رواية كبيره البلد والسر المدفون الفصل الثاني2والاخيربقلم هوايد زغلول
مالك كان واقف قدام باب الدار وعينه فيها لهفه ممزوجة بجرح قديم اول ما شاف حورية داخلة عليه لوحدها ابتسم بسخرية وقال وهو متعمد يستفزها
مالك
معقولة كبرت البلد جايه لحد عندي بنفسها كده يا حورية ايه الحكاية وحشتك ولا ايه ولا تكوني جيه مخصوص علشاني
حورية بصت له بجمود ملامحها قاسية كأنها دفنت جواها كل حاجة زمان وقالت بصوت ثابت
حورية
بقولك ايه يا مالك ابعد خالص عن خيتي انت سامع ولا ما سمعتش وبالذات انك عارف كويس ان ما بينا بحر دم ومستحيل اخليك تقرب منها
مالك ضحك ضحكة قصيرة وقال وهو بيهز راسه
مالك
والله الكلام ده تروحي تقولي لاختك مش ليا وبعدين ايه اللي حصل يعني عشان تيجي تقولي الكلام ده احنا ما كملناش دقايق واقفين سوا ولا انتي غيرانة وجاية مخصوص ليا
حورية شددت على ايديها وقالت بنبرة غليظة
حورية
كل اللي في دماغك ده شيله خالص واللي كان بينا زمان انا دفنته اول ما دفنت ابويا
مالك قرب خطوة وقال بعصبية ممزوجة بسخرية
مالك
هو انتي مفكر الوش الخشب اللي انتي عاملاه ده هيخليني اصدق انك اتغيرتي لا انتي لسه نفس حورية اللي اعرفها بس بتلعبي دور التقيلة عليا
وقرب منها اكتر وبصلها في عينها بقوة لحظة سكون خلت الجو يتجمد حورية ارتبكت لحظة وبعدين رفعت صوتها
حورية
ابعد عني خالص واخر مرة اقرب مني بالشكل ده واديني حذرتك لو قربت من ليل تاني
مالك ابتسم ابتسامة مستفزة وقال
مالك
هتعملي ايه يعني اخرك ايه وانا عارف كويس انك مستحيل تأذيني ولا حاجة وعيونك دي مش بتخوف
حورية بصت له ببرود وقالت
حورية
تمام يا مالك انت اللي جبته لنفسك
وسابته ومشيت وهي نار الغضب جوه قلبها مولعة
تاني يوم كانت حورية واقفة مع محروس اللي كان دراعها اليمين في كل حاجة وقالت له بصوت حاد
حورية
ها يا محروس اللي انا عايزاه يتنفذ النهارده سمعت ولا لا
محروس هز راسه بخوف وقال
محروس
اللي تؤمري بيه يا كبيرة وخبر موت مالك هيكون عندك خلال ساعات
ومشي بسرعة
بعد وقت رجع محروس ووشه باين عليه التوتر وقبل ما يتكلم حورية قامت من مكانها وقالت بعصبية
حورية
انا عايزة افهم الطلب اللي طلبته فين تنفيذه لحد دلوقتي ازاي كل ده ولسه ما حصلش حاجة
محروس بارتباك
حقك عليا يا كبيرة بس والله خيتك الانسه ليل كانت قاعدة معايا وده اللي عطلني
حورية بصت له ببرود وقالت
حورية
امشي من قدامي ومش عايزة اسمع صوتك
بعدها راحت على ليل واقفة قدامها وعينها فيها غضب
حورية
انا عايزة افهم كنتي قاعدة مع مالك بتعملي ايه وانا ما قلتش ما لكيش دعوة بيه
ليل ردت بعصبية
ليل
وانتي بقيتي شايفة نفسك عليا يا حورية انا حرة اقعد مع اللي انا عايزاه وهو طلع ابن عمي وبعدين ايه يعني
حورية قربت منها وقالت بحدة
حورية
اخر مرة اقولك ما لكيش دعوة بيه سامعة
وسابتها ومشيت وهي مشتعلة من الغضب
بالليل كانت حورية واقفة مع رجالها بتتابع شغل الذهب اللي مخبياه والجو كان تقيل وفجأة مالك دخل عليهم فجأة
واحد من الرجالة حاول يمنعه لكن مالك شد حورية من وسطهم وطلعها برا
حورية بصت له بعصبية وقالت وهي بتفلت ايده
حورية
انت اتجنيت ايه اللي بتعمله ده سيب ايدي وانا حذرتك قبل كده
مالك مسكها جامد وقال بصوت عالي
مالك
اخرسي وبطلي اللي انتي فيه ده انتي مفكرة صوتك العالي هيخوفني انتي عبيطة ولا ايه البوليس دلوقتي جاي علينا وانا جاي اخدك عشان ما يتقبضش عليكي
حورية ضحكت بسخرية وقالت
حورية
حلو الكلام ده بس انت ناسي ان ابوك كان له دخل في كل اللي حصل وبعدين انا مش هقف هنا واسيب حقي
مالك بص لها بوجع وقال
مالك
حرام عليكي كل ده ابويا راح وابوكي راح انتي عايزة توصلي لايه يعني هتقتلي اللي بتحبيه
حورية صرخت
حورية
ابعد عني الكلام ده مش وقته ولا مكانه
مالك وقف قدامها وقال بصوت مكسور
مالك
انا زهقت من التمثيلية دي خلينا نخلص بقى
وطلع مسدسه وحطه في ايدها وقال
مالك
خلاص خلصي عليا لو انتي فعلاً عايزة تاخدي حق ابوكي
حورية مسكت المسدس وبصت له لحظة صمت طويلة عينيها مليانة نار ووجع وبعدين رفعت السلاح في وشه
وقالت
حورية
انت فاكر اني بخاف من مسدس لا يا مالك لو هجيب حق ابويا هجيبه بدم قلبي مش بحته سلاح
ورمت المسدس على الأرض ومشيت من قدامه وهي مكسورة من جواها قبل ما تكون قوية قدامه
ليل كانت واقفه وجنبها شنطة هدومها وعيونها مليانه دموع ودخلت حورية عليها وقالت بصوت عالي فيه عصبية وخوف
حورية
لما خلاقتك يا بت انتي رايحة على فين كده ان شاء الله هو انتي فاكرة ان البيت ده مفيهوش بواب ولا رجاله ولا ايه انتي اتجننتي ولا ايه
ليل بصت لها وهي بتعيط وقالت
ليل
اني مش هقعد في البيت ده لحظه واحده ابويا ضاع وامي ضاعت ومش هستنى اضيع انتي كمان مني انا مش هفضل هنا تاني
حورية قربت منها وقالت بوجع مكتوم
حورية
ايه الكلام اللي انتي بتقوليه ده انتي رايحة فين طب وانا هعيش كيف من غيرك انا مش ليا غيرك انتي عايزة تسبيني ليه كده
ليل ردت وهي بتنهار
ليل
اني عرفت كل حاجة شغل الذهب اللي انتي داخلة فيه غلط وحرام واني مش قادرة اعيش معاك وانت ماشية في الطريق ده
حورية شددت على نفسها وقالت
حورية
مالك هو اللي شحن دماغك مش كده هو عايز يفرق بينا وانتي سايبة دماغك ليه له
ليل مسحت دموعها وقالت
ليل
مالك ما قالش حاجة غير انه كان عايز يعرف انتي فين بس واني اللي روحت سألته وعرفت كل حاجة وبعدين شفتك بعيني
حورية بصت لها وقالت بعصبية
حورية
الفلوس اللي بناكل ونشرب منها دي جاية منين انتي فاكرة الدنيا سهلة كده ولو مش وقفت الشغل ده هنعيش ازاي هنشحت يعني
ليل صرخت
ليل
مش عايزة اعيش كده حتى لو ناكل عيش وملح بس بالحلال مش بالطريق ده
حورية قالت وهي ببرود
حورية
الدار مفتوح اهو اللي عايزة تمشي تمشي محدش ماسكك غصب عنها
ليل مسحت دموعها وقالت وهي بتتوجع
ليل
همشي بس خليكي فاكرة انك هتفضلي لوحدك طول ما انتي ماشية في الطريق ده وربنا هيحاسبك
ليل خدت شنطتها ومشت وحورية فضلت واقفة مكانها مش عارفة هي كسبت ولا خسرت
بعد شوية ليل كانت ماشية في الشارع والخوف مالي قلبها فجأة موبايلها رن
حورية
كنت عارفة انك مش هتقدري تسبيني ارجعي وانا هعملك كل اللي انتي عايزاه اوعدك هبطل كل الشغل اللي بشتغل فيه
ليل بصوت مكسور
ليل
الحقيني يا حورية اني اتخطفت مش عارفه انا وين وخايفه جدا
حوريه
اي الكلام ده خيتي ردي عليا
وفجأة الراجل مسك الموبايل وقال
زين
كنا فاكرين اللعب هيبقى سهل يا كبيرة فين الذهب اللي اتفقنا عليه
حورية بصت بغضب وقالت
حورية
خيتي مالهاش دعوة باللي انتوا فيه ابعدوا عنها لو جرالها حاجة مش هرحم حد فيكم
زين اقعد و قال ببرود
زين
خيتك عندنا ولو الذهب مجاش بكرة متلوميش غير نفسك
وقفل السكة
حورية وقعت في حيرة مش عارفة تعمل ايه فجأة ركبت عربيتها وراحت على بيت مالك خبطت عليه ودخلت وهي منهارة
مالك
في اي يا حوريه اي اللي جابك تاني
وبعدها لقاها دموعها علي خدها وبعدين قال
حورية
اختي اتخطفت بسببك انت انت السبب لولا انك بلغت عن مكان الذهب وجيت كنت زماني طلعت الذهب دلوقتي
ومكنتش حوصل حاجه ل خيتي
مالك مسكها وقال بهدوء
مالك
اهدي بس واحكيلي ايه اللي حصل بالظبط
حورية حكت له كل حاجة ومالك اتغير وشه وقال
مالك
اطمني انا هرجعها بس لازم نتحرك بسرعة
وركبوا العربية واتجهوا لمكان زين وكانت عربيات الشرطة قريبة من المكان
مالك
ما تنزليش انتي سامعة خليكي هنا
حورية صرخت
حورية
لا انا هدخل بنفسي انا لا يمكن اسيب خيتي مهما حوصل ايه
مالك شدها وقال
مالك
بطلي عناد بقى ده مش وقتك لو عايزه اختك تخرج سليمه هتفضلي قاعده هنا ومش هتتحركي من العربيه احمدي ربنا اصلا ان انا جبتك معايا
لكنها دخلت وهي مش شايفة قدامها من الخوف
الاشتباك حصل والشرطة دخلت والرجالة اتقبض عليهم
وفجأة مالك اتصاب في دراعه
حورية جريت علي ليل وهي منهارة وخدت ليل في حضنها
حورية
حقك عليا يا خيتي والله ما هسيبك تاني ابدا اوعدك اني مش هعمل اي حاجه غلط في حياتي من هنا ورايح
ليل وهي بتبكي
انا خايفة على مالك لو حصل له حاجة انا السبب
اتصاب جوا علشان يخرجني
حورية بصت له وهو بيتنقل للاسعاف
تاني يوم في المستشفى ليل وحوريه كانو واقفين جمب السرير
ليل
الف سلامة عليك يا ولد عمي انت تعبت نفسك علشاننا
مالك ابتسم وقال
مالك
دي اقل حاجة اعملها معاكي
وبعدها بص لحورية وقال
مالك
عايزك تسمعيني كويس يا حورية
حورية بصت له وقالت
حورية
قول
مالك
انا عارف اني كنت غلطان في حاجات كتير
ما كانش ينفع اسيب البلد وامشي مع ابويا وكان لازم اعدي واجبي حتى لو كان ايه وابلغ عن اللي قتل ابوكي
بس انا كنت جبان ساعتها وما قدرتش اني اعمل كده في ابويا بس الاثنين راحوا وخلاص
حورية دموعها نزلت وقالت
حورية
قوم بس بالسلامة وبعدين ربنا يحلها
ليل ضحكت وقالت
ليل
ما بلاش تمثيل بقى انا عارفة انك بتحبي يا حورية اقول له على اللي حصل منك ليله عشيه
حورية بصت لها وقالت
حورية
اسكتي يا بت عاد
ليل
لا مش هساكت دي كانت عامله تبكي طول الليل وبتقول ان هي السبب في اللي حوصل
مالك ابتسم وقال
مالك
انا بحبك يا حورية ومش هقدر اعيش من غيرك
وعايز اتجوزك
حورية سكتت شوية وبعدين قالت
حورية
لما تقوم بالسلامة ربنا يعمل اللي فيه الخير
وبعدها مالك قام من المستشفى وبدأت صفحة جديدة بين كل واحد فيهم حورية رجعت تاني للحلال وابتدت تبعد عن الطريق الغلط وليل فضلت جنبها