روايةطفلةالجوادالفصل الخامس عشر15والاخيربقلم هنا حسين
طلعت مهره تجهز علي شان تروح الجامعه
بعد ماجهزت ونزلت علي شان تروح اول ما نزلت من العربيه
قبل ماتدخل لقيت ست كبيره بتنده عليها
مهره: في حاجه يا ست
الست: تعالي معايا ونبي محتاجه مساعدتك
مهره: خير محتاجه فلوس
الست: لاه تعالي ونبي بسرعه بتي واقعه ورا العربيه دي ومش لاقيه حد يساعدني
راحت مهره بقلق قربت من العربيه اللي بتشير عليها الست
مهره: يعني مافي
لقيت حد كتم نفسها بمنديل وغابت عن الوعي
بعد ساعات حس جواد بتعب وقرر يروح
بعد ماوصل دخل المطبخ
جواد للخادمه: طلعتي الغدا لستك مهره
الخادمه: لسه مارجعتش يا عمده
جواد بص علي ساعته بستغراب
جواد: المفروض كانت رجعت دلوق
طلع من المطبخ وراحت نحيت اوضتها خبط محدش رد فتح الباب لقي الاوضه فاضيه مسك فونه وفضل يتصل عليها لاكن فونها كان مقفول
طلع بسرعه راح للسواق اللي وصلها
جواد: انت مارحتش جبت مهره من الجامعة
السواق: اصلها متصلتش يابيه
جواد بغضب: انت مابتفهمش لازما تتصل علي شان تتزفت تروح تجيبها
السواق: حقك عليا يابيه هروح دلوق
جواد: غور من وشي رايح اني اجيبها
راح على الجامعه
اذكروا الله
عند مهره كانت بدءت تفوق لقيت نفسها مربوطة علي سرير قامت بفزع كان بقوها مربوط ومش عارفه تتكلم فضلت تبص علي الاوضه كانت فاضيه واساس البيت قديم حست ان قلبها هيقف من الخوف
بعد دقايق دخل نادر عليها
نادر: كل ده نوم قلقتيني عليكي
مهره فضلت تصرخ لاكن صوتها ماكنش طالع
قرب عليها نادر وهي انكمشت على نفسها
نادر: ماتخفيش انا مش هاذيكي اللي بيحب مش بياذي
لاكن مهره بصت عليه بزعر
نادر: انت ليه شيفاني وحش انا عرفت ان جواد طلقك علي شان كده جبتك هنا وهنمشي ولما تخلص عدتك هتجوزك
لقيه عاوزه تتكلم
نادر بحذر: انا هشيلها بس لو صرختي مش هتلومي غير نفسك
بعد ماشلها
مهره بغضب: انت اتجننت كيف تعمل عملتك دي انت عاوز توديني في داهيه فكني عاوزه امشي من اهنه
نادر: مهره انا بحبك صدقيني مش هتلاقي حد يحبك اكتر مني ارجوكي متعذبنيش
مهره بضيق: افهم اني بحبك جواد حتي لو طلقني اني مستحيل احب غيره او اتقبل شخص غيره في حياتي
نادر بزعل: بس هو مايستهلش حبك ده ده اتخلي عنك
مهره: مالكش صالح ويلا خليني امشي من اهنه صدقني لو مامشتش هتتاذي
نادر: مش هتمشي يا مهره انا هستني الليل ونمشي
وخرج وسابها
اذكروا الله
عند جواد كان واقف عند الجامعه بعد ما عرف ان مهره ماجتش النهاردة
كان بيكلم السواق بغضب
جواد: انت بتكدب عليا ياواكل ناسك وديت مهره فين
السواق: والله يا بيه اني نزلتها قدام الجامعه
ومشيت طوالي علي شان الطريق
جواد: امال راحت فين انت شوفتها وهي داخله الجامعه
السواق: اني ماعرفش يابيه الدنيا كانت زحمه وماختش بالي
قفل جواد معاه بغضب وفضل يبص حوليه
لقي محل قدامه وحاطط كاميرات دخل بسرعه بدون تفكير طلب من صاحب المحل ترجيع التسجيل ووافق
لقي مهره وهي كانت هتدخل الجامعه لاكن في ست اوقفتها واخذتها معها فضل مراقب لحد ملاحظ اللي حصل اخد رقم العربيه
مسك الفون وجاب رقم اتصل بيه
جواد: هبعتلك رقم عريبه عاوزك تعرفلي طريقها فين بس بسرعه وقفل معاه
بعد شويه دخل نادر بصنيه اكل
نادر: اتفضلي جبتلك اكل انت ماكلتيش من الصبح
مهره بغضب: فكني يا جدع انت انا مش هاكل
نادر بغضب: انت مش بتفهمي ليه بقولك انا بحبك هعملك اي علي شان تفهمي
كان بيتكلم وبقرب منها بطريقه ارعبتها لاحظ الخوف عليها
نادر بهدوء: ماتخفيش يا مهره انا عمري مأذيكي
مهره: طب خليني امشي جواد اكيد خارب عليه الدنيا اللي بيحب حد بيتمناله الخير
نادر: علي شان كده عاوزك معايا
مهره بعصبيه: افهم يا غبي اني ابعدلك من نجوم السما واكيد جواد هيلاقيني وواقتها مش هيرحمك
سابها نادر وطلع
جواد جاتله رساله بالعنوان ساق العربيه باقصي سرعه
وصل المكان كان الليل ليل وصل كان البيت كان بيت مهجور وقف بالعربيه بعيد عن المكان طلع سلاحه وجهزه
دخل نادر بسرعه علي مهره بدء يفكها
نادر: قومي بسرعه نمشي
بعدت مهره ايده بغضب
مهره: ابعد عني اقسم بالله اصرخ والم الناس
نادر: جواد هنا هصديقني ميستهالكيش
مهره: امشي يا نادر لو جواد شافك مش هيسيبك صدقني هتلاقي اللي تحبك لاكن اني لا قلبي مع جواد وبس
نادر بحزن: صدقيني انا هسعدك
مهره بحزن: نادر اني حاسه بيك لا ان اني زيك بحب من طرف واحد امشي وانساني امشي علي شان انت اكده هتسببلي مشاكل
اذكروا الله
دخل جواد فجأه وماسك المسدس لقي مهره
واقفه لوحديها وفي احبال مرميه في الارض
كان نادر مشي بعد ماوعد مهره انه مش هيتعرضلها تاني
مهره جريت عليه وحضنته وفضلت تبكي
بعدها جواد عنه بغضب
جواد: اي اللي بيحصل فهميني
مهره: مافيش بس في حد خطفني وبعدين خاف لحد يجي فسابني ومشي
جواد بغموض: ومين الحد ده
مهره بتعلثم: معرفش يا جواد كان متلتم اكيد كان عاوز فلوس بس انا مرضتش اقوله اني مين
مسك جواد ايدها بغضب
جواد: انت من ميته بتكدبي عليه كل مره بتصغري من نظري واني جاي علي هنه وعارف مين كان خاطفك الا اذا كنتي متفقه معاه وجايه بارادتك
مهره بصدمه: جواد انت بتقول اي انت بتشك فيا
جواد: امال افسر كدبك بايه
مهره بحزن: اني مش بكدب عليك يا جواد انت اللي مش عندك ثقة فيه
جواد: لو مش بثق فيكي ماكنتيش واقفه علي رجليكي دلوق
مهره: عاوزه امشي يا جواد من هنا
مسك ايدها جواد وخدها ومشي كانت مهره بتعيط من غير صوت متحملش يشوفها كده وقف العربيه وقال بزعيق
جواد: مين اللي وصلنا للي احنا فيه ده مافيش غيرك يا مهره اللي وصلنا للطريق ده
مهره بعياط: انت يا جواد اللي وصلتنا نسيت حبك ليا لمجرد ماقولتلك اتجوز وانت اساسي تغير اول ماجات اللي اسمها لينده مابقتش جواد اللي حبيته اتخليت عني يا جواد
جواد: كده احسن ليكي وليه اتجوز واحد من سنك وده كلامك مش كلامي ورغم اني قولتلك اني مكتفي بيكي ومش عاوز غيرك يا مهره انت حطيتي وجودك في حياتي قصاد جوازي من غيريك واني كنت متمسك بيكي لاخر يوم في عمري لاكن انت اتهمتيني بالخاينه وغلطي فيه وفكراني اتحمل اني بشر يا مهره وبحس لاكن انت ماحستيش بيه ماتلومنيش يا مهره
مهره: خلاص يا جواد الكلام مافيش منه فايده وانت هتعمل اللي عايزه روحني لو سمحت اني تعبانه وعاوزه انام
كمل جواد سواقه ووصل القصر وكل واحد راح اوضته بقلم هنا حسين
اذكروا الله
في الصباح قامت مهره بزعل كبير جهزت ونزلت لتحت لقيت في حركه غريبه في البيت
زينب: لولولي تعالي يا مهره جهزي معانا
مهره بستغراب: في اي يا مرات عمي
زينب بفرحه: جواد ولدي هيكتب النهاردة
مهره حست قلبها هيقف
مهره بصدمه: انت بتقولي اي يا مرات عمي
زينب: اللي سمعتيه يا حبيبتي روحي اجهزي دا بردق واد عمك
طلعت مهره تجري لفوق
كانت منهاره من العياط
خبط الباب قامت تفتح بالعافيه
لقيت جواد قدامها ومجهز نفسه
جواد: ممكن ادخل اتكلم معاكي في حاجة
مهره: تمام اتفضل
دخل جواد وطلع الورق من جيبه
جواد: خد امضي علي ورق الطلاق
مهره ماكنتش مستوعبه كلامه وانه خلاص عاوز يخلص منها
جواد: اكيد عرفتي ان كتب كتابي الليلة ومش عاوز حاجة تربطني بيكي
مهره: جواد انت بتتكلم جد يعني خلاص مش عاوزني
جواد: لو عاوزك كنت رديتك مش جايبلك ورق طلاقك امضي وخلصيني
مسكت مهره القلم بايد مرتعشه ومضت وهي بتبص عليه مسك جواد الورق وقام
جواد: اكيد انت معزومه علي كتب الكتاب مستني اشوفك يا مهره واحنا هنفضل ولد عم
وسابها ومشي
في المساء جهزت مهره بعد ماعفرت نفسها وقررت انها تبقي قويه وتنزل لتحت
لقيت العيله متجمعه لقيت جواد قاعد وقدامه الماذون
هاشم: حد ينادم علي لينده علي شان نخلصو
زينب للخادمه: روحي اندهي علي العروسة
جواد: مافيش داعي حد يروح العروسة موجوده وقام قرب من مهره اللي كانت مصدومه ومسك ايدها
جواد: انت مش هلاقي احسن من مهره تكون عروستي
هاشم بغضب: انت تجننت يا جواد امال لينده تبقي اي
جواد: لينده اللي انت جبتها ومتفق معاها انها تنجوزني وتخلف وتتنازل عن العيل وتمشي من اهنه بعد متاخد الفلوس اللي وعتها بيها مش اكده
هاشم بصدمه: كلام اي ده اني معرفش حاجه عن اللي بتقوله
جواد: غلطك الوحيد انك فاكر اني غبي وبيضحك عليه من تاني يوم واني عارف ان لينده وراها حاجه واللي اكادلي مازن لما قالي مافيش شغل بينا وبين حد كمان هي قالتلي الكلام ده بنفسها
هاشم بكدب: ماتصدقش كلام حد ده كله كدب
جواد: محدش له مصلحه يكدب ان استغليت ان البت امها في المستشفى ومالهاش حد فقررت تتفق معاها تيجي اهنه
وتتفق مع مهره تطلب اني اتجوز عليها عشان خطتتك تمشي كانك نسيت كيف وقفت في وشك من اجل مهره
هاشم: كنت عاوز مصلحتك كنت عاوزك تخلف
جواد: مين قالك عاوز اخلف ليه بتقرر مكاني اني بحب مهره ومستحيل اتخلي عنها
قرب منها
جواد: انت مجنونه يا مهره لا انك فكرتي ان ممكن ابعد عنك
مهره: بس انت طلقتني يا جواد
جواد: رديتك في نفس اليوم لا اني بحبك يا مهره انت كل حياتي
مهره: طب الورق اللي مضيت عليه بتاع اي
جواد: ده ورق ورثك يا مهره نقلته علي اسمي علي شان احافظلك عليه لا ان ابوي ماكنش ناوي يدهولك
هاشم بغضب: انت اكيد اتجننت انت عارف عملت اي بعملتك دي
جواد: كنت فاكر انك هتستغل مهره علي شان خاطر اللعمديه الل اصلا مش في بالي اني كل همي مهره وبس
هاشم: اطلع برا بيتي انت والست مهره بتاعتك ماكلش حاجه عندي
زينب: كلام اي ده ولدي مايطلع من البيت
مازن: كلام اي يا بوي ده
هاشم: اللي سمعتوه مدام ماشي ورا الست مهره يبقا مايلزمنيش
جواد: من غير ماتقول المكان اللي مايصونش مرتي مايستهلش انها تقعد فيه
تعالي يا مهره نكتب كتابنا تاني
مهره ماكنتش مصدقه ان جواد بعمل كل ده عشانها
مهره: جواد ماتخصرش اهلك عشاني
جواد: اهلي مش عارفين ان حياتي معاكي يا مهره صدقيني انت النفس اللي بتنفسه بحبك قوي يا مهره
مهره بحب: واني كمان يا جواد بحبك قوي وما اقدرش استغني عنك واصل
كتبو الكتاب تاني كان وكيها مازن
كانت راكبه العربية ومبسوطه وعملاله تضحك
جواد: مش عارف اللي اللي بيضحك
مهره: اني مبسوطه انك معايا يا جواد اعوز اي من الدنيا غير انك جنبي
جواد: اني هفضل جنبك لحد ما اموت
مهره: بعد الشر عليكي ماتقولش اكده اني اموت لو جرالك حاجه يا جواد
جواد: اهو عشان خاطرك بقينا في الشارع
مهره بضحك: مش في الشارع قوي يعني بعدين الاهم احنا مع بعض
جواد: وهنفضل طول العمر سوا
اذكروا الله
راح جواد علي بيت قديم ملك ليه
جواد: بيت قديم بس هيسيعدنا
مهره: معاك يا جنه يا جواد
جواد: ربنا يقدرني واسعدك يا طفلتي
مهره بزعل: بس ليه طلقتني يا جواد اني زعلت قوي
جواد: حقك عليا يا نور عيني بس انت استفذتيني بس رديتك في وقتها يعني
مهره: بلاش تعمل اكده يا جواد تاني مره اني مقدرش اعيش من غيرك
قرب منها جواد وخدها في حضنه
جواد: مستحيل ابعد عنك يا طفله الجواد
تاني يوم كانت مهره في عياده الدكتوره
مهره: حابه اشكرك يا دكتوره علي حفاظك لسري
الدكتوره: انا مش قادره افهم انت ليه خبيتي انك تقدري تخلفي وجوزك اللي منه العيب
مهره: علي شان جواد احسن راجل ممكن اقابله وعمره ماتخلي عني ولو عرف حاجه زي اكده كان بعد عني عشان اخلف رغم انه عارف العيب مني لاكن متمسك بيا وعمره ماجرحني بكلمه دايما واقف جنبي وسند لي في الدنيا واني هفضل محافظه علي السر ده لحد ما اموت
الدكتوره: مش عارفه اقولك اي بس ربنا يسعدكم يارب انتو بجد زوجين محظوظين ببعض
مهره: شكراً يا دكتوره استاذن اني واشكرك مره تانيه
ومشيت من عندها
كانت في المطبخ بتحضر العشا
لقيت حد بيحضنها
مهره: خضتني يا جواد
جواد: انت اللي قلبك رهيف لا ان مافيش حد يقدر يدخل اهنه
مهره: جواد
جواد: اممم
مهره: علمني ابطل احبك
جواد: لما اني ابطل احبك
مهره: طب ميته يحصل ده
جواد: لما اموت
مهره لفت ليه وحضنته
مهره: بعد الشر عليك ياحبيبي جواد متقولش اكده تاني
جواد: خلاص اعلمك كيفك تعشقيني
مهره: واني جاهزة
شالها جواد ومتجه بيها لغرفه النوم
مهره فهمت عاوزه اي
مهره بخجل: جواد مش دلوق لما اخلص الوكل
جواد بحب: ما احنا هناكل بس من يدي بعدين اني اتوحشتك قوي قوي يا طفلتي
مهره باستسلام: واني كمان اتوحشتك قوي قوي
تمت