رواية فتاة ضابط المخابرات الشقراء الفصل الثالث3 بقلم تقي محمد عبدالرحمن

الزنبقة قبل ما تموت، خبت حاجة. ملف. اسمه 'ملف برلين'. فيه أسماء كل عملاء الـKGB اللي اتزرعوا في أوروبا بعد سقوط السور. لو الملف ده ظهر، نص حكومات أوروبا الشرقية هتقع. وفيكتور دلوقتي رجل أعمال ملياردير، بس ماضيه مع الـKGB لسه بيطارده. هو مقتنع إن أمك قالت لأبوكي مكان الملف، وأبوكي سابهولك أنتِ."  

مايا هزت راسها بجنون: "أنا معرفش حاجة! أبويا عمره ما قالي! كل اللي سابهولي ورقة محروقة وصورة!"  

آدم عينه لمعت: "صورة؟"  

مايا اترددت. "متثقيش في حد". ده اللي أبوها كتبه. بس الراجل ده لسه منقذ حياتها من 10 دقايق.  

طلعت الصورة من جيبها وادتهاله.  

آدم مسك الصورة وبص فيها. سكت 30 ثانية كاملة. صوابعه اترعشت وهو ماسكها.  

"اللي في النص دي أمك. إلينا فايس. الزنبقة الشقراء. وده أبوكي. والطفل اللي على كتف أبوكي..."  

سكت.  

"ده أنا."  

مايا بصتله بصدمة. الطفل اللي في الصورة عنده 7 سنين، نفس الجرح اللي فوق حاجبه الشمال موجود.  

"أنت كنت عارفها؟"  

"كانت... كانت بتربيني.