رواية من قلب الظلمة الجزء الثاني سرطان الفصل الخامس 5 بقلم محمد منصور
بص سرطان تحت رجليه
و شاف رجليه جوة مصيدة تشبه فك الحيونات المفترسه اسنان من معدن حاده وانياب بارزة عرف انه وقع في فخ وقبل ما ياخد اي رد فعل العجوز قام من فوق الحجر اللي كان قاعد عليه ودة خلي المصيدة اللي شبه فك الحيونات المفترسة يقفل علي رجل سرطان والاسنان غرست في عضم رجل سرطان وصرخ سرطان من شدة الوجع ووقع علي الارض وحاول النجاة بنفسه لكنه ما قدرش والعجوز قرب منه وهو ناوي علي الشر
وقبل ما نبدأ نوحد الله ونصلي علي خير خلق الله سيدنا محمد
صلاة تحل بيها العقد وتفك بيها الكرب
العجوز قرب من رجل سرطان المصابه وقال
ما تعرفش ريحة الدم بتعمل فيا اية
وقرب العجوز بوقه من رجل سرطان لكن سرطان بص ناحية الحصان بتاعه وقال
هيجان
وهنا الحصان رفع رجلية لفوق وهو بيصدر صوت مخيف بص العجوز للحصان بخوف شديد ولسة هيهرب كان الحصان ضربه برجليه في وشه ضربه كانت كفيلة بانها تصيبه بفقدان الوعي بص سرطان للعجوز المغمي عليه و رجع بص لرجله الماصبه وحاول اخراج رجله من المصيدة لكنها كانت مقفوله باحكام شديد لكن سرطان استغل ان حصانه قريب منه ومسك اللجام بتاعه وضربه بايده في بطنه ضربه خليت الحصان يجري بسرعه ودة كان السبب في خروج رجل سرطان من المصيدة بعد ما لحم رجله اتقطع بسبب السنون الحادة اللي كانت مكلبشة في والوجع كان لا يحتمل لكن سرطان قطع حتة من قماش عبايته ولف الجرح اللي في رجله وقام وقف بصعوبه وداس علي رجله السليمة بس وراح ناحية العجوز وهو في قمة الغضب ومسكو من شعره وبدا يسحبو علي الارض،،،،،،،،،
ويتغير المشهد ونشوف سرطان قاعد قصاد العجوز اللي كان مربوط بسلاسل من حديد و بينزف بشدة من وشه بسبب ضرب سرطان لي وقال العجوز بصعوبه
ارحمني
سرطان
عايز الرحمة جاوبني علي سؤالي وقول اللي تعرفه عن نوح ابن الملك قاسم
العجوز
ما اعرفش عنه غير انه مات في الصحراء وهو بيحاول يهرب
سرطان
خليتك عايش لغاية دلوقتي علشان ممكن يكون ليك اي فايدة
وغرز الخنجر في رقبه العجوز وقال
لكن للاسف طلعت بلا اي قيمة والموت اولي بيك
اتوجع العجوز والدم بينزل من رقبته زي الشلال وسرطان ركب حصانه وساب العجوز يعاني حتي الموت،،،،
ويتغير المشهد ونشوف سرطان فوق حصانه مش عارف يروح فين لكن العقل بيقول انه لازم يهرب من مملكة الملك ألفريد لكن يهرب أزاي من غير الذهب بتاعه و المجوهرات اللي عنده يعني لازم يرجع المملكة و ياخد الذهب بتاعه ويهرب لكن من تاني رجع وقال لو نوح دة ظهر له يعمل اية هنا سرطان قرر ما يستسلمش ويعرف اية حكاية نوح دي لانه مش قادر يصدق ان هو عبارة عن روح راجعه تنتقم منه وقرر يرجع المملكة وبدل ما يبقي هو الفريسة اللي بتهرب من الصياد هيكون الصياد اللي هيصطاد الفريسة و الفريسة المرة دي نوح،،،،،،،،،
و مع حلول الظلام ومن قصاد بيت لويس يقف سرطان وراء حيطة وهو متخفي و بيقول لنفسه
علشان اوصل لنوح لازم اراقب لويس طالما بقي لويس تابع لي
وفضل سرطان يراقب بيت لويس لمدة يومين قبل ما لويس يخرج من بيته عند الغروب و لوحده ويروح بيت مهجور بالقرب من البحر ويدخل البيت دة وكان مستني نوح وقرب سرطان من شباك البيت دة وسمع نوح بيقول ل لويس
لسة ما ظهرش
لويس
لسة
نوح
هيكون فين طول الوقت دة
لويس
احساسي بيقولي انه بيخطط لشئ مريب
نوح
ما تقلقش انا واخد بالي ومستني يظهر ووقتها،،،،،
هنا سكت نوح لما شباك البيت اتفتح وظهر سرطان وقال
اديني ظهرت وريني هتقدر تعمل اية
وبص سرطان للويس وقال
ما انت طلعت شايفه اهو وبتتكلم مع يعني دة بني ادم من دم ولحم و بيتشاف اومال لية كل مرة كنت بتكلم مع نوح تقولي انت بتكلم مين
نوح لسة هيهرب رمي سرطان خنجره ناحية رجله اتوجع نوح ووقع علي الارض بينزف ولويس طلع السيف بتاعه ولسة هيهجم علي سرطان نط من الشباك الكلب بتاع سرطان ومسك ايد لويس باسنانه الحادة وبدا يقطع فيها بمنتهي القوة ولويس بيطلب الرحمة من سرطان فقال سرطان
الموت اولي بخاين زيك
وقرب سرطان من ودن الكلب بتاعه وقال
طلوع الروح جه وقتها
هنا الكلب ساب ايد لويس وغرز اسنانه في رقبه لويس وبدا يتخنق لويس و حاول الوصول ل سيفه علشان يضرب بي الكلب لكن سرطان داس علي ايد لويس برجليه ومنع لويس من الوصول للسيف لغاية ما الكلب خلص عليه ومات لويس غرقان في دمه وهنا سرطان بص ل نوح اللي كان عاجز عن الحركة وراح ناحيته ومسكه من شعره وقفه علي رجله المصابه غصب عنه وقال سرطان
وصلنا للنهاية ومطلوب منك تقول الحقيقية كاملة انت مين
نوح كان مرعوب و بيقول
انا من الغجر واسمي تاميم مجرد كومبارس في مسرح الملك ألفريد
سرطان
ومين طلب منك تمثل عليه دور نوح ابن الملك قاسم
تاميم
انت اللي قولت لي اعمل كدة و اديتني ذهب كتير علشان اخلي لويس في خدمتي
سرطان اتصدم وساب شعر تاميم وقال
انا
تاميم
لو مش انت يبقي اخوك التؤام اللي أسمه أليكس
سرطان
انا ماليش اخوات ودة شكله ملعوب جديد منك
ورجع سرطان مسك شعر تاميم لكن هنا لقي ايدة الشمال بتبعد الايد اليمين عن تاميم وبعدها الايد الشمال بدات تخنقه بمنتهي القوة وسرطان مش قادر يعمل اي حاجة والكلب كان واقف
و شايف صاحبه بيتعرض لهجوم لكنه هجوم من ايده الشمال وبقي عمال يهوهو وبس مش قادر يهجم ولا قادر يسيب صاحبه بيموت قصاد منه وسرطان حاول يدافع عن نفسه لكنه ما اقدرش ومع انه وصل للخنجر بايده اليمين و غرزها في ايده الشمال لكن الهجوم فضل مستمر لغاية ما دخل في غيبوبه،،،،،،،،،
الظلمة بقيت هي الحاجة الوحيدة اللي شايفها سرطان و جوة الظلمة شاف كل ضحايا اللي قتلهم وجم علشان يقتلو لكن سرطان هرب منهم وفتح عيونه وهنا شاف نفسه علي سرير وجنب منه مولود وجنب المولود تنام صوفيا اتصدم ووقع من فوق السرير وصحيت صوفيا وقالت
أليكس انت صحيت
برق سرطان جدا وما بقاش فاهم اية اللي بيحصل له،،،،،،
اللي مركز في القصة اوي اوي هيعرف مين أليكس دة يلا شغلو الذاكرة و اعرفو مين أليكس دة