رواية عشقي الابدي الفصل الاربعون 40 والواحد والاربعون 41 بقلم الكاتب المتمرد
الحلقه_ال40
معتز : يا جماعه احنا بنهزر ربنا يوفقكم وتخلصوا دراستكم على خير والاهم ان كل واحده فيكم يكون عندها هدف تسعى لتحقيقه مش تخلص دراستها وتقعد فى البيت .
شاهى باستغراب بصت لمعتز وقالت : غريبه جدا أن حضرتك بما أنك راجل صعيدى
بتؤمن بعمل المرأة.
معتز : يا انسه شاهى مفيش حاجه دلوقتى تمنع اى بنت او اى ست انها تشتغل وتكون زيها زى اى راجل فى شغله، الاهم انها تكون متحفظه وملتزمه وعندها هدف وطموح عاوزة تحققه .
و..........
الشغل عموما بيمنح الإنسان قيمة مضافة لوجوده في الحياة ومكانة وتميز وسعادة نظراً لما يشعر به من نجاحات وتقدير لذاته واحترام الآخرين ليه وتشجيعهم دايما له، واى ست برضه بيبقى ليها كيانها وتقديرها الذاتي لنفسها ورضاها عن وجودها كعضو ناجح ومنتج في المجتمع وتؤدي عملها بكفاءة وتميز وتشارك الراجل في كل مجالات العمل والإنتاج لصالح تنمية وتقدم المجتمع.
وفى عندنا فى الصعيد أزواج بيساعدوا زوجاتهم لنزول ميدان العمل والنجاح واكتساب الخبرات اللازمة والارتقاء بقدراتهم وتنسيق الأدوار بينهم هما الاتنين لتحقيق التوازن ورعاية الأسرة والمشاركة في نفقات المعيشة وتحسين حال الأسرة وتعليم الأبناء وتلبية كافة الاحتياجات بحب واحترام ومودة وتعاون وخاصة في الأسر متوسطة الحال.
الصعيد اتغير جدا يا انسه شاهى وعندنا طبيبات ومهندسات ومعلمات على كفاءة عاليه جدا من التفوق .
يوسف : انا معاك طبعا يا معتز وده ده كله شىء يشرف اى ست، بس فى رجاله كتير للاسف فى عصرنا ده بترفض فكرة شغل المرأه، والأسباب اللى بتدعو الزوج إلى عدم الرضا عن خروج زوجته للعمل كتير جدا، ومنها أن يكون الداعي لمنع الزوجة من العمل هو الشعور بتفوق الزوجة عليه، بحيث تكون الزوجة في وظيفة تتمتع من خلالها بمركز اجتماعي أو مردود اقتصادي أعلى من جوزها؛ وده يؤدي إلى الشعور بالنقص، وساعات يكون الدافع هو الإفراط والمبالغة في الغيرة، ودايما بيكون السبب هو الفهم الخاطئ لبعض النصوص الدينية والأحكام الفقهية.
عبير وشاهى معظم كلام معتز ويوسف مش فاهمينه وده اللى خلى يوسف يضحك على منظرهم ده وقال : انتم تنحتوا كده ليه ، مش بقول لكم انتم لسه اطفال مصدقتنيش انت وهى هههههههه .
وفضلوا يضحكوا هو ومعتز والبنات اتعصبت عليهم شويه لحد ما الشباب من فوق نزلوا كلهم بالشنط وبدأوا يودعوا سميحه وسماح .
وشاهى طلبت من أيه وسميحه انها تاخد عبير معاهم المطار ويبقوا يرجعوها تانى .
سميحه ردت قبل ما أيه ترد وقالت : خديها يا حبيبتى اهى تغير جو شويه معاكم وتوصل اختها قبل ما تسافر وتودعها بس متتأخروش دى امانه عندى زى ما انتم عارفين .
عبير فرحت جدا ان سميحه وافقت انها تروح مع شاهى المطار يوصلوا الكل، ويوسف شاف الفرحه اللى فى عيونها بكل براءه وكأنها طفله صغيرة فعلا وراحه تتفسح .
خرج الكل على بره وحطوا الشنط فى عربيه معتز وعربيه يوسف .
ومعتز ركب معاه حسام وأيه وعبير وشاهى كمان .
ويوسف ركب معاه فى عربيته زين وعمر وليل وشاهندا .
واتحركوا بالعربيات فى طريقهم للمطار .
وخلال نصف ساعه كانوا وصلوا اودام باب المطار ونزلوا شنطهم وأيه قربت من عبير وحضنتها وودعتها وقالت : عبير مش عاوزة اوصيكى ..خلى بالك من نفسك واسمعى كلام سميحه هانم وابقى طمنينى على بابا وماما دايما .
عبير : متقلقيش يا عروسه المهم خلى بالك انتى من نفسك وابقى ابعتيلى صوركم فى كل مكان تروحوا فيه .
شاهى قربت لأيه وقالت : متقلقيش على عبير يا ايه انا هابقى اعدى عليها كل فترة كده واطمن عليها وعلى طنط سميحه وابقى اخدها وافسحها وافرجها على القاهرة والمناطق السياحيه .
أيه ردت وقالت : تمام يا شاهى وعقبالك انتى وعبير يارب وعقبال لما اوصلكم للمطار زينا كده باذن الله .
يوسف عيونه هو ومعتز جت على عبير وشاهى وشافوا احراجهم من كلام أيه .
يوسف : مين دول اللى يتجوزوا دول اخرهم مرايه وشويه مكياج وخلاص مينفعوش يفتحوا بيت دول .
عبير اتصدمت من كلام يوسف وشاهى كمان وبصت لعمها بحزن وقالت : بقى كده يا عمو احنا مينفعش نفتح بيت، شكرا جدا .
تستمر القصة أدناه
يوسف بصلها وقال : يا بنتى بهزر معاكى انتى وهى كبروا الجمجمه دى شويه .
عمر : مش وقت اللت والعجن ده هاتاخرونا على "شهر العسل" اقصد على الطيارة، ونبقى نشوف الموضوع ده بعدين يا عم يوسف لما نرجع من السفر .
الكل فضل يضحك على عمر وكلامه وفعلا الشباب والبنات سلموا عليهم وودعوهم ودخلوا على جوا على طول .
يوسف بص لشاهى وعبير وشاف ملامحهم اللى مش مبشره بأى شىء وقرب من معتز بهدوء وقال : ربنا يستر شكلهم كده هايعلنوا الحرب علينا بدام عملوا الوش الخشب ده كده .
معتز ابتسم وقال : ربنا معاك انت يا يوسف انت ناسى انهم هايركبوا معاك انت .
يوسف : أخ ربنا يستر .
شاهى بصت ليوسف بعصبيه وقالت: إحنا هنفضل نبص لبعض كده كتير ولا إيه ؟ يالا بينا يا عموا🤨 ومسكت أيد عبير وركبوا مع يوسف .
معتز بصله وابتسم وقال : مش قولتلك ربنا معاك انت يا ماااان ، سلام يا صاحبى وسلم عليه معتز وركب عربيته على طول .
يوسف : سلام يا معتز واشوفك بكره الصبح ان شاء فى المستشفى، ولو ماجتش ابقى اطمن عليا انا حاسس ان البنات دى هاتولع فيا دلوقتى .
معتز بضحك رد وقال : ربنا يستر .
يوسف ضحك وركب عربيته واستغرب ان البنتين قاعدين ورا على الكنبه مع بعض بس مرديش يتكلم وطلع بالعربيه على طول .
شاهى : كنتم بتقولوا ايه بقى يا استاذ يوسف علينا .
يوسف : استاذ يوسف.. ابدا والله يا حبيبه قلبى هو انا اقدر برضه، احنا كنا بنقول كل خير متقلقيش .
شاهى بصت لعبير وضحكت وقالت : اه بحسب ههههههه .
يوسف : لا تقلقل يا وحش هو انا اقدر برضه ازعل القمر ده.
وفضلوا يهزروا ويضحكوا طول الطريق وكل شويه يوسف كان بيبص فى مرايه العربيه ويتابع نظرات وابتسامه عبير الطفوليه.
______________________
وفى مكان تانى خالص حسان وصاحبه صابر بعد هروبهم من السجن فضلوا يجروا لحد ما وصلوا للطريق السريع وفضلوا واقفين منتظرين أى عربيه تعدى وترضى تقف ليهم لحد ما فجأه .......
لمحوا عربيه جايه على بعد وبتقرب عليهم فاشاوروا ليها ووقفت وطلبوا من السواق انهم يركبوا معاه.
وفعلا السواق وافق بعد تردد وقلق من شكلهم ومنظرهم وركبوا معاه العربيه اللى كانت محمله صناديق خضار وفاكهه.
سواق العربيه بصلهم وقال : يا ترى الاساتذه رايحين على فين ؟
حسان رد وقال : اى مكان انت رايح فيه هاننزل فيه يا اسطى متقلقش .
سواق العربيه : لاموخذه كده هو انتم هربانين من السجن ولا ايه ؟
صابر بقلق وتوتر خاف جدا وبص لحسان اللى حاول يجمع كلامه ورد وقال : سجن ؟! سجن ايه بس يا اسطى احنا وش ذلك برضه ؟
كل الحكايه اننا كنا راكبين عربيه ميكروباص وللاسف عطلت بينا ونزلنا على الطريق مكان ما انت شوفتنا كده بالضبط .
سواق العربيه فرمل فجأه وبص ليهم
وقال : بقولك ايه انت وهو، أنا مش عبيط ولا اهبل واللبس اللى انتم لابسينه ده لبس السجن اللى قريب من هنا انا متأكد، وأنتم أكيد هربتوا منه وزمان الحكومه قالبه الدنيا عليكم .
حسان بتردد وقلق قال : الصراحه اه هربنا وشكلك كده راجل جدع ومش هاتبلغ عننا .. إحنا يا أسطى اتقبض علينا واتظلمنا ودخلنا السجن ظلم فى ظلم والله.
صابر رد وقال : اه والله يا اسطى اتظلمنا وعيونه على حسان وقال : منه لله اللى كان السبب ووقعنا الوقعه السوده دى بقى يا أسطى.
حسان بصله بغيظ وقال : ياريت يا اسطى تكمل جميلك معانا بقى وتودينا معاك لاى حته بعيد عن هنا قبل ما الحكومه تقدر توصل لنا وتاخدنا تانى.
سواق العربيه فضل يبصلهم من فوق لتحت وصعبوا عليه فعلا منظرهم وحالهم وصدق كلامهم وشغل العربيه من جديد وطلع بيها من غير ما ينطق ولا كلمه .
حسان خد نفس طويل واتعدل فى قعدته وقال : ربنا يخليك يا اسطى وجميلك ده عمرى ما هاقدر انساه انا وصاحبى صابر ده ابدا .
ووفضلوا ماشين بالعربيه وطول الطريق كانوا قاعدين بيتكلموا مع السواق ويتعرفوا عليه.
لحد ما فجأه.........
لمحوا على بعد كام متر كمين كبير للشرطه وشكلهم كده بيدوروا عليهم والسواق وقف بالعربيه وقال : يا وقعه سودا كمين للحكومه واكيد بيدوروا عليكم، وشكلهم كده هايفتشوا العربيات كلها اللى فى الكريق عجبكم كده، وشكلى هاروح فى ستين داهيه بسببكم .
تستمر القصة أدناه
صابر بكل خوف بصله وقال : يالهوى روحنا فى داهيه، عجبك كده يا حسان اكيد هايشوفونا ويعرفوا أن إحنا اللى هربنا من السجن، الله يخرب بيتك يا شيخ يارتنى ما كنت سمعت كلامك ولا هربت معاك .
حسان بكل عصليه وتوتر رد وقال : تسمح تتكتم وتنقطنى بسكاتك يا زفت انت، خلينا اشوف هاعمل ايه فى الوقعه السودا دى .
سواق العربيه بصلهم ووقف العربيه فجاه وقال : بقولك ايه انت وهو ..خدوا بعضكم زى الشطار كده واتفضلوا انزلوا من العربيه متودونيش فى ستين داهيه معاكم .. انا راجل طالع على أكل عيشى وورايا عيال فى البيت عاوز اربيها وارجع لهم بالسلامه.
حسان بعصبيه رد وقال : هاننزل نروح فين بس يا اسطى فى قلب الصحراء دى والحكومه اللى زمانها فى كل حته؟
سواق العربيه بصلهم وقال : ماليش فيه يالا انزل منك ليه يا اخويا وخلصونى بسرعه خلينى اتوكل على الله من هنا قبل ما الحكومه تشوفكم معايا .
حسان فكر بسرعه وشغل دماغه وبص لصابر بعيون كلها غدر وفجأه لمح اودامه على طابلوه العربيه حديده كبيرة .
فبص للسواق وقال خلاص يا اسطى هاننزل اهو يالا يا صابر انزل خلى السواق يتوكل على الله من هنا.
وعمل نفسه هاينزل هو وصابر فعلا ومسك الحديده بسرعه وفضل يضرب فى سواق العربيه بكل قسوة لحد ما غرق فى دمه .
صابر اتصدم من اللى حسان عمله ونزل بسرعه من العربيه وهو بيقول : الله يخرب بيتك
الله يخرب بيتك عملت ايه يا زفت ؟
حسان بكل توتر وعصبيه رد وقال : أخرس خالص ووطى صوتك هاتودينا فى ستين داهيه واطلع واركب تانى بسرعه، ومد أيده فى جيب السواق وخد الفلوس اللى معاه كلها وخد كمان الموبيل بتاعه وفى ثانيه كان فاتح باب العربيه اللى جنب السواق وزقه من العربيه وقعه على الارض وشغل العربيه بسرعه ودخل بيها من طريق جانبى بعيد عن الكمين خالص .
صابر بكل خوف وذعر بصله وقال : هببت ايه ؟ هاتودينا فى داهيه يا حسان الله يخرب بيتك .
حسان وهو سايق قال : اتكتم بقى خلينا افكر هانهبب ايه ونطلع ازاى من اللى احنا فيه ده ؟ خلينى اركز بقى يا زفت انت بدل ما أقسم بالله انزلك منها واخلى الكلاب والتعالب تنهش فى لحمك فى ام الصحراء دى .
صابر سكت خالص وفضل حسان سايق العربيه وهو بيفكر هايعمل ايه فى اللى هما فيه ده .
__________________
يوسف كان وصل بعربيته اودام باب الفيلا بتاعه زين وركن على جنب ونزلت عبير بعد ما ودعت شاهى ويوسف، واول لما اطمنوا انها دخلت على جوا اتحرك يوسف بالعربيه على طول .
عبير اول لما دخلت ، سميحه وسماح رحبوا بيها وابتسمت سميحه وقالت : اهلا يا حبيبتى تعالى.. اومال فين شاهى ويوسف مدخلوش معاكى ليه ؟
عبير : وصلونى يا طنط ومشيوا على طول وبيبلغوا حضرتك سلامهم .
سميحه : الله يسلمهم حبيبتى، طمنينى على العرسان عملوا ايه لما وصلوا المطار ؟
سماح ضحكت وقالت : هايكونوا عملوا ايه بس يا سميحه اكيد سلموا عليهم من بره ودخلوا علشان يركبوا الطيارة .
عبير بضحك : زى ما طنط سماح قالت كده بالضبط سلمنا عليهم وعمر كان مستعجل اوى وبيطفشنا بأى طريقه علشان يسافر .
تستمر القصة أدناه
سميحه : عمر ده فظيع يموت فى الهزار والضحك .. ربنا يسعدهم كلهم ويرجعوا بالسلامه ان شاء الله، وعقبالك انتى كمان يا عبير لما نفرح بيكى أنتى وشاهى يا حبيبتى يارب.
عبير بخجل : ان شاءالله يا طنط .
سميحه قامت وقفت وقربت من عبير
وقالت : تعالى معايا يالا يا حبيبتى هاطلعك لأوضتك فوق واجبلك بيجامه من بتوع ليل او شاهندا عقبال لما ننزل بكرة واروح اجبلك شويه حاجات كتير .. انتى جيتى ومعملتيش حسابك انك تفضلى معانا لحد ما العرسان يرجعوا بالسلامه.
وفعلا قامت عبير بخجل هى وسميحه وطلعوا على فوق ودخلتها اوضه ليل وادتها بيجامه كمان وسابتها تغير لبسها ونزلت على تحت علشان تطلب من دادة زينب تجهز العشاء ليهم كلهم .
_______________________
وفى مطار روما الدولى كان العرسان وصلوا ونزلوا من الطيارة وخرجوا من المطار وخدوا عربيتين يوصلوهم لحد الفندق اللى كانوا حاجزين فيه ليقضوا شهر العسل .
واول لما وصلوا كل واحد فيهم خد عروسته وطلع على جناحه المخصص للعرسان .
والبنات دخلوا اوضهم وقبل ما زين يقفل باب جناحه عليه هو ومراتخ بص لحسام وعمر اخوه وقال : مش عاوز ازعاج منك له وبص لعمر وقال : بالذات انت ياض عارف لو هوبت ناحيه باب اوضتى هاعمل فيك ايه ؟
عمر ضحك وقال : يا عم روح منك له أنا اللى لو لمحت بس حد فيكم عند باب أوضتى هاقتله .. أنا هنا فى شهر العسل وبس فاهمين يا جدعان .. شهر عسسسسسسسل 😉
حسام بغيظ قرب منه وقال : تصدق انت عيل رخم ده على اساس ان اللى ضيع مننا يوم فرحنا حد تانى غيرك انت صح .
عمر : أنسى بقى منك ليه ونبدأ صفحه جديده وكل واحد فيكم يتخيل أنها ليله الزفاف بتاعته من جديد ويبدع براحته ،
وبسرعه ولأنه توقع اللى زين وحسام ممكن يعملوه فيه دخل وقفل الباب وراه .
حسام وزين ضحكوا وقالوا مجنووون وهايفضل كدة طول عمره، وبعدها كل واحد فيهم دخل على جناحه مع مراته .
شاهندا أول لما دخلت جناحها هى وعمر والعامل ساب الشنط وقفل الباب وراه عمر جرى عليها وشالها وفضل يلف بيها فى الاوضه وشاهندا تضحك وتقول يا مجنوووون .
عمر : انا فعلا مجنون بيكى يا أحلى وأجمل شوشو فى الدنيا .
شاهندا : طيب نزلنى الاول لانى دوخت والله يا عمر وبطل جنان .
عمر نزلها بشويش وضمها لحضنه وقال : بموووووت فيكى .
شاهندا بخجل : وانا كمان بموت فيك.
عمر غمزلها بعيونه وقال : طب يالا .
شاهندا بعدم فهم قالت : يالا ايه ؟!
عمر : يالا نبدأ شهر العسل يا قطة .
شاهندا اتكسفت جدا ووشها احمر وقالت : "اتلم" وبعدين انا هادخل اخد شور دافىء وانت كمان تاخد شور .
عمر : وماله ناخد شور دافىء ونبدأ شهر العسل ده أنا هاعمل عمايل اصبرى عليا يا قطه.
شاهندا ضحكت بدلع ودخلت على الحمام وسابت عمر قاعد على حرف السرير فى انتظارها على نار .
وفى الجناح الخاص بزين وليل الوضع كان مختلف لأن أول لما دخلوا على طول والباب اتقفل عليهم .
زين وقف اودام ليل على طول وشدها بأيده بكل رقه لحضنه وعيونه فى عيونها بكل شوق ولهفه وقال : أخيرا بقينا لوحدنا يا روح قلبى .. اخيرا انتى بين ايديا وفى حضنى وعيونى فى عيونك وحاسس بنبضات
قلبك.
وقرب منها اكتر وهمس لها بكل رقه وقال : وحشتينى اوى اوووى اووووى .
ليل وشها احمر جدا من الخجل وحست بدقات قلب زين ودابت من لمساته وهمساته بين ايديه وعيونها فى عيونه بكل رومانسيه وهو كمان ركز فى عيونها وعلى شفايفها اللى بتجننه وبدون اى مقدمات قرب منها ومن شفايفها ووو.........
راحوا فى عالم جميل خاص بيهم .
وفى اوضه حسام وأيه الوضع كان يشبه اللى بيحصل مع زين وليل بالضبط وكانوا فى لحظات رومانسيه جميله تعوضهم اليومين اللى ضاعوا منهم .
اما عند عمر فاشاهندا كانت خدت الشور بتاعها ولبست البورنس ولمت شعرها بالفوطه وفتحت باب الحمام وخرجت واتصدمت اول لما شافت عمر نايم على السرير فى سابع نومه .
شاهندا قربت منه وهزته بأيديها وقالت : عمر!! عمر انت نمت ؟ عممممممممممر😲
وبكل غيظ بصتله وقالت : قال هانبدأ شهر العسل قال كتك خيبه😏
وراحت على الشنط وفتحت واحده منهم وطلعت لبسها ولبست بيجامه ستان رقيقه وقعدت على التسريحه وبدأت تسرح شعرها وبعدها راحت نامت جنب عمر وهى بتبصله بكل غيظ ومن كتر التفكير فى ثوانى راحت فى سابع نومه هى كمان زيه بالضبط من تعب السفر .
#الحلقه_ال41
شاهندا قربت منه وهزته بأيديها وقالت : عمر!! عمر انت نمت ؟ عممممممممممر😲
وبكل غيظ بصتله وقالت : قال هانبدأ شهر العسل قال كتك خيبه😏
وراحت على الشنط وفتحت واحده منهم وطلعت لبسها ولبست بيجامه ستان رقيقه وقعدت على التسريحه وبدأت تسرح شعرها وبعدها راحت نامت جنب عمر وهى بتبصله بكل غيظ ومن كتر التفكير فى ثوانى راحت فى سابع نومه هى كمان زيه بالضبط من تعب السفر .
_______________
حسان وصابر كانوا وصلوا بالعربيه لقريه صغيرة على الطريق وكانوا خايفين انهم يقابلوا اى كمين أو اى حد يسألهم عن رخصه السواقه او رخصه العربيه اللى نسيوا يخدوها اصلا من السواق لما رموه على الارض .. واول لما ضوء النهار طلع ما صدقوا انهم وصلوا للقريه دى وركنوا على جنب ودوروا فى العربيه عن اى حاجه مهمه قبل ما ينزلوا منها، وبظروفها لقيوا شنطه بلاستيك سودا وفيها جاكت وقميص وبنطلون قدام، وتوقعوا انهم بتوع سواق العربيه .. ففرحوا جدا وحسان قلع لبس السجن ولبس البنطلون والجاكيت وصابر لبس القميص وفضل بالبنطلون الكحلى بتاع السجن ولان القميص كان طويل عليه مكنش باين ان ده البنطلون بتاع السجن .
ونزلوا من العربيه وسابوها على الطريق بالخضار كله اللى كان فيها بعد ما اطمنوا انهم مسحوا بصماتهم من على كل حاجه كانت فى كابينه العربيه.
صابر بص لحسان باستغراب وقال : تسمح تقولى هانروح فين دلوقتى فى المكان المقطوع ده ؟
حسان بصله وقال🤨 : يا أهبل أنت كان لازم ننزل من العربيه دى ونركب أى مواصله تانيه تبعدنا عن هنا، الحكومه وقت ما هتلاقى العربيه دى هايتوقعوا أننا دخلنا القريه اللى هناك دى .. وانا علشان زكى وبفهم مش هاعمل كده .
صابر باستغراب رد وقال : اومال هاتهبب أيه قولى يا زكى !؟
حسان رد وقال: هانركب اى ميكروباص يبعدنا عن هنا ونروح اى مكان تانى نستخبى فيه فترة لحد ما أفكر واتكتك هانعمل أيه بالضبط فهمت يا حمار .
صابر رد وقال: يا لهوى عليك أنت دماغك ايه يا جدع أنت!! عامل حساب كل حاجه دايما كده .
حسان بغرور بصله وقال : علشان تعرف بس انى بخطط لكل شىء بالمضبوط .. ونفسى تبطل الجبن اللى انت فيه ده وتعقل وتسمع كلامى
وفجأه.........
شاف عربيه ميكروباص جايه من على بعد ففرح اوى وقال : اخيرا عربيه جايه اهى وهاتبعدنا عن هنا وبدأ يشاور للعربيه لحد ما وقفت اودامهم على طول .
سواق العربيه بصلهم باستغراب وقال : رايحين على فين يا رجاله ؟
صابر لسه هايتكلم حسان بصله وقال استنى انت .. ورجع بص للسواق ورد وقال : مكان ما تروح يا اسطى هانروح، انت رايح فين ؟
السواق رد وقال : رايح على القاهرة .
حسان بفرحه رد وقال : ماشى يا اسطى واحنا كمان رايحين على القاهرة خدنا فى طريقك ينوبك صواب .
السواق بصلهم وقال : اطلعوا طيب بسرعه خلينا نتوكل على الله .
وفعلا طلع حسان وصابر وقعدوا فى اخر العربيه على الكنبه من ورا وطلعوا فلوس من المحفظه اللى كانوا خدوها من سواق العربيه النقل قبل ما يرموه وحاسبوا سواق الميكروباص وراحوا هما الاتنين فى سابع نومه من كتر التعب اللى مروا بيه وبعد كام ساعه وصلوا موقف رمسيس فى محافظه القاهرة ووقف السواق .
______________________
+
تستمر القصة أدناه
اول لما الشمس طلعت وملت الجناح الخاص اللى فيه زين وليل .. شعاع الشمس جه فى عيون زين ففتح عيونه بصعوبه وابتسم أول لما شاف ليل نايمه على كتفه بمنتهى البراءه .
فعدل جسمه بشويش وفضل يتأمل فى ليل وفى رقتها وجمالها وشعرها اللى كان مغطى معظم وشها الطفولى.
ومد أيده براحه وشال خصله الشعر اللى على عيونها وشفايفها ولمس خدها بمنتهى الرقه والرومانسيه وبدأ يلمس شفايفها لحد ما ليل بدأت تتقلب فى نومها وتفتح عيونها .
واول لما فتحت عيونها وشافت زين اودامها ابتسمت وقالت : صباح الخير يا حبيبى .
زين بمنتهى العشق ضمها فى صدره
وقال: صباح الفل والياسمين والورد يا أحلى وأجمل ليل فى الدنيا كلها .
ليل بابتسامه جميله ردت وقالت : كل الكلام الحلو ده ليا انا ؟!
زين : واكتر من كده يا روح قلبى .
ليل : بحبك
زين : وانا بعشقك
ليل بخجل لسه هاتقوم زين شدها وقال : على فين يا قمر؟
ليل : هاقوم علشان عاوزة الف معاك كل مكان فى روما .. عاوزة يبقى لينا ذكريات فى كل شبر فيها .. عاوزة اتصور معاك واشيلهم زكرى لعيالنا لما يكبروا علشان يعرفوا أد إيه أنا وأنت كنا بنحب بعض يا حبيبى .
زين : انتى قولتى ايه ؟!
ليل بخجل : حبيبى وروح قلبى وحياتى وأخويا وأبويا يا زين .
زين شدها لحضنه وباسها بمنتهى الرومانسيه وبعد بضع دقايق بعدت ليل وقالت : يالا بينا بقى نستعد مش عاوزة اضيع اى لحظه من شهر العسل ونشوف الباقين صحيوا ولا لسه يا زين .
زين : ماشى يا ستى زى ما تحبى هادخل على الحمام اخد شور عقبال لما تتصلى انتى على البنات وتشوفيهم صحيوا ولا لسه نايمين .
ليل: تمام يا باشا.
زين: طيب ما تيجى 😉...........
وقبل ما يكمل كلامه ليل فهمت هو يقصد ايه وقالت: وبعدين معاك مش هاتبطل قله أدب بقى قوم بسرعه يالا وروح على الحمام وبطل مياسه.
زين😲 مياسه وقلة أدب كمان طيب انا زعلان ومش هاقوم واروح معاكى فى اى مكان غير لما تصالحينى وقوى كمان، ايه رايك بقى يا ست ليل.
ليل حست انها زودتها فعلا فى طريقه كلامها والفاظها معاه فقربت منه بدلع وباسته فى خده بمنتهى الرقه وقالت: كده حلو 😉
زين عمل نفسه لسه زعلان ومد أيده وشاور على شفايفه وقال: تؤ تؤ لسه زعلان وعاوز هنا وأوى أوووووووووى.
ليل: وبعدين معاك بقى يا زين بطل دلع بقى وقوم خلينا ننزل ونلف ونغير جو واوعدك ان لما نرجع هاعمل كل اللى انت عاوزه .
زين🤨 وعد
ليل: وعد يا حبيبى بس يالا بقى.
زين😔 أمرى لله .
____________________
عمر كان صحى من النوم قبل ما شاهندا تصحى من نومها وشافها وهى نايمه جنبه زى الملاك.
فابتسم وكشر على طول لما افتكر اللى حصل باليل معاه وانه نام وهو قاعد مستنيها تخرج من الحمام وزعل من نفسه جدا وقال : أما انت يا واد يا عمر طلعت حمار كبير صحيح يا ترى شاهندا قالت عليك ايه دلوقتى؟
وقرب من شاهندا وباسها فى خدها وبدأ يلعب فى شعرها وهو بيقول : شوشو شوووشو حياتى .. أصحى يا روح قلبى، أنا عارف أنك زعلتى منى لما خرجتى من الحمام ولقتينى نايم زى الجردل .. بس حقك عليا يا روحى وهاعوضك ان شاء الله بدلها كتييير .
شوشوووو .. شوشوووو.
تستمر القصة أدناه
شاهندا فتحت عيونها ولسه هاتبتسم لما شافت عمر اودام عيونها بس كشرت ولفت ضهرها ليه وقالت : مخصماك ومش هاكلمك يا عمر وابعد عنى بقى علشان أكمل نومى .
عمر اتصدم وفى لحظه وبدون تفكير نط من عليها ولف الناحيه التانيه فى لحظه
وقال: حبيبتى سامحينى واوعى تزعلى منى والله من كتر التعب نمت زى الجردل وهاعوضك ليله بدلها إن شاء الله!! وليله ليه ما احنا فيها أهوووو .. وشدها لحضنه وهى زقته بسرعه وقامت من السرير وحطت ايديها فى وسطها وقالت : بعينك يا عمر انه يحصل واتفضل اوعى بقى علشان عاوزة اكمل نوم .
عمر بتكشيرة رد وقال : نوم ايه بس يا شوشو احنا فى شهر العسل يا حبيبتى .
شاهندا بغيظ بصتله وقالت: قول لنفسك يا استاذ ياللى نمت زى الجردل وسيبتنى قاعدة لوحدى بعد النجوم فى السماء، وسابته على طول ودخلت بسرعه على الحمام .
عمر بحزن رد وقال : يا لهوى عليك وعلى سنينك يا عمر يا إبن أم عمر .
وفجأه..............
طقت فى راسه فكرة جامده وقام من على السرير بسرعه علشان ينفذها، وفضل رايح جاى فى الاوضه شويه مستنى وقت التنفيذ، لحد ما سمع صوت الدش اشتغل وأتاكد ان شاهندا فى البانيو بتاخد الشور فقرب من باب الحمام وفتحه فجأه عليها ودخل وقفل وراه على طوووول .
شاهندا اتصدمت وهى فى البانيو ومن خضتها كانت هاتصرخ بس عمر كان اسرع وحط ايده على شفايفها.
وفى نفس اللحظه اللى دخل فيها عمر الحمام موبيل شاهندا فضل يرن كتيييير جدا ومحدش رد عليه .
_________________________
ليل كانت اتصلت على "أيه" اللى كانت صحيت من النوم قبل حسام وفتحت الشنط وخدت لبسها ودخلت علشان تاخد شور وكل ده وحسام نايم .
ليل أول لما أيه ردت عليها قالت : صباح الفل يا يويو كويس أنك صحيتى .
ايه ردت وقالت : صباح الفل حبيبتى اه صحيت من شويه وحسام لسه نايم للاسف بس هاصحيه .
ليل : طيب صحيه بقى لان زين دخل ياخد شور علشان ننزل نفطر فى المطعم ونخرج نتفرج على البلد كلها براحتنا .
أيه ردت وقالت: تمام حبيبتى هاصحيه على طول متقلقيش واتصلتى على شاهندا وعمر وبلغيهم ولا اتصل انا بيهم ؟
ليل ردت وقالت : اتصلت عليهم بس الظاهر شكلهم لسه نايمين.. هاقفل معاكى وارن تانى عليهم جايز يكونوا صحيوا .
أيه ردت وقالت: اوك حبيبتى يالا سلام وأول لما تجهزوا رنى عليا وأحنا ننزل على
طول .
وقفلت ليل مع أيه وفضلت ترن على شاهندا وعمر ولما غلبت اتصلت على موبيل عمر نفسه وبرضه محدش بيرد عليها لحد ما زين خرج من الحمام وبصلها وقال : اتصلتى حبيبتى بيهم وصحتيهم ولا لسه؟
ليل بغيظ ردت وقالت : اتصلت بأيه وكانت صحيت من شويه وقالت هاتصحى حسام على طول ويجهزوا نفسهم .. أما شاهندا وعمر الظاهر عليهم لسه نايمين لان مفيش حد فيهم رد عليا منهم.
زين: طب يا حبيبتى ادخلى أنتى وخدى الشور بتاعك وانا هالبس لبسى وهافضل وراهم بالموبيل لحد ما يصحوا ويردوا عليا.
ليل قربت منه وباسته فى خده وقالت تمام يا "زين باشا" وجريت على الحمام بسرعه .
زين مد ايده مكان ما باسته وابتسم وقال: مجنونه بس بعشقك.
وراح يشوف هايلبس ايه ويختار طقم حلو يناسب اليوم اللى هايقضوه بره .
وبعد ما خلص لبسه بدأ يتصل على عمر كتير وللأسف مش بيرد عليه حتى شاهندا رن عليها جايز هى ترد وبرضه مردتش عليه فبدأ يقلق عليهم .
__________________________
تستمر القصة أدناه
عمر وشاهندا كانوا قاعدين على حرف البانيو وبكل عصبيه شاهندا بصتله وقالت : هانعمل ايه دلوقتى فى الباب اللى مش عاوز يفتح ده؟ كان لزومه ايه بس تدخل ورايا وتقفله جامد كده يا استاذ انت ؟
عمر : يا بنتى والله قفلته بشويش مش جامد .. هو شكل الترباس معصلج وشويه هايفتح متقلقيش .
شاهندا بعصبيه بصتله وقالت : على أساس أنه هايفتح لوحده يعنى يا عمر؟
قوم وحاول تفتحه انت، اص٠ انا عندى فوبيا من الأماكن المغلقه دى .
عمر : حاولت كتير وللاسف مفيش فايده بس هاقوم واحاول تانى متقلقيش انت وخدى نفس كبير .
عمر قام وحاول كذا مرة أنه يفتح الباب وللأسف فى مرة من المرات الأوكره اتكسرت فى ايده .
شاهندا بصدمه : هانعمل أيه دلوقتى فى الكارثة اللى إحنا فيها دى ؟ جيت تكحلها عامتها يا عمر .
عمر : نفضل نخبط على الباب لحد ما اى حد من عمال الفندق يسمعونا ؛ فكره حلوة صح ؟
شاهندا بغيظ : اتصرف يا عمر أنا بدات اتخنق هاموووت يا عمر اتصرف ارجوك .
وبدأ عمر يخبط جامد على باب الحمام علشان أى حد يسمعه وفضل على الحال ده لحد ما أيده وجعته .
________________________
زين لما قلق اوى واخوه مردش عليه ولا هو ولا شاهندا اتصل على حسام اللى رد على طول وقال: صباح الفل يا زين باشا ايه الاخبار خلصتوا كلكم نزل احنا جاهزين ؟
زين بقلق رد وقال : صباح النور يا حسام .. إحنا جاهزين انا وليل المشكله إنى برن على عمر وشاهندا بقالى فترة ومحدش بيرد عليا .. انا قلقان يا حسام لا يكون فى حاجه خصلت معاهم.
حسام حاول يطمن صاحبه وقال : يا عم انت بتقول ايه بس!! اهدى خالص ومتقلقش هايكون فى أيه يعنى، هما اكيد فضلوا سهرانين طول الليل لوقت متأخر ولسه نايمين مش اكتر متخفش .
زين بخوف وقلق رد وقال : لا يا حسام انا قلبى مش مطمن انا هاقفل معاك وتعال نروح نخبط عليهم بنفسنا جايز لما نخبط على الباب يصحوا ويفتحوا ونطمن عليهم.
حسام بدا يقلق هو كمان من قلق زين ورد وقال : تمام يا زين زى ما تحب هاقبلك بره علشان نطمن كلنا .
وفعلا زين فتح باب الاوضه هو وليل وفى نفس اللحظه حسام وأيه مراته خرجوا من الجناح الخاص بيهم هما كمان لان كلهم كانوا جنب بعض، وراحوا كلهم على باب اوضه عمر .
وبدأ زين يخبط جامد وبدأ القلق والشك يزيد أكتر عنده وحسام أتأكد أن الموضوع أكبر من كده وبدأ يخبط هو كمان معاه .
عمر وشاهندا كانوا سامعين الخبط من بره وبدؤا يخبطوا على باب الحمام هما الاتنين بأيديهم جامد .
وزين وحسام بيخبطوا برضه من بره لحد ما ليل فجأه ركزت وقالت : استنوا كده يا جماعه أنا سامعه صوت خبط جاى من جوا .
زين وحسام بطلوا خبط وركزوا فى الصوت ده فعلا وسمعوا فعلا صوت خبط من جوه الاوضه وبصوا لبعض هما الاتنين
وزين قال: اكيد حصلهم حاجه جوه انا هاكسر الباب عليهم .
وبظروفها وقبل ما زين يكسر الباب
فجأه..........
عامل من بتوع الفندق طلع على صوت الخبط بتاعهم وقرب منهم وقال باللغه الايطاليه : خير يا جماعه اقدر اساعدكم بشىء ؟
زين كلمه باللغه بتاعته وقال : لو سمحت عاوزين نفتح الباب ده فورا .. اخويا ومراته جوا ومش بيفتحولنا وأكيد فى حاجه حصلتلهم جوه .
ليل وأيه كانوا مرعوبين وخايفين جدا وماسكين أيد بعضهم .
عامل الفندق كان معاه مجموعه مفاتيح لجميع الاوض وطلع مفتاح الغرفه وفتح على طول وأول واحد دخل كان زين وحسام اللى اتصدموا اول لما دخلوا وملقيوش عمر وشاهندا.
زين سمع خبط جاى من ناحيه الحمام فجرى بسرعه وقال : عمر..........
عمر انت بخير ؟
عمر من جوا رد وقال : اخيرا يا زين .. انا كويس بس بسرعه افتح الباب ده شاهندا هاتتخنق من الكاتمه اللى هنا ارجوك بسرعه يا زين.
زين بدأ يحاول يفتح الباب وللاسف مقدرش وعامل الفندق اللى حاول أكتر من مره يفتحه لحد ما اتفتح معاه .
زين أول لما الباب أتفتح منه حته شد على طول عامل الفندق بإيده بعيد وشكره وخرجه بره الجناح.
عمر خرج منشكح بالشورت بس اللى كان لابسه وجسمه كله عريان .. زين جرى عليه وقال : عمر انت كويس؟
عمر رد وقال: اه كويس ، انتم بتعملوا ايه هنا 🙄🙄🙄؟
زين بعصبيه رد وقال: اعمل فيك ايه بس حرام عليك يا ابنى اللى بتعمله فينا ده اعمل فيك ايه.
حسام خد نفس كبير واطمن إن عمر بخير واستأذن وخرج هو وأيه علشان شاهندا تقدر تخرج من الحمام براحتها.
وليل جريت على الحمام علشان تطمن عليها وأول لما دخلت لقيتها لابسه البورنس وقاعده على البانيو فقالت : شاهندا حبيبتى طمنينى عامله ايه ؟
شاهندا بتعب ردت وقالت : خرجينى بسرعه يا ليل من هنا عاوزة أشم هوا ارجوكى بسرعه يا ليل .
وبسرعه دخل عمر ليها اول لما سمعها وسندها هو وليل وخرجوها من الحمام وقعدوها على السرير وزين جرى وفتح البلكونه .
زين بعصبيه بص لعمر وقال : ممكن اعرف ايه اللى حصل بالضبط ؟
عمر بصله ومقدرش ينطق ولا كلمه وعمل نفسه هايروح يجيب كوبايه مايه.
ليل غمزت لزين وقالت : مش وقته يا حبيبى الاسئله دى أصبر بس لما نطمن على شاهندا الاول .
شاهندا بدأت تتنفس كويس لما شمت الهوا وعمر كان جاب لها كوبايه المايه وبدأ يسقيها بشويش .
ليل قربت من شاهندا وقالت: ايه يا حبيبتى بقيتى احسن دلوقتى ؟
شاهندا خدت نفس كبير وقالت : اه الحمد لله ده انا كنت حاسه انى هاموت وبصت لعمر وقالت : كله بسببك انت .
زين بصدمه بص لعمر بغيظ وعصبيه اكتر
عمر بتوتر قال : انا كنت عملت أيه يعنى ؟
شاهندا : ومين قالك تدخل عليا الحمام وتقفله وراك بالمنظر ده ؟
ليل بصت لزين وابتسمت وزين واقف متعصب ومش طايق عمر واللى بيعمله دايما .
زين بعصبيه بصله وقال: يا ابنى امتى هاتعقل وتبطل شغل العيال ده ، انا مش عارف بس ايه اللى خلانى اسافر معاك على نفس المكان .
عمر رد وقال : خلاص يا عم ويالا بينا بقى انا ميت من الجووووع وبطنى بتصوص .
زين ضربه فى كتفه وقال : ماشى يا مفجوع هاعديها المرة دى علشان خاطر شوشو بس لما اشوف اخرتها معاك ايه يا عمر يا جبالى.
ومسك ايد ليل وقال : اسيبكم تجهزوا نفسكم وهاروح اعدى على حسام واخده هو وأيه وننزل على تحت نستناكم فى المطعم متتاخروش واعقل .. اعقققل أنت
فاااااااهم يا حمار .
عمر...............