ناحيه صليب كبير فوق تربيزة كبيرة من الخشب وقال للحراس
اصلبو
وطلعو بسرطان فوق عند الصليب وبداو يدقو مسمار كبير من الصلب في كف ايدة اليمين والوجع خلي سرطان يصرخ وقال ل أليكس
خلينا نهرب من هنا أنت ايدك اقوي ما فيك وانا فقد السيطرة عليها
أليكس
الموت لينا هو ضماني الوحيد ل انقاذ صوفيا وابني من شرك
ومسكو الحراس ايد سرطان الشمال وبداو يدقو المسمار التاني في الكف الشمال واتصلب سرطان في الساحة دي وقال لويس
قطع راسك هيكون في راحة ليك وانا مش عايز ليك الراحة
وبص لويس لحارس من الحراس وقال
بلغ اهل المملكة ان الملك لويس في اول ايام حكمه قبض علي السفاح اللي كان بيقتل بناتهم و خلوهم كلهم يجو هنا يشوفو بعد ما صلبنا
الحارس
امر مولاي
ومشي الحارس ولويس بص ل سرطان وقال
استعد لموته تليق بيك،،،،،
وبعدها بيوم بالظبط اتجمع كل اهل المملكة ووقفو في الساحة قصاد الصليب الكبير اللي عليه سرطان و كانو كلهم بيهتفو بحياة الملك لويس الا صوفيا اللي كانت باصة ناحية سرطان وعارفه ان روح أليكس حبيبها جوة منه وكانت باصه له وهي بتعيط والملك لويس بص
ل اهل المملكة وقال
نهاية السفاح هتكون غير اي نهاية انتم شوفوتها لمجرم قبل كدة انا دلوقتي هدهن جسمه بزيت دم الطيور اللي هيجذب لي كل الطيور الجارحة في المملكة زي الصقور و النسور و لحمه هيكون ليهم وليمه ياكلو فيها تلت ايام متواصله دة جزاء اللي في يوم يكون السبب في حزن اهل مملكتي
وادي الاشارة للحراسو قطعو هدوم سرطان بلا تقريبا ملط و دهنو جسمه بالزيت اللي كانت ريحته نفاذه جدا واهالي المملكة كلهم كانو بيهتفو بحياة لويس وما تعديش ساعة الا لما يجي اول صقر ويقف علي ذراع سرطان وبداء ينقر في وشه بمنقاره الحاد وغرز مخالبه في لحمه والوجع كان شديد لكن اصعب لحظة لما الصقر ضرب بمنقارة في عين سرطان خرج بالقرنيه وبدا ياكلها ويصرخ سرطان وبدات الطيور الجارحه تيجي من كل مكان وصوفيا مشيت ومعاها ابنها واخر كلام كان بيتردد في ودانها كلام أليكس ليها لما قال لها قبل ما يقبضو عليه حراس الملك لويس
★بحبك يا صوفيا لكني مجرد روح مسجونه جوة جسد شيطان لازم علشان تعيشو انتم في امان نموت احنا الاثنين ولما يجي اليوم دة اعرفي اني موت علشان تعيشي انتي وابننا وعلي جسم ابننا انا رسمت خريطة توصلك لصندوق مليان ذهب ومجوهرات لما يموت سرطان خرجي وعيشي ايامك وانتي اميرة ★
عيطت صوفيا اوي وبحرقة وخدتها ابنها في حضنها وقال
اخر ما تبقي لي من ريحة أليكس، ،،،،،،
خلصت الحكاية اللي يارب تكون عجبتكم ومستني راي كل اللي شرفني بقراءة القصة واشوفكم قريب باذن الله وحكاية جديدة
تمت