خلص الموسم الاول علي سرطان اللي قدر بمكره يخلص من ساطول بعد ما راح لغاية عنده واعترف له انه السفاح. لا دة كمان عرفه مكان جثث ضحايا الخمسة اللي رماهم في البحر وخلاه يقبض عليه وراح ساطول
ل غاية الملك الفريد وهو مسلسل سرطان فاكر انه قدر عليه. لكن قصاد الملك الفريد سرطان انكر انه السفاح ولويس قائد الحراس شهد مع سرطان ضد ساطول وحصل شد وجذب انتهي بموت ساطول مقتول علي ايد القاضي انتوني وأمر الملك الفريد رجوع سرطان
ل دكانه في موكب يليق
ب غريب زيه اتظلم في مملكته. ومع رجوع سرطان الدكان بدات حكاية الموسم التاني من حكايتنا اللي بعنوان
سرطان الموسم 2
من قلب الظلمة
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
بعد رجوع سرطان للدكان ب ساعه. سمع صوت خبط علي باب الدكان فقام وراح ناحيه الباب وفتحه و شاف لويس قائد الحراس اللي اول ما سرطان شافو ادي له ظهره ودخل الدكان وهو بيقول
عايز اية يا لويس
لويس دخل وراء منه وقال
عايزك تحضر لي روح بنتي
سرطان
العطر اللي انت خده مني اخر مرة خلص ولا اية
لويس قال بصوت حزين مكسور من وجع الاشتياق
خلص. وانا في احتياج لروحها وريحتها اللي بيها بعيش
سرطان
طيب انت عارف الظروف اللي كنت فيها و صراعي مع ساطول وانا دلوقتي مش في حاله مزاجية تسمح بتحضير روح بنتك
لويس
سيد غدير انا بقيت ليك خادم مطيع. وشهد معاك ضد ساطول ودة علشان بتقدر تخليني اشم ريحة بنتي في اي وقت احتاج ليها وانا في اشد الاحتياج ليها.
سرطان
عارف انك خدام مطيع ودة اللي مخليني متمسك بيك. هحضر لك روح بنتك. بس قولي فين صوفيا بنت ساطول اللي انت خطفتها من سجن الملك الفريد
لويس
موجوده
سرطان
وديني ليها في الحال، ،،،،،،
من جوة بيت مهجور يقف سرطان ومع لويس قصاد صوفيا بنت ساطول اللي كانت مربوطة وقاعده في وسط البيت. و متكمم بوقها بص لها سرطان بتركيز شديد وقرب منها وحس انه يعرفها مع انه اول مرة يشوفها وقرب منها وشم يرحتها وقرف جدا وبعد عنها وقال
ريحتك بشعه. العطر ما اعرفش ليكي طريق جسم
لويس
بنت ساطول من صغرها وهي شغاله في سوق السمك علشان تصرف علي نفسها
و امها انجلينا
مسك سرطان شعر صوفيا وقال
انجلينا هتتحرم منك للابد زي ما اتحرمت من ساطول وحرمانها منك ومن ساطول انا السبب في
صوفيا صرخت صرخات مكتومة وهي باصة
ل سرطان ومرعوبه لكن سرطان حط ايده علي بوقها وكتم نفسها وقال
كان نفسي والدك ساطول يكون عايش علشان يشوف جثتك.
ومسك شعرها وبدا يسحبها علي بره ناحية حصانه ورماها فوق حصانه وطلع وراها علي الحصان و اتحرك بالحصان ووراء منه لويس فوق حصانه،،،،،،،
و مع حلول الظلام يرجع سرطان لدكانه ويبص للوليس ويقول
ارجع بيتك انت
لويس
خليني معاك ممكن تحتاج ليا
سرطان
غدير مش بيحتاج ل حد
مشي لويس لما سرطان قال الجملة دي. وسرطان دخل الدكان وعلي ذراعه صوفيا،،،،
ويتغير المشهد ونشوف سرطان قاعد قصاد صوفيا وبيبص لها وهي متعلقه جوة الانبوب الموجود في اذان المية اللي بتغلي وبيقول لها وهي بتتعذب
هستخلص منك اسوء انواع العطور لان ريحة جسمك ما يطلعش منها الا كل ما هو سئ.
وفضل يبص لها وهي بتتعذب بسبب سخونية الانبوب ولما زهق قام وخرج من الاوضة السرية وراح الاوضة اللي بينام فيها ونام في هدوء وغمض عيونه ،،،،،
وبعدها بكام ساعة يصحي سرطان من نومه لما سمع صوت جاي من بره الاوضة وبالتحديد من عند الشباك بص ناحية الشباك وشاف حد واقف وراء الشباك وسط الظلمة ملامحه مش باينه عباره عن ظل اسود وعمال يخبط بيحاول يدخل. سرطان اتفزع وقال
انت مين
الظل دة كتب علي الازاز بظوافره الطويله
★انا المولود جوة منك من قلب الظلمة★
سرطان
اية التخريف دة احسن لك تبعد عن هنا بدل ما نهايتك تكون علي ايدي
وحاول سرطان الوصول ناحية الشباك لكنه ما اقدرتش لانه رجليه كانت متسلسله في رجل السرير اتصدم وقال بعصبية شديدة
مين عمل فيا كدة
هنا الظل دة رجع يكتب علي الازاز بظوافره
★السر في العطر. وعطرها مش ملكك دة ملكي انا هتخرج من سجنها و هتكون حره★
الغريب بقي ان كل حرف كتبه الظل فوق ازاز الشباك كان بيتحفر علي ذراع سرطان وكأن حد ماسك خنجر حاد وبيكتب علي ذراع سرطان سرطان كان بيتوجع وهو باصص ل ذراعه واللي بيتكب عليه. وصرخ في الظل الموجود وسط الظلمة وراء الشباك وقال
بتتكلم عن مين
كتب الظل دة علي الازاز
★صوفيا مراتي وام ابنك★
اتصدم سرطان وحاول الخلاص من السلسلة لكنه ما اقدرش وشم ريحه عطر بعدها وقع من طوله مغمي عليه، ،،،،،،،
يتغير المشهد والشمس تلسع وش سرطان اللي كان نايم علي الارض مكان ما وقع ورجليه مش مربوطة باي سلسلة وفتح عيونه بصعوبه وحط ايده علي وشه علشان يحمي عيونه من اشعه الشمس و اتعدل في قعدته
و بص حوالين منه
و استوعب هو فين وعيونه جت علي الشباك وافتكر اللي شافو بالليل وقال لنفسه
كابوس مرعب.
خلص الجمله من هنا بص علي ذراعه شاف دم ناشف ومحفور علي ذراعه الكلام اللي شافو في الكابوس. اتعدل اكتر وقال
دة ماكنش كابوس وفي حد قدر يدخل لغاية هنا ويرعبني
وقام من علي الارض بمنتهي السرعه وراح ناحيه الاوضة السرية وفتح باب الاوضة وبص ناحية الانبوب اللي كان سايب في صوفيا لقي الانبوب فاضي ما فيهوش حد. اتصدم اكتر واكتر وكان هايتجنن،،،،،،،،،
مين يا شطار هرب صوفيا هديكم تلت اسامي اختارو منهم واحد.
ولا اقول لكم انا مكسل اكتب الاسامي قولو انتو مبن . يلا سلام