رواية من اجل حفيدتي
الفصل الخامس عشر15
بقلم هاجر خالد
ـ عمر : الشركه اتغيرت عن اخر مره جيت فيها .
ـ مروان : ايوا بقت احلى .
ـ هاجر: انا هنزل اجيب قهوه ، حد عاوز.
ـ حسن: لا بلاش انتِ ، هبعت حد يجيبلك .
ـ نديم : ايه دا ليه؟.
ـ حسن: حوار كدا هبقا احيلكم عليه .
ـ عمر : خلاص تعالي هنزل معاكي.
ـ هاجر: يلا بينا .
ـ نزلت هاجر وعمر بعد ماحسن عطاها النظره ، جابوا القهوه من الكافيه اللي جمب الشركه ووقفوا يتكلموا شويه بعدها ، عمر قال : هاجر كنت عاوز اقولك حاجه .
ـ هاجر: قول .
ـ عمر : هاجر انا........
قبل ما عمر يكمل كلامه رن موبايل هاجر وكان حسن .
ـ هاجر : ثواني هرد على حسن .
ألو.
ـ حسن: انتِ فين كل دا بتجيبوا قهوه.
ـ هاجر: احنا تحت خلاص طالعين.
ـ حسن : انجزي طيب .
ـ هاجر: ماشي ياحسن سلام .
ـ عمر : في ايه ؟.
ـ هاجر: معرفش تعالى نطلعلهم بقا .
ـ عمر : تمام يلا .
( طلع عمر وهاجر فوق ، قعدو في مكتب حسن كلهم ، وحسن كان بيخلص شغل و عمر كان بيساعدو لأن هو كمان مهندس وبيفهم في شغل حسن ، هاجر ومروان كانو قاعدين بيتكلموا ، شريف ونديم قعدو معاهم شويه بعدها نزلوا عشان بيخلصوا ورق ليه علاقه بشغلهم في المانيا و........).
ـ حسن: ممكن تبطلوا زن بقا مش عارفين نركز منكم.
ـ هاجر: انت فصيل ليه بجد.
ـ حسن: مين دا اللي فصيل .
ـ هاجر : مروان طبعا .
ـ حسن: اههه بحسب .
ـ مروان : انا طالع اكلم لينا برا فيديو.....تعالي اعرفك عليها وخليهم هما في الشغل بقا .
ـ هاجر: okay يلا .
( طلع مروان وهاجر من الكتب ، وقعد حسن وعمر يخلصوا حاجات بس سمعوا صوت عالي برا كأن حد بيزعق ، قام حسن وعمر طلعوا برا بسرعه يشوفوا في إيه و.........).
ـ حسن: ايه دا في إيه ، مين اللي بيزعق كدا.
ـ مروان : مش عارف تقريبا في مشكله تحت .
ـ حسن: انا هنزل اشوف في ايه.
ـ عمر : يلا أنا جاي معاك .
ـ مروان : وانا كمان .
ـ قال حسن وهو بيتحرك عشان ينزل الدور اللي تحت : لأ خليك انت مع هاجر .
ـ نزل حسن لقى راجل واقف بيزعق فقال : ايه اللي بيحصل هنا دا ، انت مين.
ـ راجل يدعى سعيد قال بصوت عالي: اهو النصاب وصل .
ـ عمر : نصاب ايه يا راجل انت ، انت مش عارف بتتكلم مع مين ولا إيه.
ـ سعيد : هيكون مين يعني ، واحد نصاب ، شغال في حاجات مغشوشه ، انا هخرب بيتك .
ـ قال عمر وهي رايح ناحية الراجل بعصبيه : يخربيت بيت مين دا انا هوديك في دايهه انت........
ـ قال حسن وهو بيمسك عمر عشان المشكله متكبرش لانه عارف إن الراجل دا مزقوق عليه : بس ياعمر بس أهدى .
ـ عمر بعصبيه: ايه البرود دا ياحسن انت مش سامع الهبل اللي بيقولوا .
ـ حسن بهدوء مريب : أهدى انا هتصرف ، وهاخد الاستاذ افهم منه إيه المشكله يمكن في سوء تفاهم .
ـ قال سعيد بسرعه : لأ مش سوء تفاهم انتم شركه نصابه و.....
ـ قاطعه حسن بصوت عالي وهو بيمسكه من لايقة قميصه : انا كل دا ساكت وهادي عشان مش عاوز اتغبى عليك ، شكل اللي زقك عليا معرفش انا مين كويس صح .
بعدين مسكه وشده وراه عشان يخرج برا الشركه وقال : تعالى معايا بقا انا هعرفك عليا .
ـ جري عمر وراه وقال : استنى بس ياحسن انت واخده ورايح فين.
ـ حسن بغضب : لو هتيجي معايا تعالى وانت ساكت .
ـ فتح حسن باب العربيه ورمى الراجل وهو عمال يزعق في الكرسي اللي ورا ، بعدها ركب وعمر ركب جنبه وطلع بالعربيه ، فقال الراجل سعيد : انت واخدني على فين ، انت مش عارف انا ممكن اعمل فيك إيه.
ـ حسن وهو بيبصله في المرايه بنظرات مرعبه : لأ ما أنت لو مسكتش وحطيت لسانك جوه بوئك مش هخليك تلحق تعمل حاجه .
( سكت الراجل وحسن كان بيسوق بسرعه جدًا لغاية ماوصل مكان شبه مقطوع في بس شركات ومصانع كبيره ومنها مقفول مش شغال ، كان طريق صحراوي ، وقف حسن العربيه ونزل فتح الباب اخد الرجل ، عمر كمان نزل وحسن كان بيمشي بسرعه لغاية ما وصل لمخزن كبير قديم بتاعهم ، دخل هو و عمر والراجل سعيد وقفل الباب و.......).
ـ قعد حسن على كرسي كان محطوط في ركن في المخزن وقال بهدوء : اهو دلوقتي اقدر اعرفك على نفسي ، وكمان تقدر تعرفني مين اللي باعتك.
ـ قال سعيد بخوف وتوتر بان عليه : ممم.......محدش باعتني ،انت فعلا نصاب و........
ـ قاطعه حسن ببوكس في وشه خلاه يقع على الأرض وقال بصوت عالي : ما انت لو مش هتقول بالزوق ونبقا حلوين مع بعض وتعرفني من اللي باعتك وتخرج من هنا على رجلك ، يإمااا هخليك تندم إنك فكرت تعمل الشو الرخيص دا .
ـ قال عمر بخوف على حسن : اهدى ياحسن مش كدا.
ـ بص حسن لعمر بنظره تفهمه إنه بيهدد الراجل عشان يتكلم بس ، بعدها وجهه نظره للراجل وقال : هااا قولت ايه.
ـ سعيد بخوف : هحكيلك......هحكيلك كل حاجه بس تخرجني من هنا ومتاذنيش.
ـ حسن: لو قولتلي كل حاجه من غير لف ودوران اوعدك إني مش هأذيك .
ـ بدأ سعيد يحكي فقال : انا كنت شغال مع هارون بيه في المصنع الحديد بتاعه ، بس من كام شهر كدا مشاني عشان كان بيقلل عماله ، ومن ساعتها وانا مش لاقي شغل ، بس من يومين كلمني حد تبعه وعرض عليا مبلغ كويس وكمان إني ارجع الشغل تاني مقابل إني أجي الشركه عندك واقول إنك نصاب وكمان كان مكلف حد يسرق اهم العملاء عندك عن طريق أنه يشككهم في جودة شغلك انت وجدك واسمكم يقع........دي كل الحكايه والله ما كذبت في حرف .
ـ حسن كان في قمة غضبه بس فكر حاجه يلاعب بيها هارون فقال لسعيد : تمام عشان انت جيت معايا في السالك ، انا مش هعملك حاجه بس......
ـ سعيد : بس ايه؟!!!.
ـ حسن: تعمل اللي هقولك عليه دلوقتي بالحرف الواحد .
ـ سعيد : موافق .
...............................…………………………………….................
" في الشركه عند حسن "
ـ هاجر: طب وبعدين يامروان أنا خايفه .
ـ مروان : متخافيش اكيد كان سوء تفاهم وحسن راح يحل الموضوع.
ـ هاجر: طب رن عليه شوف عمل إيه .
ـ مروان : حاضر.
طلع مروان موبايله ورن على حسن : ألو ياحسن انتم روحتوا فين .
ـ حسن: كان في حوار بنخلصه يامروان ، خد هاجر وروحوا ، ومتقولوش حاجه لجدو.
ـ مروان : ماشي ياحسن بس ابقي طمني .
ـ حسن: ماشي يلا سلام .
………………………………………………………………………................
" عند حسن وعمر "
ـ عمر : هتعمل إيه دلوقتي ياحسن.
ـ حسن: كل خير ، هارون كدا حسابه تقل معايا اوي .
ـ عمر : فكر كويس قبل ما تعمل حاجه متوديش نفسك في داهيه ياحسن .
ـ حسن: متقلقش عليا.......المهم دلوقتي تعالى نرجع الشركه هاخد ورق من هناك وبعدها نروح .
ـ عمر : تمام يلا.
( ركب حسن العربيه هو وعمر بعد ما خلى سعيد يمشي ، رجعو الشركه وحسن اخد الورق كان هاجر ومروان خلاص روحوا البيت وقاعدين مع عبدالله وزينب والجد سليم وكان شريف ونديم برضو في البيت قاعدين معاهم و........).
ـ حسن لعمر : هندخل كان مفيش حاجه حصلت ، وانا فهمت هاجر ومروان ميحكوش حاجه.
ـ عمر : تمام يامعلم كدا كدا ماكنتش هقول .
ـ حسن: تمام .
ـ دخل حسن وعمر عند بيت الجد سليم فقال حسن وعمر : السلام عليكم .
ـ الجميع: وعليكم السلام.
ـ الجد سليم: اتأخرتوا ليه كدا .
ـ حسن: كان في شغل كتير ، وعمر كان بيساعدني .
ـ عمر : ايه يازوزو انا جعان اوي مش هتاكلينا ولا إيه.
ـ زينب : لا ياحبيبي من عيوني روحو انتم غيروا هدومكم عقبال ما أجهزلكم الاكل .
ـ عمر : حبيبتي يازوزو .
( راح عمر شقتهم غير هدومه وحسن كمان ، نزلوا اتغدوا وقعدو مع العيله شويه ، بعدها كل واحد راح شقته عشان يناموا ، بس حسن طلع على الروف فوق وهاجر طلعت وراه و........).
ـ طلعت هاجر لقت حسن قاعد وسرحان فقالت : قاعد لوحدك ليه مروحتش تنام .
ـ حسن : زهقان شويه فقولت اطلع ، انتِ ايه اللي طلعك؟.
ـ هاجر: جيت اشوفك مالك ، شكلك زعلان .
ـ حسن: ولا زعلان ولا حاجه ، هو بس ضغط الشغل .
ـ هاجر: متكدبش ياحسن قولي مالك ، مش إحنا بنحكي كل حاجه لبعض؟.
ـ حسن: ايوا .
ـ هاجر: خلاص يبقا متكدبش عليا وقولي مالك .
ـ سكت حسن شويه بعدين قال : خايف.
ـ هاجر : خايف من إيه؟؟.
ـ حسن: خايف عليكي اوي ، و مش عاوزك تضايقي مني عشان ساعات بخنقك ومش بخليكي تنزلي ، انا ببقا خايف عليكي بجد مش بعمل كدا عشان ارخم والله ، بس اول ما احس إن الدنيا امان هسيبك تعملي اللي انتِ عاوزاه لأني هبقا مطمن عليكي ساعتها .
ـ هاجر: بس انا مش مضايقه منك ياحسن وعارفه إنك خايف عليا ومبسوطه بدا ، وكمان انا خلاص بقيت فاهمه اللي بيحصل فابقيت مقدره خوفك انت وجدو ، بس مش عاوزاك انت تبقا خايف علاطول وقلقان ، الدنيا بقت كويسه اهو ومفيش حاجه هتحصل إن شاء الله.
بعدين قالت بهزار : قاعده على قلبك مش هتعرف تخلص مني أبدًا.
ـ ضحك حسن وقال : لازقه بجد مش معقول .
ـ هاجر : والله!!!.
ـ حسن: احلى لازقه ياستي ، يلا ننزل ننام بقا عشان خلاص فصلت .
ـ هاجر: okay يلا .
( نزلو وكل واحد راح بيته ونام وخلص اليوم على كدا ، بس تفتكروا ايه اللي ممكن يحصل ، وكمان حسن اتفق مع سعيد على إيه وهل هارون هيفضل يكمل في الاعيبه دي ولا هيتكشف ونرتاح منه في الاخر.......).