رواية احفاد ابليس الفصل العشرون20بقلم رشا منصور
عادل….
كنت تعبان. من كتر الشغل وأوقات كتير مكنتش بروح البيت علشان اقدر ع مصاريف مدرسه وليد الخا'صة. ومصاريف البيت…
وعزيزة مصاريفها كتير ومش بتقدر تعبي،
حتى أمي لو اشتكيت. لها تقولي أى قرش أولي به بيتك وأولادك ولا عاوز تروح تدور وراء النسوان…
كأن ماليش حق إني أرتاح أو اخد إجازة…
وليد….
أحسن حاجه أن تيتا كانت في ضهري لما كان يجيلها حد يشتكي، مني كانت تقف في وشهم وتقولهم مافيش اهدي من حفيدي ولا اطيب منه… أنا مجرد طفل شقي شويه لكن بالنسبة ل تيتا كنت اطيب طفل في العالم كله هههههه…
شريف…
طلبت من بابا يشتري ليا لاب توب زى أصحابي وطبعاً جابلي وابتديت ادخل ع صفحات ومواقع بتكلم عن الجر'ائم. الغريبه وقولت ل شاهي بما أنها صديقتي المقربه وبدأت تبحث هى كمان وفكرنا أنا وهى ازاى نقنع زمايلنا يعملوا اللي إحنا بنشوفه ع النت،،
وقالت ليا أن أبن حارس العمارة أصغر مننا ب سنه وهو بيحب اللعب أوى قولت لها فكرة بس مش عاوزين حد يشوفنا معاه علشان لو معرفش يلعب ولا اتصاب، محدش يقول ل باباكي ومامتك ويعقبو'كي…
شاهي…
كنا بناخد أنا وشريف دروس مع بعض أحيانا في بيته وأحياناً عندي وفي يوم فرجني ع ألعاب.، صعبه. أوي ممكن تمو'ت. وقالي ده كله مش صح وعاوزين نتأكد من الأفلام دى…
علشان كدا عاوزين حد نقنعه يعمل زي اللي في مواقع النت من غير ما حد يعرف أننا اللي اقناعناه..وافتكرت أبن حارس العمارة ده شقي. جدا ومقضي يومه في اللعب ومش بيروح المدرسة إلا قليل أوى..
وشريف قالي هنعمل ايه من غير ما حد يعرف… ونزلت مع شريف بعد ما المدرس مشي بحجه هنشتري كتاب وناديت ع
محمود وقولت له لو مش بتعمل حاجه تعالي معانا..
محمود أبن حارس العمارة….
شاهي قالتلي تعالي معانا هوريك حاجه قولت أكيد رايحين يلعبوا ولقيت الواد اللي معاها قالي أنه شاف ناس بتقدر تنط في ارتفاعات وبيكسبوا فلوس وسألني لو بعرف
قولت له ده أنا اسرع واحد في الجري بس مجربتش انط. بس اكيد الناس التانيه دى بيكون مربو'طين. بالحبال زى الممثلين كدا
شريف…
قولت ل محمود أنا معايا 200 جنيه اللي يعرف ينط من السطوح العمارة للسطوح العمارة التانيه هو اللي يكسب الفلوس…
محمود أبن حارس العمارة…
200جنية. بس أنا مش معايا فلوس وقالتلي شاهي متخا'فش يا محمود لو شريف اللي كسب أنا هدفع له 200 جنيه ولو أنت اللي كسبت حلال عليك الفلوس…
قولت لهم يلا بينا بس هما قالولي لأ اطلع واحنا هنصور بالموبايل علشان نشوف مين أكتر حد جاب مسافه أكبر وطلعت العمارة وبصيت لهم من فوق واستعيدت للنط….عااااااا
شريف…
أول ما محمود رجع للعمارة وأنا اخدت شاهي ووقفنا عند سوبر ماركت أمام العمارة وشاورنا ل محمود وأول ما نط وقع ع الأرض 🤔 مممم كدا هو خسر ال 200 جنيه…
ونبهت ع شاهي متقولش لحد والناس صر'خت. ووقفوا حوالين محمود والدم،. حوالية وأنا اخدت شاهي وجرينا للشارع المجاور علشان نبقي بعيد عنه.. وفضلت شاهي تبكي بس أنا قولت لها هو لو كان كسب كنت اديته الفلوس إحنا معملناش حاجه.. وهو اللي وافق وكان ممكن يرفض…
الجن.ميمون…
روحت للأمير سلسال. وعرفته اللي ابني عمله وكان فخور بتربيتي وقالي أستمر وشجعه ع الاستمرار….
سعاد…
طلبت من سليمان يشتري موبايلات ل اولادى لأني هدخل تاليا مدرسه بنات أنا رافضة الاختلاط. وخصوصاً أنها دخله الاعدادي وهتكون في سن مراهقه،. واللي شجعني أكتر أن مامت رزان صاحبتها هى كمان هتحول بنتها واهو تاليا تبقي مع رزان..
ولازم اطمن ع ولادي كل شويه ومافيش حل غير الموبايل. وكمان كل اصحابهم معاهم موبايلات وأنا عيالي مش أقل منهم…
تاليا….
يا رزان أنا لاحظت أن الواد اللي قاعد هناك ده بيبص عليكي أنتي تعرفيه… مممم بس عارفه شكله حلو أوي ما تروحى تكلميه ولا اقولك بلاش أحسن ماما تشوفنا أنتي اكتبي رقم الموبايل وأحنا نمشي عنده وارميها له بسرعة…
رزان…
لأ يا تاليا لو أتصل عليا وماما عرفت ممكن تاخد مني الموبايل وتعا'قبني.. بس تالياً قالت ليا أكتبي أن ده رقم الواتس..
وساعتها هو هيبعتلك ع الواتس ومامتك عارفه أن في دروس أون لاين وطبيعي نفضل فاتحين الواتس….
وكتبت الورقة ورميتها له وفات يوم واتنين ومحدش كلمني وقولت ل تاليا وقالت ليا يمكن خا'ف. يعملك مشكلة…
تاليا…
بعد كلام رزان روحت ل عبدالرحمن وعرفته اللي حصل وقالي أنه هيتصرف…
عبدالرحمن…
شوفت الولد اللي تاليا قالتلي عليه قاعد ع كرسي قدام العمارة اللي قصادنا وقولت ل بابا أنا هنزل اشتري أقلام وروحت للولد ولقيته قاعد ومعاه كتاب قولت له أنا ساكن في العماره دى وشايف معاك كتب أنت في سنه كام وقالي أنه في الصف الثالث الاعدادي..
قولت له كويس أنا محتاج مدرس انجليزي وكنت منتظر لما الدراسة تبدأ لو تعرف مدرس كويس عرفني عليه وتعالي بدل ما تقعد هنا لوحدك اقعد معايا فوق في غرفتي وتاليا اختي ورزان صاحبتها في غرفتها ولا أنت متحبش نكون اصحاب.
كمال…
أنا قاعد قدام مكتب بابا اصله سمسار عقارات وشقتنا فوق المكتب وو ببص لقيت أميرة بنت الجيران وقفت في الشباك. كنت منتظرها من بدري ولقيت عبدالرحمن بيسألني عنها.
قولت له أنا معجب بها وهى فى أولي اعدادي قالي.
عبدالرحمن….
اشطه هاتلي أنت المدرس وقول ل اميرة تيجي تاخد درس معانا وأنت أطلع اقعد عندنا فوق وبدل ما تبص من بعيد أقعد معاها وكلمها و قدام ماما هقول أنها زميلة تاليا أختي.. يلا اتفق معاها وعرفني بميعاد الدرس وأنا هرتب الموضوع في البيت..
كمال…
فكرة عبدالرحمن عجبتني وبدل ما أنا مش عارف اكلمها أحسن مامتها أو بابا يشوفني. كدا أنا اكلمها واقعد معاها من غير ما مامتها تشك، في أى حاجة ولو حد شافني هقول أن المدرس بيديني درس أنا كمان عند صاحبي عبدالرحمن…
تاليا…
عبدالرحمن بلغني باللي حصل وغيرنا الخطه. وقررنا نقرب كمال وأميرة مع بعض… وأنا هبقي اتصرف مع رزان..
منال…
سوزان طلبت مني أننا نخرج لأن إجازة آخر السنه قربت تنتهي وكلمت محمد وقولت له يلا نروح الملاهي علشان الأولاد تنبسط.
سوزان….
قررت ألعب مع يوسف اخويا بس بطريقتي الخاصة.
وطلبت من ماما منال تخرجنا وفعلاً اتفقت هى وبابا وروحنا الملاهي وأول ما وصلنا قولت ل يوسف شايف اللعبه اللي ع شكل مقص.دى اهو دى بقي لعبه للكبار بس علشان الأطفال بتكون ضعيفة،..وبتخاف. زيك كدا أنت متقدرش تركبها. والراجل اللي واقف بيشغلها هيرفض يركبك فيها…
وتحديت.يوسف اللى قرر أنه يطلب من شاب يقطع له تذكرة وراح عند العامل وقال له أنا هحجز كرسي ل بابا وطبعاً منزلش وأول ما اللعبه اشتغلت وبدأت تلف وتتشقلب وقع يوسف من اللعبه ورأسه اتفتحت🤣 وبابا خده بسرعة للمستشفى 😏ولسه عا'يش…
محمد….
اتفاجئت ب الناس بتصر'خ. وسوزان بتجري عليا وبتقولي يا بابا الحق يوسف وقع وهو بيلعب وجرينا أنا ومنال واخدت يوسف ع المستشفى ودخل الطوارئe وسألت سوزان ايه اللي حصل مش كنتوا بتلعبوا الحصان ايه اللي خلاكم تروحوا هناك…
ولقيت سوزان بتقولي…
سوزان…
يا بابا أنا كنت واقفه مع يوسف وشفنا لعبه المقص، وعجبته بس أنا قولت له دى بتاعت الكبار بس.
وأنا كان عليا الدور أركب الحصان وأول ما خلصت لقيت الناس بتصر'خ. أنا معرفش ليه مسمعتش كلامي😭😭
عزيزة…
بقولك يا عادل هاتلي شويه طلبات وانت جاى علشان المدرسة جايه تدي ل وليد الدرس ومينفعش أخرج واسيبها..
وقصدت اكون موجودة رغم وجود حماتي في البيت لكن كنت عاوزة اعرف منها مستوي وليد وخصوصاً أن مافيش حد يشوفني إلا ويشتكي من شقاوته. مع أنه في البيت هادي جدا..
والغريب أن المدرسة فضلت تشكر في أخلاق وليد وأنه متفوق جدااا 🤔 🤔 اومال ليه المدرسة والجيران بيشتكوا..
أكيد الكل غيران من ابني طبعاً ما هو طالع شبهي قمر…
الشيخ عمار….
وبعدين يا رشا الأطفال ابتدت تنفذ.الخراب، ع الأرض. لازم ندخل
رشامنصور…
للأسف أحمد لوحده مش كفايه محتاجه ع الأقل خمسة من المحا'ربين.. الجن، اللي مع الأطفال قوي، وأنت شوفت اللي حصلك منهم…