رواية بين وعد ووجع الفصل الاول1بقلم سلوان سليم
: "الليلة اللي غيرت كل حاجة"
"مش موافقة… مستحيل أتجوز واحد معرفوش!"
قالتها ليان وهي واقفة في نص الأوضة، عيونها مليانة دموع وغضب.
أمها بصتلها بحزن:
"يا بنتي دا نصيب… والراجل ده هيسترِك ويعيشك أحسن عيشة."
ضحكت ليان بسخرية:
"أعيش إيه؟! وأنا قلبي مش مرتاح؟!"
في اللحظة دي، الباب خبط…
ودخل هو.
طويل… هادي… ملامحه جامدة بشكل يخوف، عيونه سودا كأنها شايلة حكايات كتير.
بص لها بثبات وقال:
"أنا مش جاي أجبرك… بس برضه مش هتلاقي فرصة زي دي تاني."
سكتت… قلبها دق بسرعة…
في حاجة جواها بتقول تهرب،
وحاجة تانية بتشدها نحوه!
قرب خطوة وقال بصوت واطي:
"أنا عايزك… بس مش للحب."
شهقت بخضة:
"أومال لإيه؟!"
ابتسم ابتسامة غامضة وقال:
"علشان تنقذيني… من حاجة لو عرفتيها… يمكن تهربي قبل ما الجواز يتم."
سكتت الدنيا حواليها…
وحست إن حياتها بتتسحب منها بهدوء.
وفي اللحظة دي…
قررت قرار هيغير كل حاجة:
"موافقة.