رواية احبني اثنين ولكن الفصل الثاني2بقلم لولو وائل
محمد وسيف بيبصو لبعض بغيظ : حياتك
كريم: مالكو اضايقتو ليه اه حياتى وروحى كمان
مها بصوت واطى لكريم:كفايه يا كريم العيال هيولعوا فيك وفيها
كريم بصوت واطى لمها: سبينى اغظهم شوايه
مها بصوت واطى وبضحك لكريم: يابنى حرام عليك
مريم: انتى بتتودودو فى اى هما اضيقوا لى هما اول مره يعرفو انى بحب كريم
سيف: مين ياختى
مريم: بقول بحب كريم اخوك
محمد: وده من امتى ده
مريم: من بدرى اوى
سيف ومحمد : طب واحنا
مريم: انتو اي
سيف ومحمد: بالنسبالك اي
مريم: اخواتى الكبار وولاد خالتى
سيف ومحمد بيبصو لبعض بصدمه:نعم ياختى
كريم بضحك: الله يخربيتك يا مريم هيموتونا دلوقتى
مريم: ليه انا قولت حاجه غلط
كريم: قولتى حاجه لا مقولتيش حاجه غلط خالص
مريم:طيب هما اضايقوا ليه
كريم: مريم عايز اتكلم معاكى على انفراد
مريم: ماشى يلا
سيف بعصبيه: ماشى اى ويلا فين مش هتروحو فى حتى هتتكلمو هنا
مريم:انت متعصب ليه هروح معاه انت مين علشان تمنعنى
سيف بعصبيه وزعيق: مريم متعصبنيش عليكى مش هتروحى فى حتى قولت
كريم بزعيق: سيف انت بتزعقلها فى وجودى ولا اي انت اتجننت هتروح معايا
محمد بعصبيه:كريم بلاش زعيق وخناق انت عارف احنا مش عايزين ليه
مريم: مش عايزين ليه؟؟
محمد وسيف: علشان
كريم: مش علشان حاجه يا مريم عايز اتكلم معاكى تعالى
مسك كريم مريم ومن ايديها ومشى
محمد بعصبيه: اخوك مش عايز يجبها لبر ليه يا سيف خد البت ومشى برضو
سيف: يعنى انا الى فرحان بالى هو عمله منا مضايق زى زيك
محمد: اما نشوف اخرتها
عند كريم ومريم
مريم: نعم يا كريم قول كنت عايز اي
كريم: انتى بتحبينى بجد زى ما قولتى بره
مريم: كريم انت زى اخويا الكبير انا بحبك وبعزك جدا
كريم فى نفسه: كويس انها جت على محبة الاخوه علشان كانوا هيولعوا فيا
مريم: كريم انت روحت فين
كريم : لا مفيش بصى يا مريم انا كنت عايز اقولك سبب ضيق محمد وسيف منك علشان هما خايفين يقولولك
مريم: هو فى سبب علشان يضيقوا منى انا عمرى ما كلمتهم وحش
مريم فى سرها: يارب الى فى بالى يكون غلط
كريم: انتى معملتيش حاجه بس فى سبب تانى
مريم فى سرها: استر يارب
مريم: اى هو السبب
كريم: انهم بصراحه يعنى انهم بيحبوكى
مريم بصدمه:نعم
كريم: انا عارف ان الموضوع غريب وكمان صعب أن اتنين يحبوكى فى وقت واحد بس انا منعت سيف وهو مسمعش منى ومها منعت محمد وهو برضو رافض
مريم: وانا مطلوب منى اي احب الاتنين
كريم:لا المطلوب تختارى واحد منهم
مريم: كريم انت عارف انت بتقول اي
كريم: عارف يامريم وفاهم انتى عايزه تقولى اي لو اخترتي واحد التانى هيزعل بس بعدين هينسى
مريم:كريم الحب مش حاجه سهله ولو حد قلبه اتكسر وزعل صعب انو يرجع زى الاول وحالته النفسيه مش هتبقى احسن حاجه وحاجات تانيه اصعب
كريم: مريم انتى بتحبى حد منهم
مريم: لا يا كريم انا بحبهم زى اخواتى وصعب اختار ما بينهم هما يستحقوا واحده احسن منى
كريم: مش عارف اعمل اي بس الى فى الخير يقدمه ربنا وكل واحد مش هيبقى عارف نصيبه مع مين
مريم: بالظبط كل واحد ممكن يكون نصيبه مع غيرى مش معايا انا
كريم: طب حاولى تدى لنفسك فرصه تحبى واحد منهم
مريم: الحب مش بالعافيه يا كريم وانا مش هجبر نفسى احب حد منهم غصب عنى سيبها على ربنا
كريم: ونعم بالله ماشى يا مريم اعملى الى يعجبك يلا نخرج علشان ميولعوش فينا
بعد ما خرجو مريم وكريم لقوا سيف ومحمد قاعدين مستنينهم
كريم: قاعدين زى الستات المطلقه كده ليه
محمد: خلصت كلام مع حياتك
سيف: كنت عايزها فى اى بقى
مريم: انا هقولك تعالى معايا يا سيف عايزه اتكلم معاك
سيف بفرحه : بجد يلا بينا
محمد بضيق: واشمعنا هو منا استنيت زيه ويمكن اكتر منه
سيف: يا ابنى متبقاش قاطع أرزاق سبنى اعرف عايزانى فى اي
مريم: يلا
مريم اخدت سيف ومشيوا وفضل محمد مضايق
سيف بفرحه: كنتى عايزانى فى اي
مريم: سيف انت بتحبنى
سيف بصدمه: انتى عرفتى منين اكيد كريم الى قالك صح
مريم: جاوب على قد السؤال
سيف: بصراحه اه انا بحبك اوى فوق ماتتخيلى ومش متخيل انك تكونى لحد غيرى
مريم: سيف وانت عارف انى بحبك صح
سيف بفرحه: بجد لا مكنتش اعرف انك بتحبينى زى ما بحبك
مريم: زى اخويا يا سيف مش زى الى فى دماغك
سيف بزعل: وبعدين يعنى مش فاهم انتى عايزانى فى اي
مريم: سيف احنا مش هينفع نكون مع بعض انا مش ببدلك نفس الشعور انت زى اخويا وبس ومش هقدر اعتبرك حاجه تانيه ومش عايزاك تزعل منى
سيف بزعل: يعنى اي يعنى انتى بتحبى محمد
مريم : لا مش بحب محمد انا بحبكو زى اخواتى وبس ومعنديش حاجه تانيه اقولها غير انسانى يا سيف
سيف: انا بحبك يا مريم وعمرى ومهقدر انساكى فى حياتى
مريم بفقد الأمل: يعنى ده اخر كلام عندك
سيف: اه
مريم:طيب
وخرجت مريم بره وخرج سيف وراها
محمد: خلصتى كلام معاه كنتى عايزاه فى اي
مريم: تعالى يا محمد انا عايز اتكلم معاك انت كمان
محمد: تعالى
مها لكريم : هى مريم كل شوايه تاخد واحد تكلمه ليه هو اى الى حصل
كريم: انا قولت لمريم على كل حاجه
مها: اي طب وهى بتحب مين
كريم: مش بتحب حد بتحبنى انا
مها بضيف: نعم
كريم بضحك: انتى بتغيري ولا اي
مها: كريم متهزرش
كريم: مش بتحب حد يا ستى وانا بتحبنى زى اخوها الكبير اوعى تكونى بتحبينى يا مها
مها: ايه مين انا لا طبعا
كريم: مهو واضح انا رايح اشوف سيف
مها: ماشى يا اخويا روح شوف سيف
مها بضيق: كل الى همو سيف ومريم وبس دلوقتى بس اقدر اقول انا عرفت انت بتحس بإيه يا محمد لما بتحب حد من طرف واحد وهو ولا معبرك
عند مريم ومحمد
محمد:عايزانى فى اي يامريم استنى قبلها كنتى عايزه سيف فى اي
مريم: محمد انا هسألك سؤال وياريت تجاوب على قد السؤال
محمد: اسألى
مريم: محمد انت بتحبنى
محمد: اه يا مريم انا بحبك من واحنا اطفال بحبك لدرجه انتى عمرك متتخيليها انا بموت فيكى يا مريم
مريم: محمد انت عارف انى بحبك زى اخويا بس ومش اكتر من كده محمد انا مش عايزه أظلمك حاول تنسانى وتشوف واحده احسن منى تستاهل الحب ده وتقدره مش انا
محمد: مريم انتى بتحبى سيف
مريم: لا مش بحب سيف وعلى فكره قولتلو نفس الكلام
محمد: مريم انا عمرى ما هحب حد غيرك ومش هقدر انساكى ومش هسيبك تروحى لغيرى لو حصل اي
مريم : أدى نفسك فرصه وفكر على الأقل
محمد:مستحيل مش هقدر اسيبك
مريم: براحتك يا محمد انا قولتلك إلى عندى
محمد: مريم استنى
مريم: مفيش كلام تانى بينا يا محمد عن اذنك
بعد ما مريم خرجت
محمد: انا عمرى ما هسيبك وهتكونى لياا يا مريم وهخليكى تحبيني وهتشوفى يامريم
عند سيف
كريم: مالك يا سيف
سيف: مريم مش عايزانى يا كريم انا بحبها وعمرى ما اذتها بس هى مش بتحبنى ليه
كريم: مريم صعب عليها تختار بين اتنين بيحبوها فى نفس الوقت مش عايزه تجرح حد فيكو فهمت
سيف: ده وعد منى يا كريم انا عمرى ما هسيبها وهخليها تحبنى وتكون معايا انا وبس مش مع حد غيرى
كريم:ربنا يهديك يا سيف والى فى الخير يقدمه ربنا
مها: يلا يا كريم انت وسيف الاكل جاهز
على السفره
ياسمين: مالكو يولاد ساكتين ليه
سيف : مفيش ياخالتو
ياسمين: مفيش ازاى شكلكو مضايق اوى
محمد:مفيش يا ماما اصل
سلمى : فى اي يابنى اى حد فيكو يقول فى اي
مريم: مفيش ياماما اصل يعنى
سلمى: اصل اي يا بنتى
مريم: هيبقى عندنا خطوبه فى البيت