رواية ضماد جرح الفصل الثلاثون 30 والاخير بقلم نوسه حمد

رواية ضماد جرح الفصل الثلاثون 30 والاخير بقلم نوسه حمد

فادي بقا يقول لي نوسه انتي كويسه وانا شايفه الدنيا طشاش طشاش قلت ليهو م كويسه قال لي فشنو عاوز يمسكني وقعتا وتاني م وعيت الا بصوتهم اتونسو واضحكو فتحت عيوني لقيت فادي ماسك يدي وابوي دموعو في عيونو قلت ليهم انا وين فادي قال  لي حمد لله ع السلامه يا روحي انتي كويسه قلت ليهو تمام انا عيني وقعت في ابوي قلت ليهو ابوي مالك فشنو قال لي لا لا دي دموع الفرح قلت ليهو فرح شنو قال لي مبروك انتي حامل فادي بقا مبسوط قعدت اضحك قلت ليهم م تهظرو قالو لي والله انتي حامل امي جات وقفت جنبي قالت لي مبروك ي بتي فرحتنا بقت فرحتين فرحه رجوعك لينا وفرحه حملك قلت ليها الله يبارك فيك جات فاتن داخله وكانت بتتكلم مكالمه فيديو بتقول ليهو كويسه يا عمي بس شكلها النوع الحمل بوقعها وبقت فاتحه لي الكميرا قال لي كويسه انتي بقيت اعدل في طرحتي وقلت ليهو كويسه انا قال لي انا ابوك تخجلي مني تاني ماف خجل انا لو عريانه بسترك قلت ليهو ربنا اديك طوله العمر يابا وتغطيني وتسندني قال لي يا سلام من زمان نفسي اسمع كلمه يابا دي ملك قعدت تجوط قالت ليهو مننا كانت م حلوه ولا شنو قال ليها انتو بتقولو لي بابا وبابا دي مسيخه م بحس فيها حنيه مهيلم قال ليهو يا حاج كده كيف وبقا يتونس ويضحك معانا فيديو لحظه رضا كانت بالنسبه لي بعد معاناه بس كل م عيني تقع في ابوي بحس بنظراتو بودعني كاني ح افارقو وهو ما عارف انا مستعده اخسر دنيتي وبيتي قصاد اقعد معاهو مستحيل انسا العملو معاي زول احتواني واستحمل اي زله من الغير عشان انا م انجرح  احساسو كانت طبيعي لاني انا لقيت اسرتي الحقيقه بس هو م عارف انو اسرتي الحقيقه مهما عملو لي ح اشوف عملهم لي ثانوي وهو أولويتي ماف كلمه تقدر توصف احساس انسان كانو متبنينو وما اي تبني انا اتربيت عندهم التربيه الصاح الكان ما  لقيتا عند اهلي اصلا كل الحروف تعجز عن التعبير   كلهم كانو مبسوطين لي رجعت البيت وقلت لي فادي انا م عارفه بس نظرات ابوي لي عاوزه تقتلني قال لي ابوك خالد صاح قلت ليهو اي قال لي انا لاحظت ليهو ع فكره حتي ف الاكل لمن جينا ناكل سرحان قلت ليهو طيب اعمل شنو عشان اطمنو انو هو ابوي الحقيقي فادي م تزعل مني بس انا ممكن اخسرك قصاد ابوي والله كريم علي بالذات انو م عندو غيري  انا لو عندو غيري ما بخاف علي مشاعرو  قال لي بالمناسبه دي نوسه انتي ابوك ما بلد ولا المشكله شنو قلت ليهو والله م عارفه يا فادي بس تقريبا قال لي اسمعيني ممكن اخليهو يمش لي زميلي دكتور لو عندو مشكلة بسيطه بتتعالج قلت ليهو ممكن اتعالج قال لي اي انتي اطرحي عليهو الحاجه دي برواقه من غير م تحسسي قلت ليهو اكيد لو في علاج نحنا طوالي نبدا فيهو  قلت ليهو بكره بمش اقنعو قال لي تمام وما بتحتاجو زمن ولا حجز هو صحبي وعيادتو جنبي ومتخصص في الحقن المجهري لو الحاله عاوزه قلت ليهو تمام  

تاني يوم مشيت اتناقشت  مع ابوي بس حسيتو رافض وانا م عارفه الكلام القالو ليهو الدكتور بس اي كان دا كلام قديم ولو في طريقه اتعالج احسن اتعالج قال لي ي بتي خليني ساي حنستو واقنعتو واترجيتو قلت ليهو نفسي في اخوان ومرتك صغيره يا ابوي م تحرمها بعد تعب حتي اقتنع بي وكلمت فادي في نفس اليوم مشينا وعملنا الفحوصات وطلع انو ممكن زوجتو تتحمل بالحقن  المجهري وبقينا نحنس في ابوي لغايه م وافق وطوالي بدينا الاجراءات بتاعت الحقن رغم انو متعب بس كلو يهون وبقيت متابعه معاهم ونسيت حملي زاتو لغايه م حقنو ليها وبقينا منتظرين نتيجه الحقن في توتر وقلق وانا ال١٥يوم دي كل يومين بمش وبجي اساعدها عشان ترتاح ويوم النتيجه ابوي مقلق قلق مشينا المعمل وحللنا والحمدلله النتيجه طلعت ايجابيه وابوي طاير من الفرح  وضبح كرامه وزعها في الشارع وما خلا زول م اتصل ليهو وكلمو 

والدكتور طمنا وقال انو حقن ٣ وشكلهم ال٣ثبتو ولازم ترتاح ولازم رعايه ابوي جاب ليهو بت تساعدها  ابوي مبسوط شديد وطاير من الفرح وكل مره يشكر لي فادي قلت ليهو فادي كان سبب بس دي قسمتك يا ابوي  مرت الايام وانا بمشي يوم واحد لي ابوي ياسر لانو كنت زهجانه في الحمل فاتن كانت بتقول لي  اليوم كلو غير اسمك م بجيب لدرجه انو اولادو بقو اغيرو منك بس هم بقولو انتي انحرمتي من حنانهم كتير قلت ليها كل السنين الجايه م ح تعوضني سنه طفوله من دونهم بس دي قسمتي وانا مقتنعه وعافيه ليهو

 امي قالت لي تجي تلدي معاي وبقيت تجهز في البيت  وملك زواجها بعد ولاتي 

  مرت الايام وانا كل يوم بمر علي بحمد ربنا علي النعمه الانا فيها فادي من جهه وابوي خالد من جهه واهلي الحقيقين من جهه عوضوني عن اي حرمان انحرمتو وما قصرو مني حتي اخواني كنت خايفه انهم م يتقبلوني بس حصل العكس بقيت احس انا بقيت ليهم ملجأ   في كل امورهم   وفي كل صلاه بقيت ادعي لي ابوي وامي ربنا يغفر ليهم اي ذنب ارتكبو في حقي وحق غيري وطلبت من ابوي يعمل وقف لي ميار  عسي ولعل اخفف ذنوبو  وقدرت اصل لي اهلا وبقيت شهريا نرسل ليهم مصاريف بالذات ابوها وضعو اتغير وبقا مريض وعاجز عن الشغل كل م يشكروني بقول ليهم انا م عايزه شكر انا عايزه منكم تعفو لي والبصرف عليكم دا تدعو ليهو  لانو محتاج دعوات هو مكسر في السرير 

مرت الايام وولدت بت وفادي كان طاير من الفرح وسميناها ايه وكانت تشبه فادي بطريقه مبالغه م شالت مني ولا شي  وعملنا ليها سمايه كانو عرس عديل واهل فادي دي كانت اول حفيده ليهم لانو فاتن ربنا ماقسم ليها لسه ولاده وكانت متاثره بالحاجه دي لحظه ولادتي كانت واقفه جنبي وبتقول لي ادعي لي يا نوسه مافارقتني لحظه كنت بشوف في عيونها تشويق للحظات دي قلت ليها ربنا مايحرمك منها وتضوقيها يا فاتن ومرت الايام وربنا استجاب لدعواتي وفاتن حملت وكانت طوالي بتقول لي دعوتك استجابت ي نوسه  فرحنا ليها شديد 

وعملنا مناسبه فخمه لي ملك وسافرت كندا مع زوجها دي كانت اول مناسبه احضرها معاهم 

مرت الايام ومرت ابوي ولدت تلات تؤام ولدين وبت وابوي حلف البت يسميها نسيبه والاولاد فادي ومحمد ومن بعد ولادت مرت ابوي ربنا فتحها عليهم وبدل الدكان عمل مول الحمد لله 

مرت السنين وانا دخلت الجامعه ودرست طب ورغم انو شغل البيت والاولاد وفادي علي بس فادي ساعدني كتير وماقصر مني  واتخرجت بي امتياز حققت حلم كان مستحيل يتحقق بس مافي حاجه بعيده من ربنا  ومن ارادتو  انا انحرمت من المدرسه بس شغفي للعلم ما قل حتي لمن كبرت في العمر وكان هدفي السعيت ليهو التعليم اتزوجت راجل كبير حاول يكافئني صبري عليهو وبديت مشوار التعليم وانا معاهو  لغايه ما لاقيت فادي وكملت معاهو كل المشاوير  ابوي الرباني رغم انو كان عاجز بس كان متفائل تفائلو هو الزوع فيني الثقه  الصفات الاكتسبتها منو علي الصفات العندي ساعدتني وساعدتو ف كل حياتنا رغم التعب والمشاكل الواجهتنا بس م استسلمنا الشي المحزن نزار وامو  ماتو في حادث  واتزوج ومرتو ولدت بتو اسمها نسيبه قدرت اصل ليهم واتعرفت عليها ووقفت جنبها وساعدتها كتير واتزوجت صاحب فادي الدكتور العالج ابوي  

 عبير ربنا كرمها بي الاولاد والبنات وسكنت الجزيره كنا كل م نشتهي البلد. نمشي نقعد معاهم ايام كانو بشيلونا من الارض شيل كرم وجود وبساطه ❤️

سبحان الله بت عمي الحاسده الكانت بتحفر وراي اتزوجت راجل قالو بصبحها بي دقه وبمسيها بي دقه حزنت ليها شديد م شمت عليها مفتكره طريق الحسد ح يوصلها لطريق حلو بالعكس علي نيتا ربنا رزقها البشبها  وكل الشر الاتمنتو لغيرها لقتو هي في حياتها 

مرت الايام والسنين وانا ولدت  اسيل احمد وايمن وفي ولادتي بي ايمن تعبت وربطو لي 

مرت السنين وانا وفادي فتحنا اكبر عيادات مجانيه لمساعده الناس واولادي كلهم قرو في مجالات الطب الا ايمن درس  هندسه نفط  وكانت حياتي حلوه وملانه سعاده بوجود زوجي فادي هون علي كل الطرق القاسيه خاض معاي معارك الحياه من تربيه لي تعليم لي شغل وكان زوج مثالي عوضني عن كل شي وفعلا كان لي ضماد جرح ودي نهايه روايتنا اتمني تكون نالت اعجابكم والاهداف عاوزاكم تكتبوهن انتو متابعه التعاليق وليكم كل الحب والاحترام ونتلاقه في روايه تانيه