رواية من اجل حفيدتي
الفصل الخامس5
بقلم هاجر خالد
ـ يبقا تترحم على حفيدتك ياسليم
..................................................................................
ـ ألو يا جدو انت فين ؟؟.
ـ أنا عند عمك صابر في الدور اللي تحت .
ـ ينفع انزل اقعد معاكم؟.
ـ أيوا ياحبيبتي تعالي يلا .
( اخدت المفتاح وقفلت الباب ونزلت خبطت على شقة عمو صابر و.......) .
ـ صابر : أهلًا اهلًا حمد الله على السلامه يا هاجر عامله إيه يا حبيبتي.
ـ هاجر : الله يسلمك يا عمو..... أنا الحمدلله كويسه.
ـ صابر : يارب دايما يا حبيبتي ، يلا تعالي جدك في المطبخ جوا بنعمل الفطار تعالي ساعدينا.
ـ هاجر: يلا بينا.
...................................................................................
ـ صابر : جدك بقا احسن حد تأكلي من ايده طبق فول عالمي .
ـ الجد سليم : كنتي علاطول وانتِ صغيره تيجي كل يوم الصبح تقوليلي عاوزه اكل فول ياجدو و عاليا كانت تيجي في الآخر تزعقلنا احنا الاتنين عشان الفول كان بيتعبك.
ـ هاجر بابتسامه صاحبتها حزن طفيف لأنها لم تتذكر شئ: بجد!!
ـ الجد سليم مازحاً: ايوا بس خلاص كبرتي بقا مبقاش يتعبك يعني النهارده هتاكلي احسن طبق فول في حياتك هيفكرك بكل حاجه.
ـ هاجر بضحك قائله: لا إذا كان كدا اكل بقلب بقا.
ـ دخل عم صابر المطبخ لاقاهم بيتكلمو ويضحكو فقال : بطلو رغي بقا عاوز افطر .
ـ الجد سليم: يلا يا هاجر نطلع الاكل برا احسن عمك صابر لو ماكلش ممكن يطربق علينا البيت دا .
ـ قالت هاجر بصوت هامس لجدها: لا خلينا ماشين جمب الحيط احسن ياجدو يلا بينا .
ـ صابر : بتتوشوشو في ايه كل دا .
ـ هاجر: ولا حاجه ياعمو جاين اهو .
( قعدنا نفطر انا وجدو وعمو صابر وكان الفطار لا يخلو من مناقفة جدو لعمو صابر وهزارهم مع بعض.....خلصنا فطار وعملت شاي بعدها خالتو زينب جت و......) .
ـ زينب : مساء الخير يا جماعه .
ـ الجميع : مساء النور .
ـ هاجر: كنتي فين ياخالتو كل دا .
ـ زينب : كنت بجيب شويه طلبات للبيت وبعمل كام مشوار كدا .
ـ الجد سليم: طيب هسيبكم انا بقا رايح مشوار مهم وجاي .
ـ هاجر: وانا هطلع فوق مع خالتو .
ـ صابر : ماشي هستناكم بليل تيجو تقعدو معايا بقا .
ـ هاجر: okay باي يا عمو.
ـ صابر : باي يا حبيبتي .
( طلعنا فوق وخالتو راحت تجهز الغداء وانا دخلت اخدت الدواء ونمت.....جدو نزل وحسن كان في الشغل و.....).
............................................................................
ـ اهلًا سليم علوان بنفسه عندي هنا .
ـ الجد سليم بضيق : عاوز ايه يا هارون .
ـ هارون بابتسامه ساخره : والله انا اللي المفروض أسألك السؤال.......انت اللي جاي لغاية عندي .
ـ الجد سليم بغضب: بقولك إيه ياهارون انت عارف انا بتكلم عن ايه كويس اوي فبلاش لف ودوران.
ـ هارون : انت عارف انا عاوز ايه كويس اوي يا سليم وقولتهالك قبل كدا......واديك شوفت لما معملتش اللي انا عاوزه إيه اللي حصل .
ـ الجد سليم بغضب وصوت عالي : قولتلك احفادي لأ يا هارون......أنت فاكرني هسكت عن اللي حصل في هاجر دا .
ـ هارون باستفزاز: وانا عاوزك متسكتش.....قولتهالك قبل كدا وهقولها تاني يا تنفذ كلامي يا انا مش مسؤول عن اللي هحيصل.
ـ الجد سليم: أعلى مافي خيلك اركبه يا هارون.
ـ هارون : خلاص يبقا تترحم على حفيدتك يا سليم .
بصله الجد سليم بغضب شديد ومشي من قدامه لانه حس إن رجله مش شيلاه ومش عاوز يبين قلقه لهارون بس......بس هو فعلًا خايف وقلقان على هاجر ومش عارف هارون بيفكر في إيه.......هي نجت اول مره بس ياترى ممكن ايه يحصل تاني .