كانت مع خالد... عندما رن هاتفها...
وكان المتصل على ابن شقيقتها
صفيه.:الو ازيك ياعلي
علي:ازيك ياخالتي.. ها يا حبيبتي عملتي اي
صفيه:والله ياعلي انا بقالي اسبوع بحاول اقنعها مفيش فايده... خلاص ياعلي مفيش قدامنا الا جدي.. وربنا يستر...فضي نفسك الخميس. عشان
نسافر النجع.. انا هبلغ امك ان جدي مشتاق لها.. وانها.. لازم ترجع معايا.. مدام أبيه سراج.. مش موجود..
استمرت.. تحادث علي وتبين له خطتها.. وكيف ستخبر جدها بأن يقنع سعاد.. بخطبته من ابنه عمه...
اما خالد.. فكان ينظر إليها.. وهي تتحدث بالهاتف..ويفكر كيف رحمه. هذا الاتصال من التهور..فلولا هذا الاتصال.. لكان اعترف لها بحبه.. عندما دعت الله ان يحفظه لها
انتبه خالد أنها انهت اتصالها... فسألها
خالد:صفيه انت متأكده من الي هتعمليه..مش خايفه سعاد تزعل
صفيه:والله مش عارفه ياخالد لكن أنا ماعنديش غير الحل دا أنا مش هسيب على يتحمل ذنب ماضي هو مالشوش يد فيه فيه.
********. ******. ******. ****
عاد إلى المنزل...ليجد الهدوء يعم المكان... ليعلم ان ولدهه لم يعود من المدرسه بحث عنها فلم يجدها.. في المطبخ.. ذهب إلى غرفه النوم.. وجدها تجلس على السرير. مغمضه العينين وتدلك جبهتها.. بأصابعها..
يبدو أنها تعاني صداعا شديدا.. ذهب باتجاهها
معتز:جميله مالك فيكي اي حاسه بأيه
جميله:صداع جامد جدا.. حاسه.. دماغي هتتفرتك
معتز:طب جومي خليني اخذك المستوصف والا اجبلك دكتور
جميله:مالوش داعي. دا بيحصل علطول هاخذ الدوا واستريح شويه وهبجى كويسه
معتز:ومن ميتى الصداع دا بيجيلك
جميله:من شهرين.. هبه بتقول عندي انيميا.. وهي اللي مسببالي الصداع دا... بس اديني بأخذ علاج وهخف
وهاهي تجلده مره ثانيه... مريضه منذ شهرين وهو لا يعلم بل لم يشعر.بها.
معتز:وليه ماجولتيش ياجميله كنت خذتك القاهره. وشوفنا دكتور كويس
جميله:مفيش داعي هبه دكتوره شاطره وعملت لي تحاليل.. ووصفتلي ادويه
معتز:طب تعالي...... امسك يدها وجعلها تتمدد. على السرير.. جلس هو بجوارها.. واخذ مهمه تدليك جبهتها.. ليخفف الألم... عنها
قربه منها وتدليكه لجبهتها.. بأصابع يده بخفه..و بمهاره.. جعلها تائهه. واسترخى جسدها... وفعلا خف الالم قليلا لاتدري. كأن ملمس اصابعه كان دواء لدائها..
بعد مده من الوقت. قال لها
معتز:ها ياجميله احسن
جميله:اه احسن تسلم يا ابو عامر
بعد ذلك تركها.. قليلا وعاد ومعه كوب من الحليب الدافئ
معتز:يلا ياجميله أشربي اللبن هتبجي احسن
امسك كوب الحليب ورفع رأسها وبدأ يسقيها الحليب بنفسه حتى انتهت
معتز:بالهنا والشفا
جميله:متشكره
معتز:يلا ارتاحي ونامي انتي دلوقت.. عشان تبقى احسن
دثرها بالغطاء. وأغلق النوافذ والانوار وأغلق الباب وتركها ورحل
تركها متعجبه في مايحصل منذ متى وهو يهتم بها.. والامرها.. لكن ماجعها تتعجب أكثر ماحدث.. في المساء عندما عاد ومعه...طبق مليئ بالمشاوي... من الكبد واللحم
ونادى عليها وعلى اولاده
معتز: ازيك ياجميله ان شاء الله احسن
جميله:الحمد الله احسن
معتز:طب يلا نادي على الولاد وتعالي نأكل انا جبت مشاوي عشان نتعشا
جلسو على مائده الطعام.. وجلس معهم أولادهم... وبدأو بتناول الطعام
تفاجئت به يحمل قطع الكبد المشويه و يقربها من فمها ويقول
معتز:كلي ياجميله كبده بيجولو كويسه عشان الأنيميا.. يلا افتحي
بوجك...
فتحت فمها كالمغيبه وبدأ يطعمها. كما تطعم الام صغارها.. أما هي فقد كانت تنظر إلى عينيه تحاول أن تفهم مايحدث هل هذا معتز زوجها .. انتبه لها وبدأ يبادلها النظرات ويبتسم
*****. *****. ****. **** ****نفذت صفيه خطتها واخبرت جدها من خلال اتصال هاتفي. مشكله ابن شقيقتها. وكيف تريد أن يساعدها... فتفهم هو ووافقها الرأي وأن على لاذنب له في ما حدث في الماضي
قررت أن تخبر شقيقتها بأن جدها مشتاق لها ويريد رؤيتها. لذلك اتفقو ان يذهبو سويا إلى النجع..
وبالفعل وصلو النجع سويا... استقبل حامد القناوي. حفيدته سعاد بحفاوه فهو لم يراها منذ زمن
حامد:أكده يابت سالم تنسي جدك ومتجيش تشوفيه المده دي.. اتحوشتك جوي يابتي.
سعاد:حجك عليا ياجدي.. غصب عني ان تعارف سراج وشغله والولاد..
حامد:سراج خطفك منينا نساكي اهلك يابت سالم.. لو كنت اعرف أكده ماكنتش وافجت اجوزك في البندر..
سعاد: محدش ينسيني جدي الغالي. وحبيب جلبي... قالت ذلك... وهي تقبل يده وراسه...
حامد:ربنا يحفظك يابتي.. تعالي اجعدي جاري انت وحشاني
صفيه:اي دا ياجدي انا كده هغير من سعاد.. هو أنت مش حبيبي. أنا .. شايفاك نسيتني لما شفت سعاد
حامد :لا انا انساكي انت بت جلبي الغاليه وفتح لها ذراعيه يحتضنها
جلس الجميع حول مائدة الطعام.. واجتمع جميع أفراد عائله القناوي.. ترحيبا ببنت عمهم القادمه بعد غياب
بدأو يتحدثون ويضحكون. يتذكرون ذكريات طفولتهم..
حتى قطع هذا الحديث حامد القناوي
هذا الحديث وسأل علي
حامد:وانت ياعلي مش ناوي تتجوز..
علي:ان شاء الله ياجدي..
حامد:يعني انت موافق تتحوز
علي:ياريت ياجدي. هو حد يكره يتحوز
حامد:خلاص ياولد جوازك عليا.. العروسه خلاص انا اخترتها....انت تتجوز بت عمك جاسر مش عنده بنت عروسه برضو
علي:اه ياجدي... قال هذا وهو ينظر نحو امه. ينتظر رده فعلها.. فرأى وجهها احمر وعينها تشع بالغضب
حامد:خلاص انا هكلم سراج واطلب ايدها منه
سعاد:بس انا مش موافقه ياجدي
حامد:يعني اي. يا سعاد هتكسري كلمه جدك
سعاد لاعاش ولا كان الي يكسرلك كلمه.. بس انا مش....
حامد:سعاد... قالها حامد بغضب.... ابنك يتجوز بنت عمه واي كلمه تانيه مش هسمع انا بنفسي هكلم جاسر واطلبها منه.. واعملي حسابك كتب كتابه وفرحه بعد شهر
سعاد:بس ياجدي
حامد:سعاد.. كلمه حامد القناوي واحده.. انت فاهمه يابت سالم
وتركها ورحل
استشاطت. سعاد غضبا... كانت تعلم أن صفيه من أخبرت جدها.. فوقفت وقالت
سعاد:كده ياصفيه. جايباني هنا عشان تخلي جدي يحطني قدام الأمر الواقع
عاوزه تمشي كلامك عليه
صفيه:انا مقلتش حاجه لجدي
سعاد:كذابه ياصفيه جدي عمره ماهيتكلم لحاله.... عاوزه توصلي لايه ياصفيه عاوزه تفهميني انك نسيتي الماضي... لا ياصفيه انت عمرك مانسيتي الماضي... والا ممكن تقوليلي.. متجوزتيش لحد دلوقت ليه.. مش لانك لسه مانستيش.. مش لانك لسه حابسه نفسك في الماضي.. مش بسبب عقده عاصم.. بقيتي عانس
كانت صفيه. تستمع لكلامها الجارح. تمسك قبضه يدها وتعتصرها.. كأنها تعتصر قلبها لتوقف نزيفه.. وتجاهد عينيها حتى لاتذرف الدموع
صفيه :انا عانس بمزاجي ياسعاد لو كنت عاوزه اجوز كنت اتجوزت من زمان
سعاد:شفتي ودا يأكد انك لسه محبوسه في الماضي
علي:امي خالتي.مالهاش..
صفيه:اسكت ياعلي
سعاد:وبتسكتي ليه فكرك اني مش عارفه انه بشتكيلك. وانك بتقفي. معاه.. وانك عصتيه عليا واتفقتو سوا عشان تجبروني بالطريقه دي... عاوزه اي ياصفيه عاوزه تحرميني من ولادي زي ماحرمتيني من أمي
صعقت هذه الكلمات.. صفيه لم تكن تعلم أن سعاد تحمل كل هذا في قلبها... اتتهمها بأنها من حرمتها من والدتها
صفيه:مش انا الي احرم ام من ولادها يابت ابوي. ابنك عندك ربنا يحفظه لك و عندق حق انا اديت لنفسي حق. اني ادخل في حاجه مش من حقي
لم تتحمل أكثر.. وتركتها ورحلت مهروله إلى غرفتها
اما سعاد.. فأنتبهت اخيرا لماقالت
فهوت على الكرسي نادمه على كلامها الجارح..و وضعت رأسها بين يديها المسنودتان على طاولة الطعام
حزن الجميع على ابنه عمهم..
صفيه الجده:كانك اتخبلتي ياسعاد وانت بتجولي الكلام العفش دى لخيتك
مجدي:ليه كده ياسعاد..حرام عليكي
كلامك كان قاسي
معتز: فعلا ياسعاد ليه تفتحي عليها جروح الماضي
اما جميله فد تركتهم وهرولت وراء صفيه
اما ذالك العاشق... كان يتمنى ان يهرول هو أيضا خلفها... يحضنها ويطيب جراحها
دخلت عليها جميله... الغرفه وجدتها جالسه.. على السرير دموعها تغرق وجهها... و عيناها تنظر إلى المجهول.. جلست جميله بجانبها.. وربتت على كتفها
صفيه:مكنتش اعرف انها بتحملني ذنب موت امي واني حرمتها منها
جميله:معلش ياصفيه انت مش عارفه سعاد وكلامها... صدقيني هي مقصدتش دا صدقيني
صفيه:لا ياجميه أنا من زمان وانا حاسه انها نفسها تقلي حاجه فيه حاجه بيني وبنها..... وبدأت شهقاتها تعلو... وهي تقول.. مش ذنبي ياجميله مش ذني...
احتضنتها جميله. وهي تقول....
اهدي. ياصفيه اهدي.. انت ملكيش ذنب ياحبيبتي
استمرت صفيه في البكاء بين أحضان جميله وهي تقول
انا مش محبوسه في الماضي. ياجميله انا عانس بمزاجي انا مش عاوزه اسلم قلبي لحد يكسره.. تاني...
استمرت جميله تهدئها...وهي تقول.. اهدي صفيه انت زينه البنات ياحبيبتي والف من يتمناكي...بس انت الي نجاحك خدك وناسيه ان العمر بيجري
***************************
اما في الأسفل.. فكان الجميع ينتظر جميله لتطمئنهم على صفيه
وعندما نزلت جميله من السلم.. هرول إليها خالد يسألها في لهفه
خالد:جميله صفيه عامله اي
جميله :الحمد الله نامت ياحبه عيني من كتر البكى... امال سعاد فين
معتز:دخلت عند جدتي.. نادتها تروح. عندها.. الظاهر عاوزه تهديها هي كمان
مجدي:تفتكرو فعلا صفيه لسه حابسه نفسها في الماضي زي ماسعاد قالت
جميله:فيه ناس بتفضل سنين حابسه نفسها في الماضي ومش راضيه تطلع منه..... كانت تقول هذا الكلام وهي تنظر إلى عين معتز.. كأنها تقصده هو
معتز:مش يمكن هي خرجت من الماضي ونسيته. او حتى انها بتحاول تخرج منه.... كان يقول هذا الكلام وهو ينظر في عينيها أيضا كأنه يحاول ان يوصل لها رساله انه قد نسي الماضي. او يحاول ان ينساه
هبه زوجه مجدي:ما اعتقدش ان صفيه. حابسه نفسها في الماضي.. صفيه انسانه ناجحه.. يمكن ملقتش لسه الإنسان إلى يستاهلها
علي:كل دا بسببي.. انا السبب انا الي فضلت ازن على خالتي عشان تقنع امي
مجدي:خلاص ياعلي الي حصل حصل.. وبعدين متخافش جدك هيعرف ازاي.. يطيب خاطر أمك..
وبعدين ابسط ياعم دا انت عريس وفرحك بعد شهر
***********************
احس خالد بأنه يختنق.. لم يتحمل حزنها... هرب..وجلس في المكان الذي اعتادت هي الجلوس فيه..
أرجع رأسه.. إلى الخلف واغمض عينيه...وبعده مده من الوقت احس بمن يجلس بجانبه.
مجدي:طب ما اتجرب تعترف ليها مش يمكن. تكون هي كمان بتبادلك نفس الشعور
فتح خالد عيناه ونظر إلى مجدي ثم قال
خالد:مش لما تشوفني بالأول.. صفيه شايفاني ابن عمها اخوها الصغير. لكن حبيب.. لا
مجدي :طب انت متأكد من مشاعرك
مش يمكن عشان صفيه كانت دايما قريبه منك افتكرت انك بتحبها
خالد:لا يامجدي... انا بحبها بجد عمري ما شوفت ست غيرها.. عمر ما قلبي دق غير ليها..مش بشوفها اخت.. ولا بنت عم.. بشوفها حبيبه..وبتمناها.من ربنا.. ونفسي تحس بيا
مجدي:معلش ياخالد.. الي عمله..عاصم فيها خلي.. صفيه تاخذ موقف من كل الرجاله... وخلاها.. ماتثقش براجل تاني ومتنساش فرق السن بينكم دا عامل مسافه كمان
خالد:والله عمري ماحسيت بالفرق دا ولا شايفه.. دانا بشوفها أصغر مني بحس انها بنتي ومسؤله مني..
وياريت تحس بيا والله هعوضها واداوي جروحها...اانت متعرفش انا بحبها اد اي..
شعر مجدي. بصدق كلام شقيقه وتمنى ان يحقق الله يوما حلمه
******. ****. ***** ****' ****
ادعت صفيه النوم لكنها لم تنام بل بقيت.. تفكر في كلام سعاد هل حقا هي لاتزال حبيسه الماضي... هل حقا هي لا تزال مكبله بقيو ده..اما تحررت منها... حل المساء وهي لاتزال على وضعها.. إلى أن احست بمن يفتح باب غرفتها ويجلس بجانبها على السرير...
سعاد:اصحى ياصفيه انا عارفه انك صاحيه وبتعملي نفسك نايمه.. دي عادتك من زمان وانا حفظاكي... قومي يابنت ابويه. عاوزه اتكلم معاكي..
وكأن سعاد تعمدت ان تذكرها انها.. شقيقتها.. وانها عائلتها الوحيد... عدلت صفيه من وضعيتها واتأكت بظهرها على حافت السرير وقالت
صفيه:عاوزه اي ياسعاد
سعاد:اسفه ياخيتي.انت عارفه اني دبش وبرمي الكلام من غير حساب خصوصا لوكنت متعصبه. .سامحيني يابت ابويه... سامحيني
بدأت صفيه بالبكاء الذي شاركتها فيه سعاد.. وقالت...
بس انا مليش ذنب في موت امي ياسعاد
سعاد:عارفه ياروح أختك.. انا غبيه وبقول كلام فارغ.. يمكن قلت كلام كنت زمان بحس بيه.. لما كنت صغيره وامي ماتت وهي بتولدك.. كنت بحس انك حرمتيني من امي.. لكن صدقيني... من ساعه ما كبرتي قدام عيني وانا بحسك بنتي ياصفيه مش بس اختي.. وحازز في قلبي. الي حصل ونفسي تبصي لنفسك.. وتعيشي حياتك زي ماهمه عاشو حياتهم...
صفيه:بس انا مرتاحه في حياتي.. كده ياصفيه
سعاد:ماتكذبيش على نفسك ياصفيه.. الي عمله عاصم خلاكي خايفه.. وحاسه نفسك جوه عالم صفيه الناجحه.. جوه القضايا. والمحاكم.. انتي عاوزه.. تثبتيله انك احسن منه.. وانك نجحتي من غير راجل وانت مش محتاجه راجل في حياتك.. انت بتنتقمي لكرامتك ياصفيه.... وانسيتي ان العمر بيجري.. وانتي لسه جوه انتقامك دا
وكأن.. سعاد عرت الحقيقه أمامها... نعم أرادت انت تقول له ان فتاه الارياف قد نجحت... هي لاتحتاج إلى رجل في حياتها... لا تريد من يكسرها من جديد
سعاد:مسامحاني يابنتي..
صفيه:انا ما اقدرش ازعل منك ياسعاد انت عيلتي وكل ماليا في الدنيا ديا....... احتضنتها.. سعاد.. وهي تبكي... ثم اخرجتها. من احضانه ومسحت دموعها.. وقالت.. لها
سعاد:بطلي عياط ويلا عشان تساعديني ياخاله العريس والا انت دبستيني وعاوزه تهربي
ضحكت صفيه وسعاد سويا قبلت صفيه وجنتها وقالت
صفيه:بحبك ياسوسو
سعاد:وانا بموت فيكي ياروح سوسو