رواية من اجل حفيدتي
الفصل التاسع9
بقلم هاجر خالد
ـ مازن بتوتر مزيف عشان يخوف حسن: مش عارف اقولك ايه يا حسن بس.........
ـ قاطعه حسن بقلق قائلًا: إيه اتكشفت!!!!
ـ مازن: دخلت عليه ياض ياحسن وصدقني.
ـ حسن: يا أخي منك لله نشفت دمي.
ـ مازن : دا انا كنت هتكشف فعلًا لو ماكنتش عامل حسابي إن هارون ممكن يبعت ورايا حد .
ـ حسن: دي حاجه كانت متوقعه منه.
ـ مازن: كنت متوقع دا منه بس مش لدرجه إنه يمشي ورايا لغاية البيت.....بس المهم دلوقتي انت لازم تأمن موبايلك كويس اوي لانه منضمش يعمل حاجه كدا ولا كدا وكل اللي نعمله يضيع.
ـ حسن: تمام.....طب وانت هتعمل إيه.
ـ مازن: انا هحاول ادخل نفسي في الشركه على قد ما اقدر واقرب من هارون واخليه يثق فيا يمكن اعرف أوقعه وأمسك عليه أي حاجه .
ـ حسن: إن شاء الله نوقعه في اقرب وقت.
ـ مازن: إن شاء الله يامعلم متقلقش.....واه صح انا قعدت اتكلم مع السكرتيره بتاعة مكتبه النهارده وطلعت هبله عرفت اوقعها في الكلام ويعتبر كدا عرفت جدول هارون إيه وهبقا انطله في المواعيد دي كأنها صدفه يعني.
ـ قال حسن بإمتنان : شكرًا يا مازن بجد مش عارف أقولك إيه.
ـ مازن: مفيش شكر بين الإخوات ياحسن ، انت عارف إني مليش غيركم بعد اهلي الله يرحمهم.
ـ حسن: الله يرحمهم.
هسيبك تنام بقا لأن اليوم كان طويل النهارده.
ـ مازن: تمام ، وانا لما يكون في جديد هجيلكم.
ـ حسن: تمام يامعلم ، يلا تصبح على خير.
ـ مازن: وانت من اهل الخير .
( قفل حسن مع مازن ودخل ينام، كان مطمن شويه رغم قلقه الكبير إن خطتهم تبوظ بس قرر يسيبها على ربنا وتعدي بدون أي خساير).
..............................................................
" يوم جديد "
ـ حسن : أنا نازل يا ماما........محتاجه حاجه؟.
ـ زينب: لا ياحبيبي، مع السلامة.
ـ حسن: سلام....... إيه دا رايحه فين بدري كدا .
ـ هاجر: جايه معاك.
ـ حسن: جايه معايا فين .
ـ هاجر: الشغل .
ـ حسن: الشغل عندي انا !!! ليه ؟
ـ هاجر: كنت بتكلم مع جدو على الفطار وقالي إني كنت هتخرج واجي اشتغل معاك في المكتب ، وإني كنت باجي اتدرب عندك في الشركه قبل الحادثه.......فا انا استأذنت منه إني أجي معاك النهارده وهو قالي okay.
ـ حسن : جدو قالك okay؟.
ـ هاجر: ايوا......ويلا بقا عشان كدا هنتاخر وانا مش بحب التأخير.
ـ حسن: تعالي هنا انتِ ماصدقتي ، النهارده مش هينفع تيجي معايا .
ـ هاجر: ليييييه؟.
ـ حسن: عشان النهارده يوم طويل وفي ضغط شغل واجتماعات ، هتزهقي وهتقعدي لوحدك ، وانا مش هروح حد .
ـ هاجر: مش مشكله موافقه ، عاوزه اتعود على الناس والجو هناك ياحسن ارجوك .
ـ حسن: بس......
ـ قاطعته هاجر وقالت برجاء: please.
ـ حسن: امري لله تعالي .
ـ نزلنا ركبنا العربيه وبدأنا في طريقنا للشركه بس الدنيا كانت زحمه اوي فقولت : هو مازن بيشتغل معاك في الشركه.
ـ حسن: لا مازن ليه شركته زي كدا ، بدأنا سوا بعد التخرج علاطول، يعني حاجه صغيره كدا على قدنا .
ـ هاجر: جدو قالي إني في فنون جميله قسم ديكور ، هو أنا مدخلتش هندسه ليه .
ـ حسن: عشان انتِ بتكرهي الرياضه وكنتي علاطول بتفضلي تصيحي قبل الامتحان بس كنت بذاكرلك وبتنجحكي فيه .
ـ هاجر: اممممم حلو.
ـ حسن: هترجعي الكليه امتى .
ـ هاجر: مش عارفه يا حسن لسه؟
ـ حسن: لما تحسي إنك مستعده تنزلي قوليلي تمام .
ـ هاجر: تمام .
ـ حسن: يلا وصلنا .
( نزلنا دخلنا الشركه كانت لذيذه وكمان ألوانها تحفه و.....).
ـ هاجر: حلوه الشركه عجبتني اوي.
ـ حسن: بجد.
ـ هاجر: اه لذيذه .
ـ حسن: طب كويس إنها عجبتك.
بصي معلش انا دلوقتي عندي اجتماع مهم ساعه بالكتير وهبقا عندك اقعدي في المكتب لغاية ما أجي.
ـ هاجر: okay.
ـ دخلت قعدت في المكتب شويه وبعد ربع ساعه تقريبا الباب خبط و : حسن في ورق....... إيه دا هاجر عامله إيه.
ـ هاجر: الحمدلله كويسه......حسن لسه مخلصش اجتماع .
ـ محسن : طيب لما يجي قوليله محسن سابلك الورق دا ولازم يمضيه النهارده .
ـ هاجر: تمام يا محسن .
ـ مشي محسن وقفل ما الباب يتقفل دخل واحد تاني دا كمان معرفهوش اول ما دخل قال بابتسامه كبيره : اول ما عرفت إنك هنا قولت لازم اجي اسلم عليكي، عامله إيه هاجور.
ـ قولت باستغراب: هاجور!؟؟.
ـ كريم : عارف إنك مش فاكراني ، انا كريم زميلك هنا كنت علاطول بساعدك ايام التدريب بتاعتك و....
ـ قاطعه دخول حسن وكان باين عليه الضيق من وجود كريم فقال : خير ياكريم في حاجه ولا إيه؟!.
ـ كريم : لا ولا حاجه انا كنت بسلم على هاجر بس.....بعد اذنك هروح اعمل شغلي .
ـ حسن ببرود : ياريت ، اتفضل.
ـ مشي كريم وانا قومت اجيب الورق : حسين ساب الورق دا وبيقولك لازم تمضي عليه النهارده؟!
ـ حسن: قصدك محسن صح.
ـ هاجر: ايوا بالظبط محسن .
ـ حسن: تمام.....هو كريم كان عاوز إيه.
ـ هاجر: ولا حاجه......هو كان يعرفني اوي ولا إيه ؟.
ـ حسن: ليه بتقولي كدا .
ـ هاجر: بيقولي ياهجوره
ـ حسن بضيق : نعم!!هجوره.
ـ هاجر: ايوا .
ـ حسن: متتكلميش معاه تاني دا عيل رخم .
ـ هاجر: ليه شكله طيب .
ـ حسن: طب اسكتي طيب.
ـ هاجر: انا زهقت هتخلص امتى.
ـ حسن: قولتلك متجيش بس على العموم تلت ساعات وهمشي .
ـ حسن: طيب هطلع اجيب الورق بتاع العميل الجديد من اوضة الاجتماعات واجي عشان نسيته .
ـ هاجر: okay.
( مشي حسن وانا دورت على موبايلي في الشنطه ملقتهوش فاخدت مفتاح العربيه من على المكتب ونزلت اجيبه من العربيه و.....) .
ـ جبت الورق ورجعت المكتب ملقتهاش فانديت على السكرتيره بسرعه اسألها عليها : ريم هي هاجر راحت فين .
ـ هاجر: نزلت تقريبا راحت تجيب حاجه من العربيه.
ـ سيبت الورق في المكتب ونزلت عشان اشوفها بس موبايلي رن وكانت هي رديت عليها بسرعه بس فقالت بعياط : الحقني ياحسن.