رواية احفاد ابليس الفصل الثامن عشر18بقلم رشا منصور
عزيزة…
بعد ما قابلنا الشيخ موسي اداني ازازة وقالي رشي منها ع عتبه أى مكان جوزك هيعدي عليها وأنتي ممكن تعدي عادي متقلقيش..
وفعلاً انتهزت فرصة أن وليد في الحضانه ورشيت تحت عتبه غرفتي والغرفة التانيه وعتبه الشقه كمان وحماتي قالتلي ابعتي هاتي أكل من بره وادخلي حطي مكياج ودلعي نفسك كدا خلي العمل،. مفعوله يجيب نتيجة. وأنا عن نفسي هاخد وليد واقعد في غرفتي.
وفعلاً عملت زي ما قالت وأول ما دخل عادل خرجت من غرفتي ولقيته فضل واقف يبصلي كأنه أول مرة يشوفني وفجأة قرب مني وقالي وحشتيني أوي ولقيت حماتي بتقول له أحمدك يارب..
ادخلوا يا ولاد والأكل عندكوا وأنا هاخد وليد يلعب في غرفتي..
وبعد حوالي شهر صحيت من النوم وحسيت بدوخه وعاوزة.. عاوزة.. آة الحقيني يا حماتي….
شيحال…
كان لازم أرجع العلاقة بين عادل وعزيزة علشان لما يحصل حمل ميبقاش يبقي فيه شك،. أنه مش أبنه.. والحقيقة أن عزيزة حامل مني أنا
عبدالرحمن….
بعد ما عرفت أن يزن قريب المديرة طلبت من ولد أنه يبدل مكانه معايا مقابل شيكولاته وروحت قعدت خلف يزن وقولت له لو سمحت ممكن توديني الحمام أنا معرفشي مكانه فين وخا'يف. المستر يرفض. لو أنا قولت له
يزن…
لقيت ولد بيقولي أنه عاوز يدخل الحمام وقلقان أن المستر يرفض بصيت للمستر واستأذنته انى اروح الحمام واخد زميلي معايا ولما قالي عوزة ليه قولت له لأني سمعته وهو بيقول أنه عاوز الحمام وفعلاً خرجنا وروحنا الحمام والولد قالي أنه إسمه عبدالرحمن وقالي أنه معاه شيكولاته كتير أول ما نرجع الكلاس هيعطيها لي ولما نلعب مع بعض هيجيب ليا ألعاب من بتاعته..
ولما المديرة شافتني وسألتني كنت فين قولت لها أنا وعبدالرحمن كنا في الحمام وهو أول ما شافها قال لها أنتي حلوة أوى يا طنط وطلع بنبوني من جيبه وصمم أنها تاخده..
وطنط المديرة قالتلي أن عبدالرحمن ده ولد مؤدب تبقي العب معاه..
الحج عرفة…
أول ما روحت مغلق.الخشب. قولت ل فارس اللي شغال معايا أنا عاوز أفتح مصنع خشب وكمان ورشة موبليا واكون أكبر تاجر. في دمياط علشان ابني شريف يبقي فخور بيا وسط زمايله في المدرسة.. ما هما ولاد أكابر ولازم أبني يكون في مستواهم وأكبر كمان…
وفارس قالي من بكره هيكلم السمسار. يشوف قطعة أرض كبيرة وأول ما نلاقيها هيجيب ليا مهندسين يعملولي المصنع..
شريف…
بعد ما شاهى قعدت بجواري قولت لها متخا'فيش. تبقي اقعدى معايا كل يوم ومحدش هيقدر يزعلك أو ياخد حاجتك..
أنا بابا جايب ليا شيكولاته وحاجات حلوة يلا نأكلها سوي ونلعب مع بعض وطبعاً مس أميرة معترضتش وبعد ما اليوم ما خلص فضلت واقف معاها عند البوابه لحد ما وصل باباها بالسيارة ونزل ياخد شاهي..
قولت له متخا'فش. يا عمو أنا بخلي بالي منها علشان محدش يزعلها.. وبعدها ركبت أتوبيس المدرسة وروحت البيت ولقيت ماما منتظراني وواقفه في البلكونه وأول ما نزلت من الاتوبيس نزلت اخدتني وقالتلي وحشتني يا حبيب ماما…
تاليا….
اتصاحبت ع رزان وقولت لها يلا نلعب مع بعض وأول ما انتهي اليوم انتظرت عبدالرحمن عند بوابة المدرسة ومعايا رزان وشوفته وهو جاى ومعاه ولد وقالي أنه اسمه يزن وأول ما خرجت من البوابة كان بابا منتظرنا وركبنا معاه السيارة علشان نروح البيت..
الجن.الأحمر…
فرحت ب أولادي ونشاطهم من أول يوم واختيارهم الاصحاب اللي تليق بهم… هما دول اللي لما يكبروا سهل يكونوا ظل ل أولادي وينفذوا طلباتهم . ويكونوا أتباع إبليسss.
نبيل العطار…
من لحظه ما وجهت الجن.صاحب السوبر ماركت وأنا كل يوم اعدي ابص له واضحك وأنا من جوايا بقول يارب اكفيني شره.
واحفظ ابني ومراتي وسلسبيل بنتي من إبليس.وخدامه…
الجن.برك….
بعد اللي عمله نبيل معايا انتظرت يومين وبعدها باعت واتس ل هويدا مراته بس اتفاجئت أنها عملت ليا بلوك….
واضح أنها مكنتش تعرف زى ما أنا توقعت.. بس بردو ياتري مين الولد اللي في البيت.. أنا لازم اعرفه قبل ما يعمل فيا زى ما عمل في حسام….
وقررت اخد شكل قط وأقف كل يوم قدام البيت لحد ما شوفت ولد وله هاله كبيرة ولسه هقرب منه.
افتكرت اللي حصل ل حسام بس قبل ما أرجع لقيت الولد بيقرب مني وهو بيبتسم وبيقولي الله قطه حلوة أسمك إيه.
أنا هقولك يا بوسي . أول ما أرجع من الدرس هجيب لكي أكل
وبعد ما مشي استغربت ده مقدرش يعرف حتى أنا قط ولا قطه يبقي ازاى عرف أن حسام جنn. وقدر يصيبه. كمان.
وروحت العشيرة عند حسام وقولت له اللي حصل واستغرب أوى. وقالي يمكن في ولد غيره.. بس عموماً أوعى تسيب الولد ده بالعكس لازم نقدمه ل إبليسlo قربان. أكيد هيفرح بك..
لكن الغريب أني مقابلتش الولد ده تاني ولا شوفت أى ولاد في البيت
طب وبعدين اقول ايه ل حسام…
أحمد نبيل…
أول ما نزلت شوفت الجنn متشكل ع هيئة قط ومكنش ينفع اختفي. واتنقل ل مكان تاني لأن رشا مأكدة عليا إني لازم اثبت لهم إني معرفش قدراتي… علشان كدا قررت العب معاه وهو قط وأول ما وصلت الدرس وخلصت اتنقلت للبيت ع طول وقولت في سري يا رشا محتاجك… وسمعت صوت آدم بيقولي هبلغها طلبك…
رشامنصور….
كنت قاعده بقول اذكار المساء وفجأة لقيت آدم واقف قصادي قولت له خير أوعى تقولي أن حسام قابل أحمد تاني..
قالي لا بس أحمد محتاج يتكلم معاكي وطلبك وأنا جيت ابلغك واخدك له وفعلا في لحظه كنت عنده في غرفته..
قولت له خير يا أحمد شكلك بيقول أن عندك كلام كتير وبدء يحكي ع اللي حصل مع الجنn اللي ع هيئة قط…
ابتسمت وقولت له ده يبقي صاحب السوبر ماركت وابوك عارفه واتعامل معاه قبل كدا وليلي كمان عرفاه ..
وتصرفك صح بس من اللحظه دى أنا مش عوزاه يشوفك تاني استخدم مهاراتك وخليه يتجنن وهو بيدور عليك وخلي الفئران تخرج من جحرها. وتظهر للكل…
أحمد نبيل…
رشا اكدت عليا أن في فترة المدرسة هيزيد نشاطهم ونبهت عليا قبل ما اخرج من باب الشقه اتنقل داخل المدرسة والموضوع كان صعب. عليا في الأول لأني بتنقل بس في الاماكن القريبه لكن المدرسة كانت بعيدة ولازم أركب مواصلات وكمان ماما اللي بتوصلني لكن أنا بلغت بابا بكلام رشا وهو قالي اتمرن وزود هيبتك واكيد آدم هيساعدك وينقلك لو فشلت، أنت في التنقل..
وبابا بلغ ماما أن في واحد صاحبه هيوصل كل الطلاب لحد المدرسة مع اولاده وفعلاً آدم ساعدني لحد ما زادت قدرتي وبقيت اقدر اتنقل لمناطق ابعد….
عادل….
أول ما دخلت البيت لقيت أمي بتقولي ألف مبروك يا حبيبي عزيزة حامل وهيبقي ل وليد اخ أو أخت …
فرحت أوى ودخلت ل عزيزة وقولت لها مبروك يا قلبي يلا بينا ع الدكتور علشان يطمنا عليكي وع الجنين…
عزيزة…
كنت فرحانه اوي أول ما حماتي قالت ليا دى اعراض حمل يا عزيزة . بس قولت لها أنا خا'يفه احسن وليد يغيير من المولود الجديد هو لسه صغير بردو…
لكن لقيت وليد بيقولي هييييييه ماما هتجيب نونو والعب معاه
يلا يا ماما هاتيه بسرعة…. شوف الولد فاهم كلامنا 🫣
جيهان…
رغم أن سوزان لسه صغيره بس بنتي حبيبتي قدرت تخلي محمد يبات معاها كل يوم ويذاكر لها ويوديها المدرسة كل يوم..
وبطل يروح ل منال خالص. لدرجة أنها جاتلي البيت لأنه مبقاش فاضي يرد عليها في الموبايل…
وبقي مش عارف يتصرف ازاى أول ما شافها واقفه قدامه.
الجن.مهموز….
جيهان كانت فاكرة أن سوزان بتعمل كدا علشانها لكن أنا كنت قاصد اوقعهم في بعض وازود الكراهية،. بينهم…