رواية سم هادئ في كأس ذهبي الفصل الثالث عشر 13 والرابع عشر 14 بقلم يارا محمد
13
دليلة بهدوء و برود
و انا اية دخلي ف مشاكلكم انت مش معتبرني من العيلة دي من زمان و المشاكل دي انت السبب فيها .
صفوان
و لسة شايفك دخيلة يا دليلة بس من واجبك تقفي جنبنا ده دورك ف البيت ده لانه للاسف عمران مش هيجيلوا ولاد تاني في حياته .
دليلة نزلت من ع السلم و وقفت قدامه و ف عينيها نظرات تحدي
ومين السبب مش انت يا جدي مش انت اللي طلبت من سهر تخلط حبوب الإجهاض ف طبق شهيرة و مين اللي اتخلص منها مش انت برضو لما كانت شهيرة ف المستشفي .
صفوان بعصبية
انتي اتجننتِ محصلش دي كدابة انا عمري ما آذي شهيرة دي بنت صاحبي الوحيد و لما عرفت بحملها كتبت ليها مزرعة الفيوم هدية .
دليلة
لا محدش هياخد مزرعة الفيوم غيري لأنها بتاعتي برضاك أو غصب عنك عموما انا ممكن اخلصك من ده كله .
صفوان بلهفة
ازاي لو عرفتي تعملي ده هنفذلك اللي أنتِ عايزاه .
دليلة بابتسامة و استغلال
لو هتنفذ طلبي يبقي والدتي تيجي تعيش معايا هنا و نص املاكك تبقي باسمي مع نص أسهم البورصة بصراحة يا جدي انا مش واثقة ليك ممكن تضيعهم و اللي كان ماسك ليك الشغل مات خلاص و ابويا ف نظرك طول عمره فاشل و الدليل اختياره ل امي و انك طول عمرك بتقول عليه كده ف ضهره مش ده الصح .
شهيرة بعصبية و زعيق
انتي مجنونة صح ما لو انتي مش مجنونة يبقي بتستعبطي ع جثتي الست دي تدخل البيت ده تاني عمي مش هيوافق و بعدين انتي عايزة نص املاكنا اللي هما تعبوا فيها .
دليلة بصتلها
مش احسن ما احجر عليه و برضو أملاكه هتبقي ليا برضه ها قلت أية يا جدي يا تتنازل بهدوء يا اما هحجر عليك و انت الصراحة راجل كبير و مش حمل اني اهينك ف المحاكم .
صفوان و بالنسبة للفضيحة اللي حصلت لعيلتنا .
دليلة
متقلقش هتصرف ها قولت ايه .
صفوان
موافق امك تيجي هنا بس تقعد ف الملحق بتاع البيت مش هتخطي عتبة الفيلا .
دليلة
مش موافقة عن اذنك عندي حاجات اهم من فضحيتكم دي .
صفوان بسرعة
خلاص موافق بس تنقذينا من الفضيحة .
دليلة من غير ما تلتفت ليه
امي تيجي بكرة و تمضي ع التنازل و ساعتها كل حاجة هتبقي تمام .
شهيرة بصتله
انت موافق ازاي هتجيب الست دي تاني هنا انا ما صدقت امشيها من هنا علشان انا اكون ست البيت ده لا علي جثتي انت فاهم انت واحد خرفان و موافق تنقذ نفسك و توافق ع طلباتها انت ممكن تخلي الفضايح دي توقف لو انت اتدخلت .
صفوان
اهدي يا شهيرة انا بسايسها كل حاجة هتبقي مزورة انا مستحيل ادي رقبتي للبنت دي احنا هنستغلها شوية تنفذ طلباتنا و بعدين اطردها من هنا كده كده انا حارمها من الميراث هي بنت واحدة خواجاية اتجوزت ابني مش بطوعي علشان كده انا بكرهها و بكره امها .
عند السلم كانت واقفة من غير ما حد يشوفها و سمعت كلامهم و كملت طريقها لغرفتها .
دليلة
ناس اغبية مهما عملتوا هتعملوا اللي انا عايزاه برضه و هي واقفة شافت وادي واقف الناحية التانية ماسك فونه بغضب و بيشتم ف نفسه راحت ليه و وقفت جنبه .
خير يا بن عمي متعصب لية دلوقتي
حبيبتك قالت ليك حاجة .
وادي
المتخلفة بتقول انها مش عايزة تتجوزني علشان فضيحة عيلتنا انا اترفض هي اللي خسرانة مش انا .
دليلة بلا مبالاة
و انت كنت مين علشان هي مش ترفضك يا وادي انت و لا حاجة يا حبيبي فوق لنفسك بقي مش تعيش ف اوهام عن اذنك .
دليلة دخلت اوضتها و سابته يغلي مع نفسه أما دليلة اتصلت بأمها و بلغتها بكل حاجة .
بكرة الصبح تيجي هنا انتي مش ف اليونان صح .
ماراي
اه يا حبيبتي أنا ف مصر عندي شغل بخلصه.
دليلة
و المحامي انا عايزة محامي شخص يفهم ف أن الورق لو كان مزور أو لا .
ڤينسيا اهدي يا حبيبي كل حاجة هتبقي تمام .
قفلوا مع بعض و دليلة نامت بهدوء ف وسط بيت مليان مشاكل و فضايح تاني يوم الساعة سبعة الصبح الكل كان بيفطر و دليلة بصالهم بابتسامة مستنية تشوف رد فعلهم علي مفاجئتها بصت ل ليليان .
وانتي ليكِ عين تأكلي و انتي جبتي العار للعيلة بجحة بجد و بعدين مش هتجيبوا جثه عمي من المشرحة و لا هو مش مهم عندكم .
صفوان نخلص طلبك و هروح استلمه و ملكيش دعوة بيها انتي فاهمة .
دليلة بصتله
انا اول مرة اشوف انك واقف مع واحدة فضحتكم تمام خليك معاها .
وهما بيتكلموا سمعوا صوت مألوف ليهم و عمران اتصدم لسة جميلة زي ما هي.
ماراي
هي يا جماعة و حشتوني اوي بجد لينا زمن مش اتقابلنا .
صفوان
انتي أية جابك هنا انا مش محرم عليك تخطي عتبة بيتي انطقي .
دليلة
انا قولت ليها تيجي ما هي هتعيش هنا خلاص .
صفوان
و مين سمح ليها بده انا مش موافق و بمناسبة أية
دليلة
بمناسبة انك هتكتبلي نص املاكك و اسهمك و الا هزيد الفضيحة عليكم و اياك تلاعبني و الا هطلع حفيدتك دي أنها مستغفل
14
صفوان
اخلص تلات ايام العزاء و افضي ل طلبك .
دليلة
تؤتؤ قبل ما تخلص ايام العزاء تروح تدفن ابنك و خلال العزاء بابا هيكون مع الناس و انت هتكون معايا ف المكتب انت و المحامي بتتنازل ع نص املاكك و اسهمك ماذا و الا هزيد فضيحة ل احفادك الاتنين فاهم و اياك تتلاعب بيا .
بعد ساعتين صفوان أصر أنه يستلم جثة ابنه مع رويد و وادي من المستشفي و فضل ف البيت عمران و شهيرة كانوا قاعدين قدام ماراي و دليلة .
عمران قاعد متوتر مش عارف يتكلم و لا يرفع نظره ناحيتها أما شهيرة شايفة قدامها ست ب عيون رمادية و شعر اسود قاتم و جميلة زمان كانت غيرانة منها من غير ما تشوفها دلوقتي هي غيرانة بزيادة مش عارفة تتكلم هي كمان متوترة .
أما دليلة كانت ملاحظة الجو هي و امها و قاعدين بهدوء و ماراي بصت ل عمران بابتسامة .
ماراي بابتسامة
وحشتني اوي يا عمران لسة زي ما انت مش اتغيرت ابدا و مبروك جوازك معلش حبيبي جاية متأخرة قولي عندك ولاد و لا لا .
شهيرة
و انتي مالك خليكِ ف بنتك و ياريت تمشي من هنا انتي وهي انتي رجعتي ليه .
ماراي
بنتي وحشتني و بدل ما تيجي كل شهر مرتين تزورني جيت اكون جنبها الفترة دي .
عمران بعصبية
بتزورك يعني انتي مش كنتي ف شغل زي ما بتقولي و بتروحي ل امك .
دليلة ببرود
اه هي بتكون هي كل ويك اند ف بروح ليها علشان بتوحشني و المرة اللي كنت مسافرة فيها مكنتش ف اسبانيا كنت ف اليونان بتعرف ع عائلتها اللي طلعوا احسن منكم مية مرة .
صفوان بصدمة
روحتي بلدها من ورانا انتي أية مش هامك حد الظاهر انك مش متربية و عايزة اللي يربيكي .
صفوان كان هيضربها بالقلم بس في ايد شديدة مسكته بص للشخص لقاه شاب ف منتصف العشرينات .
ايتوري
عيب و انت كبير كده تمد ايدك عليها ايدك لو اترفعت تاني هتكون ميت لحظة .
ماراي
ايتوري انت أية جابك هنا .
ايتوري
جبت ليكي مساعدتك يا عمتي هتكون معاكي هنا و غمز ل دليلة و بص للكل و مشي .
دليلة بابتسامة .
سيا ودي الشنط دي ف الغرفة الكبيرة اللي ف النص .
شهيرة
بس دي اوضتي انا و عمران ازاي هتقعد فيها .
دليلة
انا أمرت الخدامة تنقل حاجتكم ف اوضة تاني الاوضة بتاعتكم بقت لوالدتي متنساش يا جدي اتفاقنا ماما يلا هوصلك.
ماراي بصتلهم بهدوء لما دليلة سبقتها .
اوعدكم اني هاخد حقي و هخليك تبكي بدل الدموع دم يا صفوان بيه و بصت ل عمران قربت منه و حضنته قدام شهيرة ل تاني مرة وحشتني يا عمران و قريب هتكون ليا تاني تلات ايام بالكتير باست خده بهدوء و بصت لشهيرة بكيد و مشيت .
شهيرة مش استحملت و راحت اوضتها فضلت تكسر فيها .
بالليل عمران كان بياخد عزا اخوه و مركز مع الناس أما صفوان كان ف المكتب و معاه المحامي و دليلة وامها و المحامي بتاعها سلم صفوان ليها التنازل و المحامي بتاع دليلة لما بص فيه بلغها أن ده ورق مزور
ماراي مسكت السكين و حطتها ف رقبة صفوان و اتكلمت بتهديد .
علشان تضمن سلامتك و تعيش بين أهل بيتك رافع راسك تطلع الورق السليم و الا يا هقتلك يا اما اهيتك انت اساسا مش عارف ترفع عينك بعد فضيحتكم ها قلت أية .
صفوان و هو حاسس أنه هيموت ع أيدها .
حاضر سليم طلع الور ق الحقيقي و خليها تمضي عليه بسرعة .
سليم طلع الورق من الخوف و دليلة مضت و صفوان مضي تحت التهديد و الإجبار بس اللي خرج من الاوضة
صفوان من غير محامية لانه بعد ما انتهي التوقيع دليلة قتلته بهدوء و من غير ما حد يسمع صوت و أمرت محاميها يخفيه .
بعد ما العزاء انتهي بالكامل ف تلات ايام دليلة بلغتهم أن نص الأملاك و الشركة و الفيلا اللي موجودين فيها ملك ماراي انطوان اندريسا رسميا و هددتهم اي حد يحاول يتلاعب معانا هيموت .
دليلة
بالنسبة لحفيدتك المدللة يا جدي ف حد رضي بعيبها رجل اعمال مصري عايش ف بلجيكا غني اوي هتروح بلجيكا النهاردة بالليل تتجوز هناك انا حجزت التذاكر و هدومها ف العربية يادوب تجهز أما وادي التهمة ثابتة عليه و للاسف محدش هيرضي يشتغل معاه ابدا .
بعد تلات ساعات ليليان وصلت المطار بس مش ركبت الطيارة لانه في حد خطفها و ادي ليها حقنة مخدر و قفلوا فونها .
تاني يوم ع الفطار دليلة كانت قاعدة ع السفرة و ع الكرسي الكبير قاعدة ماراي صفوان شافها و اتعصب .
انتي أية مقعدك هنا .؟!
ماراي بهدوء و بتاكل
البيت بقي ملكي طبيعي اخد مكانك اقعد جنب أرملة ابنك و شهيرة جنب بنتي .
عمران نزل و شاف المنظر مقدرش يتكلم و شاف أن في مكان فاضي بس جنبها جنب مراته القديمة اضطر يقعد جنبها بس الفطار مكانش هادي .
ماراي كانت بتلاعب عمران تحت الطربيزة و بتبص ليه و تبتسم و شهيرة ملاحظة ده خبطت الطربيزة و قامت بتزعق مسكتها .
اسمعي انا زمان عملت اي حاجة علشان يبقي ليا انا السبب ف طلاقكم علشان هو ليا و بس و بنتك دي جات غلطة انتي رمتيها لينا إنما مش هسمح ابدا انك تتلاعبي ع جوزي انتي فاهمة .
ماراي ضربتها بالقلم لدرجة وقوعها ع الأرض و كبت السفرة تماما .
عقابا ليكي تنضفي الأرض انا هوريكي ازاي تعلي صوتك عليا .