كانت داخل صراع عندما سمعت.. صوت عاصم.. الذي قال
عاصم:ههههه والله برافو ياصفيه... لفيتي على ولاد هاشم كلهم وفي الاخر. نصيبك العيل اللي فيهم
مجدي:اي الكلام دا ياعاصم
عاصم:اي مش هي دي الحقيقه مش انت كمان كنت مرشح تأخذها بعدي والا خايف تقول الكلام دا قدام هبه
خالد :عاصم.. صفيه دلوقت مراتي وانا ماسمحلكش تقول الكلام ده عليها..
عاصم:والله عال العيل.. بيعلي صوته على اخوه الكبير
معتز:ملوش داعي الكلام دا ياعاصم دا بدل ماتبارك لاخوك
عاصم:اباركله على اي.. على انه. هيتجوز وحده أكبر منه.. وحده كان يعتبرها في يوم أمه
خالد:عاصم احترم نفسك... انا محترمك عشان انت اخويا الكبير.. لكن لحد صفيه لا يا عاصم ماسمحلكش
امسكت صفيه بذراع خالد تهدئه وتمنعه من التقدم بتجاه شقيقه
عاصم:حلو دور الراجل الي راسمه قدامها...
صفيه:بعد..نفاذ صبراها.... راجل.وسيد الرجالة. ياعاصم.. على الاقل كان صادق.. واد.. كلمته...
الجمه جوابها.... يعلم انها تقصده
صفيه الجده :ماتحترم وجودي ياواد.. ولا انت محدش مالي عنيك
مجدي:.. وهو يمسك يد شقيقه ويسحبه.. يلا ياعاصم كفايه كده
استجاب له عاصم ورحل معه... نحو.. حديقه القصر
بعد أن رحل.. عاصم.... كان الجميع متوتر
نظر خالد لصفيه وقال
خالد:انا اسف ياصفيه على الكلام الي قاله عاصم
صفيه:عادي ياخالد.. عاصم ماقالش غير الحقيقه..
قالت كلامها... ورحلت مهروله لغرفتها قبل أن تسمع جوابه...احزنه كلامها...
صفيه الجده:ياعيني عليكي.. ياحبه عيني ملحقتش تفرح.. نغص عليها فرحتها
هبه:اه والله ياحبيبتي.. صعبانه عليه.. صفيه طيبه.. متستحقش الكلام الي سمعته
جميله:هو عاصم طول عمره اكده اناني مبيحبش غير نفسه
معتز:ربنا يهديه صفيه عاجله.. وهتتفهم الموقف
اما خالد... فكان شارد الذهن يفكر فيها... وفي مدى الألم الذي سببه لها شقيقه.. لكنه اقسم بينه وبين نفسه ان يعوضها.. عن كل الألم الذي عانته
*******'*********************
مجدي:قلت كده ليه ياعاصم.؟
عاصم:قلت اي.. مش هي دي الحقيقه
مجدي:حتى لو كانت الحقيقه انت قلتها وانت قاصد تجرحها.. وتكسرها
ليه ياعاصم الي عملته فيها زمان مش مكفيك..
عاصم: متنهداً... وهو الي عملته زمان.. جاه عليها.. بفايده.. اهو بقت صفيه المحاميه. الكبيره.. استاذه الجامعه الشاطره...حتى انتو هنا..
ملكمش سيره غير صفيه.. العيله كلها.. ملهاش سيره غيرها كأنها بقت. كبيره العيله
مجدي:انت غيران من نجاح صفيه ياعاصم.؟
عاصم:لا مش غيران انا اغير من صفيه
مجدي:لا غيران.. ياعاصم.. واناني.. ماكفكش الي عملته فيها زمان..و كسرتك ليها.. لما رجعت وشفتها ناجحه... وانها اتخطتك.. وبنت لنفسها حياه... زعلت. كنت فاكر.. انك حترج تلاقيها مستنياك.. كنت مستني تشوف البنت الفلاحه.. المكسوره المذلوله... الي اول ماتشوفك راجع.. تفرح ولما تقلها ارجعيلي ترجعلك
بس احب اقلك... ياعاصم.. ان صفيه أقوى مما تتخيل.. واه... عملت الي مافيش راجل في العيله قدر يعمله...
ولعلمك صفيه فعلا كبيرة العيله. عارف ليه لأنها طول ال ١٣ سنه.. بتبني وتكبر.. وكل ما نواجه مشكله تحلها وكل مانحتاجها نلاقيها...
في الوقت الي انت كنت مشغول فيه بنفسك... صفيه كانت مشغوله بالعيله
هو دا الفرق بينك وبينها.. انت ما بتفكرش غير في نفسك.. وهي طول عمرها بتفكر بغيرها
اعقل ياعاصم... اعقل يا ابن ابويا...
متخسرش أكثر من الي خسرته
ذنبو اي اخوك تكسر فرحته... في اليوم الي تحقق فيه حلمه
عاصم :حلمه؟
مجدي:ايوه حلمه.. خالد بيحب.. صفيه.. وبيتمناها. .من زمان...بيحبها بجد.. مش زيك ياعاصم.
اعقل ياعاصم صفيه.. دلوقت مرات اخوك.. سيبها تعيش حياتها.. وبلاش تخسرها وتخسر اخوك
*******************************************
دخلت جميله غرفتها.. وجلست تفكر في صفيه.. التي قالت لها انها بخير.. وطلبت منها الرحيل مع زوجها
اما معتز.. فهو يتحاشى النظر في عينيها منذ الصباح.. بعد أن سمع كلامها الذي قالته عندما كانت تواسي صفيه لكنه قرر ان يواجهها.. لم يعد يتحمل شعور الذنب
معتز:مالك ياجميله سرحانه في ايه
جميله:صعبانه عليه صفيه.. ملحقتش تفرح.. هه احنا ليه مش مكتوب لينا نفرح... ليه بيداس علينا كأننا معندناش مشاعر... ولا بنحس...
كان يعلم معتز انها تتكلم عن نفسها وليس صفيه فقط
جلس بجوارها وقال
معتز:انا اسف ياجميله
صدمت من كلامه... ونظرت.. اليه.. فاكمل هو
اسف ياجميله... انا عارف اني اذيتك.. وجرحتك.. لكن غصب عني.. والله انا كمان. اتدبح*ت. واتجرحت
وكأن كلماته قد.. اوقدت فتيل الانفجار في قلبها لتهب غاضبه وتقول
جميله:اذا كنت انت اتدب*حت في ليله فأنا بقالي اتناشر سنه بدب*ح كل ليله... عارف كم مره صحيت من النوم عليك وانت بتهلوس باسمها.. عارف كم مره سمعتك وانت بتبكي عليها... عارف كم مره كنت معاياو في حضني. وانت بتفكر فيها.. عارف برودك و تجاهلك ليه كان بيعمل فيا اي.. كان بيق*تلني. كنت بحس نفسي رخيصه.. ومعند*يش قيمه.. مكنتش اعرف اشتكي.. لمين.. حتى صفيه.. كنت باتكسف اقولها حاجات.. كنت بتقولها.. وانت بتحلم بيها اقولها اقولها جوزي بيحب اختي وبتغزل بيها في أحلامه.. اقلها جوزي بيغلط باسمي وهو معايا..
كانت تتكلم وهي تبكي بانهيار.. حتى بدات. تضرب خديها بيديها.. تندب حظها..
مزقت قلبه. بما قالته.. الي هذا الحد.
كان قاسي وظالم لها
جثى على ركبتيه.. أمامها... وامسك .. يديها مانعا اياها من ضرب خدها.. بدا يقبل يدها وهو يقول
معتز:سامحيني. ياجميله ابوس ايدك سامحيني ماتعمليش كده.. في نفسك.. ارجوكي.. انا غلطان وندمان والله ندمان.. انا غبي كنت باجري وره وهم. وسيبت الحجيجه الحلوه الي فأيدي
بس والله نسيت الماضي ياجميله
ومش بفكر فيه..
غلطت بحقك.. .و. جرحتك..لكن سبيني اداويكي...
خلينا تبتدي حياه جديده.. من غير الماضي.. جميله انا ابتديت احبك.. وبحس بمشاعر جميله معاكي.. اديني فرصه واوعدك اني اعوضك.
عارف اني ما استحقش.. واني اذيتك
بس ابوس يدك فرصه وحده ياجميله.. جلبي. محتاجك ومحتاج حبك.. عشان خاطري..
لكنها بقيت تبكي وشهقاتها تعلو ولم تجيب..
جلس بجانبها واخذها باحضانه.. رغما عنها. وبدأ يحرك يديه.. على ظهرها محاولات تهدئتها
معتز:طب اهدي.. اهدي.. ياروحي خلاص.. انا هستنى تسامحيني... انا عارف. ان جلبك طيب... وهيحس. بجلبي اللي مستنيه...
ثم حملها برفق ومددها.. على السرير.. ثم تمدد بجانبها.. وسحبها. إلى احضانه.. وقبل رأسها.. وبدأ يحرك يده على خصلات شعرها ويقول.. اهدي ونامي. دلوجت.. ياجميله. ابوس يدك انا مش مستحمل الدموع دي دموعك غاليه. عليه.. ياحبيبتي
رغم انها كانت مندمجه في بكائها.. لكن كلمت حبيبتي أطفأت البركان الثائر بداخلها جعلتها تتوقف عن البكاء وتنصت لدقات قلبه.. التي كانت تشبه قرع الطبول... لكنها كانت تشعر بأنها.. أجمل قصيده شعريه... نامت جميله.. بين احضانه شاعره للمره الأولى انها في أمان... وان احضانه وقلبه ملكا لها وحدها
****************************
مرت ثلاثه ايام. على عقد قرانها من خالد.. كانت تتحاشى التواجد معه في مكان واحد.. لكن ماكان يفعله.. هو
كان يحرجها.. فقد كان ينضر لها نظرات وقحه.. ويغمز لها كلما تلاقت عينيها بعينيه...او يرسل لها قبلات في الهواء
كانت تجلس. في المكتب.. عندما دخل عليها هو
خالد :مراتي حبيبتي.. مساء الخير..
صفيه:خالد!
خالد:ايوه خالد الي بقالك يومين بتهربي منه.. بس قفشتك. ياقمر... وحشتيني.. يا نور عنيه
اضطربت.. وارتجف قلبها من كلماته
لكنها لم تبين ذلك
صفيه:عاوز اي ياخالد؟
خالد:وهو يقترب منها....فيه واحده تقول. لجوزها حبيبها.. عاوز اي.... عاوز مراتي.. حبيبتي
صفيه:شايفاك استحليت الكلمه
خالد:اي مش دي الحقيقه..؟ ياروحي دا انا بقالي سنين مستنيها...
تعالي....قالها. وهو يمسك يداها ويطلب منها الوقوف.
صفيه:عاوز ايه
خالد:تعالي بس.... ثم سحبها. واجلسها على الاريكه... ثم. تمدد هو ووضع... رأسه على قدميها.. وامسك يدها. اليمنى وضعها على خصلات شعره.. امتثلت... هي له كأنها مغيبه.. بدأت تحرك يدها بين خصلات شعره. ووضعت يدها الأخرى بتلقائيه على كتفه
استمتع.. هو بهذا الوضع.. وبدأ بالكلام
خالد:تعرفي ياصفيه. مش عارف انا حبيتك امتى. لكني معرفتش الحب إلا معاكي. يمكن من ساعه ماعاصم سابك وانا بشوفك بشكل تاني... تعرفي اني اخترت القانون لاني سمعتك بتتكلمي مع. جميله وتقوليلها انك عاوزه تكملي ماجستير.. كنت عاوز اكون جنبك... كنت فاكر لما اروح الكليه. هحب غيرك.. بس معرفتش ماكنتش بشوف احلى منك ولا كنت باشوف غيرك.. كنت مفكر اني جايز عشان انا كنت قريب.. منك بحس الاحاسيس دي... ويمكن دا حب اخوي... كنت بحاول اخش اي علاقه لكن قلبي كان بيرفض.. يحس بغيرك...كنت لما اشوفك احس بقلبي يفضل يدق. كانه عاوز يخرج. من بين ظلوعي ويروح عندك.... لما تخرجت ورجعت النجع.... قلت بعدي عنك هيخليني انساكي.... لقتني. بشتاقلك أكثر.. وبستني اليوم الي بترجعي فيه.. عشان اشوفك.. ما استحملتش بعدك. قررت اكمل في النيابه...عشان اكون قريب منك. كنت باحضر الجلسات عشان استمع باطول وقت وانا باشوفك ...لمعه عينيا ودقات قلبي. . فضحتني قدام الكل الا قدامك ياصفيه..بحبك ياصفيه.. مش بس بحبك انا عديت المرحه دي.. انا بموت فيكي وبعشقك... انت مش بس حبيبه قلبي انت حبيبه روحي. كمان.
اعتدل في جلسته. واستغل حاله التشتت التي تعيشها بسبب كلامه
وضع يده خلف ظهرها وامسك خصرها. يضمها إلى احضانه... ثم قبل رأسها.. وقال
اوعدك.. ياصفيه. اني حبي ليكي يزيد كل يوم... لحد اخر نفس
كانو على هذا الوضع عندما.. فُتح الباب ودخلت جميله.... وعت صفيه. إلى وضعهم وحاولت الخروج من احضانه.. لكنه ابى. ذلك.. همست له وقالت
صفيه:ابعد ياخالد عيب كده
خالد:هي الي عيب..عليها. مش عيب عليكي ياجميله.. تدخلي على راجل ومراته بشكل دا...
كانت جميله تضحك... وقلبها سعيد.. لأجل صديقتها
جميله:وانا ايش عرفني انك هنا ياخويا
وبعدين انا جايه اتكلم مع مرات اخويا
يلا اخرج عاوز اتكلم معاها في موضوع
خالد:وانا مش خارج قاعد على قلبكم
ولو عاوزني اخرج يبقى تدوني رشوه انا واحد مرتشي
جميله:وعاوز اي يا سي خالد رشوه
ليضع وجهه اما صفيه مشيرا إلى خده يطلب منها تقبيله
اخجلها طلبه... وقالت رافضه
صفيه:وانا نزيهه ومش بدي رشوه
خالد:خلاص يبقى انا مش خارج
جميله:ماتديلو رشوه ياختي خلينا نخلص عاوز ارجع لجوزي مستنيني
يلا ياصفيه عشان خاطري
لتقبله صفيه وتبتعد.. بسرعه.. وتحرر نفسها من احضانه على استحياء
ليبتسم وهو. يقف.. ثم ينحني يقبل جبينها.. لتغمض هي عينيها.. بتلقائيه.. مستشعره...ملمس شفتيه على جبينها
ثم اعتدل وقال تصبحي على خير ياحبيبتي.. ونامي بدي عشان هصحيكي بدي عندنا مشوار
جميله:مشوار ايه؟
خالد:اي الحشريه الي انت فيها دي...مشوار بين راجل ومراته انت اي دخلك خليكي في بيتك وجوزك
ثم تركها ورحل
جميله:مشوار اي ياصفيه؟
صفيه:والله ما انا عارفه.. اخوكي بتصرف تصرفات. غريبه.. الراجل اتجنن ياجميله
جميله:بيحبك يابنتي
صفيه:سيبك منه قوليلي موضوع ايه الي عاوزاني فيه
لتقص عليها جميله.. ماقاله معتز.. لها
صفيه:وانا اقول جميله مختفيه.. اليومين الي فاتو فين اتاريكي غرقانه مع سي معتز.... طب وهو عمل اي اقصد اليومين الدول
جميله:يالللهوي ياصفيه.. على الي بيعمله... كل يوم بيجولي كلام كيف الشهد و.. بياخذني بحضنه.. ويفضل يتغزل فيا..لحد ماينام.. دا بيجول كلام
بيدوب جلبي.. دوب أكثر ماهو دايب فيه
صفيه:طب وانت بتقولي اي
جميله:مابجولش حاجه بتكسف.. وأفضل ساكته
صفيه:انت هبله.. يا جميله هبله اكيد.. بقالك اتناشر سنه مستنيه يقلك كلمه حلو ولما ربنا فتحها عليه.. وقال.. تقوليلي اتكسف... جميله انت سامحني معتز والا لا
جميله:مش عارفه.. خايفه ياصفيه. خايفه جوي.. يكون بيحس بالذنب.. وبيعمل كده عشان يراضيني.. مش عارفه متلخبطه
صفيه:سؤالي واضح ياجميل انت سامحتي معتز والا لا
جميله:اكذب عليكي لوجلت سامحته
لكن انا بحبه. بحبه.. جوي. وفرحانه.. بحبه ليا..
صفيه:يبقى سامحيه. يا جميله... الي يحب يسامح... سامحيه خلي يعوضك عن كل الي فات..
*******************************************كانت صفيه.. نائمه.. عندما احست..بشي.يسير.على وجهها.. لتفزع.. وتفتح عينيها.. لتجد خالد يجلس على السرير بجانبها ويحمل زهره.. لتفزع أكثر... وتمسك مقدمه بجامتها
صفيه:خالد انت دخلت هنا ازاي؟ووبتعمل اي هنا؟
خالد:دخلت هنا ازاي فانت ياهانم.. سايبه الباب مفتوح.. تاني مره تقفليه.. انا بغير عليكي.. بس.. خلي بالك...ليغمز لها.. ويقول.. تديني نسخه من المفتاح
وانا هنا ليه لاني جاي اصحى مراتي حبيبتي عشان عندنا مشوار
صفيه:مشوار اي مش افهم؟
خالد:عاوز اعمل حاجه كنت اتمنى اعملها معاكي.. ويلا عشان اتاخرنا
صفيه:طب يلا اخرج عشان اغير هدومي
خالد:هو مينفعش مخرجش
صفيه:خالد
خالد:خلاص خارج.. محدش يعرف يهزر معاكي
وصل إلى الباب... عندما سمع تأوهها.. فزع لما سمع.. وعاد إليها مهرولا.... وقال
خالد:صفيه مالك حصلك ايه
صفيه:رجلي اتلوت شويه
جثى على ركبتيه.. وبدأ يدلك.. قدمها.. برفق... وهو يقول متخافيش مافيهاش حاجه.. رفع عينه. لها.. وتفاجئ بها تبكي
خالد:صفيه مالك بتعيطي ليه. بتوجعك
لتحرك رأسها نافيه الامر وتقول
صفيه:مش عاوزه اخسرك
ليسرع ويجلس بجانبها.ويمسح دموعها. ويقول
خالد:تخسريني ليه انا مش فاهم ياصفيه
صفيه:لما رحت الفيوم فضلت افكر انت اي بنسبالي... انت مش اخويا ياخالد.. زي دايما ما بقول... انت سندي ياخالد... تعرف يعني اي سندي.. انا افتكرت شريط حياتي كله لقيتك انت.. اهم حاجه فيه... كنت بطمن وانا بشوفك.. موجود في الجلسات... بطمني نظرات عنيك لما اترافع.... اول حد اكلمه لما احس بخطر.. أكثر واحد اساله واطمن لما اشوفه... حتى السفر كنت بستى إجازاتك عشان اسافر معاك..
خايفه ياخالد... خايفه نفشل واخسرك.. عشان كده بقلك ابعد... مش عاوزه اخسرك... مش عاوزه اخسر سندي...
خالد:طب وانت ليه بتفترضي اننا هنفشل... متقوليش اخويا.. وابني... مش ملعقتين رز بلبن هيخلوكي أمي ياصفيه
صفيه :ماتضحكش على نفسك يا خالد... انا اكبر منك... بكره أكبر واعجز وانت تفضل شباب... وتندم.. واتدور.. على وحده.. بسنك عشان ترضى رغباتك
خالد:ههههه هودا اللي قالقك... طب اي رأيك.. اني بشوفك احلى ست في الدنيا كلها... وعمر ماحسيت بفرق العمر بالعكس.. انا ساعات بحس انك أصغر مني... وانك بنتي. الي انا مسؤول عنها... ويا ستي لوعجزتي وكرمشتي... و أسنانك وقعو.. هتفضلي احلى ست شافتها أعنيه..
صفيه.. انت متعرفيش انا بحبك ادي اي اقسم لك بالله من كثر فرحتي بكي..بقالي يومين مش عارف انام مش مصدق نفسي.. انك بقيتي على أسمي
صفيه :للدرجه دي
خالد:وأكثر والله ياصفيه.. اديني فرصه.. احتل قلبك الي تاعبني.. خلينه ناخذ فرصه.. ولو فشلت اني اخليكي تحبيني. صدقيني هنسحب وهفضل. سندك. ما تخافيش.. رغم. انك لما تطلبي مني ابعد عنك.. يعني بتحكمي عليه. بالموت
.صفيه:بعد الشر عليك متقولش كدا
خالد: يعني موافقه تديني فرصه
صفيه:خلاص ياخالد مش بس انت محتاج الفرصه دي انا كمان..
ليحتضنها... خالد ويقول
ياحبيبتي ياصفيه.. صدقيني.. مش هتندمي
صفيه:وهي تخرج من احضانه وتقول
تعرف ياخالد انك طلبت مني الجواز وانت عندك سبع. سنين.. وقولتلي انت هتبقى عروستي... وانا ضحكت قلتلك خلاص انا عروستك.... مكنتش اعرف ان دا هيحصل بجد
خالد:شفتي يعني انا مقدم الطلب دا من زمان شفتي بقالي كم سنه مستنيكي
ليضحك الاثنان معا....
يلا. ياصفيه... غيري هدومك. وانا مستنيكي في الجنينه
غيرت ملابسها ونزلت... إلى الحديقه كان الفجر. قريب... وجدته ينتظرها
امسك يدها... وذهب بها. ناحيه الاسطبل... اخرج فرسه الاشهب..
ثم قال..
خالد:يلا ياصفيه اركبي
صفيه :اركب فين انا بخاف ياخالد
خالد:ما تخافيش ياصفيه انا معاكي
ساعدها بالركوب.. وركب خلفها
وانطلق بفرسه.. اماهي. فخافت. بسبب سرعه الفرس.. استدارت.. وخبئت وجهها بين ثنايا... صدره.. وامسكت بكلتا يديها بملابس بقوه..
وبين. دفئ احضانه. ونسمات الهواء البارده.. كانت هي بين قلب راغب.. وعقل رافض....
وصلو إلى وسط الحقول الشاسعه... أوقف فرسه.. ونزل وساعدها بالنزول
صفيه:احنا جينا هنا ليه؟
خالد:بحقق احلامي ياصفيه.. كان حلمي اخذك معايا على الفرس.. وفاضل الحلم التاني
صفيه:واي هو الحلم التاني؟
ليباغتها بوضع يديه على خصرها يحملها ويدور بها... وهو يصرخ باعلى صوته بحبك ياصفيه.. بحبك... ياحب عمري
اماهي فكان قلبها يصرخ معه.... بمشاعر جديده. عليها... تجربها معه لأول مره.... كانت تضحك...كما لم تضحك من قبل..
انزلها... ونظر لعينيها... واسند جبهته. على جبتها..وهو يلهث وقال
خالد:بحبك يانبض قلبي..
صفيه:يامجنون الفلاحين يشوفونا ونتفضح..
خالد:خليهم يشوفونا.. انا عاوز اقول للعالم كله.. انك حبيبتي.. وروحي وعمري.. وكل حاجه حلوه بدنيتي
بقيا يتجولان سويا في الحقول حتى حل الفجر.... وتناولا افطارهما مع الفلاحين.. وسط الحقول الخضراء... كانت تجلس بجانبه. وسط الاشجار... ممسك بكف يدها. بين يديه.. يقبل يدها بين الحين والآخر حتى رن هاتفها
صفيه:ايو يامنير... واتاكدت بنفسك.. يعني.. شكي. طلع بمحلو.. طب تمام.. انا راجعه القاهر بكره
خالد:فيه اي ياصفيه
صفيه:لازم نرجع القاهره بكره ضروري