رواية غلطة اخي
الفصل الثاني والثلاثون32الاخير
بقلم عبير سليم
ربما لم أستطع أن أشرح لك كيف احبكحسنا سأخبرك شيئا ما
كلما اوجعتك الحياة او اختطفك الحزن
كنت احبك بالحجم الذي أتمنى أن تصيبني الأوجاع والأحزان قبل أن تصل إليك
لكن لو سألتني عن الطريقة التي احببتك بها وعن الأشياء التي تملكها انت ولا يملكها غيرك وأحببتك لأجلها
سأخبرك انني احببتك هكذا حبا شفافا نقيا خالصا لم أسأل نفسي يوما ما الذي يدفعني لحبك هكذا احببتك بلا أسباب بلا أسئلة كيف. ولماذا وبلا حدود.
تمر الأيام و الشهور و السنوات المتتابعه على الجميع تمر عليهم بحلوها و مرها بعسلها و شهدها و باوجاعها و الامها و لكن سيظل الحب هو من له السطوة على قلوبنا
انت يا استاذ انت يا دكتور يا للي عامل نفسك نايم قوم صحصح كده و فوقلي
عبد الرحمن و هو بيتثاءب : نعم يا مها عاوزة ايه بتصحيني من النوم ليه
مها : خد
عبد الرحمن : اخد ايه
مها : خد ابنك يا حبيبي شيل يا قلبي
عبد الرحمن : انتي بتهزري انتي مصحياني من النوم عشان اشيل يزن
مها : اه عشان تشيله
عبد الرحمن : و ده من ايه ان شاء الله
مها : و انا اعملك ايه مش حضرتك عاملنا امتحان بكرة عاوزني يعني اسقط و اللا إيه مش لازم تقعد بابنك عشان اعرف اذاكرلي كلمتين
عبد الرحمن : و هو انا بعد ما حقعد بيزن حيكون فية حيل اقوم الصبح و اروح الجامعه
مها : و الله تبقى عملت فينا جميل و تريحنا و الدفعه كلها حتزغرد
عبد الرحمن : يا سلام بقى كده
مها : اصلي مقلتلكش اصل الدكتور عبد الرحمن ده صعب اوي و بيعمل امتحانات تعقد
عبد الرحمن : اممم اه قلتيلي بقى طب خدي ابنك و وريني عرض كتافك
مها : لا انا مش حوريك عرض كتافي حوريك عمي على التليفون و هو بيسمعك أحلى كلام
عبد الرحمن : اخس عليكي يا مها كده بردو بتهدديني ما نتي عارفه انك لو كلمتيه حيخللي وقعتي سوده
مها : لا يا حبيبي متهونش علية انك تتبهدل بس انت عارف ابنك يا عبرحمن ده انت و انت بتسميه يزن زي ما تكون كنت حاسس انه مش حيبطل زن ده لولا ماما علية مش عارفه كنت حعمل ايه مع الواد ده
عبد الرحمن : تعالى يا حبيب ابوك تعالى انا عارف هيه ليله ما يعلم بيها إلا ربنا
مها : يا حبيبي يا بيدو انتي زعلتي مني يا بطتي
عبد الرحمن : بطتك ده انا محصلتش حته فرخه بقى يا ناس انا دكتور عبد الرحمن يحصللي ده كله
مها : خلاص يا حبيبي هاته و نام بس بشرط
عبد الرحمن و هو بيقرب منها و يغمز لها بعينه : عارف شرطك انا يا موهه يا لئيمه
مها : دايما كده تفكيرك شمال يا حبيبي
عبد الرحمن : و هو في احلى من الشمال يا موهه
مها : ههههههههه و الليله ليلتك يا معلم يا لهوي الواد حيشوفنا
عبد الرحمن : انا حغمي عينيه ملكيش دعوة
مها : يا لهوي لا يا اخويا انت عاوز تضحك علية و انا عندي امتحان و بعد كده عاوزني اسقط عشان تقومني فوسط الدفعه و تهزئني
عبد الرحمن : ميهونش علية اهزئك يا مراتي يا حبيبتي
مها : ايوة ما نا المودام و لازم ترفع من شاني فوسط الدفعه
عبد الرحمن : حاضر
مها : طب بقولك ايه بقى ما تسيبك من الامتحان ده و انا حعيشك ليله و لا الف ليله و ليله
عبد الرحمن : ماشي بس بشرط
مها : اشرط يا قلبي
عبد الرحمن : ترقصيلي
مها : بس كده من عيوني بس عارف يا عبرحمن يا جوزي يا واد عمي لو بعد ما اخدت غرضك مني قلتلي امك في العشه و اللا طارت و سلمتني للامتحان تسليم اهالي و ربنا لاطلع عالصعيد و اسيب عمي عليك
عبد الرحمن : غرضي ايه وعشة ايه و فراخ ايه يا بنتي
بت انتي بصي انتي صحيتيني و انا بقى قاعدلك الليلادي
مها : احلى قعده يا قلبي
الحق يا بيدو يزن بيبص علينا
عبد الرحمن : الواد ده انا قلبي مش مرتاحله حسه عنده ميول انحرافيه شكله كده حيطلع لعمه
مها : هههههههه هههههههه
عبد الرحمن العب يا معلم
يرن تليفونها : و ده مين ده اللي ظابط نفسه
مها : أكيد دي البت امنيه عاوزة تشوفني شربتك حاجه الصفرة و خليتك سربتلي الامتحان و اللا لسه
عبد الرحمن : افتحي الاسبيكر عاوز اسمعكم بتقولوا ايه علية
مها : حاضر
ايوه يا موني ايه يا قلبي
أمنيه : انتي يا زفته انتي انا مش فاهمه حاجه و لا عارفه اذاكر
و بت اخوكي قاعدالي و ماما نامت و انا مش عارفه اعمل ايه دلوقتى
مها : و انا اعملك ايه يا قلبي بس ما نا كمان نفس خيبتك و حياتك الواد يزن قاعدلي و مش عارفه اعمل ايه
امنيه : و هو انا يا متخلفه مش قلتلك تظبطي عبد الرحمن و تلبيسيله القميص اللي بيحبه و تسحبي منه الامتحان و تقوليهولي
مها : ما نا حاولت معاه يا روحي بس هو ملوش مزاج الليلادي
امنيه : يعني ايه ملوش مزاج اديله الولا الزنان اللي انتوا مخليفينه ده و خليه يقرفه فعيشته و تروح عليه نومه و نرتاح
مها : ما شكلي كده ححطله منوم في اللبن الصبح
امنيه : و هو انا لسه حستنى للصبح مها مينفعش يا قلبي اتصرفي انا حسقط
مها : انا بصي حقولك بس اوعي تقولي لحد
امنيه : لاء مش حقول بس قولي
مها : مفيش امتحان بكرة
امنيه : بجد يا بت يا مها اه يا ارويه عملتيها ازاي دي
هنا ياخد منها عبد الرحمن التليفون عملتها ازاي انا اللي حقولك عملتها ازاي بقى انتوا بتتفقوا علية طب و حياتكم لعندكم امتحان بكرة و لو ما جبتوا درجه حلوة لحخليكم عبرة للدفعه كلها
يطلع يجري ورا مها في الشقه بتستغفليني يا مها عامله علية حوار انتي و صاحبتك
مها : ههههه هههههه طب اهدى بس و انا حقولك بس ارجوك اوعى تفهمني صح
عبد الرحمن : ده انا حقتلك الليلادي
يشيلها على كتفه و راسها تحت و رجليها رافعها لفوق
مها : يا لهوي سيبني يا عبد الرحمن
يرميها عبد الرحمن على السرير ماشي و غلاوتك لليلتك حتبقى فل الليلادي
مها : هههههههه هههههههه
اما بقى امنيه : يا وقعتك الفل يا امنيه
مصطفى و هو طالع من عند اخته كان سهران مع احمد : مالك يا منتي
امنيه : الحقني يا مصطفى
مصطفى : هببتي ايه
امنيه : انا مليش، دعوة انا مكنتش اعرف انه جمبها
مصطفى : مش عارف ليه شامم ريحة مها اختي
امنيه : بتهز راسها بمعنى اه
مصطفى : وقعتكم سوده هببتوا ايه انتوا الاتنين
امنيه : ابن عمك عاملنا امتحان بكره و انا حسقط مليش، دعوة بتك هي السبب مش عارفه اذاكر منها
مصطفى : و الله طب بقولك ايه مش انتي كده كده حتسقطي
امنيه : اه
مصطفى : يبقى نخللي بقى السقوط على حق
امنيه : مصطفى اتلم بقة مش وقته
مصطفى : و حياتك ده هو ده وقته
امنيه : بتك يا مصطفى
مصطفى : هاتيها بتي القمر دي
امنيه : يا لهوي حتودي البت فين
مصطفى : أحمد بيحكي لأيمن حدوته يحكي لريتاج بالمرة
دقايق و راجعلك يا مزتي عاوز اطلعلك الاقيكي لابسالي القميص الاحمر اللي بحبه
أمنيه : كده حسقط يا طفطف
مصطفى : حبقى اعملك ملحق يا قلب طفطف
ينزل يخبط على أحمد و تقى
أحمد و هو شايل أيمن يفتح يلاقيه
ايوة يا مصطفى في ايه
مصطفى : يا حبيبي يا احمد انت شايل ايمن على دراعك خد يا غالي البت ريتاج دي شيلها هي كمان بالمرة
أحمد : و ده من ايه ان شاء الله
مصطفى : امها عندها امتحان الصبح و مش عارفه تذاكر منها و اللا انت عايز اختك تسقط
أحمد : طيب ما تقعد ببتك انت يا فالح و امها تذاكر
مصطفى : لا ما نا اصلي حذاكرلها
أحمد و هو بيشده من هدومه حتذاكرلها ايه يا مصطفى انت حتصيع علية و اللا ايه
مصطفى : أحمد مش معقول ايه الالفاظ دي انت اتطورت خالص بس انت ظالمني و حياتك عندي عندها امتحان الصبح و عماله توءوء
احمد : تصدق صعبت علية اتفضل اطلع بس و غلاوتك ساعتين و منزلتش تاخد بنتك لحكون طالعلكم بنفسي
مصطفى : تمام يا معلم
يدي ريتاج لاحمد و يطلع يجري جايلك يا مصر يا ام الدنيا
أحمد : ههههههه
تخرج تقى من الحمام تيجه حبيبة عمتو
أحمد : شكلهم كده هما الاتنين حيباتوا فحضننا الليلادي
تقى : ههههههه هو عملها فيك المرة دي
احمد : ايه ده هو عملها معاكي قبل كده
تقى : يا ااه كتير متعدش مرة يقوللي امنيه تعبانه و مرة عندها مغص و مرة عندها صداع و مرة مش عارفه ايه هو قالك عندها ايه المرة دي
أحمد : قاللي عندها امتحان و اكيد بيستغفلنا صح
تقى : بص انا حتصل بمها و حنعرف اذا كانوا بيضحكوا علينا و اللا ايه
تتصل على مها
عبد الرحمن : هو في ايه بالظبط ايه الليله المبصوص فيها دي
مها : ههههههه ههههههه دي تقى اختي
عبد الرحمن : جه دورها هي كمان انا عارف هي ليله ما يعلم بيها الا ربنا
استني انتي انا اللي حرد
ايوة يا تقى جه دورك انتي كمان
تقى : ازيك يا عبد الرحمن مالك في ايه
عبد الرحمن : جننتوني الاول امنيه و دلوقتى جه دورك انتي كمان
تقى : معلش، يا عبد الرحمن انا بس كنت عاوز اعرف هما البنات دول عندهم امتحان الصبح
عبد الرحمن : ما عندهمش زفت على دماغهم كان فيه و لغيت
احمد : و لغيته ليه يا عبد الرحمن هاه هي ثبتتك و اللا ايه
عبد الرحمن : ربنا عالمفتري يا احمد
احمد : ههههههه ههههههه و المفتريين رمولنا بنتهم عشان يعرفوا يذاكروا كويس
عبد الرحمن : اه هما يذاكروا و احنا نقعد نتفرج
احمد : ايه ده انت كنت بتذاكر انت كمان
عبد الرحمن : و انا عارف اذاكر و اللا اعمل حاجه و التليفون كل شويه يرن و يقطع حبل افكارنا
احمد : ههههههه هههههه خلاص خلاص حقكم علية تصبحوا على خير
تقى : ههههههه ههههههه
احمد : اخوكي و اختي بيستغفلونا يا مشمش
تقى : حتعمل ايه حتطلع ريتاج
احمد : لاء، طبعا مش حيهونوا علية
تقى : ربنا ميحرمناش، من طيبة قلبك يا رب
أحمد : طب يعني اختك بتذاكر هناك و اختي بتذاكر هنا و احنا مش عارفين نقرا حتى الدرس
تقى : ههههههه ههههههه
أحمد يبص للولاد يلاقيهم بيلاغوا بعض.
احمد : مشمش الحقيني ده الدور جه عليهم كمان اعمل ايه دلوقتى
تقى : ناخدهم فوسطنا جوة و ننام كلنا ايه رايك
ياخد احمد و تقى ايمن و ريتاج فوسطهم و يحضنوا عليهم و هما ماسكين ايدين بعض و يناموا و الولاد يناموا معاهم
بعد شويه
احمد بصوت واطي : تقى مشمش
تقى : ايوى يا حبيبي
احمد : بقولك ايه الولاد ناموا
تقى : عاوز حاجه حبيبي
احمد : اه اصلي افتكرت درس كنت اخده و انا فى الجامعه و عاوز اراجعه معاكي
تقى : ههههههه
احمد : بس، يخرببيتك حتصحيهم
تقى : و عاوزنا نراجعه فين
احمد : تعالي و انا اقولك
يدخلوا اوضة الأطفال : وحشتيني اوي يا مشمشتي
تقى : واحشني و انت قصاد عيني بتشتاقلي اوي كده يا حبيبي
أحمد : حبيبتي انا محتاجلك و بشتاقلك و بتوحشيني طول الوقت و أيمن باشا خد الحب كله
تقى : الحب كله حبيته ليك الحب كله و زماني كله انا عشته ليك زماني كله
أحمد : يا روقانك يا قمر
تقى : لازم اروق و انبسط و انت معايا يا حبيبي
أحمد : انا مفيش حد ياخد حبك من قلبي انت حبي يا احمد
أحمد و هو بيبوس ايدها : و انتي عشقي يا مشمشتي
ليله جميله تفرض سيطرتها على قلوب دابت من العشق و تسدل ستايرها على كل الاحباب و العشاق
فاتحه كاميرا اللاب توب و بتتكلم مع اختها
حبيبي يا ناس وحشتني يا حماده
فريده : قللها بحبك يا خالتو
أحمد : حبك خالتو
فرح : ههههههههه حبيب خالتو يا ناس نفسي ادخل جوة اللاب و اخطفك يا حبيبي
فريده : هههههههه حبيبتي يا فرح عامله ايه يا قلبي طمنيني عليكي
فرح : الحمد لله و الله يا ديده انا كويسه
فريده : مفيش اخبار جديده لسه
فرح : لسه و الله يا حبيبتي ادعيلي يا ديده
فريده : بدعيلك و الله يا فروحه
فرح : طمنيني على فريال عامله ايه دلوقتي
فريده : الحمد لله يا حبيبتي بقت احسن كتير
فرح : و اشرف عامل معاها ايه دلوقتي
فريده : اشرف بقى كويس جدا معاها سبحان الله معرفش قيمتها غير بعد ما كانت حتروح منه
فرح: يعني كان لازم تتعب التعب ده عشان يعرف قيمتها
فريده: ما هو احتا كده يا فرح مبنعرفش قيمة الحاجه غير لما بتضيع مننا و اشرف لولا تعب فريال ما كنش، عرف قيمتها و لا عرف هو بيحبها ازاي
دلوقتي الحمد لله بقى كويس، معاها و مبيزعلهاش و اتغير خالص معاها
فرح : الحمد لله فرحتيني اوي ربنا يهديهم يا رب
و فريد حبيبي عامل ايه
فريده : فريد ده احلى هديه ربنا بعتهالنا بييجي على طول عندي و عند فريال و مبيخليش ماما تنزل تروح السوق نهائي هو بيشتريلها كل حاجه بيحب ماما حب مش معقول
و احلى حاجه كان من يومين بيقول لعبد العزيز انه حوش مصروفه و عاوز يطلع ماما الحج
عبد العزيز فرح بيه اوي
فرح : يا حبيبي يا فريد ربنا يباركلنا فيه يا رب
و انتي بقى حتجيبلنا ايه المرة دي ان شاء الله
فريده : عبد العزيز كان نفسه فبنت بس ولد ان شاء الله
فرح : يبجي بالف سلامه أن شاء الله
و ناويين تسموه ايه ان شاء الله
فريده : علي ان شاء الله
فرح : يا خلاثي على العسل
فريده : فروحه انا حسيبك دلوقتى ماما بتنادي علية و حرجعلك تاني
فرح : سلميلي عليها
فريده : و الله هي بتسلم عليكي اوي و دايما تسألني عليكي
فرح : طيبه اوي ربنا يبارك فعمرها
فريده : يا رب يا فرح عمري ما تخيلت ان ربنا يرزقني بحما طيبه كده ماما دي مش حماتي ابدا دي حبيبتي و اختي و صاحبتي دي بتجي على عبد العزيز عشاني و لو فكر بس يقولها حاجه تاكله
بحبها اوي و نفسي ربنا يخليهالنا العمر كله
فرح دي بتنادي تاني يا للا بقى حسيبك سلام يا قلبي
تقفل فرح معاها اللاب بتلاقي اللي بيحضنها : حبيبتي خلصت المكالمه بتاعتها
فرح و هي بتلتفتله : اه يا حبيبي خلصت
فيكلمها : ممكن اعرف بقى الدموع اللي انا شايفها فعنينين حبيبتي دي ليه
فرح : خايفه اوي يا حبيبي خايفه يا نادر
نادر : خايفه من ايه يا حبيبتي
فرح : انت ناسي اننا رجعنا لبعض من حوالي سنتين يا حبيبي و لحد دلوقتي لسه ربنا ما رزقناش باطفال
نادر و هو بيمسحلها دموعها : طب و ايه يعني ما ييجوا وقت ما ييجوا و الا انتي زهقتي مني و عاوزه تجيبي بيبي ياخدك مني
فرح : نادر متستعبطش علية انا عارفه انك عاوز بيبي
نادر : حبيبتي انا ان اذا كان نفسي فبيبي فده عشانك انتي انما انا فوجودك فحياتي غانيني عن الدنيا كلها صحيح البيبي ده حيكون احلى حاجه في الدنيا لانه حيكون منك يا فرحتي لكن لسه مجاش الأوان
فرح : بس انا خايفه يا نادر
نادر : فرح احنا قلنا ايه فروحتي يا فرحتي يا فرحة عمري انتي يوم ما قلبك حن علية و صعبت عليكي و انا متكسر و متدغدغ بعد الحادثه اللي حصلت و انا حسيت اني اتولدت من اول و جديد و قلت انا مش عاوز اي حاجه تانيه يا رب
رجوعك لية كان بمثابة رجوع روحي فية
فرح يا حبيبتي خليكي واثقه ان شاء الله ربنا حيكرمنا و حيكمل فرحتنا بس لسه مجاش الأوان
فرح : هههههههه هههههههه
نادر : بتضحكي على ايه يا قلبي
فرح : أصلي افتكرتك بعد ما فقت من الحادثه لما الراجل اللي خبطك كان خايف و مرعوب و انت مع انك كنت متكسر و حالتك حاله لقيتك أخذته فحضنك و شكرته ههههههههه الدكاترة بقوا بيبصوا لبعض و بيضحكوا لاء و تقولله كنت فين من زمان
نادر : طبعا كان لازم اشكر ده عمل في لحظه اللي معرفتش اعمله في شهور
انا اصلا مصدقتش نفسي لما لقيتك جمبي و بتعيطي علشاني وقتها كنت عاوز اقوم ارقص من الفرحه بس كنت حقوم ازاي و انا مكنش فية حته سليمه
فرح : عشان وقتها صدقتك و صدقت حبك لية و خوفك علية صدقت انك فعلا ممكن تضحي بروحك عشاني
نادر : و لحد اخر العمر يا حبيبتي حفضل اخاف عليكي و روحي مش حتكون كتير عليكي كفايه علية انك هديتيني الحياه لما رجعتيلي تاني
بحبك اوي اوي فرحتي
انا دلوقتي بس عرفت مامتك سمتك فرح ليه
فرح : ليه يا دكتور
نادر: عشان كانت عارفه انك حتكوني لية الفرحة اللي طول عمري بدور عليها و حترجعيلي الفرحه اللي غابت عني كتير
فرح : تعرف يا نادر انا فعلا برغم اني اسمي فرح بس انا عمري ما فرحت و لا دقت معنى الفرحه غير معاك يا حبيبي
تعرف اني انا كمان عرفت ليه سموك نادر
نادر : امممم ليه بقى يا ملكة قلبي
فرح : عشان انت شخص نادر فعلا نادر لما تلاقي راجل بيحب أوي كده و بيضحي بروحه عشان حبيبته كده
بس انا مستغربه يا نادر و حتجنن
نادر : حتتجنني ليه يا فروحتي
فرح : يعني انا لما اتجوزتك اول مرة حملت بعد شهرين و دلوقتي سنتين و مش عارفه احمل
بقولك ايه يا نادر ما تيجي نغلط مع بعض تاني يمكن احمل
نادر : هههههههه مجنونه و ربنا حبيبة قلبي انا عمري ما غلطت انا غلطتي الوحيده يوم ما بعدت عنك و مش عاوزك تقولي كده تاني عشان مزعلش، منك
فرح : يعني مش، حييجي يوم و تسيبني يا نادر
نادر : اسيبك ايه يا مجنونه ده انا ما صدقت لاقيتك يا ربي يا فرح ده انا الود ودي افضل قاعد قدامك كده العمر كله و لا عاوز ولاد و لا اهل و لا صحاب انتي كل حياتي يا فرح حبك غانيني عن الدنيا كلها
فرح : يا حبيبي يا نادر
نادر : فرح مبسوطه معايا يا فرح
فرح : ياااه مبسوطه دي كلمه قليله اوي ربنا يخليك لية يا حبيبي يا رب نادر انت خلتني انسى كل شئ و مفتكرش غير اننا مع بعض و بس
نادر : و حنفضل مع بعض العمر كله ان شاء الله يا حبيبتي يارب
و مفيش، حاجه حتبعدنا ابدا عن بعض تاني
تمر الأيام و الشهور و السنين لحد ما نوصل لأجمل شهر و احلى لمه لمة شهر رمضان المبارك
كل سنه و انت طيب يا اسماعيل
اسماعيل : و انتي طيبه يا سمر
سمر : و مالك بتقولها كده ليه من غير نفس
إسماعيل : و انتي عاوزاني اقولها ازاي و احنا عدى علينا كذا رمضان و احنا لوحدينا و كل رمضان نقول ان شاء الله رمضان الجاي تكوني حملتي و يجيلي ابن و مفيش حاجه بتحصل
سمر : طب و انا مالي يا اسماعيل و انا بايدي ايه ما نا رحت لاكتر من دكتور و كلهم قالولي ان حملي صعب و مش حينفع احمل غير بحقن او اطفال انابيب و انا قلتلك نعمل عمليه و انت اللي مش راضي
اسماعيل : و انا ايه اللي يجبرني على اني اعمل حاجه زي دي و انا زي الفل و اقدر اخلف طبيعي
سمر : اللي يجبرك انك عاوز تخلف
اسماعيل : و انا اقدر اتجوز و اخلف من غير عمليات
سمر : تتجوز
اسماعيل : اه اتجوز ايه مش عاجبك و اللا ايه و على فكرة بقى انا اصلا خلاص اتكلمت على واحده صاحبة مراة اخويا و حروح اخطبها و اتجوزها في العيد
سمر : نعم ايه اللي انت بتقوله ده انت اتجننت و اللا ايه
اسماعيل : جن لما يركبك لا يا هانم اوعي تفكري تعللي صوتك و اللا لسانك تعليه ده انا كنت اقطعهولك اه ده انا ممكن احبسك
انتي ملكيش عندي غير انك تتلقحي و ترضي بعيشتك و لقمتك و بس
سمر : و انا مش حرضى يا اسماعيل مش كفايه اني مستحملاك و مستحمله قرفك يا زباله يا بيئه ده انا اصلا بقرف منك و من شكلك و كمان عاوز تتجوز علية يا عرة الرجاله بقى انا الدكتورة سمر جوزي يتجوز علية
اسماعيل : هههههه دكتورة و الله ضحكتيني و مكنش لية نفس اضحك دكتورة مين يا ام دكتورة انتي لسه فاكرة مانتي بقالك سنين متلقحه في البيت و سمعتك بقت زي الزفت و لا في مستشفى راضيه تشغلك
سمر : طلقني
اسماعيل : اطلقك اه قلتيلي لا يا سمورتي انا عمري ما اقدر اطلقك يا مزتي امال مين اللي حتمتعني و تبسطني
سمر : هي مين دي اللي تبسطك انا اصلا بقرف منك جتك الارف
اسماعيل : تاني بتغلطي
سمر : طلقني بقولك
اسماعيل : موافق بس على شرط تدفعيلي مليون جنيه
سمر : انت مجنون
اسماعيل : يبقى تقعدي تتلقحي و لو جبتي السيرة دي على لسانك حلفقلك تهمه محترمه و انتي عارفه حبايبي كتير و يا للا عشان تكون بجملة الفضايح
سمر : ربنا ينتقم منك يا شيخ ربنا ياخدك و يريحني منك
اسماعيل : طب يا للا قومي انجري شوفي حتعملي ايه اقولك انزلي ساعدي سلايفك في الأكل جتك الارف و انتي ست هم
سمر : انا مش حقعد معاهم دول
اسماعيل : ليه معلش اصلهم مش من مستوى الست الدكتورة دول احسن منك و برقبتك على الاقل مبيعلوش لسانهم على جوازهم
انجري انزلي بدل ما اجرجرك من شعرك على تحت و اعملي حسابك ان الشقه دي حتجوز فيها و انتي حتقعدي تحت مع امي
سمر : نعم لا ده انت اتجننت بقى
اسماعيل و هو بيشدها من شعرها : كلمه كمان و حرميكي من البلكونه و اقول اتجننت و انتحرت انتي سامعه
الشقه دي من اول الشهر حييجي الصنايعيه عشان يشتغلوا فيها مانا عريس و عاوز ادلع نفسي و انتي تتنيلي تقعدي مع امي تخدميها يا يا دكتورة سمر
سمر تقعد تعيط : انا اللي عملت كده فنفسي انا السبب انا مليش حد يجيبلي حقي منك كلهم سابوني و اتخلوا عني منك لله
اسماعيل : كلنا مننا لله يا للا انزلي
تنزل سمر تخدم مع سلايفها و هي حسه بالذل و المهانه عمرها ما جه في بالها انها ممكن توصل لكده فيوم من الأيام
يرجع من الشغل و يدخل على مراته حبيبته : الله الله على الروايح الجميله كل سنه وانتي طيبه يا حبيبتي
رانيا : و انت طيب يا حبيبي يا رب
ايه الحاجات الحلوة دي كلها
حسام : مش عاوز مروان يفتح بؤه بكلمه عمال طول النهار في الشغل حتاكلونا ايه انا مراتي حامل و صايمه لازم تفطرونا فطار حلو و الحلويات جننني و ربنا
رانيا : هههه هو مروان كده طول عمره كان بيجنن ماما و هو صغير و اول ما الاكل يتحط مبياكلش غير لقمتين و يقوم
حسام : آمال فين سمو الأميرة
رانيا : سمو الأمير جودي نايمه
حسام : حاسس بلهجة غيرة كده
رانيا : و انا حغير ليه ما هي خلاص اكلت مني الجو و انا اتركنت على الرف
حسان :هههههه محدش يقدر يا كل الجو منك يا حبيبة عمري دي كفايه انها حته منك
رانيا :، يا حبيبي يا حسام ربنا يخليك لينا يارب
حسام : و يخليكي لينا يا
ست الكل رانيا انا شامم ريحة هو انتي حطه حاجه في الفرن
رانيا : يا لهوي صينية المكرونه و تطلع تجري على المطبخ
حسام : هههههههه ضاعت عيناك الجميلتان يا شيبوب
بعد شويه ييجي مروان و مراته و عشان تساعد رانيا و يقضوا مع بعض اول يوم شهر رمضان المبارك
أحمد بقى عزم الكل فوق سطوح بيتهم على فطور اول يوم رمضان و الكل متجمع و فرحان
أحمد و تقى و ابنهم ايمن و بنتهم عشق و طبعا كوثر هي اللي اختارتلها اسمها بنفسها لأن احمد كان مصمم يسميها كوثر لكن كوثر مرضتش و قالتله يسميها عشق
و كوثر و امنيه و مصطفى و بنتهم ريتاج و حمدي و شريفه و مها و عبد الرحمن و فايزة و فريد و فريال و جوزها و ولادها و عبد العزيز و و فريده و ولادهم احمد و علي
كلهم فرحانين بلمتهم و بضحك ولادهم
و احمد مرضاش يتعبهم و جابلهم طباخين يعملوا احلى فطور لأحلى لمة
كوثر و شريفه و فايزة و ام عبد العزيز قاعدين يتكلموا و يفتكروا ايام زمان و احفادهم بيلعبوا حواليهم و طبعا كوثر كل اللي هاممها أيمن قلبها بيطير عليه و هو بيموت فيها طبعا بتحب احفادها كلهم لكن ايمن ده ليه غلاوة تانيه خالص اول العين ما شافت بقى
لاء و ايه طلع شبع ايمن بالظبط شكلا و مضمونا يعني بقى اسم على مسمى وجوده حسسهم انو ايمن عايش ما متش
كان ابن أحمد و حبيبه و صاحبه و اخوه و حياته كلها اما عشق بقى دي كانت اميرته اللي عاوز يجيبلها نجمه من السما
و ام عبد العزيز كانت فرحانه اوي بولاد عبد العزيز احمد و علي
و فايزة فرحانه ان اشرف ربنا هداه و بقى كويس مع فريال مش ناقصها غير فرح بس اللي مصبرها انها مطمنه عليها و بتكلمها باستمرار
و الرجاله بيتكلموا مع بعض
تقى : فرح وحشتني اوي يا فريده
فريده : حيرجعوا قريب ان شاء الله
تقى : ياااه نفسي اشوف بنتها فريده الصغيرة اوي
فريده : فرح بتقوللي بقت بتلاغي و بتقول بابي و مامي
تقى : ههههههه دي تلاقيها مجنناهم
فريده : فرح بتقوللي نادر مبيقومش من جمبها ليل نهار قاعد لها
دي فمرة قالتلي انها يا دوب دفت بس اتصل بتلت دكاترة و من خوفه عليها نسى انه دكتور
تقى : هههههه مجانين هما الاتنين و حيجننوا البنت معاهم
فريده : فرحانين بيها أوي مش مصدقين ان ربنا كرمهم بيها بعد المده دي كلها
فرح : ربنا يخليهالهم يا رب بس تعرفي أحلى حاجه انهم سموها فريده و هي فعلا شبهك يا فريده اوي
فريده : اتنين طلعوا شبهي في العيله دي فريد و فريده ربنا يجعلهم من السعداء يا رب
قاعدين يضحكوا يلاقوهم جايين عليهم
مصطفى و عبد الرحمن هما الاتنين في نفس واحد سلام : قول من رب رحيم
عبد العزيز و احمد : ههههههه ههههههه
امنيه : عاجبكم كده تضحكوهم علينا
مصطفى : عاوزين ايه دخلة ريا وسكينة دي مش مريحاني
مها : خدوا عيالكم عاوزينكم
أحمد : شيلوا شيلوا
مصطفى و عبد الرحمن ياخدوا الولاد : ربنا عالظالم و المفتري
مها : محدش بياكلها بالساهل
امنيه : يا اختي الست عضتني في ايدي و انا بخنقها تقوليش عدوتها
الكل ينفجر من الضحك عليهم
سعاده ماليه الوشوش و فرحه ملهاش حدود
أحمد عينه مش بتنزل من على حبيبة عمره لسه مش مصدق نفسه انهم بقوا لبعض حاسس انه فحلم جميل
و تقى سعادتها بيه و بوجوده فحياته اكبر من كل سعادة الدنيا
تعالي اهنيه انتي واجفه عندك بتعملي ايه
هند : بساعد البنات يا حبيبي
عبد الوهاب : و تساعديهم ليه أن شاء الله ما هما يعملوا انتي كفايه عليكي اللي انتي فيه اجعدي ارتاحي متعمليش حاجه واصل
جوليلي اكلتي
هند : ما عاوزاش افطر يا هوبه
عبد الوهاب : يا سلام و لما تتعبي لا يا حبيبتي انتي حامل و لزمن تفطري الصيام غلط عليكي و على بتي و اني عايزها تاجي حلوة و جميله أجده شبه امها
هند : ههههههه بس اني تخنت جوي يا عبد الوهاب بجيت عامله شبه الكرنبه و انت مرحمنيش و عمال تزغط فية كيف دكر البط
عبد الوهاب : كرنبه ديه ايه جولي صوبع جلاش سايح في السمنه البلدي ديه انتي جمر و جلوظتي أجده و بجيتي شبه البدر البت دي محلياكي جوي احلى من كل مرة
امينه: انتوا واجفين بتعملوا ايه عنديكم
عبد الوهاب هو اني مش منبه يا اما ان الهانم دي تفطر و مفيش، صيام
امينه : و الله يا بني جلتلها و هي جالتلي اجرب اول يوم و اشوف
عبد الوهاب : طيب و ليه عاد و ربنا مديها ترخيص انها تفطر اني جلت حتفطر يعني حتفطر تعالي معايا اني حاكلك بنفسي
اما اني حطلعها تفطر و ترتاح شويه
امينه : على كيفكم بس خللي بالك لتفطر معاها انت كمان هيا
عنديها رخصه لكن انت معندكش
عبد الوهاب : هههه عسل و ربنا يا ما لا اطمني على ابنك هو انتي، مش عارفاه و اللا ايه عاد
امينه : ما هي المصيبه اني عارفاك
هند : معلش يا هوبه اصلك مفضوح يا حبيبي
امينه : هههه الله يحظك يا هند ربنا يهنيكم و يفرح جلبكم يا رب و تجوميلنا بالسلامه يا رب
ياخدها عبد الوهاب و يطلع و فرحة امينه بيهم ملهاش، حدود
مفيش احلى من السعاده و طعمها الجميل اللي بنستلذ بيه بعد العذاب ومفيش اجمل من حكم القدر اللي، بيكتب لينا نصيب من الفرح بعد الأحزان
مهما دبرنا و رتبنا و خططنا في النهايه مش حناخد غير اللي ربنا كاتبه لينا
اهم حاجه نحسن النيه عشان ربنا يكرمنا و يدينا على اد نوايانا
المغرب قرب يأذن و الكل بيحهز نفسه و بيحضر الفطار
فرح بتحضر الفطور و نادر بيلاعب فريده و بيغنيلها و بيشيلها ياللا اكبري بقى عشان تساعدي مامي يا فيري
رانيا و مراة مروان بيجهزوا مع بعض و سعادة مروان و حسام بيهم كبيرة قاعدين بيلاعبوا البنوته الصغيرة جودي حبيبة قلب حسام و هما خلاص بيجهزوا الاذان عندهم حيئذن خلاص
اما بقى فمصر الحبيبه فكانت السفرة الكبيرة بدأت تجهز و الأطفال حواليها بيجروا و مر الوقت و الكل قعد كل حبيب جمب حبيبته و حواليهم ورودهم الجميله
أشهى انواع الماكولات و العصائر الرمضانيه الجميله و رائحته العطرة التي تملاء القلب أصوات التليفزيون المليئه بالآيات القرانيه التي تقرأ قبيل اذان المغرب
ضحكات نابعه من كل القلوب و انتطار لاجمل لحظات في الدنيا مع انتظار مكافئة صيامهم و انتظار مدفع الإفطار
مع قوله صلى الله عليه وسلم
اللهم لك صمت و على رزقك افطرت فاغفرلي ما قدمت و ما أخرت و ما اسررت و ما أعلنت ذهب الظمأ و ابتلت العروق و ثبت الأجر إن شاء الله
صدق رسول الله صلى الله عليه وسلم
النهايه